MSc

Peirianneg Fecanyddol

Cyfle i baratoi ar gyfer gyrfa ym maes Peirianneg Fecanyddol. Cael arbenigedd perthnasol a phrofiad ymarferol gyda chyfleusterau o'r radd flaenaf yn PDC.

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £11,060*

  • Myfyrwyr rhyngwladol

    £17,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Mae'r MSc Peirianneg Fecanyddol yn PDC yn mynd i'r afael â'r galw mawr am beirianwyr ôl-raddedig medrus. Amcan y cwrs yw helpu i ennill statws Peiriannydd Siartredig, ac mae'n cyfoethogi gwybodaeth wrth feithrin sgiliau rheoli prosiectau a sgiliau pobl. Mae myfyrwyr yn defnyddio meddalwedd uwch, yn dysgu ystyriaethau amgylcheddol a diogelwch, ac yn mynd i'r afael â materion yn y byd go iawn trwy draethodau hir wedi'u llywio gan waith ymchwil ac ymgynghori gweithredol staff.

CYNLLUNIWYD AR GYFER

Mae gan beirianwyr mecanyddol feddwl chwilfrydig, ac maen nhw am ddeall sut mae pethau'n gweithio a sut i gymhwyso gwybodaeth i broblemau'r byd go iawn. Mae rhai o'r meysydd pwysig y mae Peirianwyr Mecanyddol yn chwilio am atebion cynaliadwy iddynt ac yn cyfrannu eu gwybodaeth atynt yn cynnwys diogelwch ynni, cyflenwadau bwyd a dŵr, trafnidiaeth gynaliadwy.

Achredir gan

  • Ar hyn o bryd mae'r cwrs hwn yn mynd trwy ei broses ail-achredu a drefnwyd pob pum mlynedd gyda’r Sefydliad Peirianwyr Mecanyddol (IMechE). Disgwylir canlyniad yr adolygiad presennol erbyn Tachwedd 2026.

Llwybrau Gyrfa

  • Rheolwr Cynhyrchu
  • Peiriannydd Biofeddygol
  • Rheoli Prosiect
  • Peiriannydd Modurol

Sgiliau a addysgir

  • Datblygu gwybodaeth am dechnoleg arloesol
  • Gwaith tîm, rheoli ac arwain
  • Sgiliau cyfathrebu
  • Dealltwriaeth o gyfrifoldebau proffesiynol fel cynaliadwyedd a moeseg

Placeholder Image 1

Uchafbwyntiau'r Cwrs

Cydnabyddir yn broffesiynol

Achredir gan Sefydliad y Peirianwyr Mecanyddol (IMechE), gan ffurfio'r sylfaen addysgol ar gyfer Peiriannydd Corfforedig a, gyda dysgu pellach, statws Peiriannydd Siartredig.

Canolbwyntio ar ddiwydiant

Mae gennym gysylltiadau cryf â diwydiant ac rydym yn rhoi cryn bwyslais ar brosiectau myfyrwyr a dysgu ymarferol sy'n seiliedig ar broblemau.

Gwybodaeth arbenigol

Mae staff yn arbenigwyr yn eu meysydd, rhai drwy weithgareddau ymchwil a rhai drwy ymarfer proffesiynol mewn gyrfaoedd diwydiannol.

Trosolwg o'r Modiwl

Mae’r MSc Peirianneg Fecanyddol yn cynnwys modiwlau sy’n dod i gyfanswm o 180 credyd, sy'n cynnwys:

  • Deunyddiau a Gweithgynhyrchu Uwch - 10 credyd
  • Lludded a Thorri - 10 credyd
  • Dynameg Hylif Gyfrifiadurol Bellach - 10 credyd
  • Dadansoddiad Pellach o Elfennau Meidraidd - 10 credyd
  • Roboteg a Rheolaeth - 10 credyd
  • Dulliau Ymchwil i Beirianwyr - 10 credyd
  • Systemau Gwresogi Diwydiannol - 20 credyd
  • Rheoli Peirianneg Broffesiynol - 20 credyd
  • Iechyd Diogelwch a Pheirianneg Amgylcheddol - 20 credyd
  • Traethawd Hir - 60 credyd

Bydd myfyrwyr Mynediad Uniongyrchol nad oes ganddynt unrhyw wybodaeth flaenorol am Ddynameg Hylif Gyfrifiadurol neu Ddadansoddi Elfennau Meidraidd yn cael y dewis i gofrestru ar y modiwlau canlynol hefyd:

  • Dadansoddiad Cyfrifiadurol Peirianneg - 20 credyd

Uchafbwyntiau'r Cwrs

Sut byddwch chi'n dysgu

Mae'r rhaglen MSc Peirianneg Fecanyddol yn cynnig dau bwynt mynediad bob blwyddyn (Chwefror a Medi) gyda phatrwm astudio dwys y gellir ei addasu. 

Cyflwynir modiwlau trwy ddarlithoedd, sesiynau tiwtorial a labordai. Mae ein cysylltiadau â chyflogwyr, yn lleol ac yn rhyngwladol, yn sicrhau bod y cwrs yn parhau i fod yn berthnasol i'r diwydiant, gan gynnig ymweliadau safle a lleoliadau. Bydd gennych ddarlithwyr sy'n arbenigwyr profiadol gyda phrofiad mewn diwydiant, ac sydd wrthi’n ymchwilio a chyhoeddi, gan gyfoethogi eich addysg. Mae siaradwyr gwadd o'r sector peirianneg yn ehangu dysgu ymhellach. 

