Y Ganolfan Astudio'r Cyfryngau a Diwylliant mewn Cenhedloedd Bach

Mae'r Ganolfan yn atgyfnerthu ein hymchwil a'n harbenigedd diwydiant mewn diwydiannau creadigol yng Nghymru a gwledydd 'bach' eraill yn fyd-eang. Rydym yn defnyddio ein harbenigedd yn y diwydiannau creadigol a'r cyd-destunau economaidd, cymdeithasol a gwleidyddol ehangach y mae'r diwydiannau hyn yn gweithredu ynddynt. 

• mae 75% o  ein hymchwil o'r radd flaenaf neu'n rhagorol yn rhyngwladol (4* / 3*)  
• mae 67% o effaith ein hymchwil yn arwain y byd (4*)     
• Cydradd gyntaf yn y DU o ran effaith allan o 84 prifysgol - yn seiliedig ar 4* / 3*   

Mae'r Ganolfan wedi sefydlu cysylltiadau ag ymarferwyr diwydiannau creadigol a diwylliannol ledled Cymru a'r DU, yn ogystal â chysylltiadau academaidd â chydweithwyr yn yr Alban, Gogledd Iwerddon, Catalwnia, Gwlad Belg, yr Eidal, Hwngari, Romania, Slofacia, Gwlad Pwyl, Gwlad Groeg, Seland Newydd, India ac UDA.  

Mae aelodau'r ganolfan, o bob cwr o PDC, yn arbenigwyr ar berfformiad ac arloesedd sgrin, defnyddio diwydiannau creadigol ar gyfer diwylliant, treftadaeth a chymuned, gan gynnwys ieithoedd sydd mewn perygl. 

Yr Athro Lisa Lewis

EIN PARTNERIAID

• Prifysgol Aberystwyth
• Amgueddfa Cymru 
• The Association of Csángó Hungarians in Moldova 
• Prifysgol Bangor 
• Prifysgol Caerdydd 
• Prifysgol Metropolitan Caerdydd 
• Ceangal | Cwlwm 
• Falmouth University 
• Glasgow School of Art 
• The Khasi-Cymru Collective 
• Media Cymru  
• Coleg Brenhinol Cerdd a Drama Cymru 
• University of Aberdeen 
• University of the Peloponnese 
• University of Santiago de Compostela

EIN HAELODAU

Mae ein haelodau yn arbenigwyr cydnabyddedig yn y diwydiannau creadigol a diwylliannol ac mae'r llywodraeth, asiantaethau, y sector diwydiannau creadigol a chwmnïau artistig a diwylliannol, yn ogystal â llu o gydweithwyr a phartneriaid eraill yr ydym yn cydweithio â nhw'n rheolaidd, yn ymgynghori â nhw. Mae ein haelodau yn ymchwilwyr arbenigol, yn arbenigwyr mewn perfformiad ac arloesedd cyfryngau, ac yn arloeswyr dulliau Ymarfer-Ymchwil.

ASTUDIWCH GYDA NI

Cwrs Adrodd Straeon Digidol

Mae'r cwrs hwn wedi'i ddylunio i ddatblygu'r hyder a'r sgiliau sydd eu hangen er mwyn cynorthwyo pobl i gyfleu eu stori neu eu profiadau trwy gyfrwng adrodd storïau digidol.

Bydd y cwrs yn cynnwys y wybodaeth ymarferol sydd ei hangen i greu stori gan ddefnyddio meddalwedd golygu sain a fideo elfennol, ynghyd â'r sgiliau meddal sydd eu hangen i gofnodi storïau ar sail un-i-un.

Erbyn diwedd y cwrs, bydd y myfyrwyr wedi cael profiad o greu stori ddigidol o'r dechrau i'r diwedd, wedi creu stori ddigidol amdanyn nhw eu hunain, ac wedi dysgu am arferion da wrth ddefnyddio storïau, sut i strwythuro a chyflwyno storïau effeithiol, ac ystyriaethau moesegol a llywodraethu ynghylch defnyddio storïau o fewn sefydliadau.

Mae'r pynciau'n cynnwys:

• Beth yw stori
• Pam mae storïau’n gweithio
• Beth yw stori ddigidol
• Gwrando
• Myfyrio fel proses
• Recordio a golygu sain
• Deall pwysigrwydd delweddau
• Creu storïau digidol gan ddefnyddio sain a lluniau
• Ystyriaethau ynghylch gweithio gydag eraill
• Pwysigrwydd cydsyniad
• Moeseg adrodd storïau

Byddai'r cwrs hwn yn addas i unrhyw un sydd â diddordeb mewn adrodd storïau ar gyfer newid, cyfathrebu neu ymchwil.

Archebwch eich lle

Astudiaeth ôl-raddedig

Rydym yn croesawu ceisiadau i ddilyn astudiaethau PhD neu Feistr drwy Ymchwil yn un o'n meysydd arbenigedd. Gallwch astudio'n llawn amser neu'n rhan-amser, ar y campws neu o bell. Os ydych chi'n weithiwr proffesiynol a bod gennych ymchwil ar y gweill eisoes, gallai PhD drwy Bortffolio fod yn addas i chi.   

Mae tîm goruchwylio yn cael ei neilltuo i ymchwilwyr ôl-raddedig sydd â'r arbenigedd a'r profiad i'w cefnogi yn eu hastudiaethau. Bydd goruchwylwyr yn eich helpu i lunio eich prosiect ymchwil doethuriaeth, yn eich cynghori ar greu rhwydweithiau a sefydlu eich gyrfa.

Arbenigedd o'r radd flaenaf

Mae ein hymchwil yn arwain y byd. Yn Fframwaith Rhagoriaeth Ymchwil 2021 – mesur swyddogol y llywodraeth o allu ymchwil – cafodd 75% o’n hymchwil ei raddio yn y ddau gategori uchaf: 'arwain y byd' a 'rhagorol yn rhyngwladol' gyda 67% o effaith ein hymchwil yn cael ei dosbarthu fel 'arwain y byd'.

Rydym yn ymgymryd ag ymchwil ym mhob agwedd ar y diwydiannau creadigol a diwylliannol mewn gwledydd bach. Rydym yn cynnal astudiaethau ar gyd-destunau diwylliannol neu ranbarthol penodol yn ogystal ag archwiliadau o safbwyntiau rhyngddiwylliannol, trawsgenedlaethol neu gymharol eraill. Mae arbenigedd ymchwil ac arloesi yn cwmpasu ystod o feysydd a dulliau, gan gynnwys ymchwil archifol a deongliadol, ymchwil ymarferol, gwaith polisi, adroddiadau diwydiant, gwerthusiadau gwasanaeth a nifer o ffurfiau o ymgysylltu â'r cyhoedd. Rydym yn hyrwyddo ymchwil gymhwysol yn ogystal â chyd-greu gyda chymunedau a diwydiant.

Mae gwaith diweddar wedi canolbwyntio ar: 

Arloesi Sgrin (fel rhan o gyllid clystyrau creadigol UKRI, Cynulleidfa'r Dyfodol a Media Cymru) 

• Yr Economi Greadigol
• Perfformiad a Thechnoleg Trochol a Rhyngweithiol 
• Treftadaeth ddiwylliannol 
• Perfformiad Rhyngddiwylliannol 
• Ieithoedd mewn perygl, lleiafrifol a llai llafar a strategaethau creadigol wrth adfywio ieithoedd 
• Addasu a chyfieithu mewn cyfathrebu rhyngddiwylliannol a chanolraddol

Rydym yn croesawu cynigion ar gyfer prosiectau ymchwil ôl-raddedig yn unrhyw un o'r meysydd uchod a thu hwnt. Mae croeso i chi ysgrifennu atom yn Saesneg neu'n Gymraeg.