Ar gael yn Clirio BA (Anrh)

Cyfrifeg a Chyllid

Paratowch ar gyfer dyfodol mewn ymarfer proffesiynol, diwydiant neu gyllid gyda phrofiadau byd go iawn a mewnwelediadau i'r diwydiant trwy ein gradd Cyfrifeg a Chyllid Aml-Achrededig.

Sut i wneud cais Archebu lle ar Ddiwrnod Agored Sgwrsio gyda ni
Mae ein gradd aml-achrededig yn canolbwyntio ar helpu chi i adeiladu'r sgiliau sydd eu hangen arnoch ar gyfer gyrfa lwyddiannus mewn cyfrifeg a chyllid.
Mae ein gradd aml-achrededig yn canolbwyntio ar helpu chi i adeiladu'r sgiliau sydd eu hangen arnoch ar gyfer gyrfa lwyddiannus mewn cyfrifeg a chyllid.

Côd UCAS

N420

Dyddiad Cychwyn

Medi 2026

Lleoliad

Pontypridd

Côd y Campws

A

Pwyntiau UCAS

112

Ffioedd

Myfyrwyr cartref: £9,790*
Myfyrwyr rhyngwladol: £16,800*

Côd UCAS

Dyddiad Cychwyn

Medi 2026

Lleoliad

Pontypridd

Côd y Campws

A

Pwyntiau UCAS

112

Ffioedd

Myfyrwyr cartref: £804*

Côd UCAS

N421

Dyddiad Cychwyn

Medi 2026

Lleoliad

Pontypridd

Côd y Campws

A

Pwyntiau UCAS

112

Ffioedd

Myfyrwyr cartref: £9,790*
Myfyrwyr rhyngwladol: £16,800*

Côd UCAS

N420

Dyddiad Cychwyn

Medi 2027

Lleoliad

Caerdydd

Côd y Campws

B

Pwyntiau UCAS

112

Côd UCAS

Dyddiad Cychwyn

Medi 2027

Lleoliad

Caerdydd

Côd y Campws

B

Pwyntiau UCAS

112

Côd UCAS

N421

Dyddiad Cychwyn

Medi 2027

Lleoliad

Caerdydd

Côd y Campws

B

Pwyntiau UCAS

112

Sut i wneud cais Archebu lle ar Ddiwrnod Agored

Trosolwg o'r Cwrs

Byddwch yn ennill sylfaen gadarn yng nghraidd cyfrifeg a chyllid, gan sicrhau eich bod wedi'ch paratoi'n dda ar gyfer amrywiaeth o yrfaoedd cyfrifeg ar ôl graddio.

Mae gan ein myfyrwyr y cyfle i ennill y dystysgrif a gefnogir gan ACCA yn Sage, sef darparwr meddalwedd cyfrifeg fwyaf y DU, a dysgu hefyd gan arbenigwyr yn ein hystafell fasnachu gwarantau bywyd go iawn.

Mae'r cwrs wedi'i achredu gan Cymdeithas y Cyfrifwyr Ardystiedig Siartredig (ACCA), Sefydliad y Cyfrifwyr Siartredig yng Nghymru a Lloegr (ICAEW), Sefydliad Siartredig y Cyfrifwyr Rheoli (CIMA), Sefydliad Siartredig Cyfrifwyr Cyllid Cyhoeddus (CIPFA).

Achrediadau

Cymdeithas y Cyfrifwyr Ardystiedig Siartredig (ACCA)
Sefydliad y Cyfrifwyr Siartredig yng Nghymru a Lloegr (ICAEW)
Sefydliad Siartredig Cyfrifwyr Cyllid Cyhoeddus (CIPFA)
Sage, darparwr meddalwedd cyfrifyddu mwyaf y DU

Pam astudio'r cwrs hwn?

Eich darlithwyr

Caiff ein cwrs ei addysgu'n bennaf gan gyfrifwyr cymwys ac arbenigwyr pwnc a all ddod ag ehangder o wybodaeth a phrofiad yn y byd go iawn i'r modiwlau.

Eich dosbarthiadau

Cewch eich addysgu mewn grwpiau bach yn hytrach na darlithoedd mwy, sy'n eich galluogi i fanteisio i'r eithaf ar eich astudiaethau ac ymgysylltu'n fwy effeithiol yn y dosbarth.

Cysylltiadau proffesiwn

Defnyddiwch eich gwybodaeth a rhoi hwb i'ch rhagolygon gwaith gyda lleoliadau mewn sefydliadau adnabyddus o dri mis i flwyddyn.

Cyrsiau achrededig

Mae ein cwrs wedi'i achredu gan rai o gyrff cyfrifeg mwyaf blaenllaw'r byd, gan gynnwys yr ACCA, ICAEW, CIMA a CIPFA.

Beth fyddwch chi'n ei astudio

Bydd eich blwyddyn gyntaf yn canolbwyntio ar gyfrifeg ariannol, cyfrifyddu rheoli, cynllunio ariannol, a dadansoddi data.

Byddwch hefyd yn dysgu am yr amgylchedd busnes, a'r gyfraith gorfforaethol ac yn cael y cyfle i ennill y Dystysgrif Cyfrifeg Sage wedi'i hachredu gan CIMA.

Dysgwch gofnodi, crynhoi ac adrodd ar drafodion sy'n digwydd mewn busnes a chyflwyno gwybodaeth ariannol gan gynnwys mantolen a datganiad elw a cholled.

Nod y modiwl hwn yw datblygu ymwybyddiaeth o'r amgylchedd ariannol mewn perthynas â chynllunio ariannol personol a'r sector gwasanaethau ariannol.

Dysgwch dechnegau cost a chyfrifeg rheoli, tra'n rhoi eich penderfyniadau strategol ar brawf yn y modiwl ymarferol hwn.

Mae'r modiwl hwn yn ymdrin â rôl cyfrifydd mewn llawer o amgylcheddau busnes gwahanol ac yn archwilio'r cyfrifoldebau y mae angen i gyfrifwyr eu hystyried.

Bydd y modiwl yn datblygu gwybodaeth a sgiliau wrth ddeall y fframwaith cyfreithiol sy'n berthnasol yng Nghymru a Lloegr gan ganolbwyntio ar feysydd penodol o'r gyfraith sy'n ymwneud â busnes a chyllid.

Dysgu dadansoddi data a dulliau meintiol sy'n ymwneud â chyfrifeg a chyllid. Trwy ddefnyddio meddalwedd, byddwch yn cyfuno gwybodaeth o fodiwlau eraill i greu, trin a dadansoddi data a gwybodaeth.

Byddwch yn edrych ar adroddiadau ariannol, mesur perfformiad a rheolaeth, archwilio a sicrwydd, rheolaeth ariannol a chyfrifo digidol.

Byddwch hefyd yn gweithio ar brosiectau busnes byw gyda sefydliadau allanol ac yn clywed gan siaradwyr gwadd.

Byddwch yn datblygu dealltwriaeth o safonau a thechnegau adrodd ariannol ac yna'n cymhwyso technegau a dealltwriaeth o'r fath wrth baratoi a dadansoddi datganiadau ariannol.

Casglu, dadansoddi a chyflwyno gwybodaeth ariannol ar gyfer gwneud penderfyniadau busnes ehangach, mesur perfformiad a rheoli costau a refeniw.

Ennill dealltwriaeth uwch o faterion ariannu, offerynnau / risg ariannol a chysyniadau a thechnegau rheoli ariannol, gan eich paratoi ar gyfer rolau rheoli ariannol.

Dysgu cyfrifeg a threthiant digidol gan gynnwys meddalwedd sy'n cydymffurfio â CThEM ar gyfer prosesu trethi a chyfrifyddu ariannol.

Dysgwch wirio neu ddadflino'r wybodaeth ar adroddiadau ariannol cwmni ar gyfer archwilio a gwerthuso'r prosesau sy'n arwain at ddata ariannol gyda sicrwydd.

Yma byddwch yn datblygu eich cyflogadwyedd, yn elwa o siaradwyr gwadd ar wahanol agweddau o'r broses recriwtio a hefyd yn gweithio mewn timau bach ar brosiectau byw gyda busnesau'r byd go iawn.

Mae'r flwyddyn olaf yn edrych ar rai agweddau mwy datblygedig ar gyfrifeg ynghyd â modiwlau dewisol arbenigol, gan gynnwys cyfrifyddu fforensig a masnachu a buddsoddi ariannol.

