Fforensig Digidol gan gynnwys Blwyddyn Sylfaen

BSc (Anrh) Sut i wneud cais Gwneud gais drwy UCAS Trefnu Diwrnod Agored Sgwrsio gyda ni

Côd UCAS

FG4F

Dyddiad Cychwyn

Medi 2027

Lleoliad

Casnewydd

Côd y Campws

Pwyntiau UCAS

Myfyrwyr rhyngwladol: £17,600*

Trosolwg o'r Cwrs

Dysgwch y sgiliau a’r wybodaeth sydd eu hangen i weithio mewn Unedau Fforensig Ddigidol a thimau Ymateb i Ddigwyddiadau ar y cwrs arloesol hwn, gan ddatblygu sgiliau a gwybodaeth arbenigol wrth i chi ddatblygu’r sgiliau ymarferol a phroffesiynol mae cyflogwyr ym meysydd fforenseg ddigidol, gorfodi'r gyfraith a'r sectorau corfforaethol a seiberddiogelwch ehangach yn chwilio amdanyn nhw.

Mae’r cwrs hwn wedi’i ddylunio ar gyfer y rheini sydd â diddordeb brwd mewn troseddau digidol, seiberddiogelwch, ymchwilio troseddol, gorfodi’r gyfraith ac ymateb i ddigwyddiadau yn y sectorau troseddol a sifil.

Achrediadau

Rydym wedi ein hachredu gan y BCS, y Sefydliad Siartredig ar gyfer TG

Pam astudio'r cwrs hwn?

Profiad byd go iawn

Gweithiwch gyda heddluoedd, ymwelwch â safle trosedd a gweithiwch ar achosion go iawn i roi eich dysgu ar waith y tu allan i'r ystafell ddosbarth.

Partneriaethau diwydiant

Rydym yn gweithio gyda heddluoedd, cwmnïau preifat ac arbenigwyr yn y maes i ddod â'r datblygiadau diweddaraf mewn fforensig digidol i chi.

Dod â dysgu yn fyw

Profwch eich sgiliau i'r eithaf yn ein labordai fforensig digidol pwrpasol, gan ddefnyddio offer a meddalwedd safonol y diwydiant.

Beth fyddwch chi'n ei astudio

Yn eich Blwyddyn Sylfaen, byddwch yn archwilio heriau yn y byd go iawn, yn meithrin sgiliau ymarferol, academaidd a gwaith tîm, ac yn datblygu chwilfrydedd, hyder a galluoedd datrys problemau i baratoi ar gyfer astudiaeth ac effaith yn y dyfodol.

Dysgwch hanfodion dylunio a datblygu gwefannau gan ddefnyddio HTML a CSS, deallwch beth sy'n gwneud gwefan dda a sut i greu un o'r dechrau. Dysgwch hanfodion dylunio a datblygu gwefannau gan ddefnyddio HTML a CSS, deallwch beth sy'n gwneud gwefan dda a sut i greu un o'r dechrau.

Enillwch brofiad uniongyrchol o sut mae cyfrifiaduron wedi’u cysylltu mewn rhwydwaith, gan gymhwyso'ch sgiliau i broblemau a senarios yn y byd go iawn.

Dysgwch am y materion cyfreithiol, cymdeithasol, moesegol a phroffesiynol a fydd yn eich paratoi ar gyfer gyrfa ym maes cyfrifiadureg a TG.

Mae modd astudio rhan o'r modiwl hwn drwy gyfrwng y Gymraeg

Dewch i ddeall sut mae systemau gwybodaeth yn ein galluogi i storio a chyrchu data, wrth i chi gael eich cyflwyno i'r dulliau a ddefnyddir i greu cronfeydd data yn ddiogel.

Cyfle i addasu ac adeiladu cymwysiadau syml ar ôl cael eich cyflwyno i hanfodion rhaglennu gweithdrefnol gan ddefnyddio iaith C#.

Dysgwch sut i gymhwyso a dehongli technegau datrys problemau amrywiol a fydd yn eich helpu drwy gydol y cwrs.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Mae hwn yn gwrs Fforensig Digidol ymarferol, sy'n canolbwyntio ar y diwydiant, wedi'i gynllunio i ddatblygu'r sgiliau y mae cyflogwyr yn chwilio amdanynt yng ngweithwyr proffesiynol seiberdroseddu ac ymchwilio digidol heddiw. Byddwch yn dysgu trwy gyfuniad o ddarlithoedd, gweithdai ymarferol, sesiynau labordy arbenigol ac astudiaeth annibynnol, gan roi eich gwybodaeth ar waith mewn senarios ymchwilio realistig o ddechrau eich gradd.

Byddwch chi'n dysgu drwy wneud, drwy weithgareddau byd go iawn a fydd yn eich helpu i ddeall sut mae dysgu'n gweithio yn y brifysgol. Byddwch chi'n cael eich annog i ofyn cwestiynau, archwilio syniadau newydd a gweithio gydag eraill, yn ogystal ag yn annibynnol. Mae addysgu'n meithrin hyder, meddwl beirniadol a myfyrio, gyda chefnogaeth offer digidol. Mae adborth rheolaidd yn eich helpu i olrhain cynnydd, cynllunio'r camau nesaf ac adeiladu gwydnwch a theimlad cryf o berthyn wrth i chi baratoi ar gyfer astudiaeth lefel uwch.

Byddwch yn cael eich asesu mewngwahanol ffyrdd, gan gynnwys tasgau byr, gwaith cwrs, cyflwyniadau, a gwaithgrŵp. Mae asesiadau cynnar wedi'ucynllunio i gefnogi eich dysgu a'ch helpu iddeall beth a ddisgwylir yn y brifysgol. Mae'r rhan fwyaf o asesiadau'n seiliedigar waithcwrs ac yn eich helpu i ddatblygusgiliau allweddol fel ymchwil, ysgrifennuacademaidd, gwaith tîm, a chyfathrebu. Byddwch hefyd yn myfyrio ar eichcynnydd ac yn defnyddio systemau ac offer digidol y brifysgol. Bydd adborth clirac amserol yn eich helpu i ddeall sut iwella a chefnogi eich camau nesaf.

Er mwyn gwella eich rhagolygon cyflogaeth, rydym yn eich annog i dreulio hyd at flwyddyn yn gweithio yn y diwydiant yn un o'r sefydliadau amrywiol ac Unedau Fforensig Digidol yn y DU, trwy Leoliadau PDC. Yn aml gall hyn arwain at gyfleoedd cyflogaeth gyda chwmni eichlleoliad. Mae gan yr adran Seiber ym Mhrifysgol De Cymru berthnasoedd ardderchog gyda’r diwydiant a gorfodi’r gyfraith, gan gynnig lleoliadau yn unedau fforensig digidol Heddlu De Cymru, Heddlu Gwent, ac amrywiol gwmnïau sector preifat sy’n gyfrifol am drin ymosodiadauseiber.

Rydym yn ymfalchïo yn ein cyfleusterau digidol pwrpasol. Ein cenhadaeth yw sicrhau eich bod yn graddio yn barod ar gyfer y byd gwaith, felly rydym wedi creu labordai fforensig digidol pwrpasol arbenigol o’r radd flaenaf sydd â meddalwedd ac offer trwyddedig ardystiedig sy'narwain y diwydiant. Mae ein Canolfan Gweithrediadau Diogel (SOC) wedi'i modelu ar y rhai a ddefnyddir gan asiantaethau gorfodi'r gyfraith a busnesau corfforaethol. Mae ein tŷ safle trosedd yn eich galluogi i ymarfer gweithio mewn sefyllfaoedd trosedd realistig.

Arweinydd y Cwrs

Rachael Medhurst

Mae Rachael Medhurst yn arbenigo mewn Fforensig Digidol ac Ymateb i Ddigwyddiadau (DFIR) ac mae hi'n Arweinydd y Cwrs BSc ac MSc Fforensig Digidol. Mae hi'n defnyddio ei phrofiad fel cyn Ymchwilydd Fforensig Digidol, gan gynnal gwaith achos i heddluoedd ledled y DU. Ar hyn o bryd mae Rachael yn cwblhau PhD sy'n canolbwyntio ar brosesau DFIR o fewn y sector gofal iechyd. Mae ei hymchwil yn cynnwys meysydd fel ymchwiliadau cynnwys a gynhyrchir gan AI, gwaith fforensig Rhyngrwyd Pethau Meddygol (IoMT), gwaith fforensig systemau cerbydau, a hyfforddiant ac ymwybyddiaeth plismona.

Os oes gennych unrhywgwestiynau am y cwrs neu fforensig digidol, cysylltwch â ni.

Eich gyrfa yn y dyfodol

Mae ein graddedigion Fforensig Digidol yn mynd ymlaen i amrywiaeth o yrfaoedd. Mae ein hopsiwn blwyddyn ryngosod yn eich galluogi i gwblhau blwyddyn yn gweithio yn y diwydiant rhwng ail a thrydedd flwyddyn eich astudiaethau. Mae llawer o raddedigion yn cael cynigionswyddi parhaol gan gyflogwyr eu lleoliadau, felly maen nhw'n cwblhau eu hastudiaethau ac yna'n mynd yn syth i'r gweithle. Mae llwybrau gyrfa posibl yn cynnwys:

Ymchwilydd fforensig digidol
Dadansoddwr bygythiadau seiber
Dadansoddwr maleiswedd
Gorfodi'r gyfraith
Gwasanaethau Cudd-wybodaeth milwrol / y llywodraeth
Dadansoddwr Ymateb i Ddigwyddiadau

Students and a lecturer sat in front of computer screens, working.

"Rydyn ni wedi cael siaradwyr gwadd o sefydliadau blaenllaw fel Tarian, a rannodd fewnwelediadau a chyngor gwerthfawr. Mae'r rhyngweithiadau hyn wedi fy ysbrydoli i ymchwilio i wahanol leoliadau a pharatoi at waith yn y dyfodol."

Jessica Jones, myfyriwr Fforensig Digidol

Disgwyliadau cyflog

Gall gradd Fforensig Digidol agor cyfleoedd ar draws fforensig digidol a'r sector Cyfrifiadura ehangach. Mae gyrfaoedd Cyfrifiadura a Seiberddiogelwch yn cynnig potensial enillion cryf:

Cyflog canolrifol

DU: £53.7k y flwyddyn
Cymru: £43.4k y flwyddyn

Cyfanswm y swyddi yn 2025

DU: 1.76m
Cymru: 44,279

Ffynhonnell: Lightcast Labour Market Data 2026

Partneriaid diwydiant

Rydym wedi gweithio'n galed i ddatblygu a chynnal cysylltiadau agos gydag adrannau'r heddlu yn ogystal â chwmnïau preifat. Drwy'r partneriaethau hyn, gallwn gynnig darlithoedd gwadd, seminarau gwadd, a sesiynau cinio a dysgu. Diolch i'r perthnasoedd agos hyn, gallwnddarparu profiad gwaith ym mlwyddyn un a lleoliadau gwaith blwyddyn o hyd rhwng eich ail a'ch trydedd flwyddyn o astudio. Rydym hefyd yn gallu eu defnyddio ar gyfer adnoddau ac achosion byd go iawn, felly mae eich dysgu yn mynd ymhell y tu hwnt i'r ystafell ddosbarth.

Adeiladwch eich gyrfa eich hun

Nid oes rhaid i'ch gyrfa olygu gweithio i rywun arall. Os ydych chi eisiau gweithio'n llawrydd, dechrau busnes neu ddatblygu syniad, gall Menter PDC eich helpu gyda mentora un-i-un, gweithdai ymarferol a chyfleoedd ariannu drwy Gronfa Cychwyn Busnes Menter PDC.

Bydd gennych hefyd fynediad at fannau Stiwdio Sefydlu yn ein campysau yng Nghaerdydd, Casnewydd a Threfforest. Ar ôl graddio, gallwch gael aelodaeth am ddim am hyd at dair blynedd, gan roi gweithle i chi a rhwydwaith o sylfaenwyr eraill.

P'un a ydych chi'n dewis cyflogaeth, gweithio'n llawrydd neu ddechrau busnes, byddwn yn eich helpu i ddatblygu'r sgiliau, hyder a'r cysylltiadau i symud ymlaen.

Menter PDC

Gofynion Mynediad

Ychwanegol

TGAU: Mae'r Brifysgol fel arfer yn gofyn am o leiaf 5 TGAU gan gynnwys Mathemateg/Rhifedd a Saesneg ar Radd C neu Radd 4 neu uwch, neu eu cyfwerth, ond rhoddir ystyriaeth i amgylchiadau unigolion.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud cais Datganiad Derbyniadau Cyd-destunol Gofynnwch gwestiwn i ni

48 Pwyntiau UCAS neu'n uwch

Gofynion cymhwyster nodweddiadol

Lefel A:
DD

BTEC:
Diploma Estynedig BTEC Pas Pas

Mynediad i AU:
Pasio'r Diploma Mynediad i AU a chael o leiaf 48 pwynt tariff UCAS

Safon T:
Pasio (D neu E)

Ffioedd a Chyllid

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Ffi Rhyngwladol Rhan-amser £ 17,600

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Three students of the global majority sit around a laptop and discuss their work in a cyber security workshop. They all have concentrating facial expressions

Prifysgol Seiber y Flwyddyn yn y Gwobrau Seiber Cenedlaethol, pedair blynedd yn olynol (2019-22), ac yn y rownd derfynol eto yn 2025. 

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Three students studying in a pod in the library at Cardiff campus

Ar y brig yng Nghymru ar gyfer busnesau newydd a'r 7fed yn y DU. (HEBCIS)

Archwiliwch ein cyfleusterau

Camwch i ddyfodol diogelwch digidol gydag amrywiaeth o brofiadau ymarferol.

Academi Seiberddiogelwch Genedlaethol Cymru

Gyda dau lawr cyfan wedi'u neilltuo i seiberddiogelwch, mae'r lle hwn sy’n ferw o weithgarwch yn berffaith i ddatblygu eich sgiliau digidol. Mae ein Canolfan Gweithrediadau Diogelwch (SOC) yn adlewyrchucanolfannau diwydiant cyfredol ac yn cynnwys yr holl seilwaith a thechnoleg manyleb uchel y byddwch chi eu hangen i fynd i’r afael â seiber-droseddu.

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Fforensig Digidol gan gynnwys Blwyddyn Sylfaen
- Llawn Amser, 4 blynedd
- Medi
- Casnewydd
Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Storïau Myfyrwyr

"Un o elfennau gorau’r cwrs yw'r labordai seiber. Dim ond myfyrwyr ar ein cwrs ni sy’n gallu eu defnyddio, ac maen nhw’n rhoi mynediad i ni at offer ac adnoddau o'r radd flaenaf pryd bynnag mae eu hangen nhw arnon ni."

Jessica Jones Jessica Jones, myfyriwr Fforensig Digidol

Gweld Proffil Myfyrwyr

Straeon ac uchafbwyntiau cysylltiedig

Erthygl Newyddion

Y cyntaf ledled Cymru i PDC gyda'r ail wobr Aur am ragoriaeth seiberddiogelwch

Erthygl Newyddion

Academi Seiberddiogelwch Genedlaethol: Degawd o bontio'r bwlch rhwng yr ystafell ddosbarth a gyrfa

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety