BA (Anrh)

Animeiddio

Datblygwch eich talentau creadigol gyda'n gradd BA (Anrh) Animeiddio Cyfrifiadurol achrededig. Wedi'i bleidleisio ar y brig yng Nghymru am animeiddio a gemau gan Ganllaw Prifysgolion y Guardian 2024, byddwch yn graddio gyda phortffolio a rhwydwaith cryf, yn barod i ffynnu yn y byd go iawn.

Sut i wneud cais Gwneud cais drwy UCAS Bwcio Diwrnod Agored Sgwrsio â Ni

Manylion Cwrs Allweddol

  • Côd UCAS

    WW27

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £9,790*

  • Myfyrwyr rhyngwladol

    £16,800*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Adeiladwch eich sgiliau a chreu eich dyfodol yn y diwydiannau ffilm, teledu, effeithiau gweledol a gemau gyda'r cwrs ymarferol a thechnegol hwn.

Cynlluniwyd ar gyfer:

Artistiaid a storïwyr uchelgeisiol sy'n anelu at droi creadigrwydd yn yrfa. Byddwch yn archwilio llwybrau, gan gynnwys animeiddio cymeriadau, dylunio cysyniadau, creu stori-fyrddau, cynhyrchu a chyfarwyddo, wrth feistroli sgiliau technegol 3D. Graddiwch gyda phortffolio arbenigol sy'n arddangos creadigrwydd ac arbenigedd, yn barod ar gyfer y diwydiannau creadigol byd-eang.

Achrededig gan:

  • ScreenSkills 

Llwybrau gyrfa:

  • Artist 3D
  • Animeiddiwr
  • Artist Cymeriadau/Cysyniad
  • Cynhyrchydd/Cyfarwyddwr
  • Artist Stori-fyrddio/Cyn-delweddu

Sgiliau a ddysgir:

  • Piblinell CG
  • Actio Cymeriadau
  • Cydweithio a Rhwydweithio
  • Offer Diwydiant
  • Adrodd Straeon a Dylunio

Bydd gweithwyr proffesiynol â phrofiad o’r diwydiant, sydd wedi gweithio gyda'r BBC, Disney ac Universal, yn cyflwyno briffiau sy'n canolbwyntio ar sgiliau, yn eich mentora trwy brosiectau ac yn darparu'r wybodaeth sydd ei hangen arnoch am y diwydiant i roi hwb i'ch gyrfa animeiddio.

Students in motion capture studio wearing motion capture suits while simulating a fight scene
animation-coursework-4
animation-games-coursework-2
animation-games-coursework-1

Uchafbwyntiau’r Cwrs

Yn achrededig gan ScreenSkills

Yr unig gwrs yng Nghymru a Lloegr sy’n cael ei achredu ym maes Animeiddio a Gemau, marc ansawdd a werthfawrogir gan gyflogwyr.

Cydnabyddiaeth yn fyd-eang

Wedi'i ardystio gan The Rookies fel Ysgol Ragoriaeth Ryngwladol mewn Cyfryngau Adloniant Digidol.

Profiad yn y Diwydiant

Gweithiwch ar friffiau cleientiaid byw, ewch i stiwdios animeiddio yn y DU ac enillwch brofiad ymarferol trwy leoliadau gwaith.

Offer a Llifau Gwaith Safonol y Diwydiant

Meistrolwch feddalwedd animeiddio safonol y diwydiant gan ddefnyddio piblinellau sy'n adlewyrchu arfer stiwdio proffesiynol.

Trosolwg o’r Modiwl

Mae ein modiwlau'n eich paratoi ar gyfer gyrfa animeiddio mewn ffilm, teledu, gemau, effeithiau gweledol a’r byd cynnwys digidol a chyfryngau cymdeithasol sy'n ehangu'n gyflym. Dan arweiniad staff â phrofiad yn y diwydiant, byddwch yn graddio gyda phortffolio amrywiol a phroffesiynol sy'n arddangos eich llais creadigol a'ch sgiliau parod ar gyfer gyrfa.

Blwyddyn Un

  • Cyflwyniad i Animeiddio a Thechnegau Celf Graffigau Cyfrifiadurol 3D
  • Mecaneg Corff a'r Ffurf Ddynol (Graffigau Cyfrifiadurol 3D)
  • Strategaethau Naratif
  • Cymeriadau a Golygfeydd (Graffigau Cyfrifiadurol 3D)  
  • Darlunio ac Iaith Weledol
    Astudiaethau Cyd-destunol: Animeiddio 

Blwyddyn Dau 

  • Creu Cymeriadau, Animeiddio a Gweithredu ar gyfer Gemau
  • Creu Creaduriaid, Animeiddio a Gweithredu ar gyfer Ffilm/Teledu/Effeithiau Gweledol
  • Busnes a Chyflogadwyedd
  • Astudiaethau Beirniadol
  • Piblinell Animeiddio

Blwyddyn Tri

  • Rhag-gynhyrchu Prosiect Mawr Terfynol (Graffigau Cyfrifiadurol 3D) 
  • Mân Brosiect (Graffigau Cyfrifiadurol 3D)
  • Diwydiant a Chyflogadwyedd
  • Cynhyrchu Prosiect Mawr Terfynol (Graffigau Cyfrifiadurol 3D) 
  • Ymchwil Feirniadol: Animeiddi

Byddwch yn archwilio gwaith dylunio cymeriadau, symudiad ac iaith weledol, wrth feistroli offer a llifau gwaith safonol y diwydiant. Gan weithio mewn amgylchedd stiwdio cydweithredol, byddwch yn cwblhau cyfres o brosiectau animeiddiedig, gan osod y sylfeini creadigol a thechnegol y byddwch yn adeiladu arnynt drwy gydol y cwrs.

Cyflwyniad i Animeiddio a Thechnegau Celf Graffigau Cyfrifiadurol 3D

Meistrolwch sylfeini animeiddio trwy greu symudiad argyhoeddiadol gyda siapiau syml, wrth ddysgu sut i fodelu, creu gwead a goleuo eich dyluniad cymeriad eich hun.

Mecaneg Corff a'r Ffurf Ddynol (Graffigau Cyfrifiadurol 3D)

Dadansoddwch a throswch symudiadau go iawn yn ddilyniannau sy'n dangos sgiliau hanfodol, gan gynnwys dal pwysau, amseru a phersonoliaeth, wrth ddysgu sut i rigio, creu croen ac animeiddio. 

Strategaethau Naratif

Archwiliwch gelfyddyd adrodd straeon drwy semioteg, iaith ffilm a dylunio naratif gweledol. Troswch eich syniadau yn ddelweddau deinamig drwy storifwrdd safonol y diwydiant ac animatig gyda sain.

Cymeriadau a Golygfeydd (Graffigau Cyfrifiadurol 3D)

Dyluniwch a datblygwch gymeriad gwreiddiol, gan fireinio personoliaeth ac arddull, yna dewch ag ef yn fyw gydag actio, animeiddio wynebau, a chydamseru gwefusau i greu perfformiadau mynegiannol a chredadwy.

Darlunio ac Iaith Weledol

Hogwch eich sgiliau arsylwadol drwy fywluniadu, astudiaethau anatomeg a brasluniau cyflym. Trawsnewidiwch y mewnwelediadau hyn yn gymeriadau deinamig, gyda symudiad mynegiannol a golygfeydd animeiddiedig grymus ar gyfer eich portffolio.

Astudiaethau Cyd-destunol: Animeiddio

Archwiliwch animeiddio fel ffurf ar gelfyddyd a chyfrwng adrodd straeon drwy astudio ymarferwyr hanesyddol a chyfoes, deall sut mae syniadau'n cael eu cyfleu a rhoi’r mewnwelediadau hyn ar waith yn eich gwaith creadigol eich hun.

Yn eich ail flwyddyn, byddwch yn mireinio sgiliau animeiddio arbenigol trwy lifau gwaith creadigol ac sy’n canolbwyntio ar gynhyrchu, prosiectau criw cydweithredol a syniadau hunangychwynnol, wrth weithio ar friffiau cleientiaid byw. Mae hyn yn meithrin arbenigedd proffesiynol, hyder a momentwm creadigol i baratoi ar gyfer eich trydedd flwyddyn.

Creu Cymeriadau, Animeiddio a Gweithredu ar gyfer Gemau

Ewch ati i greu asedau celf neu animeiddio Graffigau Cyfrifiadurol 3D ar gyfer gemau, integreiddio ag injans a phiblinellau gemau.

Creu Creaduriaid, Animeiddio a Gweithredu ar gyfer Ffilm/Teledu/Effeithiau Gweledol

Ewch ati i greu asedau celf neu animeiddio Graffigau Cyfrifiadurol 3D ar gyfer Effeithiau Gweledol, integreiddio â thechnegau a phiblinellau ôl-gynhyrchu.

Busnes a Chyflogadwyedd

Archwiliwch animeiddio yn hanesyddol, yn gyfoes ac yn bersonol, gan lunio llwybrau gyrfa ac agweddau proffesiynol, wrth ddatblygu sgiliau sy'n barod ar gyfer y diwydiant a chreu CV, portffolio, rîl sioe a gwefan o dan arweiniad arbenigol.

Astudiaethau Beirniadol

Astudiwch hanes ac esblygiad animeiddio, gan gysylltu technegau'r gorffennol ag arferion diwydiant heddiw, yna ymchwiliwch, dadansoddwch a rhowch eich canfyddiadau ar waith i greu cynnig arweiniol ar gyfer prosiectau blwyddyn olaf.

Piblinell Animeiddio

Profwch y broses gynhyrchu lawn yn unigol ac mewn grwpiau, gan ddatblygu gwaith tîm a sgiliau trwy friffiau byw cleientiaid, gan eich paratoi ar gyfer heriau creadigol eich trydedd flwyddyn hollbwysig.

Yn eich blwyddyn olaf hollbwysig, byddwch yn gwireddu'n llawn yr uchelgeisiau creadigol a phroffesiynol a ddatblygwyd yn eich ail flwyddyn, gan gynhyrchu corff o waith sy'n tynnu sylw at eich arbenigedd a'ch talent, gan eich paratoi ar gyfer cyfleoedd yn y diwydiant, gwaith creadigol annibynnol, neu'r ddau.

Rhag-gynhyrchu Prosiect Mawr Terfynol (Graffigau Cyfrifiadurol CG)

P'un a ydych chi'n canolbwyntio ar ffilm fer, rîl sioe, hysbyslun neu bortffolio arbenigol, mae'r modiwl hwn yn gosod y sylfaen ar gyfer eich prosiect blwyddyn olaf, gan gydbwyso gweledigaeth greadigol â gweithredu ymarferol.

Mân Brosiect (Graffigau Cyfrifiadurol 3D)

Mae'r modiwl hwn yn cefnogi eich arbenigedd yn y drydedd flwyddyn, boed yn unigol neu'n seiliedig ar dîm, ac mae'n cynnwys prosiectau a lleoliadau diwydiant, gan ddarparu hyfforddiant wedi'i deilwra a phrofiad criw ymarferol.

Busnes a Chyflogadwyedd

Mae'r modiwl hwn yn eich cysylltu â'r diwydiant trwy wyliau, rhwydweithio, gweithdai arbenigol ac arweiniad arbenigol, i gyd yn eich paratoi i arddangos eich gwaith yn y Sioe Arddangos Animeiddiadau Graddedigion.

Cynhyrchu Prosiect Mawr Terfynol (Graffigau Cyfrifiadurol 3D)

Dewch â'ch prosiect terfynol yn fyw gyda chefnogaeth academaidd a thechnegol lawn, gan ei gyflwyno yn Sioe Arddangos Animeiddiadau Graddedigion PDC, yn ein gofod o'r radd flaenaf ar gyfer gwesteion y diwydiant.

Ymchwil Feirniadol: Animeiddio

Datblygwch sgiliau ymchwil a meddwl beirniadol trwy astudiaeth fanwl o bwnc a ddewiswyd, gan werthuso arferion, tueddiadau a hanes animeiddio i lywio'ch gwaith creadigol a'ch dull proffesiynol.

Uchafbwyntiau’r Cwrs

Sut byddwch chi'n dysgu

Mae ein strategaeth ddysgu yn cyfuno darlithoedd wyneb yn wyneb â phrosiectau a gweithdai ymarferol, cydweithredol. Mae'r dull ymarferol hwn, sy'n canolbwyntio ar y diwydiant, yn datblygu eich sgiliau technegol, datrys problemau creadigol a hyder proffesiynol, gyda chefnogaeth ac adborth parhaus i fireinio gwaith, tyfu eich portffolio, a pharatoi ar gyfer gyrfa mewn animeiddio ar gyfer ffilm, teledu, gemau ac effeithiau gweledol. Mae pob blwyddyn yn cynnwys ymweliadau â stiwdios a chydweithrediadau â chwmnïau fel Painting Practice, Bad Wolf, Wales Interactive a Cloth Cat, ynghyd â thaith ddeuddydd i Lundain sy'n cynnig mynediad y tu ôl i'r llenni at stiwdios animeiddio ac effeithiau gweledol blaenllaw y byd.

Staff addysgu

Mae ein tîm addysgu yn cyfuno gweithwyr proffesiynol y diwydiant ac arbenigwyr technegol, gan gyflwyno profiad o'r diwydiannau animeiddio, ffilm, gemau, graffeg symudol, teledu ac effeithiau gweledol i'r ystafell ddosbarth. O'r cychwyn cyntaf, byddwch yn derbyn mentora personol ac arweiniad ymarferol i ddatblygu eich llais creadigol unigryw a'ch sgiliau proffesiynol. Trwy ddarlithoedd wyneb yn wyneb, gweithdai a phrosiectau stiwdio, byddwch yn adeiladu eich dysgu yn hyderus. Mae'r profiad ymdrochol hwn yn sicrhau eich bod yn adeiladu sgiliau sy'n barod ar gyfer y diwydiant, portffolio cryf a'r hyder i lwyddo mewn gyrfa greadigol gystadleuol.

  • Jonathan Edwards

Darlithwyr:

  • Dr Brian Fagence
  • Dr Leonie Sharrock
  • Graham Griffiths
  • Matthew Gravelle-Eagles
  • Nick Hood

Hyfforddwyr Technegol:

  • Charles Rawlins
  • James Kimm
  • Gustavo Arteaga
  • Stan Evens

Lleoliadau a phrofiad gwaith

Yn eich ail a'ch trydedd flwyddyn byddwch yn gweithio ar friffiau byw a osodir gan bartneriaid yn y diwydiant a, lle bo modd, yn gwneud cais am leoliadau gwaith cystadleuol gyda chefnogaeth lawn gan eich darlithwyr a Gyrfaoedd PDC. Mae myfyrwyr blaenorol wedi ennill profiad mewn stiwdios mawreddog, gan gynnwys Cinesite a The Mill, ac wedi gweithio ar friffiau byw a osodir gan bartneriaid fel Blue Zoo, Industrial Light & Magic ac MPCVFX. Mae'r cyfleoedd hyn yn rhoi profiad ymarferol i chi, rhwydweithio proffesiynol a mewnwelediad go iawn i lifau gwaith y diwydiant.

Cyfleusterau

Byddwch yn astudio ar lawr animeiddio pwrpasol yn ein campws yng Nghaerdydd, sydd â phopeth sydd ei angen arnoch i greu gwaith o ansawdd proffesiynol o'r diwrnod cyntaf. Bydd gennych fynediad i stiwdios 2D, Graffigau Cyfrifiadurol a Stop-symud eang, mannau bywluniadu ac ystafelloedd ffilmio, pob un â chyfrifiaduron personol o safon uchel, monitorau llydan iawn, Wacom Cintiqs a meddalwedd safonol y diwydiant, gan gynnwys Autodesk Maya, ZBrush ac Adobe Creative Cloud.

Mae ystafelloedd saernïo arbenigol yn cefnogi gwaith gwneud pypedau, armatyrau, setiau a phropiau, gyda chyfleusterau argraffu 3D, torri â laser a gwneud modelau, gan roi profiad ymarferol i chi na all llawer o gyrsiau yn y DU ei gynnig. Byddwch hefyd yn cydweithio â myfyrwyr ym maes Gemau, Effeithiau Gweledol a Graffeg Symud gan ddefnyddio adnoddau cyffredin fel ein stiwdio Sgrin Werdd, ystafell Cipio Symudiad, Parth Realiti Rhithwir a labordai ôl-gynhyrchu, gan adlewyrchu piblinellau stiwdios proffesiynol.

Mae'r holl offer a meddalwedd ar gael heb unrhyw gost ychwanegol trwy ein siop Benthyciadau Cyfryngau a phlatfform UniApps, felly gallwch greu unrhyw le, unrhyw bryd. Gyda Hyfforddwyr Technegol a swyddogion TG wrth law bob amser, byddwch yn cael eich cefnogi i ganolbwyntio ar gynhyrchu animeiddio sy'n barod ar gyfer y diwydiant ac sy'n eich paratoi ar gyfer bywyd stiwdio.

Storïau Myfyrwyr

A profile shot of a woman with pink hair sitting at a table surrounded by various art supplies.
Creu dyfodol mewn Animeiddio Stop-Symud

Adiee Romans

Myfyriwr Animeiddio

A student sitting at a desk with pen and paper, immersed in their animation studies and creative process.
Meithrin fy nghrefft yng nghymuned animeiddio Caerdydd

Hayden Powell

Myfyriwr Animeiddio

Animation student, Chloe, smiling at camera with her arms crossed
Mae astudio Animeiddio yn PDC wedi rhoi cyfleoedd dirifedi i fi

Chloe Kacperski

Myfyriwr Animeiddio

MA Animation student, Ida, smiles at camera
Gosododd cwrs MA Animeiddio PDC sylfaen gref ar gyfer fy ngyrfa

Ida Mirzaee

Graddedig Animeiddio

Computer games design student, Luke, standing in front of a podium
Mae astudio Dylunio Gemau Cyfrifiadurol wedi rhoi hwb mawr i fy hyder

Luke

Myfyriwr Dylunio Gemau Cyfrifiadurol

Siddharth Ravindran's art work
Gwnaeth cefnogaeth a hyblygrwydd y darlithwyr fy helpu i ddatblygu o fod yn ddechreuwr i fod yn arbenigwr.

Siddharth Ravindran

Myfyriwr Celf Gemau

Wedi'i achredu gan

Wedi'i achredu gan
Mewn partneriaeth â

Gyrfaoedd a Chyflogadwyedd

Gyrfaoedd graddedigion

Mae ein graddedigion wedi ennill cydnabyddiaeth mewn gwyliau rhyngwladol, BAFTAs a'r Oscars, gan gyfrannu at ffilmiau fel Wicked (2024), Kensuke’s Kingdom (2023) a Spider-Man: Across the Spider-Verse (2023). Mae graddedigion yn gweithio ar draws y diwydiant mewn rolau fel Pennaeth Animeiddio, Artist CG Arweiniol a Chyfarwyddwr Technegol yr Amgylchedd, tra bod eraill wedi lansio eu stiwdios eu hunain. Gydag achrediad ScreenSkills, cyfleusterau safonol y diwydiant a datblygu portffolio sy'n canolbwyntio ar yrfa, mae'r cwrs hwn yn eich paratoi gyda’r sgiliau, y cysylltiadau a'r hyder i ddilyn eu camau.

Cymorth gyrfaoedd

O'r diwrnod cyntaf a thu hwnt i raddio, bydd gennych fynediad llawn i Yrfaoedd PDC, gan gynnwys canllawiau un-i-un, adolygiadau portffolio, cyfweliadau ffug a chymorth chwilio am swydd pwrpasol. Mae'r cwrs yn integreiddio gweithdai gyrfa a briffiau cleientiaid byw i'ch helpu i ddiffinio'ch llwybr, adeiladu rhwydweithiau proffesiynol a graddio'n hyderus. Mae Hyfforddiant Academaidd Personol yn darparu arweiniad ychwanegol ar gyfer eich datblygiad proffesiynol, gan gefnogi'r camau nesaf, p'un a ydych chi'n sicrhau rôl yn y diwydiant neu'n symud ymlaen i'n cwrs MA Animeiddio.