Byddwch hefyd yn paratoi eich hun ar gyfer y broses recriwtio graddedigion ac yn cael y cyfle i weithio ar brosiect ymchwil.

Archwilio datblygiadau mwy diweddar a chyfredol mewn adroddiadau ariannol ac agweddau mwy datblygedig, gan gynnwys cyfrifeg grŵp ac offerynnau cyfalaf.

Archwilio sut i gyfrannu a gwerthuso'n feirniadol y broses o wneud penderfyniadau ar bob lefel o fewn sefydliad.

Darganfyddwch beth sydd ei angen i ddod yn bartner busnes strategol, gan gymhwyso theori strategaeth fusnes o fewn strwythur busnes ehangach.

Dysgwch bopeth am dreth a threthiant gan gynnwys paratoi cyfrifiadau treth a darparu cyngor cynllunio treth.

Gweithiwch ar baratoi eich hun ar gyfer y broses recriwtio graddedigion ac ymgymerwch â phrosiect ymchwil busnes y mae'r rhan fwyaf o fyfyrwyr yn ei gysylltu â'u diddordebau cyflogaeth neu fusnes.

Archwiliwch fyd cyfrifeg fforensig sy'n symud yn gyflym a chwrdd â chasgliad o dwyllwyr, celwyddwyr a sgamwyr. Byddwch yn dysgu technegau mewn gwerthuso busnes, yn archwilio rôl y tyst arbenigol, ac yn archwilio offer a ddefnyddir i atal a chanfod twyll, gan gynnwys dadansoddi data.

Datblygu dealltwriaeth gadarn o risg, gwobr, ac agweddau seicolegol masnachu a buddsoddi mewn asedau ariannol fel stociau, wrth feithrin sgiliau hanfodol wrth ragweld symudiadau prisiau gan ddefnyddio dadansoddiad sylfaenol a thechnegol.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Byddwch yn dysgu gan gyfrifwyr â chymwysterau proffesiynol, arbenigwyr pwnc a gweithwyr proffesiynol cynllunio ariannol sydd â'r sgiliau a'r wybodaeth i roi mantais gyrfa gystadleuol i chi.

Byddwch yn dysgu elfennau craidd cyfrifeg a chyllid drwy weithdai ymgysylltu a sesiynau labordy cyfrifiadurol. Rydym yn ymfalchïo mewn cael dosbarthiadau bach, gan roi cyfle i'n myfyrwyr godi llais a gofyn cwestiynau yn gyfrinachol. Mae hyn, ynghyd â'n polisi drws agored, yn golygu bod croeso i chi rannu eich syniadau bob amser. 

Asesir y rhan fwyaf o fodiwlau trwy gyfuniad o arholiad a gwaith cwrs. Mae amrywiaeth o waith cwrs – yn eich helpu i ddatblygu eich sgiliau cyflogadwyedd trwy ddefnyddio TG, paratoi adroddiadau ysgrifenedig, a rhoi cyflwyniadau.

Cewch gyfle i wneud cais am leoliad gwaith blwyddyn ar ôl eich ail flwyddyn astudio neu leoliad byrrach o hyd at dri mis rhwng eich ail flwyddyn a'ch trydedd flwyddyn. Mae'n opsiwn gwych os ydych chi eisiau cymysgedd o ddysgu, addysgu ac asesu academaidd ac ymarferol.

Mae lleoliadau gwaith diweddar wedi cynnwys gwaith yn un o yswirwyr credyd mwyaf y byd, Atradius, arweinydd cyfathrebu byd-eang Alcatel-Lucent, a Llywodraeth Cymru. Bydd cael y cyfle i weithio mewn cwmnïau fel y rhain yn helpu eich CV i sefyll allan o'r dorf.

Mae ein myfyrwyr cyfrifeg yn cael mynediad i Ystafell Masnachu Ariannol ar gampws gyda chaledwedd a meddalwedd cyfrifiadurol o'r radd flaenaf, ynghyd ag data byw o'r ddinas. Mae'r ffordd ymarferol hon o ddysgu yn golygu eich bod chi’n cael eich cyflwyno i amgylchedd gwaith wrth i chi ddysgu sut i lywio'r byd ariannol. Byddwch chi’n dysgu’r strategaethau cymhleth sy'n gysylltiedig â phrynu a gwerthu yn uniongyrchol ac yn deall ansefydlogrwydd ac amrywiadau’r farchnad ac ansicrwydd risg. 

Arweinydd y Cwrs

Arweinydd y Cwrs

Dewch i gwrdd â Simon McCarthy, academydd profiadol iawn a gymhwysodd fel Cyfrifydd Siartredig (ICAEW), ar ôl hyfforddi gyda Deloitte cyn ei yrfa academaidd. Mae Simon yn dod â chyfoeth o arbenigedd proffesiynol ac addysgu, gyda phrofiad helaeth o ddarparu addysg gyfrifeg ar draws pob lefel. Fel Arweinydd Cwrs ar gyfer y cwrs BA (Anrh) Cyfrifeg a Chyllid, mae'n chwarae rhan ganolog wrth lunio profiad y myfyriwr wrth barhau i addysgu nifer o fodiwlau ar y radd.

Mae gweithgareddau ymgynghori ac ymchwil Simon yn canolbwyntio ar feysydd o berthnasedd cyfoes sylweddol, gan gynnwys twf a chyllid busnesau bach, masnacheiddio ymchwil prifysgol, a chyllid chwaraeon, lle mae'n cyfrannu mewnwelediad academaidd ac arbenigedd ymarferol.

E-bostwich Simon Sgwrsiwch gyda Simon

Rhagolygon Gyrfa

Mae ein graddedigion Cyfrifeg a Chyllid wedi mynd ymlaen i gymhwyso eu sgiliau trosglwyddadwy mewn gyrfaoedd diddorol ac atyniadol ledled y byd.

Eich Gyrfa yn y Dyfodol

Mae cyn-fyfyrwyr diweddar bellach yn gweithio yn KPMG, GE Aviation, PwC, Ernst & Young, JK Accountancy, ac Archwilio Cymru. Mae llwybrau poblogaidd eraill ar gyfer ein graddedigion yn cynnwys y sector elusennol, awdurdodau lleol, a chwmnïau sglodion glas byd-eang. Bydd gradd mewn Cyfrifeg a Chyllid hefyd yn agor y drws i yrfaoedd ym mhob sector arall fel swydd amlbwrpas y gofynnir amdani. Mae llawer o'n graddedigion hefyd yn symud ymlaen i astudiaethau ôl-raddedig neu ymchwil.

Mae llwybrau gyrfa posibl yn cynnwys:

Cyfrifydd Siartredig yn y proffesiwn
Cynllunio Ariannol
Cyfrifydd Cwmni
Cyfrifeg Treth neu Archwilio
Masnachwr neu stocbrocer

Accounting student, Rhys, smiles at camera during a photoshoot in the Business School

"Gwnaeth ymgysylltu â gweithwyr proffesiynol y diwydiant mewn ffeiriau gyrfaoedd a thrwy ddarlithoedd gwadd roi cyfle i fi rwydweithio ac yn y pen draw sicrhau swydd i raddedigion fel dadansoddwr trethi busnes yn Deloitte."

Rhys Jones, Myfyrwir Cyfrifeg a Chyllid

Disgwyliadau cyflog

Gall gradd Cyfrifeg a Chyllid agor cyfleoedd ar draws y sector Cyfrifeg ehangach. Mae gyrfaoedd Cyfrifeg yn cynnig potensial enillion cryf:


Cyflog canolrifol

DU: £57.3k y flwyddyn
Cymru: £43.5k y flwyddyn

 

Cyfanswm y swyddi yn 2025

DU: 1.70m
Cymru: 50,536

Ffynhonnell: Lightcast Labour Market Data 2026

Partneriaid Diwydiant

Nid yn unig y gallwch weithio ar leoliad yn un o'n sefydliadau partner mawreddog trwy gydol eich gradd, ond mae astudio'r cwrs gyda ni hefyd yn golygu y byddwch yn gweithio tuag at achrediad y diwydiant gyda chyrff cyllid blaenllaw fel yr ICAEW ac ACCA. Wrth i chi ennill achrediadau tuag at y cymwysterau proffesiynol hyn trwy gydol eich astudiaethau, gallwch ddewis pa un sydd fwyaf addas i'r rôl y mae gennych ddiddordeb mwyaf ynddi.

Blwyddyn Ryngosod

Mae blwyddyn ryngosod yn eich galluogi i gymhwyso'r wybodaeth a enillwyd yn ystod eich gradd i sefyllfaoedd gwaith yn y byd go iawn. Byddwch yn rhoi set sgiliau trosglwyddadwy i chi'ch hun ac yn ennill profiad gwaith amhrisiadwy a fydd yn eich helpu i sefyll allan i ddarpar gyflogwyr mewn ceisiadau am swyddi yn y dyfodol. Mae blwyddyn ryngosod hefyd yn gyfle gwych i rwydweithio ac, os ydych yn creu argraff ar eich cyflogwr, efallai y byddwch hyd yn oed yn canfod bod gennych swydd yn aros amdanoch pan fyddwch yn graddio. Mae llawer o gyflogwyr yn hoffi cyflogi gweithwyr ymroddedig fel y dangosir trwy gynllun lleoliad blwyddyn ryngosod.

Dysgwch fwy am flynyddoedd rhyngosod

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud caisDatganiad Derbyniadau Cyd-destunolGofynnwch gwestiwn i ni

112 Pwyntiau UCAS neu'n uwch

Gofynion cymhwyster nodweddiadol

Lefel A:
BCC

AAT:
Lefel 3 AAT ar gyfer mynediad blwyddyn 1af neu AAT lefel 4 ar gyfer mynediad uniongyrchol 2il flwyddyn i'r radd.

Bagloriaeth Cymru:
Gradd B/C Bagloriaeth Sgiliau Uwch Cymru gyda Safon Uwch BB-BC

BTEC:
Diploma Estynedig BTEC Teilyngdod Teilyngdod

Mynediad i AU:
Pasio'r Diploma Mynediad i AU gydag o leiaf 104 o bwyntiau tariff UCAS.

Safon T:
Pasio (C ac uwch)

Gofynion ychwanegol
TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol. 

Ffioedd a Chyllid

Ffi Llawn Amser y DU £ 9,790

Fesul blwyddyn

Ffi Rhan-amser y DU £ 804

Fesul 20 credyd

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Treuliau lleoliad
Mae union gost mynd ar unrhyw leoliad yn dibynnu ar ei leoliad yng nghyswllt man preswylio, dull teithio ac ati y myfyriwr ac felly ni ellir penderfynu arni ar hyn o bryd. Ar ben hynny, yn dibynnu ar y lleoliad, efallai y bydd angen i’r myfyriwr brynu dillad addas (e.e. siwt neu ddillad ffurfiol).
Cost: I fyny at £300

Gwerslyfrau
Efallai y bydd angen prynu rhai gwerslyfrau ychwanegol.
Cost: I fyny at £300

Asesiad neu aelodaeth ychwanegol: Aelodaeth myfyriwr o gyrff proffesiynol
Aelodaeth ratach o gynllun “Cyflymu” ACCA. Fel arfer £79 ond mae gennym ffi arbennig o £20.
Cost: £20

Costau Teithio ar gyfer lleoliadau gwaith
Blwyddyn ar Leoliad. Mae costau teithio yn dibynnu ar leoliad.
Cost: I fyny at £300

Ffi Rhyngwladol Rhan-amser £ 16,800

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Treuliau lleoliad
Mae union gost mynd ar unrhyw leoliad yn dibynnu ar ei leoliad yng nghyswllt man preswylio, dull teithio ac ati y myfyriwr ac felly ni ellir penderfynu arni ar hyn o bryd. Ar ben hynny, yn dibynnu ar y lleoliad, efallai y bydd angen i’r myfyriwr brynu dillad addas (e.e. siwt neu ddillad ffurfiol).
Cost: I fyny at £300

Gwerslyfrau
Efallai y bydd angen prynu rhai gwerslyfrau ychwanegol.
Cost: I fyny at £300

Asesiad neu aelodaeth ychwanegol: Aelodaeth myfyriwr o gyrff proffesiynol
Aelodaeth ratach o gynllun “Cyflymu” ACCA. Fel arfer £79 ond mae gennym ffi arbennig o £20.
Cost: £20

Costau Teithio ar gyfer lleoliadau gwaith
Blwyddyn ar Leoliad. Mae costau teithio yn dibynnu ar leoliad.
Cost: I fyny at £300

Beth sy'n ein gwneud ni'n wahanol?

Darganfod mwy

#1

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Three students studying in a pod in the library at Cardiff campus

Ar y brig am y 6ed flwyddyn yn olynol yng Nghymru ar gyfer busnesau newydd, a'r 7fed yn y DU. (HEBCIS) 

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

  • Cyfrifeg a Chyllid

    • Gyda Blwyddyn Ryngosod, 4 blynedd

    • Medi

    • Pontypridd

    Apply direct

  • Cyfrifeg a Chyllid

    • Llawn Amser, 3 blynedd

    • Medi

    • Pontypridd

    Apply direct

  • Cyfrifeg a Chyllid

    • Rhan-amser, 5 blynedd

    • Medi

    • Pontypridd

    Apply direct

  • Cyfrifeg a Chyllid

    • Gyda Blwyddyn Ryngosod, 4 blynedd

    • Medi

    • Caerdydd

    Apply direct

  • Cyfrifeg a Chyllid

    • Llawn Amser, 3 blynedd

    • Medi

    • Caerdydd

    Apply direct

  • Cyfrifeg a Chyllid

    • Rhan-amser, 5 blynedd

    • Medi

    • Caerdydd

    Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Straeon Myfyrwyr

"Mae'r cwrs wedi rhoi profiad gwych i mi o’r diwydiant, o ddigwyddiadau rhwydweithio i brosiect cyflwyniad byw gyda thîm systemau ailgylchu Cyngor Rhondda Cynon Taf. Yn broffesiynol, mae'r radd yn cynnig eithriadau sylweddol - naw gydag ACCA a chwmpas sylweddol gyda CIMA a CIPFA, sy'n arbed amser a chost ar ôl y brifysgol."

Tom Parry Tom Parry, Myfyriwr Cyfrifeg a Chyllid

Gweld proffil myfyriwr

Straeon Myfyrwyr

"Roeddwn i eisiau dod yn gyfrifydd ond roeddwn i'n gwybod pa mor anodd oedd cael y cyfle i ymarfer. Roedd gradd yn teimlo fel y llwybr gorau i agor drysau proffesiynol, ac roedd PDC yn cynnig y cyfuniad cywir o hygyrchedd ac ansawdd."

Nika Holly Myfyriwr Cyfrifeg a Chyllid

Gweld proffil myfyriwr

Straeon Myfyrwyr

"Roedd Ystafell Masnachu PDC yn allweddol o ran cael profiad dysgu ymarferol, ond y peth mwyaf i fi yw natur cymwysterau'r cwrs. Mae gan y cwrs BA (Anrh) Cyfrifeg a Chyllid hwn 9 modiwl sy’n cyfrif tuag at ACCA, ac mae hyn yn fantais enfawr wrth baratoi at yrfa yn y maes cyfrifeg broffesiynol."

Hau Kee Chun Myfyriwr Cyfrifeg a Chyllid

Gweld proffil myfyriwr

Straeon Myfyrwyr

"Mae defnyddio meddalwedd gwahanol fel Sage, IDEA, ac Autopsy wedi helpu gyda fy nysgu. Mae wedi fy ngalluogi i ddod yn fwy hyderus ynof fy hun."

Lowri Connick Myfyriwr Cyfrifeg a Chyllid

Gweld proffil myfyriwr

Straeon Myfyrwyr

"Dewisais PDC oherwydd ei hachrediad SAGE, a oedd yn sefyll allan ymhlith prifysgolion eraill. Defnyddir y feddalwedd drwy gydol y cwrs, gan roi profiad ymarferol go iawn i chi o'r systemau y mae gweithwyr proffesiynol yn eu defnyddio bob dydd."

Adam Oliver Myfyriwr Cyfrifeg a Chyllid

Gweld proffil myfyriwr

Straeon ac uchafbwyntiau cysylltiedig

Stori Llwyddiant

Mae myfyrwyr cyfrifeg yn wynebu heriau cyflogwyr

Erthygl Newyddion

Mae PDC ac ACCA yn dathlu 50 mlynedd o hyfforddi gweithwyr cyllid proffesiynol

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety