BSc (Anrh)

Troseddeg gan gynnwys Blwyddyn Sylfaen

Mae'r Flwyddyn Sylfaen mewn Troseddeg yn rhan o raglen radd integredig pedair blynedd, ac mae wedi'i chynllunio ar gyfer myfyrwyr nad ydynt ar hyn o bryd yn bodloni'r meini prawf derbyn ar gyfer mynd yn syth ar radd Troseddeg lawn.

Sut i wneud cais Gwneud cais drwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    M80F

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £5,760*

  • Myfyrwyr rhyngwladol

    £17,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Paratowch ar gyfer gyrfa mewn Troseddeg wrth adeiladu'r sgiliau academaidd sydd eu hangen i lwyddo yn y brifysgol.

Cynlluniwyd ar gyfer

Mae’r flwyddyn sylfaen hon yn gam delfrydol at addysg uwch os oes gennych ddiddordeb yn y gyfraith a chyfiawnder ond ddim yn meddu ar y gofynion mynediad ar gyfer gradd Troseddeg.

Llwybrau gyrfa

  • Gorfodi'r gyfraith 
  • Addysg a gwaith ieuenctid 
  • Gwasanaeth carchar neu brawf 
  • Gwaith cymdeithasol 
  • Eiriolaeth dioddefwyr 

Sgiliau a addysgir

  • Cydweithio
  • Rheoli amser
  • Ymchwilio
  • Meddwl yn feirniadol
  • Sgiliau TG

Uchafbwyntiau’r Cwrs

Cael sylfaen academaidd gref

Datblygu ystod o sgiliau hanfodol, megis sgiliau TG a meddwl yn feirniadol a fydd yn eich paratoi ar gyfer gradd.

Addysg gan arbenigwyr

Byddwch yn cael cefnogaeth academyddion angerddol, sy’n arweinwyr yn eu meysydd astudio.

Cyfleusterau arobryn

Mae PDC ymhlith yr unig brifysgolion yn y byd sydd â chyfleuster dysgu trochol integredig – Canolfan Efelychu Hydra.

Dysgu rhyngweithiol

Bydd ein graddau yn rhoi’r cyfle i chi ddysgu mewn ffyrdd arloesol seiliedig ar dechnoleg, gan gynnwys efelychu safleoedd trosedd a gweithio ar archwiliadau byd go iawn.

Trosolwg o’r Modiwl

Paratowch ar gyfer astudio yn y brifysgol drwy ddatblygu sgiliau academaidd ac archwilio materion byd go iawn sy'n gysylltiedig â throsedd a chyfiawnder. Drwy waith tîm, myfyrio a dysgu cymhwysol, byddwch yn meithrin hyder a dealltwriaeth ar draws y flwyddyn sylfaen.

Dechrau eich Taith Prifysgol 
Datblygwch sgiliau academaidd, personol a phroffesiynol ar gyfer astudio yn y brifysgol. Byddwch yn myfyrio ar eich cynnydd, yn meithrin hyder, ac yn creu portffolio ar sail tystiolaeth i gefnogi eich dysgu yn y dyfodol. 

Trosedd, y Cyfryngau a Diwylliant 
Gan ganolbwyntio ar drosedd a chyfiawnder mewn cymdeithas, mae'r modiwl hwn yn archwilio sut mae'r cyfryngau, hunaniaeth a barn y cyhoedd yn llunio dealltwriaeth a pholisi. Byddwch yn ymgysylltu â dadleuon allweddol ac yn cynnig diwygiadau sy'n seiliedig ar dystiolaeth. 

Y Tu Mewn i'r Ymchwiliad: Deall Trosedd ac Ymarfer Plismona  
Cyflwyniad i ymchwiliadau troseddol yng Nghymru a Lloegr drwy archwilio prosesau ymchwiliol, gwneud penderfyniadau moesegol ac ymarfer proffesiynol. Byddwch yn defnyddio meddylfryd ymchwiliol mewn senarios realistig ar draws mathau gwahanol o droseddau. 

Yr Her Effaith: Llunio Atebion y Byd Go Iawn
Mae’r Her Effaith yn fodiwl prosiect Blwyddyn Sylfaen lle mae myfyrwyr yn gweithio mewn timau i fynd i'r afael â materion y byd go iawn, gan ddatblygu atebion trwy ymchwil, chwilfrydedd, gwaith tîm a datrys problemau’n gyfrifol.

Am fanylion y modiwlau y byddwch yn eu hastudio ar ôl cwblhau’r Flwyddyn Sylfaen yn llwyddiannus, gweler prif dudalen y cwrs.

Uchafbwyntiau’r Cwrs

Sut byddwch yn dysgu

Byddwch chi'n dysgu trwy brofiadau dysgu gweithredol, byd go iawn sy'n annog chwilfrydedd, cydweithio a meddwl annibynnol. Mae addysgu yn eich helpu i ddeall sut mae dysgu'n gweithio yn y brifysgol, wrth feithrin hyder academaidd, meddwl beirniadol a hunanfyfyrio. Byddwch chi'n gweithio'n annibynnol a chydag eraill trwy drafodaethau, gweithgareddau ymarferol a myfyrio dan arweiniad, gyda chefnogaeth offer digidol. Mae adborth rheolaidd yn eich helpu i gydnabod cynnydd a chynllunio'r camau nesaf, gan gefnogi lles, gwydnwch a theimlad cryf o berthyn wrth i chi baratoi ar gyfer lefel uwch o astudio.

Sut y byddwch chi'n cael eich asesu

Byddwch chi'n cael eich asesu mewn ffyrdd gwahanol, gan gynnwys tasgau byr, gwaith cwrs, cyflwyniadau a gwaith grŵp. Mae asesiadau cynnar wedi'u cynllunio i gefnogi eich dysgu a'ch helpu i ddeall beth a ddisgwylir yn y brifysgol. Mae'r rhan fwyaf o asesiadau ar sail gwaith cwrs ac yn eich helpu i ddatblygu sgiliau allweddol fel ymchwil, ysgrifennu academaidd, gwaith tîm a chyfathrebu. Byddwch chi hefyd yn myfyrio ar eich cynnydd ac yn defnyddio systemau prifysgol ac offer digidol. Bydd adborth clir ac amserol yn eich helpu i ddeall sut i wella a chefnogi eich camau nesaf. 

Lleoliadau a phrofiad gwaith

Bydd myfyrwyr sy’n symud ymlaen i’r rhaglen radd Troseddeg llawn yn cyflawni 70 awr o brofiad ymarferol mewn lleoliad sy’n addas i’ch nodau gyrfa a’ch diddordebau. Bydd y lleoliad hwn yn cael ei deilwra i chi, a’r manylion yn cael eu pennu drwy drafodaethau rhyngoch chi a swyddog lleoliadau’r Brifysgol a’r sefydliad croeso. Bwriad hyn yw eich helpu chi i gau’r bwlch rhwng astudio a chyflogaeth drwy gael cymorth ymarferol mewn meysydd megis sgiliau cyfweld, datblygu CV a chydnabod y sgiliau trosglwyddadwy y byddwch chi’n eu cyflwyno i’r gweithle.

Cyfleusterau

Byddwch yn cael eich addysgu ar safle Pontypridd, sydd â mannau dysgu modern a chymuned bywiog a chroesawgar. Ymhlith ein cyfleusterau mae’r Ystafell Ffug Lys, Canolfan Efelychu Hydra a’n Cyfleuster Hyfforddiant Safle Trosedd. Nod pob un o’r rhain yw dod â’ch cwrs yn fyw, gan roi’r cyfle i chi gymhwyso eich sgiliau a chael eich asesu mewn amgylcheddau ymarferol.

Storïau Myfyrwyr

Criminology alumni, Euan, poses for a profile shot in front of red backdrop
Adeiladu gyrfa ym maes cyfiawnder ieuenctid

Euan Thomas

Graddedig Troseddeg

person holding ipad in front of hydra simulation centre
Troi diddordeb angerddol oedd gen i yn ystod plentyndod yn yrfa

Amelia Bisby

Myfyriwr Troseddeg

Professional Policing graduate, Saffron, poses for a profile picture whilst wearing her South Wales police uniform
Dilyn fy uchelgais gydol oes o fod yn swyddog heddlu

Saffron

Graddedig Heddlua

Professional Policing graduate, Andre, poses for a profile picture whilst wearing his South Wales police uniform
O’r neuadd ddarlithio i’r rheng flaen – llwybr Andre i Blismona

Andre

Graddedig Heddlua

Professional Policing graduate, Layla, poses for a profile picture whilst wearing their South Wales police uniform
Dwi’n barod ar gyfer fy ngyrfa plismona diolch i PDC

Layla

Graddedig Heddlua

Police officer wearing a high-vis and walkie talkie
Ennill hyder proffesiynol trwy blismona

Morgan Phillips

Myfyriwr Heddlua

A group of police officers sat with their helmets resting on their knees
Paratoi i wasanaethu yn yr heddlu

Ceian Williams

Myfyriwr Heddlua

Gyrfaoedd a Chyflogadwyedd

Gyrfaoedd graddedigion

Mae ein graddedigion yn mynd ymlaen i wneud pethau gwych. Mae llawer yn mwynhau gyrfaoedd llwyddiannus yn y systemau cyfiawnder troseddol a chyfiawnder ieuenctid. Mae gennym raddedigion yn gweithio i Wasanaethau Cyfiawnder Ieuenctid, y Gwasanaeth Prawf, Cymorth i Ddioddefwyr, yr Heddlu, y Gwasanaeth Carchardai a meysydd eraill sy'n gysylltiedig â'r system gyfiawnder fel Cymorth i Fenywod, asiantaethau cyffuriau a thai ac Unedau Atgyfeirio Disgyblion.

Cymorth gyrfa

Bydd gennych fynediad at gyngor gan ein gwasanaeth gyrfaoedd a chyflogadwyedd drwy gydol eich astudiaethau a phan fyddwch yn graddio. Mae hyn yn cynnwys apwyntiadau un-i-un gyda chynghorwyr gyrfaoedd naill ai wyneb yn wyneb neu'n rhithiol drwy alwad fideo neu e-bost. Mae gennym adnoddau ar-lein hefyd i helpu i archwilio opsiynau gyrfa a sicrhau eich bod yn cyflwyno'ch hun yn dda i gyflogwyr. Mae'r rhain yn cynnwys profion seicometrig, asesiadau gyrfa, adeiladwr CV, efelychydd cyfweliadau, a chymorth gyda cheisiadau. Mae gennym hefyd dros 2,000 o gyflogwyr cofrestredig sy'n targedu graddedigion busnes, felly byddwn yn eich cofrestru i gael hysbysiadau e-bost wythnosol am swyddi sy'n cyd-fynd â'ch diddordebau hefyd.

Partneriaid diwydiant

Mae llawer o'n staff addysgu wedi dod o'r diwydiant ac yn ei gwneud yn flaenoriaeth i gynnal eu cysylltiadau diwydiant er budd ein myfyrwyr. Rydym yn defnyddio'r cysylltiadau hyn i ddarparu darlithoedd gwadd, lleoliadau gwaith ac offer diwydiant ar gyfer eich dysgu. 

Mae gennym bartneriaethau â heddluoedd lleol a thimau cyfiawnder ieuenctid yn ogystal â'r gwasanaeth prawf, yr Adran Gwaith a Phensiynau, carchardai, yr Asiantaeth Troseddu Cenedlaethol ac elusennau cyfiawnder ieuenctid. 

Gofynion mynediad

Pwynt tariff UCAS: 48

Gofynion cymhwyster nodweddiadol:

  • Lefel A: DD ac eithrio Astudiaethau Cyffredinol
  • BTEC: Diploma Estynedig BTEC Pasio Pasio Pasio neu Ddiploma BTEC Pasio Pasio
  • Mynediad i AU: Pasio'r Diploma Mynediad i AU gydag o leiaf 48 pwynt tariff UCAS. 

Gofynion Ychwanegol 

Mae'r Brifysgol fel rheol yn gofyn am o leiaf 3 TGAU gan gynnwys Gradd C neu'n uwch mewn Mathemateg a Saesneg (neu mewn Cymraeg os ydych yn astudio yn Gymraeg), neu'r hyn sy'n cyfateb iddynt ond rhoddir ystyriaeth i amgylchiadau unigol. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£5,760

fesul blwyddyn*
Ffi Llawn Amser Rhyngwladol

£17,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

MAE'R UNED ACHOSION OER WEDI FY NGALLUOGI I GYMHWYSO SGILIAU MEDDWL BEIRNIADOL I RYWBETH SY'N BERTHNASOL I GYFIAWNDER TROSEDDOL A FY NGRADD MEWN TROSEDDEG.

Rachel Drennan

Graddedig troseddeg

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni