BSc (Anrh)

Cyfrifiadureg Gymhwysol (Atodol)

Mae’r cwrs blwyddyn o hyd hwn yn eich galluogi i “ychwanegu at” eich cymhwyster cyfrifiadurol presennol i gyflawni gradd BSc (Anrh). Mae'r cwrs wedi'i gynllunio i roi i chi'r sgiliau ymarferol a phroffesiynol sydd eu hangen ar gyflogwyr yn y diwydiant cyfrifiadura deinamig sy'n symud yn gyflym heddiw.

Sut i wneud cais Gwneud gais drwy UCAS Trefnu Diwrnod Agored Sgwrsio gyda ni

Côd UCAS

I105

Dyddiad Cychwyn

Medi 2027

Lleoliad

Pontypridd

Côd y Campws

A


Myfyrwyr rhyngwladol: £17,600*

Sut i wneud cais Trefnu Diwrnod Agored

Trosolwg o'r Cwrs

Yn ystod y cwrs, byddwch yn cael cyfle i ddatblygu eich gwybodaeth a’ch sgiliau presennol i lefel uwch ac i archwilio pynciau arbenigol.

Os ydych chi wedi mwynhau astudio pwnc sy'n gysylltiedig â chyfrifiadura ar lefel HND neu Radd Sylfaen, a'ch bod chi nawr yn dymuno camu i fyny i'r lefel nesaf, dyma'r cwrs i chi. Yn ogystal â chwmpasu’r agweddau damcaniaethol a’r sgiliau proffesiynol angenrheidiol, mae’rcwrs yn cynnwys pwyslais ymarferol cryf.

Pam astudio'r cwrs hwn?

Datblygu eich sgiliau diwydiant TG ymhellach

Datblygu eich gwybodaeth a’ch sgiliau presennol i lefel uwch, a gwella eich portffolio cymwysterau presennol.

Dyluniwyd gan ddiwydiant

Mae'r cwrs yn seiliedig ar ein cwrs Prentisiaeth Gradd a gynlluniwyd gan gyflogwyr blaenllaw yn y diwydiant cyfrifiadura, ac ar eu cyfer.

Cymhwyso eich gwybodaeth

Bydd y cwrs yn datblygu eich sgiliau dadansoddi, yn ogystal â rhoi'r sgiliau ymarferol sydd eu hangen arnoch i lwyddo yn y diwydiant cyfrifiadura.

Eich paratoi i fod yn ymarferydd TG proffesiynol

Mae angen amrywiaeth o sgiliau technegol ac annhechnegol ar weithiwr TG proffesiynol, a bydd y cwrs hwn yn eich helpu i ddatblygu’r rhain i lefel uchel.

Beth fyddwch chi'n ei astudio

Mae'r cwrs blwyddyn o hyd hwn yn cynnwys modiwlau craidd ar gronfeydd data, proffesiynoldeb a phrosiect unigol mawr.

Byddwch hefyd yn dewis dau fodiwl arbenigol dewisol, a fydd yn eich galluogi i ganolbwyntio ar y pynciau sydd o ddiddordeb arbennig i chi.

Mae'r prosiect unigol blwyddyn o hyd hwn yn rhoi cyfle i chi archwilio pwnc mewn manylder. Bydd goruchwyliwr eich prosiect yn eich cefnogi wrth i chi symud ymlaen trwy’r cyfnodau ymchwil, dylunio a gweithredu ac, yn olaf, i werthuso.

Mae cronfeydd data yn elfen hanfodol mewn llawer o systemau TG modern. Mae'r modiwl hwn yn eich dysgu sut i ddylunio datrysiadau cysylltiedig â chronfeydd data mewn ymateb i broblemau cymhleth a realistig.

Mae angen i gymwysiadau gwe modern fod yn rhyngweithiol ac mae angen iddynt hefyd fod yn hygyrch o ran dyfeisiau symudol. Yn y modiwl hwn byddwch yn datblygu’r sgiliau i ddylunio a chreu’r mathau hyn o gymwysiadau.

Mae Systemau Gwybodaeth Daearyddol (GIS) yn seiliedig ar fapiau a data lleoliad. Yn y modiwl hwn byddwch yn dysgu sut i gymhwyso amrywiaeth o dechnegau GIS a gweld sut y gall GIS ddatrys problemau yn y byd go iawn.

Yn y modiwl hwn, byddwch yn defnyddio technolegau Rhyngrwyd y Pethau (IoT) i ddylunio a chreu datrysiadau i broblemau ymarferol mewn cartrefi, gweithleoedd a mannau cyhoeddus.

Rydych yn meddu ar y sgiliau i weithio yn y diwydiant cyfrifiadura, ond sut ydych yn defnyddio’r rhain fel gweithiwr proffesiynol yn y gweithle? Bydd y modiwl hwn yn sicrhau eich bod yn barod i gychwyn ar eich gyrfa broffesiynol.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Mae'r cwrs ymarferol hwn yn rhoi'r cyfle i chi feithrin sgiliau TG ymarferol drwy ddysgu gyda phrosiectau a gweithgareddau go iawn. Byddwch yn treulio llawer o amser yn ein labordai cyfrifiadurol gan ddefnyddio caledwedd a meddalwedd o safon y diwydiant i greu gwefannau, datblygu meddalwedd, dylunio cronfeydd data a datrys problemau byd go iawn. Gwaith cwrs fydd y rhan fwyaf o'ch asesiad, felly gallwch ddangos yr hyn y gallwch ei wneud drwy dasgau ymarferol yn hytrach nag arholiadau. Byddwch yn dysgu gan staff profiadol a chefnogol a fydd yn eich adnabod wrth eich enw ac yn eich helpu i feithrin y sgiliau a'r hyder sydd eu hangen arnoch ar gyfer eich gyrfa yn y dyfodol.

Cyflwynir y cwrs, a gafodd ei ddylunio mewn cydweithrediad â'n myfyrwyr, mewn arddull ymarferol. Byddwch yn treulio llawer o amser yn ein labordai cyfrifiadurol, yn dysgu drwy wneud a defnyddio’r offer diweddaraf i fod yn greadigol ac yn arloesol. 

Mae eich asesiadau wedi'u cynllunio i adlewyrchu'r sgiliau ymarferol y byddwch chi'n eu defnyddio yn y gweithle. Yn lle dibynnu ar arholiadau yn unig, byddwch chi'n cwblhau amrywiaeth o brosiectau gwaith cwrs sy'n dangos sut rydych chi'n rhoi eich gwybodaeth ar waith i heriauyn y byd go iawn. 

Yn dibynnu ar eich modiwlau, gallech chi gael eich asesu trwy greu gwefan, datblygu meddalwedd, adeiladu cronfa ddata, neu ddylunio datrysiad TG i ddatrys problem ymarferol. Mae'r asesiadau hyn sy'n seiliedig ar brosiectau yn eich helpu i adeiladu portffolio o waith wrthddatblygu'r sgiliau technegol a datrys problemau y mae cyflogwyr yn chwilio amdanynt.

Gallwch edrych ymlaen at leoliadau gwaith a phrosiectau diwydiant byw, gan roi'r cyfle i chi gydweithio â chyflogwyr ac ennill profiad ymarferol gwerthfawr mewn amgylcheddau proffesiynol cyn i chi raddio.

Byddwch yn defnyddio labordai cyfrifiadurol modern sydd â'r caledwedd a'r feddalwedd ddiweddaraf drwy gydol eich cwrs, gan gefnogi dosbarthiadau ymarferol ac astudiaeth annibynnol. Ochr yn ochr â darlithfeydd ac ystafelloedd dosbarth, bydd gennych fynediad at ofodaddysgu Rhyngrwyd Pethau pwrpasol a labordy roboteg, gan roi profiad ymarferol i chi gyda thechnolegau sy'n dod i'r amlwg. Gallwch hefyd ddefnyddio'r labordai y tu allan i sesiynau a addysgir i ymarfer eich sgiliau, cwblhau aseiniadau, a meithrin hyder gydag offer safonol y diwydiant. 

O fis Medi 2026 ymlaen, bydd ein cyrsiau Cyfrifiadura, Peirianneg, Technoleg ac Amgylchedd Adeiledig yn symud i'w cartref newydd sbon: adeilad Calon. 

Bydd y buddsoddiad hwn o £60m yn cynnwys mwy na 40 o fannau addysgu, dysgu ac ymchwil arloesol newydd, gan gynnwys labordai electroneg a hydroleg, efelychydd hedfan, labordy roboteg, mannau ymchwil glân a diwydiannol, mannau addysgu cydweithredol, yn ogystal â gallu realiti rhithwir, ac amrywiaeth o fannau arddangos. 

Bydd Calon yn rhoi mynediad i chi at y dechnoleg, y cyfleusterau a'r cyfleoedd sydd eu hangen i lunio'r dyfodol. 

Arweinydd y Cwrs

Daniel Cunliffe

Arweinydd y Cwrs BSc (Anrh.) Cyfrifiadureg Gymhwysol (Atodol) yw Dr Daniel Cunliffe. Mae addysgu Daniel yn canolbwyntio ar ddylunio Rhyngwyneb Defnyddiwr/Profiad Defnyddiwr a rhaglenni gwe rhyngweithiol. Mae ei ymchwil yn edrych ar addasrwydd ieithyddol mannaudigidol o ran ieithoedd lleiafrifol, fel y Gymraeg. Mae ei waith diweddaraf wedi archwilio'r defnydd o'r Gymraeg ar TikTok ac mewn podlediadau.

Os oes gennych unrhyw gwestiynau am y cwrs, mae croeso i chi gysylltu â Daniel drwy e-bost.

E-bostwich Daniel

Rhagolygon Gyrfa

Eich Gyrfa yn y Dyfodol

Mae ein graddedigion yn mynd ymlaen i adeiladu gyrfaoedd mewn rolau Cyfrifiadura a Seiberddiogelwch sy'n tyfu'n gyflym. Maent yn gweithio fel profwyr hacio, dadansoddwyr SOC, ymchwilwyr fforensig digidol, datblygwyr meddalwedd, dadansoddwyr data, ac arbenigwyr AI, gan helpu sefydliadau i amddiffyn systemau, datrys problemau, dadansoddi data, a datblygu technolegau digidol newydd ar draws ystod eang o ddiwydiannau. Mae llwybrau gyrfa posibl yn cynnwys:

Dadansoddwr Cymorth Cymwysiadau
Dylunydd Gwefannau
Peiriannydd Meddalwedd
Arbenigwr Cymorth TG

94% o'n graddedigion mewn cyflogaeth ac astudiaethau pellach 15 mis ar ôl graddio.

(HESA 2026, yn seiliedig ar Arolwg Canlyniadau Graddedigion 2023/24)

Disgwyliadau cyflog

Gall gradd Cyfrifiadureg agor cyfleoedd ar draws  Cyfrifiadureg a'r sector Seiberddiogelwch ehangach. Mae gyrfaoedd Cyfrifiadureg yn cynnig potensial enillion cryf:

 

Cyflog canolrifol
DU: £53.7k y flwyddyn
Cymru: £43.4kk y flwyddyn

 

Cyfanswm y swyddi yn 2025
DU: 1.76m
Cymru: 44,279

 

Ffynhonnell: Lightcast Labour Market Data 2026

Adeiladwch eich gyrfa eich hun

Nid oes rhaid i'ch gyrfa olygu gweithio i rywun arall. Os ydych chi eisiau gweithio'n llawrydd, dechrau busnes neu ddatblygu syniad, gall Menter PDC eich helpu gyda mentora un-i-un, gweithdai ymarferol a chyfleoedd ariannu drwy Gronfa Cychwyn Busnes Menter PDC.
 
Bydd gennych hefyd fynediad at fannau Stiwdio Sefydlu yn ein campysau yng Nghaerdydd, Casnewydd a Threfforest. Ar ôl graddio, gallwch gael aelodaeth am ddim am hyd at dair blynedd, gan roi gweithle i chi a rhwydwaith o sylfaenwyr eraill.
 
P'un a ydych chi'n dewis cyflogaeth, gweithio'n llawrydd neu ddechrau busnes, byddwn yn eich helpu i ddatblygu'r sgiliau, hyder a'r cysylltiadau i symud ymlaen.

 
Menter PDC

Partneriaid diwydiant

Trwy ein harbenigedd a'n cysylltiadau â diwydiant, rydym yn gweithio gydag amrywiaeth o bartneriaid gan gynnwys Capgemini, y Ganolfan Seiberddiogelwch Genedlaethol, Thales ac Admiral.

Gofynion Mynediad

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud caisDatganiad Derbyniadau Cyd-destunolGofynnwch gwestiwn i ni

Gofynion cymhwyster nodweddiadol

HND neu Radd Sylfaen mewn Cyfrifiadura neu TGCh.

Ffioedd a Chyllid

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

Ffi Rhyngwladol Rhan-amser £ 17,600

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

Beth sy'n ein gwneud ni'n wahanol?

Darganfod mwy

#1

Ar y brig yng Nghymru am addysgu mewn Cyfrifiadureg.

Canllaw Prifysgolion Da'r Times 2026

#1

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Three students studying in a pod in the library at Cardiff campus

 Ar y brig yng Nghymru ar gyfer busnesau newydd, a'r 7fed yn y DU. (HEBCIS)

close up of computing student facing computer screen, to show him working on a project

 Mae PDC yn gydradd gyntaf yng Nghymru o ran effaith ein hymchwil Cyfrifiadureg a Gwybodeg (REF 2021).

Archwiliwch ein cyfleusterau

Camwch i ddyfodol STEM.

Calon

Rhowch gynnig ymarferol ar offer safonol y diwydiant yn adeilad newydd Calon, sydd werth £60m. O roboteg a realiti rhithwir i labordai peirianneg arbenigol ac efelychydd hedfan, byddwch yn dysgu defnyddio'r dechnoleg sy'n llunio byd yfory.

Dysgwch fwy

Labordai cyfrifiaduron

Mae ein labordai cyfrifiaduron yn llawn o’r offer diweddaraf i chi ei ddefnyddio drwy gydol eich gradd, gan gynnwys gofod addysgu Rhyngrwyd Pethau a labordy roboteg. 

Labordy Ymchwilio Digidol

Mae ein labordy yn adlewyrchu'r rhai a ddefnyddir gan asiantaethau gorfodi'r gyfraith a dadansoddwyr corfforaethol yn ystod ymchwiliadau.

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

  • Cyfrifiadureg Gymhwysol (Atodol)

    • Llawn Amser, 1 blynedd

    • Medi

    • Pontypridd

    Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Kirija Visvalingam

Mae'r cyfleusterau labordy yma o'r radd flaenaf, gan gynnig popeth sydd ei angen arnaf i archwilio ochr dechnegol cyfrifiadura yn fanwl.

Kirija Visvalingam Myfyriwr Cyfrifiadura

Gweld proffil myfyriwr

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety