MSc

Peirianneg Chynhyrchu a Cerddoriaeth

Dyluniwyd y radd MSc Peirianneg a Chynhyrchu Cerddoriaeth, sy’n cysylltu creadigrwydd, technoleg a busnes, ar gyfer graddedigion sy’n dymuno datblygu eu sgiliau peirianneg a chynhyrchu cerddoriaeth ymhellach er mwyn sefydlu gyrfa fel cynhyrchwr proffesiynol yn y diwydiant cerddoriaeth neu feysydd cysylltiedig.

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £11,060*

  • Myfyrwyr rhyngwladol

    £17,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £1,229*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Elfen bwysig o’r radd Meistr Peirianneg Cerddoriaeth yw cymhwyso’ch gwybodaeth yn ymarferol i gynhyrchu gwaith creadigol iawn. Archwilir meysydd perthynol hefyd, sy’n caniatáu i raddedigion gymhwyso eu sgiliau i lawer o feysydd eraill sy’n gysylltiedig â chyfryngau, gan gynnwys ffilm ac animeiddio.

CYNLLUNIWYD AR GYFER

Yn nodweddiadol, mae myfyriwr sy’n astudio cyrsiau cerddoriaeth, peirianneg, a chynhyrchu yn rhywun sydd â diddordebau a doniau amrywiol. Fe allai fod yn gwneud cyfuniad o raddau neu’n astudio cyrsiau yn y meysydd hyn i ddatblygu set gynhwysfawr o sgiliau.

Llwybrau Gyrfa

  • Cynhyrchwr Cerddoriaeth
  • Peiriannydd Sain
  • Cyfansoddwr a Pherfformiwr
  • Dylunydd Sain
  • Athro neu Ddarlithydd

 

Sgiliau a addysgir

  • Arweinyddiaeth
  • Gwaith Tîm
  • Trefnu
  • Cyfathrebu
  • Datrys Problemau

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

Close up of an audio mixer
A guitarist looks at their hands with their hair covering their face as they play guitar on stage next to a microphone with a drummer in the background and moody purple lighting
sound tech University staff standing in studio with sound tech equipment
Recording studio at Cardiff Campus

A students hand moving buttons on recording equipment

Trosolwg o’r Modiwl

Mae nodau’r cwrs yn cynnwys galluogi myfyrwyr i gaffael gwybodaeth a dealltwriaeth briodol, datblygu’r priodoleddau personol angenrheidiol, a meistroli’r sgiliau hanfodol a fydd yn galluogi a pharatoi myfyrwyr ar gyfer datblygiad personol parhaus ac ymarfer proffesiynol. Cyflawnir y rhain a nodau eraill y cwrs trwy ystod gynhwysfawr o ymagweddau addysgu a dysgu a ddefnyddir yn ystod eich astudiaethau.  

Ôl-gynhyrchu 
Nod y modiwl hwn yw arfogi myfyrwyr â thechnegau ôl-gynhyrchu uwch a dealltwriaeth fanwl o amgylcheddau sain trochi a gofodol. Mae'n cefnogi myfyrwyr i ddatblygu sgiliau meddwl technegol, esthetig a beirniadol sy'n berthnasol i ôl-gynhyrchu ar draws ffilm, teledu, gemau a chyfryngau rhyngweithiol. Trwy gyfuniad o wybodaeth ddamcaniaethol ac archwilio ymarferol, mae myfyrwyr yn ymgysylltu â thechnolegau Dolby Atmos, sain amgylchynol, a deuseiniol, gan adlewyrchu llifoedd gwaith ôl-gynhyrchu sain yn y byd go iawn.

Recordio 
Cyd-destunoli peirianneg recordio sain, datblygiad technolegol, technolegau cyfoes o fewn stiwdio recordio fodern gan ddangos sut i gymhwyso technolegau a systemau recordio, cadwyn recordio, microffonau, rhagfwyaduron, consolau analog a digidol, tracio, cymysgu, golygu, prosesu, recordio amlsianel, materion gweithredol/rheoli a diogelwch, technolegau, technegau aml-drac, cymysgu a golygu. 

Portffolio Cynhyrchu
Nod y modiwl yw darparu dealltwriaeth fanwl a phrofiad ymarferol i fyfyrwyr mewn technegau cynhyrchu cerddoriaeth uwch, tra'n annog ymgysylltiad beirniadol â safbwyntiau cerddolegol, hanesyddol a dadansoddol i gyd-destunoli gwaith creadigol. Bydd myfyrwyr yn datblygu barn artistig trwy fyfyrio beirniadol parhaus, wedi'i lywio gan ddealltwriaeth ddyfnach o repertoire, genre, ac esblygiad sain wedi'i recordio.

Entrepreneuriaeth Greadigol a Diwylliannol
Datblygwyd y modiwl hwn ar gyfer myfyrwyr sy’n gweithio yn y sector diwydiannau creadigol (neu gydag ef) sy’n dymuno datblygu a gweithredu syniad busnes, menter gymdeithasol neu arloesiad diwylliannol arwyddocaol. Mae’n gosod creadigrwydd unigol o fewn fframwaith cymdeithasol, economaidd a gwleidyddol ehangach ac, wedi’i lywio gan y cyd-destunau hynny, yn galluogi myfyrwyr i gymhwyso modelau profedig ar gyfer datblygu busnes diwylliannol a chreadigol i’w hymarfer entrepreneuraidd eu hunain.

Prosiect Mawr Terfynol 
Fel y bo’n briodol i brosiect pob myfyriwr unigol. Yn ystod y modiwl hwn, bydd myfyrwyr yn datblygu’r wybodaeth a’r profiad a gafwyd yn ystod camau cynharach astudio ôl-raddedig i gwblhau prosiect mawr â chwmpas uchelgeisiol. Disgwylir i fyfyrwyr ddod yn gynyddol annibynnol o ran eu gallu i ymgymryd â’u prosiect a cheisio cymorth, gwybodaeth ac arbenigedd o fewn a’r tu allan i amgylchedd cefnogol (fel y bo’n briodol i’w gwaith cwrs). Disgwylir i fyfyrwyr ddangos eu bod yn cymhwyso sgiliau uwch, gwybodaeth ac ymwybyddiaeth feirniadol yn barhaus wrth ymgymryd â’u prosiect mawr a’i gwblhau. 

GOFYNION MYNEDIAD

Gofynion cymhwyster nodweddiadol:

Yn nodweddiadol mae angen Gradd Anrhydedd 2: 1 mewn maes priodol. Fodd bynnag, os oes gennych brofiad cadarn yn y diwydiant proffesiynol yn hytrach na chyflawniad academaidd, gallai hyn fod yn dderbyniol i fynediad i astudio ar y lefel hon trwy broses o'r enw Achredu Dysgu Blaenorol trwy Brofiad (APEL).

Ystyrir pob cais yn  unigol.

Gofynion Ychwanegol:

Rhowch dystiolaeth o wefan neu unrhyw fath arall o bortffolio digidol fel rhan o'ch cais. Dylai hon fod yn adran gyntaf eich datganiad personol neu ei lanlwytho yn adran 12 o'r ffurflen gais.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£11,060

fesul blwyddyn*
Ffi Llawn Amser y DU

£1,229

fesul blwyddyn*
Ffi Llawn Amser Rhyngwladol

£17,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Benthyca Offer Cyfryngau

Mynediad at gamerâu, cyfarpar goleuo, sain a recordio o safon y diwydiant, gyda chefnogaeth Benthyciadau Cyfryngau am ddim a thechnegwyr profiadol. Mae gennym bopeth sydd ei angen arnoch i'ch helpu i arbrofi, mireinio a gwireddu eich gwaith yn hyderus.

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

student-25

Cynllun Lleoliadau Ôl-raddedig gyda Cherddorfa a Chorws Cenedlaethol Cymreig y BBC

Mae hwn yn gynllun lleoliadau ôl-raddedig arloesol sy'n cynnig cyfle i fyfyrwyr MSc Peirianneg a Chynhyrchu Cerddoriaeth weithio gyda Cherddorfa a Chorws Cenedlaethol Cymreig y BBC. Mae myfyrwyr yn ennill profiad ymarferol mewn peirianneg sain a chynhyrchu cerddoriaeth gerddorfaol, gan wella eu hastudiaethau trwy gymwysiadau yn y byd go iawn. Mae'r cydweithrediad hwn yn darparu cyfleoedd amhrisiadwy i ddysgu gan y gweithwyr proffesiynol gorau yn y maes.

Darganfyddwch fwy am y cynllun unigryw hwn

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
Exterior view of the University's Cardiff Campus.
Campws Caerdydd
A member of staff is smiling and chatting with an open evening visitor.
Digwyddiadau Agored Ôl-raddedig

Uchafbwyntiau’r Cwrs

Sut byddwch yn dysgu

Mae’r radd Meistr Peirianneg a Chynhyrchu Cerddoriaeth yn cael ei haddysgu mewn amgylchedd creadigol proffesiynol a chyfeillgar. Mae’r holl staff wedi cael eu hyfforddi gan y diwydiant ac yn weithredol ym maes ymchwil a/neu ymgynghoriaeth. 

Byddwch yn cael tiwtorialau stiwdio a gweithdy a gefnogir gan ddarlithiau, seminarau, dadansoddi astudiaethau achos integredig, grwpiau trafod a chyflwyniadau amlgyfrwng. 

Ceir rhaglen o ddarlithiau gwadd cysylltiedig â’r diwydiant hefyd a gyflwynir gan ddarlithwyr gwadd profiadol. 

 

Staff addysgu

Stuart Jones, Arweinydd y Cwrs 
Andrew Gwilliam, Uwch Ddarlithydd 
Lloyd George, Uwch Ddarlithydd 
Matthew Evans, Uwch Ddarlithydd 
Paul Carr, Darllenydd 
Neil Martin, Darlithydd

Cyfleusterau

Mae ein stiwdios recordio llawn offer yn cynnwys cyfleusterau o’r radd flaenaf â phecynnau meddalwedd o safon diwydiant.

Offer

Ar ein Campws yng Nghaerdydd, mae gennym ni amrywiaeth eang o offer y byddwch chi'n cael eich hyfforddi i'w defnyddio fel rhan o'ch cwrs. I helpu i gefnogi eich astudiaethau, mae gennym gyfleuster Benthyca Offer Cyfryngau sy'n eich galluogi i logi'r offer, am ddim, fel y gallwch eu defnyddio ar gyfer eich aseiniadau a'ch gwaith ymarferol. Mae gennym ni gamerâu ffilm a ffotograffiaeth sylfaenol ac o’r radd flaenaf, offer goleuo a sain cludadwy yn ogystal ag amrywiaeth o ficroffonau a ddefnyddir mewn stiwdios proffesiynol, offerynnau ac offer cysylltiedig i'w defnyddio yn ein stiwdios cerddoriaeth neu ar leoliad. Mae'r tîm o swyddogion technegol a hyfforddwyr hefyd ar gael i'ch helpu gydag unrhyw ymholiadau a materion technegol.

Gyrfaoedd a Chyflogadwyedd

Llwybrau gyrfa posibl

Cymysgwr ADR, Artist, Cyfarwyddwr Sain, Golygydd Sain, Technegydd Clyweledol, Cyfansoddwr, Cyfansoddi ar gyfer Delweddau Symudol, Creawdwr Cynnwys Digidol, Rheolwr Label DIY, Cymysgwr Tros-seinio, Addysgwr, Peiriannydd Meistroli, Peiriannydd Cymysgu, Golygydd Cerddoriaeth, Cynhyrchwr Cerddoriaeth, Cydlynydd Cynhyrchu Cerddoriaeth, Peiriannydd Recordio, Rheolwr Stiwdio Recordio, Ailgymysgwr, Cyfansoddwr Caneuon, Artist Sain, Dylunydd Sain, Golygydd Sain, Peiriannydd Sain, Technegydd Sain, Peiriannydd Stiwdio

 

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Camau Nesaf

Sut i Wneud Cais
Archebwch Noson Agored
Sariad â ni