Partneriaid diwydiant

Gyda dros 30 mlynedd o addysgu animeiddio, mae PDC wedi sefydlu cysylltiadau cryf â'r diwydiant, gan roi mynediad i chi at friffiau byw, siaradwyr gwadd ac ymweliadau â stiwdios blaenllaw fel Framestore, Hocus Pocus Studio a Studio AKA. Mae ein campws canol dinas yn eich gosod yng nghanol sîn greadigol Caerdydd, ger stiwdios gan gynnwys BBC Cymru, Bumpybox a Picl Animation, a digwyddiadau mawr fel Gŵyl Animeiddio Caerdydd a Nosweithiau Animeiddio Caerdydd. Mae graddedigion bellach yn gweithio yn y stiwdios gorau ledled y DU a thu hwnt, gan ymuno â rhwydwaith pwerus sy'n cynnig cysylltiadau mewnol, cyfleoedd a chymorth wrth i chi lansio'ch gyrfa animeiddio.

Gofynion mynediad

pwynt tariff UCAS: 96

Gofynion cymhwyster nodweddiadol:

  • Lefel A: CCC i gynnwys pwnc celf a dylunio perthnasol
  • Bagloriaeth Cymru: Bagloriaeth Sgiliau Uwch Cymru Gradd C a CC mewn Safon Uwch gyda phwnc celf a dylunio perthnasol
  • BTEC: Diploma Estynedig BTEC Teilyngdod Teilyngdod mewn pwnc celf a dylunio perthnasol
  • Mynediad i AU: Pasio'r Diploma Mynediad i AU mewn pwnc celf a dylunio perthnasol gydag o leiaf 96 pwynt tariff UCAS
  • Safon T: Pasio (C ac uwch) mewn pwnc celf a dylunio perthnasol

 

Gofynion ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,790

fesul blwyddyn*
Ffi Llawn Amser Rhyngwladol

£16,800

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, byddwch yn gallu cael mynediad llawn i adnoddau hanfodol sydd wedi'u cynnwys yn eich ffioedd dysgu, o werslyfrau animeiddio a chyfnodolion i gronfeydd data ar-lein, meddalwedd safonol y diwydiant, stiwdios ac offer arbenigol. Eich dewis chi yn llwyr yw costau ychwanegol dewisol, fel deunyddiau gwneud pypedau neu deithio i wyliau. Rydym yn darparu canllawiau ar ddewisiadau amgen a ffyrdd o leihau treuliau, gan eich helpu i gynllunio'n effeithiol a gwneud y gorau o'ch astudiaethau heb unrhyw gostau annisgwyl.

*Gorfodol

Cost: £20 – £50

Fel arfer byddwn yn talu costau teithiau lleol. Efallai y byddwn yn gofyn i fyfyrwyr dalu costau cludiant ar gyfer teithiau dewisol ymhellach i ffwrdd.

Cost: £0 - £50 y flwyddyn

Benthyca Offer Cyfryngau

Gallwch logi amrywiaeth o offer, ar gyfer eich aseiniadau a’ch gwaith ymarferol, am ddim o’n cyfleuster Benthyca Offer Cyfryngau.

Benthyca Offer Cyfryngau

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Ar y brig yn y DU

Mae Animeiddio a Dylunio Gemau yn PDC ar y brig yn y DU ar gyfer Ansawdd Addysgu ac Asesu (Canllaw Prifysgolion y Guardian 2025)

Ar y brig yng Nghymru

Mae Gemau Cyfrifiadurol ac Animeiddio ar y brig yng Nghymru am foddhad cyffredinol myfyrwyr (ACF 2023)

student-25

Llwyddiant i Fyfyrwyr Ffilm ac Animeiddio yng Ngwobrau RTS Cymru

Mae myfyrwyr a graddedigion Ffilm ac Animeiddio PDC wedi sicrhau wyth gwobr fawreddog yng Ngwobrau Cymdeithas Deledu Frenhinol Cymru (RTS), gan ddathlu creadigrwydd, arloesedd ac adrodd straeon wrth wraidd teledu Cymru. Roedd eu prosiectau arobryn yn cwmpasu adloniant, drama, comedi ac adrodd straeon ffeithiol, gan danlinellu ymrwymiad y brifysgol i feithrin talent greadigol.

Archwiliwch y Prosiectau Arobryn

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
Exterior view of the University's Cardiff Campus.
Campws Caerdydd
A double room at our Pontypridd accommodation featuring a large window.
Llety

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni