CWRDD Â'N HYFFORDDWYR

Canolfan Hyfforddi Prifysgol De Cymru

Mae Prifysgol De Cymru wedi bod wrth wraidd ymarfer hyfforddi a mentora gwych yng Nghymru ers dros 13 mlynedd, gan eiriol dros gydnabod hyfforddi a mentora fel proffesiwn mesuradwy. Mae gennym set o safonau ansawdd y mae ein hyfforddwyr yn gweithio iddynt sy'n sicrhau eich bod yn derbyn gwasanaeth gyda'r hyfforddwyr o'r ansawdd gorau sydd ar gael.

Mae pob un o'r hyfforddwyr y byddwch chi'n gweithio gyda nhw drwy Ganolfan Hyfforddi PDC wedi cael asesiad cymhwysedd trwy fod wedi ennill Tystysgrif Lefel 7 ILM mewn Hyfforddi Gweithredol a Mentora Arweinyddiaeth (neu gymhwyster cyfatebol ar yr un lefel). Mae'r hyfforddwyr yn ymgymryd â DPP yn weithredol o fewn y maes hyfforddi i sicrhau eu bod yn meddu ar y wybodaeth ddiweddaraf am dueddiadau cyfredol mewn hyfforddi a bod ganddynt brofiad sylweddol o weithio gyda chleientiaid o bob sector. Maent yn cael eu hasesu o ran ansawdd bob blwyddyn gan ddarparu tystiolaeth o DPP, goruchwyliaeth ac ymarfer.

Mae Prifysgol De Cymru yn hyrwyddo DPP a rhannu arfer gorau trwy ei Grŵp Cymheiriaid Cymorth Hyfforddi; rhwydwaith misol gweithredol.

Mair Barron

Yn hyfforddwr arweinyddiaeth cymwys a phrofiadol, mae portffolio cleientiaid Mair yn cynnwys rheolwyr canol ac uwch-reolwyr sydd eisoes yn llywio sefydliadau, neu sydd ar fin camu i fyny i'r cyfrifoldeb hwn. Mae Mair yn cefnogi arweinwyr i gydbwyso nodau heriol a newid sefydliadol yn ofalus ar adeg pan fo ffiniau traddodiadol yn newid yn gyflym. Yn angerddol am bobl, mae Mair yn ysbrydoli hyder, gan helpu unigolion i fod y fersiwn orau ohonynt eu hunain, a chyflawni eu nodau a'u dyheadau gyrfa.

Sally Crompton

Nid yw llwyddo yn ein hymdrechion yn ymwneud ag eglurder nodau a chamau gweithredu, a datrys problemau ac adeiladu perthnasoedd effeithiol yn unig; mae hefyd yn gofyn ein bod yn deall ein hunain – ein cymhellion, ein credoau, ein cryfderau a’n gwendidau. Rwy'n defnyddio technegau o fyd NLP i'ch helpu i ddatgelu'r rhain a datblygu meddylfryd cadarnhaol a defnyddiol. Rwy'n eich cefnogi i wynebu a goresgyn eich heriau trwy hwyluso sgwrs onest gyda chi'ch hun lle rwy'n gofyn cwestiynau ac yn defnyddio offer hyfforddi effeithiol i gynhyrchu myfyrdod a mewnwelediad dwfn ynghyd â strategaethau ymarferol a fydd yn diwallu eich anghenion a'ch nodau.

Bob Fleck

Hyfforddwr altrwistaidd sy'n arddangos ymddygiadau cymedrol wrth weithio er llwyddiant y cleient. Rwy'n gweithio gyda manylion tra'n cadw cydbwysedd gan gamu i ffwrdd i fod yn y foment o fewn cyd-destun busnes a sefydliadol. Rwy'n defnyddio dull hyfforddi adeiladol, hamddenol, sy'n canolbwyntio ar nodau, nes bod fy nghleient angen addasiad 'chameleonesg' ynof fi.

Rwy'n gallu cael mynediad at sgiliau hyfforddi sy'n cynorthwyo datblygiad sgiliau echddygol y cleient ac yn cefnogi ymarfer gweithredol o sgiliau trosglwyddadwy i'r gweithle neu'r maes chwaraeon. Mae fy amlygiad i chwaraeon yn darparu ystod eang o sgiliau holi a hwyluso gyda'r gallu i gwmpasu dulliau dysgu addysgeg i andragogig sy'n arbennig o briodol yng nghyd-destun dadansoddi trafodion.

Pam Heneberry

Fy angerdd yw gweithio gyda Menywod mewn Arweinyddiaeth, cyflwyno rhaglenni hyfforddi Llesiant a Chydnerthedd a hyfforddiant un i un.

Rydw i wedi gweithio fel hyfforddwr am y 10 mlynedd diwethaf ac mae gen i gleientiaid yn y sector cyhoeddus a'r sector preifat. Fel hyfforddwr, rwy'n defnyddio llawer o fodelau a damcaniaethau, gan gymryd dull hyblyg ac eclectig yn dibynnu ar anghenion y cleient. Fy nod mewn hyfforddiant 1:1 yw creu gofod sy'n caniatáu i gleientiaid fyfyrio'n feirniadol ar eu problemau ac archwilio amrywiaeth o opsiynau a safbwyntiau.

Miles Huckle

Fel hyfforddwr, rwy'n tueddu i weithio gyda gweithwyr proffesiynol sydd wedi mynd yn sownd mewn rhyw ffordd. Mae sefyllfaoedd enghreifftiol yn cynnwys deinameg tîm nad yw'n ddefnyddiol, anhawster i reoli eraill, dioddef o syndrom y ffugiwr, neu arweinwyr sydd angen rhywun annibynnol i siarad â hwy i'w herio a'u cefnogi. Rwyf wedi fy achredu gyda'r Ffederasiwn Hyfforddwyr Rhyngwladol (ICF) ac yn cefnogi gweithwyr proffesiynol mewn nifer o sefydliadau yn y DU a thramor. Rwy'n mwynhau gweithio gyda phobl sydd mewn proses o newid ac yn gallu meithrin perthnasoedd cryf. Mae adborth rydw i wedi'i dderbyn gan gleientiaid hyfforddi yn gyson yn nodi gwerthfawrogiad o'r amgylchedd ymddiriedus rydw i'n helpu i'w greu, gan ddarparu'r lle a'r amynedd sy'n angenrheidiol i helpu i ddatgloi patrymau persbectif ac ymddygiad cyfredol. Rwy'n hyfforddi unigolion, grwpiau a thimau ac yn aml gofynnir i mi helpu i hwyluso mewn sefydliadau sy'n anochel yn tynnu ar fy null hyfforddi.

Mary Hughes

Mae'r weithred o hyfforddi yn cyrraedd yn ehangach na'r person sy'n cael ei hyfforddi, a dyna pam rwyf mor ymroddedig i'r Proffesiwn - mae'n cyd-fynd mor dda ag economi wybodaeth gysylltiedig a rhwydweithiol heddiw.  O ganlyniad, rwy'n cymryd dull perthynol, un sy'n ymwneud â meddwl yn eang ac yn ddwfn am gysylltiadau - pob math o gysylltiadau - ac rwy'n cael fy swyno gan y ffordd y mae'r rhain yn cael eu dwyn i gof gan fy nghleientiaid.  Rwy'n clywed am gymeriadau, sefyllfaoedd, syniadau, gwrthrychau a theimladau wedi'u plethu at ei gilydd fel straeon sy'n darparu strwythur perffaith i wneud synnwyr a chwilio am ystyr.  Mae gen i set sgiliau creadigol rwy'n eu defnyddio i ennyn chwilfrydedd ac ymholi.  Fy addewid yw gwrando'n ddwfn er mwyn i mi allu herio oherwydd dyma sut y gallaf helpu cleientiaid nid yn unig i ddod o hyd i'w hatebion eu hunain ond i ddod yn fwy grymus.

Dr Judith Ingram

Mae profiad helaeth o weithio yn y sector cyhoeddus yng Nghymru, yn bennaf ar lefel strategol uwch, wedi rhoi dealltwriaeth uniongyrchol i mi o werth, manteision a mewnwelediadau hyfforddi i unigolion, timau a sefydliadau.  Ers ennill cymhwyster hyfforddi ILM yn 2011, rydw i wedi hyfforddi cydweithwyr ar draws y sectorau cyhoeddus a gwirfoddol yng Nghymru, wedi gweithio fel rhan o Rwydwaith Hyfforddi Llywodraeth Cymru ac wedi cyflwyno ystod o hyfforddiant a thiwtora sy'n gysylltiedig â hyfforddi.  Yn 2017, des i’n Ymarferydd Hyfforddi amser llawn i hyrwyddo llesiant yn yr ystyr ehangaf drwy ddatblygiad unigol a sefydliadol.

Rwy'n mwynhau gweithio gyda hyfforddeion i gynnig hyfforddiant sy'n hyblyg, yn canolbwyntio ar y person, yn greadigol ac yn ymatebol i anghenion unigol.  Rwy'n agored ac yn onest, gan ddarparu lle a chefnogaeth i hyfforddeion fyfyrio ar eu problemau a'u hadolygu o safbwyntiau newydd a chyflawni eu nodau. 

Gaynor Lewis              

Gyda brwdfrydedd dros alluogi pobl i dyfu, datblygu a chyrraedd eu potensial llawn – mae Gaynor yn credu bod hyfforddi yn gynhwysyn allweddol i gyflawni llwyddiant personol a sefydliadol.  Yn darparu'r 'sgaffaldiau' i wneud i newid effeithiol ddigwydd ar lefel bersonol ac yn y gweithle, ac yn hanfodol wrth ymgorffori dulliau newydd.  Mae gan Gaynor brofiad helaeth o hyfforddi unigolion ym mhob cam o'u gyrfa, gyda gwerthfawrogiad o'r tensiwn a'r heriau a wynebir ar y lefel strategol.  

Amanda Morgan

Mae hyfforddiant gweithle Amanda yn defnyddio dull sy'n seiliedig ar ganlyniadau, gan greu cynghrair yn seiliedig ar ymddiriedaeth a chysylltu â chanlyniadau busnes. Nod sgyrsiau hyfforddi Amanda yw darparu amgylchedd lle gall pobl dyfu.

Mae egwyddorion arweiniol Amanda yn ymwneud â bod yn y foment; gwrando i ddeall; archwilio opsiynau a herio meddwl. Mae hi'n gofyn y cwestiynau a fydd yn helpu unigolion i greu eu hateb eu hunain; ail-lunio sefyllfaoedd gan roi'r cyfle i weld golwg fwy cytbwys ar bethau; ac asesu effaith gadarnhaol newid ymddygiad.

Martyn Rogers

Mae Martyn yn Hyfforddwr Gweithredol gyda dros bum mlynedd ar hugain o brofiad hyfforddi ymarferol gyda staff rheng flaen i uwch aelodau bwrdd.

Mae Martyn yn credu bod hyfforddi i gyd yn ymwneud â grymuso, gyda rôl yr hyfforddwr yn helpu pobl i gael gwared ar rwystrau i'w meddwl, eu creadigrwydd a'u datrys problemau eu hunain. Mae wedi casglu a datblygu ystod eang o offer, technegau a modelau fframwaith i'w rhannu gyda'i gleientiaid er mwyn caniatáu iddynt weld eu byd o safbwynt gwahanol. Gyda dealltwriaeth ddofn o ddiwylliannau a strwythurau sefydliadol, mae ganddo angerdd dros weithio gyda chleientiaid i dyfu a rhyddhau talent pob unigolyn fel y gallant hwy a'u busnes fod ar eu gorau i ffynnu mewn unrhyw amgylchedd. 

Helen Sandford-Taylor

Mae Helen yn hyfforddwr profiadol a chymwys (Lefel 7 ILM) gyda chefndir mewn strategaeth, arweinyddiaeth ac ymgynghori busnes. Ar ôl gweithio gyda Rheolwyr Uwch ac uwch swyddogion gweithredol drwy gydol ei gyrfa, mae hi'n deall y problemau a'r heriau y mae arweinwyr yn eu hwynebu ac yn sicrhau bod seicoleg gadarnhaol yn rhan o'r hyfforddiant i sicrhau llesiant ei chleientiaid.  

Mae Helen hefyd yn gweithio gyda phobl i herio eu credoau cyfyngol eu hunain sydd weithiau'n eu hatal rhag cyflawni eu potensial llawn. Drwy ddefnyddio modelau a thechnegau hyfforddi arloesol ynghyd ag ymarfer myfyriol, bydd Helen yn gweithio gyda chi i nodi nodau personol a phroffesiynol i sicrhau eich bod yn dod yn yr arweinydd strategol ysbrydoledig hyderus y bwriedir i chi fod.

Dr Dave Tee

David yw Arweinydd Hyfforddi a Mentora Prifysgol De Cymru.  Ar ôl bod yn uwch ddarlithydd mewn seicoleg alwedigaethol yn USW ers blynyddoedd lawer, mae Dave yn Gymrawd y Brifysgol ac yn Gyfarwyddwr Canolfan Hyfforddi PDC. Gyda chefndir mewn rheolaeth weithredol ac AD yn y sector preifat, mae hefyd yn seicolegydd siartredig, ac mae'n falch o wasanaethu ar bwyllgor 'Grŵp Arbennig mewn Seicoleg Hyfforddi' Cymdeithas Seicolegol Prydain ac yn cadeirio Cynhadledd Hyfforddi Cymru flynyddol.  Yn awyddus i hyrwyddo ymarfer sy'n seiliedig ar dystiolaeth o fewn hyfforddi, mae David wedi chwarae ei ran wrth wneud Prifysgol De Cymru yn brif bartner Prifysgol ar gyfer y proffesiwn hyfforddi yng Nghymru, gan sefydlu'r Uned Hyfforddi, cyflwyno ystod o raglenni a chymwysterau hyfforddi a chynnal fforwm cyd-hyfforddi Cymdeithas Hyfforddi De Cymru. Mae diddordebau ymchwil David yn canolbwyntio ar y ffactorau sy'n gwneud gweithredwyr yn 'hyfforddadwy' ac mae ganddo ugain mlynedd o brofiad fel hyfforddwr a goruchwyliwr hyfforddi.

Dr Arthur Turner

Mae Arthur yn arbenigwr arweinyddiaeth sy'n gweithio fel ymgynghorydd annibynnol mewn amrywiaeth eang o leoliadau, a hynny mewn sefydliadau sector preifat a chyhoeddus. Mae Arthur wedi cael llwyddiant arbennig fel hyfforddwr, mentor, hwylusydd dysgu gweithredol, ymchwilydd a dylunydd rhaglenni gyda phwyslais ar amrywiaeth o brofiadau fel sbardun cadarn ar gyfer dysgu.

Mae Arthur wedi seilio ei ymarfer yn gadarn o fewn lleoliad sefydliadol; ei feysydd arbenigol yw Datblygu Arweinyddiaeth, Hwyluso a datblygu Dysgu Gweithredol a Hyfforddi Gweithredol. Yn arloesol ac yn feddwl agored, mae Arthur yn tueddu i fabwysiadu dull anghonfensiynol o hyfforddi ei gleientiaid trwy ystyried atebion a sefyllfaoedd amgen i archwilio anghenion y cleient.