Mae asesu'n cynnwys gwaith cwrs parhaus neu gyfuniad o waith cwrs ac arholiadau. Mae'r traethawd hir yn cynnwys traethawd ymchwil, cyflwyniad poster, ac arholiad llafar.

Staff addysgu

Mae gan y staff sy'n cyflwyno'r modiwlau arbenigedd eang yn eu meysydd pwnc. 

Mae rhai wedi datblygu'r arbenigedd hwn trwy ymchwil o ansawdd uchel. Mae'r meysydd ymchwil yn rhyngwladol o ran eu cwmpas ac yn berthnasol yn lleol hefyd, gan weithio'n aml gyda chwmnïau rhyngwladol sy'n gweithredu'n lleol. 

Mae eraill wedi datblygu eu harbenigedd trwy yrfaoedd llwyddiannus mewn diwydiant ac maen nhw’n defnyddio'r wybodaeth honno bellach i addysgu a pharatoi'r myfyrwyr ar gyfer eu gyrfaoedd eu hunain.

Mae'r cyfuniad hwn o gefndiroedd sydd gan y staff academaidd yn sicrhau bod profiad y myfyriwr yn un eang ac yn eu datblygu'n dechnegol ac yn broffesiynol.

Lleoliadau

Amherthnasol

Cyfleusterau

Mae ein cyfleusterau Peirianneg Fecanyddol yn rhagorol. Maent yn cynnwys:

  • Ystafelloedd cyfrifiadurol gyda chyfarpar o safon a meddalwedd dylunio a dadansoddi o'r radd flaenaf (safon diwydiant). (SolidWorks, Ansys, FEA a CFD, LS-Dyna, SolidCAM, Simul8, ac ati), gyda chlwstwr (Super Computer) i'w ddefnyddio ar weithgareddau cyfrifiadurol lefel uwch.
  • Ystafelloedd prosiect pwrpasol ar gyfer pob carfan, mynediad at dorrwr laser a llwybrydd CNC pedair echelin.
  • Cyfleusterau gweithgynhyrchu cyfansawdd, gan gynnwys awtoclafau.
  • Cyfleusterau gweithgynhyrchu ychwanegion (argraffu 3D), sganiwr laser, twnnel gwynt, cyfleusterau profi deunydd helaeth, yn ogystal â labordai gydag offer ar gyfer ategu addysgu ym mhob pwnc craidd, mecaneg, dynameg, deunyddiau, thermodynameg, dynameg hylif a rheolaeth.
  • Cyfleusterau profi annistrywiol (NDT).
  • Mynediad at staff technegol yn ein gweithdai sy'n cynnwys canolfan beiriannu CNC, turnau a pheiriant melino, driliau, ac ati, i'w defnyddio ar yr holl waith prosiect a wneir.
  • Ardal fawr amlddisgyblaeth mynediad agored a adeiladwyd ar gyfer prosiectau.
  • Ardal adeiladu Fformiwla Myfyriwr (Agor mewn tab newydd) llawn cyfarpar.

Wedi'i achredu gan

Hyb Arloesi yn PDC

A photo thumbnail for the

Gyrfaoedd a Chyflogadwyedd

Gyrfaoedd graddedigion

Mae gan ein gradd Peirianneg Fecanyddol enw da yn y diwydiant, ac mae ein graddedigion wedi cael gyrfaoedd llwyddiannus mewn meysydd gan gynnwys ymchwil a datblygu, dylunio, rheoli gweithgynhyrchu, gwerthiant technegol, a pheirianneg cyfarpar.

Gall graddedigion symud ymlaen i PhD neu radd ymchwil mewn Peirianneg.

Llwybrau gyrfa posibl

Efallai fod gennych lwybr gyrfa clir rydych yn anelu ato a gallwn eich helpu i gyrraedd yno. Ar y llaw arall, efallai eich bod yn dal i fod yn ansicr ynghylch y cyfeiriad yr hoffech fynd iddo a dyna pam y bydd ein darlithwyr, ein cysylltiadau yn y diwydiant a'n gwasanaethau gyrfaoedd am siarad â chi am y cyfleoedd hyn. Mae'n gyfnod cyffrous i fod yn Beiriannydd Mecanyddol – mae'r byd yn wynebu heriau mawr ac rydym ar y blaen o ran datblygu atebion i lawer ohonynt.

Cymorth gyrfaoedd

Mae ein gwasanaeth gyrfaoedd yn cynnig cyngor ac arweiniad amrywiol i fyfyrwyr. Gallwn eich cysylltu â diwydiant, gallwn eich helpu gyda sgiliau cyfweld a CVs a'ch helpu i ganolbwyntio ar y trywydd yr hoffech ei ddilyn.

GOFYNION MYNEDIAD

Pwyntiau UCAS: 60 (neu uwch)

Gofynion cymhwyster nodweddiadol:

  • Gradd Anrhydedd 2:2 o leiaf mewn peirianneg fecanyddol, er y gellir ystyried disgyblaethau peirianneg cysylltiedig.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£11,060

fesul blwyddyn*
Ffi Llawn Amser Rhyngwladol

£17,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

student-25
Datblygu Campysauein Hwb STEM Newydd

Cyflwyno Calon

Rydym yn buddsoddi yn nyfodol STEM gydag adeilad Calon newydd a chyffrous ynghanol ein Campws Pontypridd.

Cyflwyno Calon Campws Pontypridd

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

CYRSIAU CYSYLLTIEDIG

Peirianneg Broffesiynol - MSc Dysgu mwy

Camau Nesaf

Sut i Wneud Cais
Archebwch Noson Agored
Sariad â ni