This website uses cookies to improve your experience. Read our cookie policy

BA (Anrh)

Cyfathrebu Graffeg

Mae cyfathrebu graffeg yn canolbwyntio ar ddiwydiant yfory, ac fe’i dysgir gan ddylunwyr sy’n dal i weithio o fewn y diwydiant ac sy’n barod i rannu eu gwybodaeth. Os ydych yn angerddol am greu darnau clyfar o gyfathrebiad gweledol ac os hoffech ddefnyddio offer digidol blaengar er mwyn creu gwaith celf sy’n cael effaith, yna dyma’r cwrs i chi.

Sut i wneud cais Gwneud cais trwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    W212

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £9,535*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Dewch o hyd i ysbrydoliaeth ym maes dylunio graffeg a dysgwch sut i feddwl a gweithio fel dylunydd creadigol ar y cwrs gradd hwn sydd wedi ei deilwra ar gyfer y diwydiant.

CYNLLUNIWYD AR GYFER

Mae ein cwrs wedi'i gynllunio ar gyfer myfyrwyr sydd wedi'u hysbrydoli gan arferion Dylunio Graffig a'r gwahanol ffyrdd o ddatrys heriau dylunio yn ddeallus a chyfleu syniadau. Bydd y cwrs hynod amrywiol hwn yn eich galluogi i ddatrys briffiau dylunio a osodwyd gan asiantaethau dylunio i ddatblygu eich hyder creadigol a’ch proffesiynoldeb.

Llwybrau gyrfaol

  • Dylunydd graffeg
  • Dylunydd UX/UI
  • Dylunydd graffeg symudol
  • Strategydd brand
  • Ymgyrchu a marchnata
  • Cyfarwyddwr creadigol 

Rydym yn cydweithio gyda’r

  • BBC 
  • The Royal Mint 
  • Heddlu Gwent 
  • Dŵr Cymru
  • Design Dough 
  • Rant 
  • Toward 
  • Bluestag 
  • Spindogs 
  • Limegreen tangerine 
  • Martin Hopkins 
  • CREO 
  • Icon Creative 
  • Jam Creative 
  • DO Digital 
  • Waters Creative 
  • Y Swyddfa Ystadegau Gwladol 

Sgiliau a ddysgir

  • Meddylfryd dylunio
  • Datrys problemau creadigol
  • Methodolegau Ymchwil Dylunio
  • Creadigrwydd a chyfeiriad celf
  • Sgiliau cynhyrchu digidol
  • Dyluniad sy'n Canolbwyntio ar y Defnyddiwr
  • Sgiliau prosiect a rheoli amser
  • Gwaith tîm a chydweithio 

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

Student working on graphics on their laptop
design-graphic-communication-students-4
temp-graphic-communication
design-graphic-communication-students-3
A student looks through red and blue 3D glasses at a laptop screen as part of a workshop
design-graphic-communication-students-1

Uchafbwyntiau’r Cwrs

Creu portffolio

Byddwch yn creu portffolio amrywiol wrth i chi astudio, a byddwch yn graddio gydag ystod o sgiliau a phrofiadau.

Mynd i’r afael a heriau dylunio sy’n ymateb i’r dyfodol

Byddwch yn datblygu sgiliau sy’n berthnasol i’r diwydiant sy’n cael eu chwennych gan y sawl sy’n gweithio ynddo.

Profiad o’r diwydiant ar ein cwrs uchel ei barch

Profwch ddealltwriaeth o’r diwydiant yn y byd go iawn trwy ein cyfleoedd helaeth i ryngweithio â gweithwyr proffesiynol y diwydiant.

Meddylfryd Dylunio Creadigol ac Arbrofol

Byddwch yn gweld y byd trwy lens dylunydd, yn magu hyder tuag at feddylfryd a gwaith dylunio arloesol, a byddwch yn meithrin cysyniadau creadigol newydd.

Trosolwg o’r Modiwl

Byddwch yn dadansoddi, yn cyfuno ac yn creu, gan ddysgu dulliau cyfoes o ddylunio ar gyfer amryw brosiectau ac amrywiaeth eang o heriau drwy gydol eich cwrs. Byddwch yn datblygu cysylltiadau â gweithwyr proffesiynol o fewn y diwydiant ac yn datblygu eich portffolio ar gyfer dyfodol ym maes cyfathrebu graffig.

Blwyddyn Un 
Egwyddorion Dylunio Graffeg 
Meddylfryd Dylunio 
Chwyldroadau Dylunio  
Graffegwybodaeth 
Dylunio Cymdeithasol 
Teipograffeg 

Blwyddyn Dau 
Brandio 
Graffeg Symudiad 
Arferion Proffesiynol ac Entrepreneuriaeth 
Dylunio Dulliau Ymchwil 
Dylunio Profiad y Defnyddiwr (UX)
Dylunio Digidol ar Waith 

Blwyddyn Tri
Rhaglen Hyfforddi Drwyadl ar gyfer y Diwydiannau Creadigol 
Dylunio’r Dyfodol 
Cystadlaethau Dylunio  
Prosiect Ymchwil Terfynol 
Prosiect Mawr Terfynol 

Bydd eich blwyddyn gyntaf yn ymdrin ag egwyddorion dylunio, meddylfryd dylunio, ac yn archwilio cyfnodau chwyldroadol yn hanes dylunio. Byddwch yn profi llawer o heriau ymarferol.

Egwyddorion Dylunio Graffeg 
Cychwynnwch y cwrs gyda chyfres o weithdai cyffrous er mwyn datblygu gwybodaeth ymarferol o’r modd y mae dylunwyr masnachol yn defnyddio egwyddorion i ddylunio cyfathrebiadau gweledol effeithiol. 

Meddylfryd Dylunio 
Anogwch eich chwilfrydedd a'ch dealltwriaeth o broses sy’n ymwneud â meddylfryd dylunio wrth i chi gymhwyso dulliau a thechnegau dylunio i ddatrys heriau dylunio ymarferol.  

Chwyldroadau Dylunio  
Ymchwiliwch a dysgwch am y modd yr esblygodd dylunio graffeg trwy gydol hanes mewn uned waith gyffrous sy’n seiliedig ar ymchwil a fydd yn rhoi dealltwriaeth allweddol i chi o gyfnodau hanesyddol o fewn maes dylunio graffeg.

Graffegwybodaeth 
Dysgwch sut i gyfleu negeseuon cymhleth gyda data a deall sut y gall graffeg gwybodaeth annog newid ymddygiad a llywio canfyddiadau'r cyhoedd. 

Dylunio Cymdeithasol 
Dysgwch sut y gall maes dylunio ddylanwadu ar ymddygiad pobl trwy ymgyrchoedd ac ymwybyddiaeth. Trwy brosiect ymarferol, byddwch yn dysgu sut y gellir defnyddio dylunio ar gyfer newidiadau cymdeithasol cadarnhaol. 

Teipograffeg 
Arbrofwch â theipograffeg fel elfen hanfodol o gyfathrebu gweledol a datblygwch eich cariad a'ch hyder creadigol gyda theip fel ffurf gelfyddydol a gwybodaeth glerigol. 

Byddwch yn ymarfer arbenigedd gan gynnwys brandio, graffeg symudol, UX a dylunio digidol. Byddwch yn ymchwilio i asiantaethau dylunio, entrepreneuriaeth ac yn datblygu eich dealltwriaeth o ymchwil dylunio sy'n canolbwyntio ar bobl.

Brandio 
Dysgwch sut i ddeall ac yna, drwy ddylunio graffeg, sut i gynrychioli'n weledol weledigaeth y cwmni neu eu gwerthoedd, eu hymddygiad, eu hagwedd, eu cynnyrch, eu gwasanaethau a’u cynulleidfa. 

Graffeg Symudiad 
O ddilyniannau teitl ffilm, rhyngwynebau gêm i frandiau symudol, mae dealltwriaeth o raffeg symudiad yn un o’r elfennau hollbwysig o adnoddau’r dylunwyr modern. 

Arferion Proffesiynol ac Entrepreneuriaeth 
Cewch gipolwg gwerthfawr i fusnes dylunio wrth i chi ddysgu beth sydd ei angen i redeg eich asiantaeth chi eich hun. Byddwch yn dysgu adnabod anghenion busnesau a sefydliadau. 

Dylunio Dulliau Ymchwil 
Dysgwch sut i ddefnyddio ymchwil dylunio i ddeall ymddygiad dynol yn well, adnabod anghenion pobl ac ennyn y ddealltwriaeth sydd ei hangen i greu atebion dylunio ystyrlon y gall pobl yn eu gwerthfawrogi. 

Dylunio Profiad y Defnyddiwr (UX)
Dewch i gyfarwyddo â maes newydd Dylunio UX, gan fabwysiadu dull sy'n canolbwyntio ar y defnyddiwr, er mwyn dysgu sut i ddylunio'n well ar gyfer gofodau digidol a gofodau yn y byd go iawn. 

Dylunio Digidol ar Waith 
Ymgollwch ym myd dylunio digidol mewn ffordd ymarferol, lle byddwch chi'n dysgu i weithio mewn timau digidol gan ddefnyddio technolegau digidol fel ffotograffiaeth, animeiddio, dylunio 2D a 3D. 

Byddwch yn datblygu eich proffesiynoldeb a’ch portffolio ac yn ymchwilio briffiau dylunio a ddewiswyd gennych chi eich hun ar gyfer yr yrfa yr hoffech yn y dyfodol. Byddwch yn arddangos eich gwaith i’r diwydiant mewn arddangosfa i raddedigion.

Rhaglen Hyfforddi Drwyadl ar gyfer y Diwydiannau Creadigol 
Dysgwch y sgiliau sydd eu hangen arnoch i fwynhau gyrfa o fewn y maes dylunio gyda'n rhaglen hyfforddi greadigol trwyadl. Byddwch yn cymryd rhan mewn cyfres o friffiau a bydd yn rhaid i chi eu cwblhau o fewn amser penodol. Fe’u cyflwynir i chi gan amrywiaeth o weithwyr proffesiynol o fewn y diwydiant. 

Dylunio’r Dyfodol 
Byddwch yn creu hunaniaeth i’ch brand proffesiynol ac yn curadu eich portffolio creadigol yn seiliedig ar ryngweithio ac ymchwilio i'r hyn y mae asiantaethau dylunio yn chwilio amdano mewn dylunwyr yn y dyfodol.  

Cystadlaethau Dylunio  
‘Meddyliwch yn Eang’ a datblygwch eich syniadau gorau er mwyn darparu atebion creadigol i rai o heriau dylunio mwyaf y byd. Gweithiwch ar friff dylunio gan asiantaethau lleol, cenedlaethol a rhyngwladol. 

Prosiect Ymchwil Terfynol 
Ymchwiliwch i bwnc dylunio o'ch dewis chi eich hun i ddarganfod heriau dylunio newydd. Dyluniwch a chyhoeddwch eich canlyniadau yn eich dogfen ymchwil. 

Prosiect Mawr Terfynol 
Dyma'ch cyfle i weithio ar eich briff dylunio hunangyfeiriedig eich hun a gwthio'ch sgiliau dylunio er mwyn i chi allu dangos eich sgiliau i ddarpar gyflogwyr y dyfodol. 

Uchafbwyntiau’r Cwrs

Cyflwyno Gwaith ac Aesiadau

Wedi'i arwain yn bennaf gan weithdai ymarferol, prosiectau a darlithoedd gwadd, mae ein cwrs Cyfathrebu Graffeg wedi'i gynllunio i annog chwilfrydedd, creadigrwydd ac arloesedd. Gall myfyrwyr ddisgwyl derbyn heriau dylunio cyffrous (brîff dylunio) trwy'r amrywiaeth eang o unedau gwaith sy'n llenwi'r cwrs hwn. Byddwch yn cydweithio, yn archwilio ac yn ymchwilio i bynciau sydd o ddiddordeb i chi ac yn datblygu portffolio o waith a fydd yn cefnogi eich gyrfa ddelfrydol o fewn maes dylunio graffeg yn y dyfodol. 

Staff dysgu

Byddwch yn cael eich dysgu gan ddarlithwyr dylunio graffeg sy'n hynod angerddol am y maes hwn. Mae pob un yn brofiadol mewn ystod eang o ddisgyblaethau a diwydiannau masnachol ac mae gennym rwydwaith helaeth o weithwyr proffesiynol sy'n dylanwadu ar gwricwlwm y cwrs. 

Gan fod y cwrs yn ymarferol i raddau helaeth, byddwch yn gweithio ar friffiau bywyd go iawn a osodir gan asiantaethau dylunio trwy gydol eich amser yn astudio. Byddwch hefyd yn cael mynychu darlithoedd gwadd gan ddylunwyr ar draws y maes a bydd cyfle i chi drefnu mentor i’ch meithrin ac annog eich creadigrwydd. 

Fe’ch anogir i fynychu digwyddiadau traws-gyfadranol lle bydd siaradwyr o feysydd arbenigol eraill yn rhannu eu harbenigedd. Bydd y profiad hwn yn eich helpu i adeiladu rhwydwaith o gysylltiadau o fewn y diwydiant creadigol a fydd yn amhrisiadwy i chi a'ch gyrfa yn y dyfodol. 

Lleoliadau Gwaith a Phrofiad Gwaith

Ar y cwrs ymarferol hwn, cewch eich annog i sicrhau lleoliadau gwaith sydd o ddiddordeb i chi, boed hynny gydag asiantaeth leol yng Nghaerdydd, brand cenedlaethol neu elusen neu hyd yn oed sefydliad fel y BBC neu Heddlu Gwent. 

Mae llawer o'n myfyrwyr dylunio yn cael cyfleoedd ar gyfer gwaith llawrydd a lleoliadau o fewn y diwydiant ochr yn ochr â'r cwrs trwy ddod i gysylltiad â chleientiaid, gweithwyr o fewn y diwydiant ac asiantaethau dylunio drwy ein rhwydwaith proffesiynol. 

Nid oes unrhyw gyfyngiad ar ein myfyrwyr dylunio, maent wedi cael y profiad o bob math o sefydliadau ac mae’r myfyrwyr wedi mwynhau gweithio mewn amrywiaeth o leoedd megis yr asiantaeth Martin Hopkins, Bright Collie a'r BBC. 

Cyfleusterau

Wedi’ch lleoli yng nghanol Caerdydd, bydd gennych fynediad uniongyrchol at gyfleusterau arbenigol ar y campws gan gynnwys Sgrin Werdd, Stiwdio Ddal (Capture Studio yn Saesneg), cyfleusterau Argraffu 3D, peiriannau torri laser, stiwdios ffotograffiaeth ac argraffwyr. Mae ein stiwdios dylunio yn cynnwys y Macs diweddaraf gydag Apple Silicon, meddalwedd arbenigol (Adobe Creative Cloud, Sinema 4D a Figma), yn ogystal â Thabledi Graffeg Wacom i'ch cefnogi. 

Gallwn hefyd gynnig offer arbenigol megis camerâu DSLR, Macbooks, iPads, lensys camera a chitiau goleuo y gellir eu benthyca trwy ein gwasanaethau benthyca. Mae'r llyfrgell hefyd yn cynnig ystod eang o lyfrau dylunio, cylchgronau a chyfnodolion. 

Gyrfaoedd a Chyflogadwyedd

Gyrfaoedd i Ȏl-raddedigion

Pa un ai ydych am weithio i asiant a chreu gwaith i amryw o gleientiaid neu efallai mai gweithio’n fewnol i gwmni mawr sy’n mynd a’ch bryd, a’u cynorthwyo i ddylunio eu cyfathrebiadau, beth bynnag sy’n apelio bydd ein cwrs dylunio yn gymorth i ffurfio eich gyrfa yn y dyfodol. 

Erbyn i chi raddio, bydd gennych y sgiliau a’r portffolio i wireddi eich breuddwyd dylunio a gweithio mewn unrhyw swydd sy’n eich ysbrydoli. 

Mae rhai myfyrwyr yn graddio fel ‘arbenigwyr’ drwy ddewis canolbwyntio ar agwedd benodol o ddylunio megis brandio, ac mae eraill yn gadael y cwrs yn ‘gyffredinolwyr’, maent yn diddori mewn ymchwilio a dysgu am sawl agwedd o ddylunio megis profiad y defnyddwyr a chodio. 

Llwybrau Gyrfaol

Mae llwybrau gyrfaol ein graddedigion mor amrywiol ac amryfal â’r cwrs ei hun. Mae ein graddedigion wedi mynd ati i fwynhau swyddi yn y Bathdy Brenhinol, Heddlu Gwent a’r brand fasiwn New Look. 

Nid yn unig ydy’r asiantaethau yn cydweithio gyda ni, ond maent yn cyflogi nifer o’n graddedigion. Mae gennym raddedigion sy’n gweithio o fewn rhwydwaith ehangach fyth ar hyd y Deyrnas Unedig a gweddill y byd. Bydd myfyrwyr sy’n gweithio i asiantaethau’n dueddol i weithio ar ystod eang o brosiectau i wahanol gleientiaid o Harley Davidson i Wisgi Penderyn, Teledu Sky, cynyrchiadau Netflix i AU Vodka. Mae asiantaethau dylunio’n gweithio ar ystod eang o brosiectau ac mae eu portffolios yn hynod o amryfal. 

Mae nifer o’n graddedigion wedi dilyn gyrfa lawrydd tra bod eraill wedi dewis gweithio fel dylunwyr mewnol i Ddŵr Cymru, Principality ac Ambiwlans St John, er enghraifft. 

Cefnogaeth Gyrfa

Byddwch yn gallu manteisio ar gyngor gan ein gwasanaeth gyrfaoedd a chyflogadwyedd drwy gydol eich astudiaethau ac wedi i chi raddio hefyd. 

Mae’r gwasanaeth yn cynnwys apwyntiadau un-i-un gyda chynghorwyr gyrfa o fewn y gyfadran, unai yn y cnawd neu drwy Skype neu e-bost. Mae gennym hefyd adnoddau ar-lein fydd yn eich cynorthwyo chi i ymchwilio i wahanol ddewisiadau gyrfa ac yn sicrhau eich bod yn cyfrwyo’ch hun yn dda i gyflogwyr. Mae’r rhain yn cynnwys profion psychometrig, asesiadau gyrfaol, adodd i greu CV, adnodd sy’n efelychu cyfweliadau a chymorth gyda ffurflenni cais. 

Mae gennym hefyd dros 2,000 o gyflogwyr wedi cofrestri gyda ni, sy’n cadw ein graddedigion mewn golwg ar gyfer swyddi, felly byddwn yn rhoi eich manylion ar ein rhestr bost ac yn anfon negeseuon atoch ynghylch swyddi sy’n gweddu i’ch diddordebau. 

Gofynion mynediad

Pwynt tariff UCAS: 96

Gofynion cymhwyster nodweddiadol:

  • Lefel A: CCC i gynnwys pwnc celf a dylunio perthnasol
  • Bagloriaeth Cymru: Pasio Diploma Uwch Bagloriaeth Cymru gyda Gradd C yn y Dystysgrif Her Sgiliau a CC Lefel A gyda phwnc celf a dylunio perthnasol
  • BTEC: Diploma Estynedig BTEC Teilyngdod Teilyngdod mewn pwnc perthnasol (mae hyn yn gyfwerth â 96 pwynt tariff UCAS).
  • Mynediad i AU: Pasio'r Diploma Mynediad i AU gydag o leiaf 96 pwynt tariff UCAS
  • Lefel T: P (C ac uwch)

Gofynion ychwanegol:

TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£15,850

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

* Rhwymedig

Mae'n ofynnol i fyfyrwyr brynu llyfrau braslunio i ddogfennu eu proses ddylunio wrth ymgymryd ag aseiniadau ymarferol. Gall myfyrwyr hefyd ddewis prynu deunyddiau neu ddeunydd ysgrifennu arbenigol ychwanegol megis pennau rendro, pensiliau technegol a stensiliau siâp i gefnogi eu hymarfer. Mae gan y llyfrgell amrywiaeth o lyfrau dylunio i gefnogi dysgu myfyrwyr, ond efallai y bydd myfyrwyr yn dymuno prynu eu copi preifat eu hunain. Mae'r costau yn amodol ar ofynion unigol.

Cost: I fyny at £250

Efallai y bydd gofyn i fyfyrwyr argraffu canlyniadau wedi'u dylunio ar gyfer modiwlau penodol ar gyfer briffiau byw, cyflwyniadau i gleientiaid ac asesiadau. Mae'r costau yn amodol ar ofynion unigol.

Cost: I fyny at £300 

Mae myfyrwyr yn aml yn prynu dyfeisiau digidol sy'n berthnasol i'w harfer. Gall y rhain gynnwys un neu sawl Apple iMacs, MacBook Pros, iPad Pros, cyfrifiaduron, gliniaduron, neu Gamera DSLR. Mae'r costau yn ddarostyngedig i ofynion unigol. Mae offer hefyd ar gael i'w fenthyg trwy wasanaethau'r brifysgol.

Cost: £400-£1600

Mae myfyrwyr yn aml yn prynu perifferolion digidol ychwanegol fel Tabledi Graffig Wacom, Apple Magic Mouse (neu frand arall), Apple Pencil (neu frand arall), storio allanol neu storio cwmwl a Monitorau allanol. Costau yn amodol ar ofynion unigol. Mae offer hefyd ar gael i'w fenthyg trwy wasanaethau'r brifysgol.

Taith maes i leoliad rhyngwladol.

Cost: £900 - £1,200 

Benthyca Offer Cyfryngau

Gallwch logi amrywiaeth o offer, ar gyfer eich aseiniadau a’ch gwaith ymarferol, am ddim o’n cyfleuster Benthyca Offer Cyfryngau.

Benthyca Offer Cyfryngau

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Related Courses

Hyrwyddo Ffasiwn - BA (Anrh) Dysgu mwy
Darlunio - BA (Anrh) Dysgu mwy
Animeiddio (2D a Stop-Symud) - BA (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.