HNC

Amgylchedd Adeiledig

Rhowch hwb i'ch rhagolygon gyrfa a dyfnhewch eich sgiliau a'ch gwybodaeth ym maes adeiladu gyda'n gradd HNC Amgylchedd Adeiledig.

Sut i wneud cais Archebu lle ar Ddiwrnod Agored Sgwrsio gyda ni

Côd UCAS

Dyddiad Cychwyn

Medi 2026

Lleoliad

Pontypridd

Côd y Campws

A

Pwyntiau UCAS

48

Ffioedd

Myfyrwyr cartref: £1,589*

Côd UCAS

Dyddiad Cychwyn

Medi 2027

Lleoliad

Pontypridd

Côd y Campws

A

Pwyntiau UCAS

48

Sut i wneud cais Archebu lle ar Ddiwrnod Agored

Trosolwg o'r Cwrs

Hogwch eich sgiliau a datblygwch wybodaeth hanfodol ym maes adeiladu, lle byddwch chi'n dysgu popeth, o adeiladu ac adnewyddu i ddymchwel.

Mae'r HNC rhan-amser hwn wedi'i gynllunio i gyd-fynd â gwaith ac mae'n cynnwys y mewnwelediadau diweddaraf i’r sector gan ddarlithwyr arbenigol a siaradwyr gwadd y diwydiant. Os ydych eisoes yn y diwydiant adeiladu ac yn awyddus i gyflymu eich gyrfa, mae'r HNC rhan-amser hwn yn darparu'r sgiliau a'r wybodaeth i chi allu gwneud cynnydd. Mae'n cyfuno theori â chymwysiadau ymarferol gan gynnwys defnyddio meddalwedd a thechnoleg o safon y diwydiant i roi'r fantais gystadleuol i chi.

 

Pam astudio'r cwrs hwn?

Yn bodloni’r gofynion ar gyfer aelodaeth

Mae’r cwrs yn bodloni'r gofynion ar gyfer mynediad i aelodaeth gysylltiol gyda Sefydliad Brenhinol y Syrfewyr Siartredig.

Astudio rhan-amser

Astudiwch wrth i chi weithio er mwyn adeiladu ar eich sgiliau a gwybodaeth bresennol wrth gyflymu eich gyrfa.

Datblygu sgiliau dymunol

Graddiwch gyda'r sgiliau y mae cyflogwyr yn chwilio amdanynt wrth i'r diwydiant wynebu prinder gweithwyr proffesiynol cymwys.

Ffocws ar gyflogadwyedd

Mae rhanddeiliaid allweddol yn helpu i lunio deunydd ein cwrs a chyflwyno darlithoedd gwadd sy'n berthnasol i'r diwydiant.

Beth fyddwch chi'n ei astudio

Gan astudio'n rhan-amser, byddwch yn adeiladu ar eich gwybodaeth a'ch sgiliau adeiladu presennol yn y sector adeiladu, gan gynnwys sut mae'r amgylchedd adeiledig yn gweithio, archwilio adeiladu, cynllunio, technoleg a’r gyfraith wrth ddatblygu sgiliau academaidd, digidol a phroffesiynol hanfodol ar gyfer eich gyrfa yn y dyfodol.

Gall astudiaeth bellach ychwanegu at eich HNC i fod yn radd anrhydedd.

Byddwch yn archwilio sut mae diwydiant adeiladu'r DU yn llunio'r amgylchedd adeiledig wrth ddatblygu sgiliau proffesiynol, ymwybyddiaeth foesegol a gwybodaeth ddigidol. Byddwch yn ymchwilio i rolau gyrfa gwahanol ac yn arbrofi â thechnolegau fel dronau, sganio laser a VR.

Byddwch yn dysgu sut mae cynllunio yn llunio datblygiad yn yr amgylchedd adeiledig, gan archwilio caniatâd cynllunio, defnydd tir a rolau rhanddeiliaid. Mae'r modiwl hefyd yn cyflwyno adfywio trefol, dylunio cynhwysol a'r egwyddorion cyfreithiol sy'n llywio penderfyniadau cynllunio'r DU.

Byddwch yn cael cyflwyniad i'r grymoedd economaidd a chyfreithiol sy'n llunio'r amgylchedd adeiledig, gan archwilio tueddiadau'r farchnad, hanfodion gwerthuso a buddsoddi ochr yn ochr â chontractau, iechyd a diogelwch, a chyfrifoldebau proffesiynol sy'n arwain arferion adeiladu moesegol.

Byddwch yn archwilio sut mae cartrefi'n cael eu dylunio a'u hadeiladu, gan ddysgu am ddulliau adeiladu, deunyddiau a systemau adeiladu. Mae'r modiwl yn datblygu eich dealltwriaeth o reoliadau, cynaliadwyedd a manylu, wrth feithrin sgiliau lluniadu ymarferol, CAD a chyfathrebu technegol.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Byddwch yn archwilio arfer moesegol, meddwl cynhwysol a safonau Sefydliad Brenhinol y Syrfewyr Siartredig fel rhan o'ch dysgu. Gyda dewisiadau astudio hyblyg ac arweiniad cefnogol drwy gydol y cwrs, byddwch yn meithrin hyder, sgiliau ymarferol a meddwl annibynnol i'ch paratoi ar gyfer eich gyrfa yn y dyfodol.

Ar y cwrs hwn, byddwch yn dysgu drwy gyfranogi mewn sefyllfaoedd adeiladu go iawn sy'n dod â theori yn fyw. Drwy ddarlithoedd rhyngweithiol, gweithdai, cyflwyniadau ac offer digidol, gan gynnwys efelychiadau realiti rhithwir, byddwch yn gweld sut mae prosiectau'n gweithio yn y byd go iawn. Byddwch hefyd yn clywed gan siaradwyr gwadd a gweithwyr proffesiynol y diwydiant, gan roi cipolwg i chi ar sut beth yw gweithio yn y sector mewn gwirionedd.

Mae asesiad ar y cwrs hwn wedi'i gynllunio i adlewyrchu'r mathau o dasgau y byddech chi'n eu cwblhau yn y diwydiant adeiladu, gan eich helpu i feithrin gwybodaeth a sgiliau ymarferol. Byddwch chi'n cwblhau cymysgedd o waith cwrs, gan gynnwys portffolios, adroddiadau ac adolygiadau astudiaethau achos, yn ogystal ag efelychiadau prosiect gan ddefnyddio offer digidol sy'n adlewyrchu amgylcheddau proffesiynol go iawn. 

Mae cyflwyniadau, areithiau a phrosiectau grŵp yn eich helpu i ddatblygu sgiliau cyfathrebu a gwaith tîm sy'n cael eu gwerthfawrogi gan gyflogwyr. Byddwch yn derbyn adborth rheolaidd i gefnogi eich cynnydd, ac mae safonau asesu yn cyd-fynd â disgwyliadau Sefydliad Brenhinol y Syrfewyr Siartredig, fel eich bod yn gwybod bod eich dysgu yn berthnasol, yn broffesiynol ac yn canolbwyntio ar eich paratoi ar gyfer gyrfa lwyddiannus. 

Bydd gennych fynediad at dechnoleg a meddalwedd o safon y diwydiant yn ein labordai cyfrifiadura pwrpasol. Meddyliwch am Revit, ArchiCAD, AutoCAD, Autodesk QTO, CostX, Synchro, a Navisworks. 

Rydym yn defnyddio'r dechnoleg ddigidol ddiweddaraf, gan gynnwys dronau, camerâu delweddu thermol, a realiti rhithwir ac estynedig (VR/AR) – sydd i gyd yn gynyddol gyffredin yn y diwydiant. 

O fis Medi 2026 ymlaen, bydd ein cyrsiau Cyfrifiadura, Peirianneg, Technoleg ac Amgylchedd Adeiledig yn symud i'w cartref newydd sbon: adeilad Calon. 

Bydd y buddsoddiad hwn o £60m yn cynnwys mwy na 40 o fannau addysgu, dysgu ac ymchwil arloesol newydd, gan gynnwys labordai electroneg a hydroleg, efelychydd hedfan, labordy roboteg, mannau ymchwil glân a diwydiannol, mannau addysgu cydweithredol, yn ogystal â gallu realiti rhithwir, ac amrywiaeth o fannau arddangos. 

Bydd Calon yn rhoi mynediad i chi at y dechnoleg, y cyfleusterau a'r cyfleoedd sydd eu hangen i lunio'r dyfodol. 

Arweinydd y Cwrs

Angela Morris

Mae Dr. Angela Morris yn ddarlithydd Cynaliadwyedd a Datgarboneiddio ac yn Arweinydd Cwrs ar gyfer yr HNC Amgylchedd Adeiledig a gyflwynir yn rhan-amser. Dechreuodd Angela gael diddordeb yn yr amgylchedd adeiledig gyda'i gradd mewn Daearyddiaeth a'i hastudiaethau dilynol yn ymwneud â newid hinsawdd. Gyda brwdfrydedd dros lunio dyfodol ein hamgylchedd adeiledig i ddiwallu gofynion Sero Net, mae Angela yn gweithio gyda thîm cryf sy'n canolbwyntio ar ddiwallu gofynion y diwydiant trwy ddysgu sy'n seiliedig ar heriau. Os oes gennych unrhyw gwestiynau am y cwrs, neu os hoffech glywed mwy amdano i weld a allai fod yn iawn i chi, cysylltwch ag Angela yn uniongyrchol trwy e-bost. 

E-bostwich Angela

Rhagolygon Gyrfa

Mae'r HNC hwn yn datblygu'r wybodaeth dechnegol, ymwybyddiaeth fasnachol a sgiliau digidol y mae cyflogwyr yn chwilio amdanynt, gan gyd-fynd â disgwyliadau proffesiynol cyrff fel Sefydliad Brenhinol y Syrfewyr Siartredig.

Eich Gyrfa yn y Dyfodol

Ar ôl cwblhau'r HNC, gallwch hefyd ddewis parhau â'ch astudiaethau trwy ymuno ag ail flwyddyn gradd gysylltiedig i ehangu'ch cyfleoedd gyrfa ymhellach. Mae llwybrau gyrfa posibl yn cynnwys: 

Rheolwr prosiect 
Rheolwr safle 
Ymgynghorydd 
Syrfëwr meintiau neu adeiladu 

98% o raddedigion sydd mewn cyflogaeth a/neu astudiaeth bellach 15 mis ar ôl graddio.

Arolwg Hynt Graddedigion 2021/22

Disgwyliadau cyflog

Gall gradd Amgylchedd Adeiledig agor cyfleoedd ar draws Seicoleg a'r sector ehangach. Mae gyrfaoedd Seicoleg yn cynnig potensial enillion cryf:

Cyflog canolrifol
DU: £30.2k y flwyddyn
Cymru: £29.8k y flwyddyn

 

Cyfanswm y swyddi yn 2025
DU: 273,583
Cymru: 12,937

 

Ffynhonnell: Lightcast Labour Market Data 2026

Partneriaid yn y diwydiant

Byddwch yn elwa o gysylltiadau cryf â phartneriaid yn y diwydiant sy'n helpu i lunio'r hyn rydych chi'n ei astudio a sut rydych chi'n dysgu. Mae cyflogwyr yn cyfrannu at addysgu trwy sesiynau gwadd, gweithdai a mentora.

Mae heriau prosiect go iawn gan awdurdodau lleol, darparwyr tai, contractwyr ac ymgynghoriaethau wedi'u cynnwys yn eich modiwlau, gan eich helpu i roi eich dysgu ar waith mewn senarios adeiladu go iawn. 

Gofynion mynediad

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud caisDatganiad Derbyniadau Cyd-destunolGofynnwch gwestiwn i ni

48 Pwyntiau UCAS neu'n uwch

Gofynion cymhwyster nodweddiadol

Lefel A:
DD

Bagloriaeth Cymru:
Amherthnasol

BTEC:
Diploma Estynedig BTEC Pasio Pasio Pasio neu Ddiploma BTEC Pasio Pasio

Mynediad i AU:
Pasio Diploma Mynediad i AU gydag o leiaf 48 pwynt tariff UCAS.

Gofynion Ychwanegol:
Tri TGAU ar radd C / Gradd 4 neu'n uwch, gan gynnwys Mathemateg ac iaith Saesneg 

Ffioedd a Chyllid

Ffi Rhan-amser y DU £ 1,589

Fesul 20 credyd

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

Beth sy'n ein gwneud ni'n wahanol?

Darganfod mwy

98%

o raddedigion yr Amgylchedd Adeiledig a Pheirianneg Sifil PDC mewn cyflogaeth a/neu astudiaethau pellach 15 mis ar ôl graddio.

Arolwg Canlyniadau Graddedigion 2021/22

Dau fyfyriwr mewn llyfrgell Prifysgol

Wedi'i rhestru ymhlith y 50 prifysgol orau yn y DU yng Nghanllaw Prifysgolion y Guardian 2026. 

Three students studying in a pod in the library at Cardiff campus

Ar y brig yng Nghymru ar gyfer busnesau newydd am y 6ed flwyddyn yn olynol, a'r 7fed yn y DU (HEBCIS).

Archwiliwch ein cyfleusterau

Camwch i ddyfodol STEM.

Calon

Rhowch gynnig ymarferol ar offer safonol y diwydiant yn adeilad newydd Calon, sydd werth £60m. O roboteg a realiti rhithwir i labordai peirianneg arbenigol ac efelychydd hedfan, byddwch yn dysgu defnyddio'r dechnoleg sy'n llunio byd yfory.

Dysgwch fwy

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

  • Amgylchedd Adeiledig

    • Rhan-amser, 2 blynedd

    • Medi

    • Pontypridd

    Apply direct

  • Amgylchedd Adeiledig

    • Rhan-amser, 2 blynedd

    • Medi

    • Pontypridd

    Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Straeon ac uchafbwyntiau cysylltiedig

Erthygl Newyddion

Calon: Blwyddyn ers dechrau’r gwaith adeiladu

Erthygl Newyddion

Cyfleuster STEM newydd yn cyrraedd ei bwynt uchaf

Fideo

Pŵer Arloesedd yn Prifysgol De Cymru

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety