Gwyddor Fferyllol gan gynnwys Blwyddyn Sylfaen

Bioleg Sylfaen

Mae’r modiwl hwn yn rhoi gwybodaeth sylfaenol i fyfyrwyr am bethau byw, a’r prosesau sy’n eu galluogi i oroesi ac atgenhedlu. Mae hefyd yn eu cyflwyno i’r prosesau esblygiadol sy’n arwain at fywyd amrywiol y byd sydd ohoni.

Cyflwyniad i Anatomeg a Ffisioleg

Mae’r modiwl hwn yn cyflwyno myfyrwyr blwyddyn sylfaen i astudiaeth o’r corff dynol. Mae’n rhoi trosolwg sylfaenol o strwythur a swyddogaeth holl brif systemau’r corff.

Sgiliau Allweddol a Datblygiad Proffesiynol

Mae’r modiwl hwn yn galluogi myfyrwyr i ddatblygu’r pethau allweddol sydd eu hangen arnynt i gwblhau gradd mewn gwyddoniaeth a pharhau i gymryd rhan mewn dysgu gydol oes.

Llythrennedd Data Gwyddonol

Cynlluniwyd y modiwl hwn i ddatblygu a chynorthwyo’r myfyrwyr wrth iddynt ddefnyddio llythrennedd rhifiadol a thrin data yng nghyd-destun eang gwyddoniaeth, trwy enghreifftiau hygyrch a thermau syml.

Sylfeini Cemeg Ffisegol

Mae’r modiwl hwn yn rhoi cyflwyniad i’r ffactorau sy’n dylanwadu ar gyflyrau mater o ran eu strwythur, eu hadweithiau a’u priodweddau ffisegol.

Sylfeini Cemeg Organig ac Anorganig

Mae’r modiwl hwn yn cyflwyno’r myfyrwyr i gysyniadau sylfaenol mewn perthynas â chemeg anorganig ac organig ac yn darparu amgylchedd sy’n annog ymagwedd ymholgar ac ymchwiliol.

Amrywiaeth Bywyd Cellog
Mae’r modiwl hwn yn rhoi gwybodaeth sylfaenol i fyfyrwyr am bethau byw, a’r prosesau sy’n eu galluogi i oroesi ac atgenhedlu. Mae hefyd yn eu cyflwyno i’r prosesau esblygiadol sydd wedi arwain at amrywiaeth y byd byw sydd ohoni.

Geneteg ac Esblygiad

Mae’r modiwl hwn yn cyflwyno’r egwyddorion a’r cysyniadau craidd ar gyfer geneteg a theori esblygiad.

Moleciwlau Organig: eu Strwythur, Adweithedd a Dadansoddiad

Cynlluniwyd y modiwl hwn i ddatblygu a chefnogi’r modd y mae myfyrwyr yn rhoi cysyniadau sylfaenol ar waith ym meysydd cemeg organig a dadansoddol.

Nodweddion Ffisegol Moleciwlau

Mae’r modiwl hwn yn cyflwyno hanfodion cemeg ffisegol, sy’n berthnasol i’r modd y’u defnyddir o fewn y gwyddorau fferyllol.

Cemeg Anorganig

Mae’r modiwl hwn yn rhoi cyflwyniad i gemeg metelau anorganig a thrawsnewidiol, a’r ffactorau sy’n dylanwadu ar strwythur, adweithedd a phriodweddau ffisegol y cyfansoddion anorganig a’r cymhlygion metel trosiannol, ac mae hefyd yn dangos y modd y’u defnyddir o fewn y gwyddorau fferyllol. 

Sgiliau Allweddol ar gyfer Gyrfaoedd yn y Gwyddorau

Cynlluniwyd y modiwl hwn i ddatblygu a chefnogi defnydd y myfyriwr o sgiliau cwrs-benodol yng nghyd-destun y sectorau cemegol / fferyllol / gwyddor bywyd.

Geneteg Foleciwlaidd Ddynol

Nod y modiwl hwn yw cyflwyno myfyrwyr i eneteg foleciwlaidd ynghyd â’r sail enetig i anhwylderau rhyng-gysylltiedig. Ar ôl cwblhau’r modiwl hwn yn llwyddiannus, bydd myfyrwyr yn deall y cymwysiadau damcaniaethol ac ymarferol a berthyn i’r technegau allweddol a ddefnyddir ym maes bioleg foleciwlaidd wrth astudio geneteg, a’u pwysigrwydd i anhwylderau genetig dynol.

Rheoli Ansawdd a Rheolaeth o fewn y Diwydiant Fferyllol

Nod y modiwl hwn yw cyflwyno myfyrwyr i’r egwyddorion sylfaenol wrth wraidd sicrwydd ansawdd fel elfen allweddol o systemau rheoli ansawdd sy’n sail i’r diwydiannau fferyllol, gweithgynhyrchu a dosbarthu.

Cyflwyniad i Wyddoniaeth Fformiwleiddio a Dadansoddiad Fferyllol

Prif nod y modiwl hwn yw cyflwyno gwybodaeth a phrofiad ymarferol o’r modd y caiff cyffuriau eu fformiwleiddio gan roi trosolwg o ehangder yr wyddor fformiwleiddio yn ei chyfanrwydd.

Technegau Dadansoddi ac Adnabod Modern

Mae’r modiwl hwn yn cynorthwyo myfyrwyr i ddeall ac ennill sgiliau ymarferol gan ddefnyddio technegau dadansoddi modern, gan gynnwys paratoi samplau, a dehongli data.

Cemeg Organig Synthetig a Heterogylchol

Mae’r modiwl hwn yn ymestyn gwybodaeth myfyrwyr ym maes trawsffurfiad synthetig/cemeg heterogylchol ac yn galluogi myfyrwyr i ddefnyddio dadansoddiad retrosynthetig a strategaethau synthetig addas ar gyfer datblygu ac ymchwilio i gyffuriau a chyfansoddion o werth masnachol.

Cemeg Bioanorganig

Mae’r modiwl hwn yn adeiladu ac yn datblygu cysyniadau o amgylch strwythur ffisegol ac electronig y cyfansoddion sy’n cydsymud, a hynny yng nghyd-destun systemau bio-anorganig. Mae’n rhoi cyflwyniad cynhwysfawr i gyfansoddion anorganig sy’n berthnasol yn fiolegol ynghyd â’u swyddogaethau o fewn systemau naturiol gan gynnwys eu rôl yn y corff dynol.

Biocemeg a Ffarmacoleg Glinigol

Mae’r modiwl hwn yn rhoi dealltwriaeth o rôl y gwahanol lwybrau biocemegol mewn clefydau ac anhwylderau metabolaidd penodol ac mae’n egluro rôl technegau labordy wrth wneud diagnosis o’r anhwylderau hyn.

Prosiect Mawr a Datblygu Gyrfa

Mae’r modiwl hwn yn datblygu sgiliau ymarfer proffesiynol y myfyriwr (e.e. astudio/ymchwilio/ymarfer gwaith, cynllunio, trefnu, cadw cofnodion, asesu beirniadol, rhoi cyflwyniad llafar/poster ac ysgrifennu adroddiadau, ac ati), trwy alluogi myfyrwyr i gymryd rhan weithredol mewn prosiect gwyddonol o bwys ar lefel broffesiynol. Mae hefyd yn galluogi myfyrwyr i ymarfer eu sgiliau proffesiynol ar lefel gradd, megis ymwybyddiaeth iechyd a diogelwch, myfyrdod beirniadol ar ddatblygiad sgiliau, cynllunio targedau, sgiliau cydweithredol, ac ati.

Technegau Dadansoddi Uwch

Mae’r modiwl hwn yn ehangu gwybodaeth y myfyriwr o gemeg ddadansoddol a sgiliau ymarferol trwy astudio dulliau dadansoddi cymhwysol modern.

Cemeg Organig Uwch

Mae’r modiwl hwn yn rhoi dealltwriaeth fanwl i’r myfyrwyr o’r theori a’r cymwysiadau sy’n ymwneud ag adweithiau perigylchol, synthesis anghymesur a metelau trosiannol o fewn synthesis organig.

Dylunio Cyffuriau Uwch a Chyflwyniad i Wyddoniaeth Fformiwleiddio

Mae’r modiwl hwn yn darparu dealltwriaeth o’r prosesau y mae diwydiant yn eu defnyddio i ddylunio darpar gyffuriau a’r wyddoniaeth foleciwlaidd y tu ôl i weinyddu cyffuriau yn ddiogel/effeithiol (ac mewn modd a dargedwyd). Mae hefyd yn cyflwyno myfyrwyr i bynciau newydd sef modelu cyfrifiadurol a chemeg bolymer a osodwyd yng nghyd-destun y modiwl dan sylw. Trwy’r modiwl hwn, bydd myfyrwyr yn datblygu gwerthfawrogiad o’r anawsterau ymarferol wrth symud darganfyddiadau/synthesisau o raddfa labordy i raddfa fwy swmpus.