Cyfathrebu Graffeg

Cychwynnwch y cwrs gyda chyfres o weithdai cyffrous er mwyn datblygu gwybodaeth ymarferol o’r modd y mae dylunwyr masnachol yn defnyddio egwyddorion i ddylunio cyfathrebiadau gweledol effeithiol. 

Anogwch eich chwilfrydedd a'ch dealltwriaeth o broses sy’n ymwneud â meddylfryd dylunio wrth i chi gymhwyso dulliau a thechnegau dylunio i ddatrys heriau dylunio ymarferol.  

Ymchwiliwch a dysgwch am y modd yr esblygodd dylunio graffeg trwy gydol hanes mewn uned waith gyffrous sy’n seiliedig ar ymchwil a fydd yn rhoi dealltwriaeth allweddol i chi o gyfnodau hanesyddol o fewn maes dylunio graffeg.

Dysgwch sut i gyfleu negeseuon cymhleth gyda data a deall sut y gall graffeg gwybodaeth annog newid ymddygiad a llywio canfyddiadau'r cyhoedd. 

Dysgwch sut y gall maes dylunio ddylanwadu ar ymddygiad pobl trwy ymgyrchoedd ac ymwybyddiaeth. Trwy brosiect ymarferol, byddwch yn dysgu sut y gellir defnyddio dylunio ar gyfer newidiadau cymdeithasol cadarnhaol. 

Arbrofwch â theipograffeg fel elfen hanfodol o gyfathrebu gweledol a datblygwch eich cariad a'ch hyder creadigol gyda theip fel ffurf gelfyddydol a gwybodaeth glerigol. 

Dysgwch sut i ddeall ac yna, drwy ddylunio graffeg, sut i gynrychioli'n weledol weledigaeth y cwmni neu eu gwerthoedd, eu hymddygiad, eu hagwedd, eu cynnyrch, eu gwasanaethau a’u cynulleidfa. 

O ddilyniannau teitl ffilm, rhyngwynebau gêm i frandiau symudol, mae dealltwriaeth o raffeg symudiad yn un o’r elfennau hollbwysig o adnoddau’r dylunwyr modern. 

Cewch gipolwg gwerthfawr i fusnes dylunio wrth i chi ddysgu beth sydd ei angen i redeg eich asiantaeth chi eich hun. Byddwch yn dysgu adnabod anghenion busnesau a sefydliadau. 

Dysgwch sut i ddefnyddio ymchwil dylunio i ddeall ymddygiad dynol yn well, adnabod anghenion pobl ac ennyn y ddealltwriaeth sydd ei hangen i greu atebion dylunio ystyrlon y gall pobl yn eu gwerthfawrogi. 

Dewch i gyfarwyddo â maes newydd Dylunio UX, gan fabwysiadu dull sy'n canolbwyntio ar y defnyddiwr, er mwyn dysgu sut i ddylunio'n well ar gyfer gofodau digidol a gofodau yn y byd go iawn.

Ymgollwch ym myd dylunio digidol mewn ffordd ymarferol, lle byddwch chi'n dysgu i weithio mewn timau digidol gan ddefnyddio technolegau digidol fel ffotograffiaeth, animeiddio, dylunio 2D a 3D. 

Dysgwch y sgiliau sydd eu hangen arnoch i fwynhau gyrfa o fewn y maes dylunio gyda'n rhaglen hyfforddi greadigol trwyadl. Byddwch yn cymryd rhan mewn cyfres o friffiau a bydd yn rhaid i chi eu cwblhau o fewn amser penodol. Fe’u cyflwynir i chi gan amrywiaeth o weithwyr proffesiynol o fewn y diwydiant. 

Byddwch yn creu hunaniaeth i’ch brand proffesiynol ac yn curadu eich portffolio creadigol yn seiliedig ar ryngweithio ac ymchwilio i'r hyn y mae asiantaethau dylunio yn chwilio amdano mewn dylunwyr yn y dyfodol.  

‘Meddyliwch yn Eang’ a datblygwch eich syniadau gorau er mwyn darparu atebion creadigol i rai o heriau dylunio mwyaf y byd. Gweithiwch ar friff dylunio gan asiantaethau lleol, cenedlaethol a rhyngwladol. 

Ymchwiliwch i bwnc dylunio o'ch dewis chi eich hun i ddarganfod heriau dylunio newydd. Dyluniwch a chyhoeddwch eich canlyniadau yn eich dogfen ymchwil. 

Dyma'ch cyfle i weithio ar eich briff dylunio hunangyfeiriedig eich hun a gwthio'ch sgiliau dylunio er mwyn i chi allu dangos eich sgiliau i ddarpar gyflogwyr y dyfodol.