Ar gael yn Clirio BSc (Anrh)

Datblygiad Plentyndod gan gynnwys Blwyddyn Sylfaen

Bydd y Flwyddyn Sylfaen hon yn eich helpu i fagu hyder a gosod y sylfeini i chi gwblhau gradd lawn mewn Datblygiad Plentyndod yn llwyddiannus.

Sut i wneud cais Archebu lle ar Ddiwrnod Agored Sgwrsio gyda ni

Côd UCAS

L23F

Dyddiad Cychwyn

Medi 2026

Lleoliad

Pontypridd

Côd y Campws

A

Pwyntiau UCAS

48

Ffioedd

Myfyrwyr cartref: £9,790*
Myfyrwyr rhyngwladol: £17,200*

Côd UCAS

L23F

Dyddiad Cychwyn

Medi 2027

Lleoliad

Pontypridd

Côd y Campws

A

Pwyntiau UCAS

48

Sut i wneud cais Archebu lle ar Ddiwrnod Agored

Trosolwg o'r Cwrs

Meithrin hyder academaidd a sgiliau astudio craidd wrth ddatblygu sylfaen gref mewn datblygiad plentyndod, gan eich paratoi i symud ymlaen i'r radd lawn a gwaith gyda phlant a theuluoedd yn y dyfodol.

Mae'r Flwyddyn Sylfaen mewn Datblygiad Plentyndod yn rhan o raglen radd pedair blynedd integredig ac mae wedi'i chynllunio ar gyfer myfyrwyr nad ydynt ar hyn o bryd yn bodloni'r meini prawf derbyn ar gyfer mynediad uniongyrchol i'r cwrs BSc Datblygiad Plentyndod. 

Pam astudio'r cwrs hwn?

Dysgu sgiliau allweddol

Datblygu ystod o sgiliau a rhinweddau a fydd yn cyfoethogi eich dulliau dysgu ym mlwyddyn un y radd a thu hwnt.

Addysgu gan arbenigwyr

Caiff myfyrwyr eu haddysgu gan academyddion cefnogol ac ymroddedig sydd â chysylltiadau ag ystod o bartneriaid allanol a phrofiad perthnasol yn y diwydiant.

Cymwysterau Ychwanegol

Gall myfyrwyr sy'n astudio’r radd fynd i leoliadau gwaith a chwblhau cymwysterau ychwanegol drwy ein cynllun Seicoleg a Mwy.

Cyfleusterau Rhagorol

Mae gan ein myfyrwyr fynediad i labordy Seicoleg pwrpasol ac maent yn cael profiad ymarferol gwerthfawr yn ein clinig ymyrraeth gynnar ar y campws.

Beth fyddwch chi'n ei astudio

Drwy gydol y Flwyddyn Sylfaen, byddwch yn meithrin hyder academaidd, yn archwilio plentyndod a datblygiad, yn datblygu sgiliau ymchwil, ac yn cymhwyso’r hyn rydych chi wedi'i ddysgu drwy brosiectau ymarferol, gan eich paratoi ar gyfer symud ymlaen i astudiaethau israddedig.

Am fanylion y modiwlau y byddwch yn eu hastudio ar ôl cwblhau’r Flwyddyn Sylfaen yn llwyddiannus, gweler prif dudalen y cwrs.

Mae'r modiwl hwn yn eich helpu i ddatblygu sgiliau academaidd, personol a phroffesiynol ar gyfer astudiaethau prifysgol. Byddwch yn myfyrio ar eich cynnydd, yn meithrin hyder, ac yn creu portffolio ar sail tystiolaeth i gefnogi eich dysgu yn y dyfodol.

Datblygwch sgiliau ymchwil craidd, gan gynnwys casglu data, dadansoddi a chyflwyno canfyddiadau, i'ch helpu i ddeall a chynnal ymchwil mewn cyd-destunau cymhwysol.

Archwiliwch sut mae plentyndod wedi newid dros amser, gan archwilio meddylwyr, syniadau a pholisïau allweddol. Byddwch yn datblygu sgiliau ymchwil a chyflwyno wrth ymchwilio i sut mae cymdeithasau wedi deall a llunio bywydau plant.

Mae’r Her Effaith yn fodiwl prosiect Blwyddyn Sylfaen lle mae myfyrwyr yn gweithio mewn timau i fynd i'r afael â materion y byd go iawn, gan ddatblygu atebion trwy ymchwil, chwilfrydedd, gwaith tîm a datrys problemau’n gyfrifol.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Byddwch chi'n dysgu trwy brofiadau dysgu gweithredol, yn y byd go iawn sy'n annog chwilfrydedd, cydweithio a meddwl annibynnol. Mae addysgu yn eich helpu i ddeall sut mae dysgu'n gweithio yn y brifysgol, wrth feithrin hyder academaidd, meddwl beirniadol a hunanfyfyrio.

Byddwch chi'n gweithio'n annibynnol a chydag eraill trwy drafodaethau, gweithgareddau ymarferol a myfyrio dan arweiniad, gyda chefnogaeth offer digidol. Mae adborth rheolaidd yn eich helpu i gydnabod cynnydd a chynllunio'r camau nesaf, gan gefnogi lles, gwydnwch ac ymdeimlad cryf o berthyn wrth i chi baratoi ar gyfer lefel uwch o astudio.

Byddwch ynn cael eich asesu mewn ffyrdd gwahanol, gan gynnwys tasgau byr, gwaith cwrs, cyflwyniadau a gwaith grŵp. Mae asesiadau cynnar wedi'u cynllunio i gefnogi eich dysgu a'ch helpu i ddeall beth a ddisgwylir yn y brifysgol.  

Mae'r rhan fwyaf o asesiadau ar sail gwaith cwrs ac yn eich helpu i ddatblygu sgiliau allweddol fel ymchwil, ysgrifennu academaidd, gwaith tîm a chyfathrebu. Byddwch chi hefyd yn myfyrio ar eich cynnydd ac yn defnyddio systemau prifysgol ac offer digidol. Bydd adborth clir ac amserol yn eich helpu i ddeall sut i wella a chefnogi eich camau nesaf. 

Elfen allweddol o'r radd Datblygiad Plentyndod lawn yw'r cyfle i gael cyfnod byr o brofiad ymarferol yn gweithio gyda phlant a phobl ifanc mewn amrywiaeth o leoliadau lle mae ar gael, gan gynnwys ysgolion, elusennau lles plant a theuluoedd, a chyfiawnder ieuenctid. Gallwch hefyd wneud cais am brofiad clinigol yn ein Clinig Ymyrraeth Gynnar ar y campws a chewch gyfle i ymgymryd â chyrsiau byr a lleoliadau gwaith, yn ogystal â chwblhau cymwysterau ychwanegol fel Diogelu Plant (Lefel 1). 

Rydym am eich helpu i wella eich sgiliau er mwyn agor cymaint o ddrysau â phosibl ar gyfer eich gyrfa yn y dyfodol. Gallwch hefyd ddod o hyd i amrywiaeth o opsiynau ar gyfer hyn drwy ein cynllun Seicoleg a Mwy, gan gynnwys gwirfoddoli, interniaethau a chyrsiau byr. 

Mae myfyrwyr ar ein cwrs gradd datblygiad plentyndod yn cael ymarfer mewn labordai seicoleg arbenigol gyda chyfarpar safon diwydiant, gan gynnwys EEG (electroencephalogram) a thechnoleg olrhain llygaid. Gyda mannau astudio neilltuol a mynediad i'n Clinig Dadansoddi Ymddygiad ar y safle, byddwch yn cysylltu eich dysgu ag ymarfer yn y byd go iawn. 

Arweinydd y Cwrs

Emma Wheeler

Emma Wheeler yw Arweinydd y Cwrs ar gyfer y Flwyddyn Sylfaen. Mae gan Emma flynyddoedd lawer o brofiad addysgu, gan weithio gyda myfyrwyr sydd wedi bod allan o addysg ers peth amser. Mae amgylcheddau ystafell ddosbarth ar y Flwyddyn Sylfaen yn sensitif, yn anogol ac yn ymatebol i ystod eang o anghenion ein myfyrwyr ac yn eich helpu i fynd ymlaen i'r cwrs gradd yn hyderus. 

Am fanylion Arweinydd y Cwrs ar y cwrs gradd, ewch i dudalen y cwrs.

E-bostwich Emma

Rhagolygon Gyrfa

Bydd y radd BSc (Anrh) mewn Datblygiad Plentyndod yn eich helpu i ddatblygu ystod o sgiliau ymarferol a'ch cynnwys mewn gweithgareddau ar leoliad, gan roi'r wybodaeth a'r offer i chi weithio gyda phlant a phobl ifanc mewn amrywiaeth o leoliadau.

Eich gyrfa yn y dyfodol

Unwaith y byddwch chi'n symud ymlaen i'ch gradd lawn, byddwch chi'n dechrau adeiladu eich dyfodol gyda phrofiad yn y byd go iawn a chefnogaeth arbenigol. Trwy bartneriaethau diwydiant, byddwch chi'n gweithio gyda chleientiaid byw ac yn tyfu eich rhwydwaith proffesiynol. Mae llwybrau gyrfa posibl yn cynnwys:

Addysgu  
Meithrin/Blynyddoedd Cynnar 
Gwaith Cymdeithasol 
Sefydliadau'r Trydydd Sector 
Gwaith Ieuenctid a Chymunedol 

Disgwyliadau cyflog

Gall gradd Datblygiad Plentyndod agor cyfleoedd ar draws Seicoleg a'r sector ehangach. Mae gyrfaoedd Seicoleg yn cynnig potensial enillion cryf:

 

Cyflog canolrifol
DU: £30.2k y flwyddyn
Cymru: £29.8k y flwyddyn

 

Cyfanswm y swyddi yn 2025
DU: 273,583
Cymru: 12,937

 

Ffynhonnell: Lightcast Labour Market Data 2026

Close up photo shot of Psychology student Isabel

''Roeddwn i'n gallu teimlo'n hyderus yn fy ngallu a'm sgiliau yn ystod lleoliadau profiad gwaith o'r wybodaeth roeddwn i wedi'i dysgu yn ystod darlithoedd.''

Isabel, Myfyriwr Graddedig Datblygiad Plentyndod

Partneriaid diwydiant

Trwy gydol eich astudiaethau, cewch gyfle i weithio gyda chleientiaid yn y byd go iawn trwy ein rhwydwaith cryf o bartneriaethau allanol. Mae hyn yn golygu y byddwch chi nid yn unig yn dysgu damcaniaethau, byddwch chi'n cymhwyso'ch sgiliau mewn lleoliadau ymarferol, yn adeiladu profiad gwerthfawr, ac yn gwneud cysylltiadau a allai gefnogi eich gyrfa yn y dyfodol. 

Gofynion Mynediad

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Gofynion ychwanegol:

Mae'r Brifysgol fel rheol yn gofyn am o leiaf 3 TGAU gan gynnwys Mathemateg a Saesneg ar Radd C / Gradd 4 neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol. 

Sut i wneud caisDatganiad Derbyniadau Cyd-destunolGofynnwch gwestiwn i ni

48 Pwyntiau UCAS neu'n uwch

Gofynion cymhwyster nodweddiadol

Lefel A:
DD

BTEC:
Diploma Estynedig BTEC Pasio Pasio Pasio

Mynediad i AU:
Pasio'r Diploma Mynediad i AU

Safon T:
Pasio (D neu E)

Ffioedd a Chyllid

Ffi Llawn Amser y DU £ 9,790

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

DBS Manylach *
Bydd disgwyl i fyfyrwyr dalu am DBS neu dystysgrif ymddygiad da o'u mamwlad. Mae ffi’r DBS yn cynnwys £49.50 ar gyfer y dystysgrif DBS uwch, ffi Gweinyddu Swyddfa’r Post a’r ffi gweinyddu ar-lein
Cost: £64.74

Gwasanaeth diweddaru’r DBS *
Bydd angen tanysgrifio ar gyfer pob blwyddyn o’r cwrs am ffi flynyddol o £16. Sylwer bod rhaid ymuno â’r gwasanaeth o fewn 30 niwrnod o dderbyn eich tystysgrif DBS Manylach.
Cost: £16

Costau Lleoli *  
Pob blwyddyn astudio. Mae'r gost yn dibynnu ar y lleoliad 
Cost: I fyny at £500 

Gwneud Adnoddau *  
Blynyddoedd 2 a 3
Cost: £50

Ffi Rhyngwladol Rhan-amser £ 17,200

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

DBS Manylach *
Bydd disgwyl i fyfyrwyr dalu am DBS neu dystysgrif ymddygiad da o'u mamwlad. Mae ffi’r DBS yn cynnwys £49.50 ar gyfer y dystysgrif DBS uwch, ffi Gweinyddu Swyddfa’r Post a’r ffi gweinyddu ar-lein
Cost: £64.74

Gwasanaeth diweddaru’r DBS *
Bydd angen tanysgrifio ar gyfer pob blwyddyn o’r cwrs am ffi flynyddol o £16. Sylwer bod rhaid ymuno â’r gwasanaeth o fewn 30 niwrnod o dderbyn eich tystysgrif DBS Manylach.
Cost: £16

Costau Lleoli *  
Pob blwyddyn astudio. Mae'r gost yn dibynnu ar y lleoliad 
Cost: I fyny at £500 

Gwneud Adnoddau *  
Blynyddoedd 2 a 3
Cost: £50

Beth sy'n ein gwneud ni'n wahanol?

Darganfod mwy
Dau fyfyriwr mewn llyfrgell Prifysgol

Yn y 50 prifysgol gorau yn y DU yng Nghanllaw Prifysgolion y Guardian 2026.

Three students studying in a pod in the library at Cardiff campus

 Ar y brig yng Nghymru ar gyfer busnesau newydd a'r 7fed yn y DU. (HEBCIS)

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

  • Datblygiad Plentyndod gan gynnwys Blwyddyn Sylfaen

    • Llawn Amser, 4 blynedd

    • Medi

    • Pontypridd

    Apply direct

  • Datblygiad Plentyndod gan gynnwys Blwyddyn Sylfaen

    • Llawn Amser, 4 blynedd

    • Medi

    • Pontypridd

    Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Storïau Myfyrwyr

''Mae’r radd hon eisoes wedi rhoi amrywiaeth o sgiliau i mi yr wyf wedi gallu eu rhoi ar waith yn fy ngweithle.''

Isabel Myfyriwr Graddedig Datblygiad Plentyndod

Gweld Proffil Myfyrwyr

Straeon Myfyrwyr

Roedd y Flwyddyn Sylfaen yn gyfan gwbl yn yr ystafell ddosbarth, a oedd yn addas iawn i mi. Gwnaeth y grwpiau llai a'r darlithwyr cefnogol y profiad dysgu yn bersonol ac yn hygyrch. Roeddwn i'n teimlo'n gyfforddus yn gofyn cwestiynau, yn meithrin perthnasoedd â fy nhiwtoriaid, ac yn ennill yr hyder oedd ei angen arnaf i lwyddo.

Leah Myfyriwr Blwyddyn Sylfaen

Gweld proffil myfyriwr

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety