Sut i ddod o hyd i gyfle

Gall sicrhau profiad gwaith fel myfyriwr prifysgol ymddangos yn heriol, ond gyda’r ymagwedd gywir, mae modd ei wneud. Gall cynllunio ymlaen llaw a chadw’n drefnus eich helpu i gydbwyso’ch chwiliad gyda’ch astudiaethau.

Rydym yn cynnig cyngor ymarferol, adnoddau i’ch helpu i lunio CV a llythyr eglurhaol o’r radd flaenaf, ac arweiniad ar bob cam o’r broses recriwtio. Yn dibynnu ar y rôl, efallai y bydd angen gwiriad DBS arnoch hefyd.

Isod, fe welwch ddolenni ac awgrymiadau defnyddiol i’ch helpu chi i ddarganfod y cyfleoedd cywir a chymryd y cam nesaf yn eich taith gyrfa.

Cefnogaeth Tîm Cwrs

Siaradwch â’ch staff academaidd a thiwtoriaid cwrs. Yn aml, mae ganddynt gysylltiadau â sefydliadau a allai gynnig cyfleoedd profiad gwaith. Ewch am sgwrs gyda nhw i weld beth y gallant ei awgrymu.

Darganfod Cyfleoedd ar CareersConnect

Dewch o hyd i gyfleoedd ar CareersConnect ar gyfer rolau tymor byr, rhithiol, haf, rhyngosod, byd-eang, mentora a gwirfoddoli.

Cyfryngau Cymdeithasol

Dilynwch eich hoff gwmnïau ar gyfryngau cymdeithasol, gan gynnwys LinkedIn. Ymgysylltwch â’u swyddi trwy hoffi a rhoi sylwadau i ddechrau meithrin perthnasoedd cyn estyn allan am gyfleoedd lleoliad gwaith. Mae rhwydweithio ar gyfryngau cymdeithasol hefyd yn cryfhau eich cysylltiadau ar gyfer chwiliadau swyddi graddedigion yn y dyfodol.

Edrychwch ar ein hawgrymiadau ar greu proffil LinkedIn a chyfryngau cymdeithasol.

Ffeiriau Gyrfaoedd a Digwyddiadau Rhwydweithio

Mynychwch ffeiriau gyrfaoedd a sgyrsiau cyflogwyr. Rydym yn cynnal digwyddiadau diwydiant-benodol, ffeiriau gyrfaoedd neu wirfoddoli cyffredinol, a chyfarfodydd cyflogwyr. Mae’r digwyddiadau hyn yn gyfle gwych i ymgysylltu’n uniongyrchol gyda darpar gyflogwyr.

Dewch o hyd i gyfleoedd profiad gwaith sy’n gysylltiedig â’ch cwrs a’ch nod gyrfa.

Targedu cyflogwyr a gwneud ceisiadau hapfasnachol

Os oes gennych ddiddordeb mewn cael profiad gyda sefydliad penodol, edrychwch ar eu gwefan a chyfryngau cymdeithasol am ragor o wybodaeth ac i weld a ydynt yn cynnig profiad gwaith. Os na, gwnewch ymholiad hapfasnachol:

Yn gyntaf, cyflwynwch eich hun, pwy ydych chi, beth rydych yn ei astudio ac am beth rydych yn edrych, er enghraifft, lleoliad 30 – 70 awr, lleoliad rhyngosod, interniaeth 10 wythnos, gwirfoddoli ac ati.
Yn ail, eglurwch eich diddordeb yn y cwmni, y rôl ei hun a sut mae hyn yn berthnasol i’ch dyheadau gyrfa. Amlygwch eich sgiliau, profiad gwaith a diddordebau.
Yn olaf, cynhwyswch eich argaeledd a’ch CV. Cofiwch ddiolch am eu diddordeb a dywedwch eich bod yn gobeithio clywed ganddynt yn fuan.

Anfonwch neges arall ar ôl dipyn a byddwch yn wydn. Mae gweithwyr proffesiynol yn aml yn brysur, ac mae’n gyffredin peidio â chael ymateb ar unwaith. Peidiwch â digalonni a cysylltwch â nhw eto naill ai trwy e-bost arall, neu alwad ffôn. Yn aml, mae angen mynd at wahanol sefydliadau mewn sawl ffordd i ddod o hyd i’r cyfle iawn i chi.

Defnyddio Eich Sgiliau Iaith Gymraeg

Os ydych chi’n rhugl yn Gymraeg - neu hyd yn oed yn dysgu - gallwch wneud y mwyaf o’ch sgiliau iaith yn ystod eich profiad gwaith. Mae llawer o sefydliadau ledled Cymru yn gwerthfawrogi dwyieithrwydd, ac mae defnyddio’r Gymraeg mewn lleoliad proffesiynol yn gallu cryfhau eich hyder, eich cyflogadwyedd, a’ch cymhwysedd diwylliannol.

Gallwch:

Siarad â thiwtoriaid eich cwrs am sut y gellid ymgorffori’r Gymraeg yn eich lleoliad.
Chwilio am gyflogwyr sy’n gweithredu’n ddwyieithog neu’n bennaf drwy gyfrwng y Gymraeg.
Archwilio llwyfannau swyddi a lleoliadau drwy’r Gymraeg, megis sefydliadau a chyfeirlyfrau sy’n tynnu sylw at gyfleoedd drwy gyfrwng y Gymraeg. (e.e. Safle Swyddi, Lleol.cymru, Swyddle)

Profiad Byd-eang

Archwiliwch ein hadnoddau a’n harweiniad i fyfyrwyr sy’n ystyried neu’n paratoi ar gyfer lleoliadau gwaith neu brofiad gwaith dramor, gan eich helpu i wneud y gorau o’ch cyfle rhyngwladol.

Profiad Byd-eang

Gwefannau

Dilynwch y dolenni hyn i wefannau allanol sy’n hyrwyddo cyfleoedd mewn amryw o sectorau poblogaidd: