This website uses cookies to improve your experience. Read our cookie policy

Gwneud cais drwy Glirio

Nid yw'n rhy hwyr i ddod o hyd i'ch cwrs delfrydol a gwneud cais. Mae lleoedd ar gael o hyd ym Mhrifysgol De Cymru ar gyfer mis Medi 2025. Ffoniwch ein tîm derbyniadau i sicrhau eich lle: 03455 76 06 06.

Ffoniwch ni Gwefan Clirio
BA (Anrh)

Dylunio Gemau Cyfrifiadurol

Lansiwch eich gyfra dylunio gyda chwrs BA (Anrh) mewn Dylunio Gemau Cyfrifiadurol. Cynyddwch eich sgiliau creadigol a thechnegol er mwyn dylunio, datblygu ac anfon eich gemau cyfrifiadurol chi eich hun i’r farchnad.

Sut i wneud cais Gwneud Cais Trwy UCAS Bwcio Diwrnod Agored Sgwrsio â Ni

Manylion Cwrs Allweddol

  • Côd UCAS

    WGF4

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £9,535*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Crëwch a chynhyrchwch gemau o’r cychwyn cyntaf. Mwynhewch brofiad ymarferol mewn digwyddiadau gemau fideo, cyflwynwch eich gwaith mewn cystadlaethau cenedlaethol megis Tranzfuser, a dewch i gyfarfod arbenigwyr o fewn y diwydiant. Defnyddiwch labordai o’r radd flaenaf a chanddynt y rhaglenni cyfrifiadurol Unreal Engine ac Adobe Suite a datblygwch eich rhwydwaith o fewn y diwydiant gemau fideo.

CYNLLUNIWYD AR GYFER

Os ydych yn angerddol am emau cyfrifiadurol ac os ydych yn barod i ymuno â’r diwydiant hwnnw, yna dyma’r cwrs i chi. Arllwyswch eich egni creadigol ac entrepreneraidd i mewn i’r cwrs wrth i chi hefyd fagu arferion proffesiynol o ran eich agwedd â’ch prosiectau. Gadewch i’ch brwdfrydedd eich arwain wrth ichi drawsffurfio eich gweledigaeth gyfrifiadurol yn emau go iawn.

Partneriaethau

Llwybrau gyrfaol

  • Dylunydd Gêm
  • Dylunydd lefel
  • Rhaglennydd
  • Rhyngwyneb defnyddiwr (UI) / profiad defnyddiwr (UX)
  • Awdur/cynhyrchydd
  • Profwr 

Sgiliau a ddysgir

  • Dylunio gemau
  • Rhaglennu
  • Cynllunio prosiectau
  • Rheoli prosiectau
  • Technegau cynnig syniadau
  • Gwaith tîm

still from Computer Animation course video - students working at computers in a classroom

Uchafbwyntiau’r Cwrs

Cyflwyniad i’r byd go iawn

Byddwch yn mynychu digwyddiadau gemau fideo gyda’r cyfle i arddangos eich gemau chi eich hun gyda Trannzfuser a Game Talent Wales.

Labordai o’r radd flaenaf

Bydd gennych ddefnydd o offer sydd o safon ddiwydiannol, yn cynnwys Unreal Engine, Unity, Version Control, Autodesk Suite ac Adobe Suite.

Cysylltiadau o fewn y Diwydiant

Cewch gyfle i feithrin rhwydweithiau a manteisio ar gyfleoedd drwy gysylltiadau cryf gyda’r diwydiant gemau cyfrifiadurol. Mae nifer o’n cyn-fyfyrwyr yn gweithio mewn stiwdios ar draws y byd.

Ar y brig yn y Deyrnas Unedig

Mae Animeiddio a Dylunio Gemau Cyfrifiadurol ym Mhrifysgol De Cymru wedi cyrraedd y brig yn y Deyrnas Unedig o ran Ansawdd Dysgu ac Aesesiadau (Guardian University Guide 2025)

Trosolwg o’r Modiwl

Byddwch yn ymrafael gyda’ch sgiliau creadigol a thechnegol o’r cychwyn cyntaf. Meistrolwch sgiliau dylunio drwy brosiectau ymarferol a gwaith o fewn y stiwdio, bydd cyfle i archwilio diwylliant gemau cyfrifiadurol a dysgu am safonau’r diwydiant. Byddwch yn meithrin sgiliau technegol hanfodol, yn dod i ddeall materion moesegol, ac yn datblygu eich sgiliau ymchwil a chyfathrebu yn barod ar gyfer gyrfa lwyddiannus.

Blwyddyn un

Adeiladu Bydoedd 
Creu Gemau 
Dylunio Lefelau 
Stiwdio Gemau Un  
Heriau Dylunio 

Blwyddyn dau

Gemau Arbrofol 
Arferion Proffesiynol
Technegau Creu Cynnwys
Astudiaethau Gemau Dau 

Blwyddyn tri

Prototeip Gemau 
Cynhyrchu Gemau 
Traethawd Estynedig
Portffolio

Byddwch yn cychwyn drwy archwilio’r elfennau mwyaf hanfodol ac yn creu gemau yn syth bin. Yn ystod eich chwe wythnos gyntaf, byddwch yn crefftio eich gêm gyntaf ac erbyn diwedd y flwyddyn byddwch wedi adeiladu o leiaf tri ohonynt. Gyda’r modiwlau ymarferol ar bynciau megis Dylunio Lefelau, Mecanwaith Gemau ac Adeiladu Bydoedd, byddwch yn cyfuno creadigrwydd gyda sgiliau technegol o’r dechrau un.

Adeiladu Bydoedd 
Byddwch yn creu prototeipiau digidol ac yn archwilio strwythur, mecanwaith a naratif gemau. Byddwch yn arbrofi gyda rheolau ac esthetig wrth i chi ddatblygu a chyflwyno syniadau ac chynhyrchu gemau drwy wahanol brosiectau. 

Creu Gemau 
Byddwch yn datblygu ac yn cynhyrchu gem mewn grwpiau ac yn canolbwyntio ar fecanwaith a dylunio rhyngweithiol. Byddwch yn defnyddio ymchwil, arbrofion ac adborth. Byddwch yn rhoi hwb i’ch sgiliau drwy weithio o fewn y stiwdio a thrwy ymdrwytho mewn prosiect. 

Dylunio Lefelau 
Archwiliwch ddamcaniaeth ddylunio gemau gyda gwaith injan ymarferol. Crëwch lefelau drwy ganolbwyntio ar gynllunio, profi’r chwarae a dylunio rhyngweithiol. Datblygwch ac arddangoswch eich gwaith drwy ddysgu gydag eraill a dysgu’n annibynnol. 

Stiwdio Gemau Un  
Dysgwch am y damcaniaethau a’r arferion o fewn Astudiaethau Gemau. Byddwch yn ymchwilio, yn dadlau ac yn dadansoddi gemau er mwyn deall datblygiad a diwylliant. Byddwch yn datblygu sgiliau beirniadol fydd yn gymorth i chi ennill dealltwriaeth academaidd ac ymarferol.  

Heriau Dylunio 
Datblygwch sgiliau gwerthuso a datrys problemau dylunio drwy ganolbwyntio ar gynllun sy’n canolbwyntio ar y chwaraewyr. Byddwch yn dysgu sut i gyfathrebu cysyniadau gêm drwy ymarferion ymarferol a heriau yn y byd go iawn.  

Daeth yr amser i ymrafael a phrosiectau soffistigedig gyda briffiau byw, a’r nod o greu gemau graenus, sy’n barod i’w cyflwyno fel syniad i arbenigwyr y diwydiant. Byddwch yn ymchwilio meysydd megis Systemau a Mecanwaith neu Rinweddau Cynhyrchu Gemau, ac yn dwysau eich dealltwriaeth o ddamcaniaeth dylunio. Byddwch yn arbenigo yn y meysydd sydd o ddiddordeb i chi er mwyn paratoi at eich blwyddyn olaf.

Gemau Arbrofol 
Gwthiwch ffiniau o fewn y byd dylunio gemau drwy archwilio ffordd flaengar o chwarae, technoleg newydd a themâu unigryw. Byddwch yn dilyn cyfarwyddyd er mwyn creu fersiwn cynnar gellir ei chwarae, gan ganolbwyntio ar wreiddioldeb a chyflawniad ymarferol. 

Arferion Proffesiynol
Byddwch yn creu gêm wedi ei selio ar gyfarwyddyd gan gleient, byddwch yn gweithio mewn tîm ac yn cydweithio gydag eraill o wahanol gyrsiau. Byddwch yn datblygu proffesiynoldeb a sgiliau sy’n berthnasol i’r diwydiant drwy ddysgu sut i gyflwyno syniad i bobl brofiadol o fewn y diwydiant. 

Technegau Creu Cynnwys
Meistrolwch sut i gynhyrchu cynnwys gemau drwy ganolbwyntio ar lif gwaith a phibellau injan. Byddwch yn gwrthbwyso esthetig, creadigrwydd a therfynau technegol drwy ddefnydd ymarferol.  

Astudiaethau Gemau Dau 
Dysgwch am astudiaethau gêm uwch drwy ymchwil a thrafodaeth. Byddwch yn cymryd rhan mewn trafodaethau beirniadol, byddwch yn datblygu dadleuon deallusol, ac yn cywreinio’ch sgiliau dan gyfarwyddyd eich cyfoedion ac aelodau staff. 

Y flwyddyn derfynol yw eich cyfle i ddisgleirio! Byddwch yn creu prototeip ac yn cynhyrchu gem ar lefel broffesiynol, fydd yn waith neilltuol ar gyfer eich portffolio. Dysgwch sut i arddangos eich sgiliau, ceisio am swyddi, a llwyddo mewn cyfweliadau. Bydd eich traethawd estynedig yn caniatáu i chi ymdrwytho mewn pwnc dylunio gemau rych yn angerddol yn ei gylch.

Prototeip Gemau 
Archwiliwch ac arbrofwch er mwyn datblygu gêm brototeip sy’n gweithio, gan ganolbwyntio ar fecanwaith craidd, profiad y chwaraewyr a steil. Datblygwch brototeipiau a dogfennau dylunio gan ddefnyddio eich sgiliau a’ch dysg i’ch paratoi chi at eich gyrfa.  

Cynhyrchu Gemau 
Byddwch yn cwblhau ac yn a chyhoeddi gêm, drwy ganolbwyntio ar gryfderau eich cynnyrch. Byddwch yn dogfennu eich penderfyniadau dylunio, yn rheoli ystod eich prosiect a byddwch hefyd yn creu gêm sy’n barod ar gyfer portffolio gyda deunydd hyrwyddo ar gyfer arddangosfa gyhoeddus. 

Traethawd Estynedig
Ymchwiliwch bwnc dylunio gemau sydd o ddiddordeb i chi, dysgwch am faterion allweddol a thrafodaethau o bwys. Cyflwynwch ddadl wreiddiol, ac iddi resymeg dda, gan ddefnyddio tystiolaeth neu ddealltwriaeth sy’n seiliedig ar eich gwaith. 

Portffolio
Ystyriwch eich llwyddiannau ac amcanion eich gyrfa. Cryfhewch eich CV, eich portffolio a’ch proffil LinkedIn. Mynychwch ddigwyddiadau gyrfaol, mynnwch gyngor a pharatowch at gyfweliadau swydd o fewn y diwydiant.  

Uchafbwyntiau’r Cwrs

Y modd y byddwch yn dysgu

Byddwch yn cychwyn dysgu yn syth bin drwy brosiectau grŵp, gweithdai ymarferol a chyflwyniadau. Gallwch ddisgwyl cyfuniad o ddarlithoedd, dosbarthiadau tiwtorial, ac amser yn y stiwdio er mwyn hogi eich crefft. Byddwch hefyd yn gweithio ar eich portffolio, yn creu prosiectau ar gyfer y byd go iawn ac yn mynd ar deithiau gyda darlithwyr a myfyrwyr eraill. Bydd yr asesiadau’n cynnwys gwaith grŵp, traethodau a chyflwyniadau, a byddwch yn derbyn adborth fydd yn cyfrannu at eich datblygiad. 

Y Staff Dysgu

Bydd y staff dysgu ar y cwrs BA mewn Dylunio Gemau Cyfrifiadurol yn eich cefnogi chi i feithrin eich sgiliau drwy brosiectau ymarferol sy’n canolbwyntio ar y diwydiant. Byddant yn eich cymell i ddatblygu eich gallu creadigol a thechnegol ac yn eich cyflwyno chi i bobl broffesiynol o fewn y diwydiant. Yn eich blwyddyn olaf, byddwch yn gweithio ar brosiect mawr ac yn derbyn cefnogaeth y staff drwy’r gweithdai a’r seminarau. Mae’r staff yn canolbwyntio ar brofiadau yn y byd go iawn a chysylltiadau o fewn y diwydiant er mwyn sicrhau eich bod chi’n deall cyd-destun ehangach eich gwaith. Bydd arweinydd eich cwrs, rhywun fydd yn brofiadol iawn wrth ddefnyddio offer megis Unreal Engine, yn cynnig arbenigedd gwerthfawr fydd yn gefnogaeth eich addysg.

Lleoliadau gwaith a phrofiad gwaith

Ym Mhrifysgol De Cymru, byddwch yn profi’r byd go iawn drwy brosiectau lle fyddwch yn cydweithio gydag eraill fel rhan o dîm. Rydym yn eich annog i ddod o hyd i brofiadau gwaith yn ystod y gwyliau neu yn ystod y tymor. Mae’r modiwl Prosiect Proffesiynol yn cefnogi’r profiadau gwaith hyn gyda briffiau byw ac mae’r cynllun Camu ‘Mlaen yn cynnig cefnogaeth ychwanegol yn ogystal â chydnabyddiaeth. Yn eich ail flwyddyn bydd y modiwl Arferion Proffesiynol yn cynnwys prosiectau briff byw. Erbyn eich trydedd flwyddyn, bydd y cynllun Tranzfuser yn rhoi’r cyfle i chi ddatblygu gwaith ar gyfer y gystadleuaeth UK Games Fund. 

Cyfleusterau

Ar gampws Prifysgol De Cymru yng Nghaerdydd, ceir cyfleusterau o’r radd flaenaf a thîm angerddol sy’n barod i roi bywyd i'ch syniadau creadigol. Yn fyfyriwr / fyfyrwraig dylunio gemau cyfrifiadurol, byddwch yn gallu defnyddio labordai sydd o safon ddiwydiannol ac iddynt offer megis Unreal Engine, Unity, Autodesk Suite, ac Adobe Suite. Byddwch yn gweithio gyda’r dechnoleg ddiweddaraf, yn cynnwys cardiau graffeg Nvidia RTX, monitrau hynod o lydan ac offer VR. Yn ogystal â hyn, mae’n ein systemau rheoli wedi eu cadw ar y cwmwl – golyga hyn ei fod yn ddigon hawdd i chi gydweithio gyda chyfoedion pa un ai ydych chi yn y labordy neu’n gweithio o adref. 

Offer

Ar ein Campws yng Nghaerdydd, mae gennym ni amrywiaeth eang o offer y byddwch chi'n cael eich hyfforddi i'w defnyddio fel rhan o'ch cwrs. I helpu i gefnogi eich astudiaethau, mae gennym gyfleuster Benthyca Offer Cyfryngau sy'n eich galluogi i logi'r offer, am ddim, fel y gallwch eu defnyddio ar gyfer eich aseiniadau a'ch gwaith ymarferol. Mae gennym ni gamerâu ffilm a ffotograffiaeth sylfaenol ac o’r radd flaenaf, offer goleuo a sain cludadwy yn ogystal ag amrywiaeth o ficroffonau a ddefnyddir mewn stiwdios proffesiynol, offerynnau ac offer cysylltiedig i'w defnyddio yn ein stiwdios cerddoriaeth neu ar leoliad. Mae'r tîm o swyddogion technegol a hyfforddwyr hefyd ar gael i'ch helpu gydag unrhyw ymholiadau a materion technegol.

Gyrfaoedd a Chyflogadwyedd

Gyrfaoedd i ôl-raddedigion

Gyda’ch gradd mewn Dylunio Gemau Cyfrifiadurol, byddwch yn barod am ystod o swyddi cyffrous o fewn y diwydiant gemau: o ddylunio a rhaglenni gemau hyd ddylunio lefelau, ysgrifennu, dylunio UI/UX a phrofi. Mae ein cyn-fyfyrwyr yn gadael ei hol yn y byd ffilm a theledu, hyfforddi VR a ffugiadau. Bachwch gyfle i ymuno â chwmnïau blaenllaw megis Rockstar, Super Massive, Frontier, Codemasters, a llawer yn rhagor. Yn ogystal â hyn, mae nifer o’n cyn-fyfyrwyr yn mynd ati i agor eu stiwdios llwyddiannus nhw eu hunain, megis Bithell Games a Toxic Games.  

Cefnogaeth Gyrfa

Mae’r tîm Gyrfaoedd a Chyflogadwyedd yn cynnig pecyn o sesiynau datblygu ar y cyd a’ch astudiaethau er mwyn eich cefnogi chi i weithio tuag at eich gyrfa ddelfrydol. Mae hwn yn cynnwys apwyntiadau un i un gyda chynghorwyr gyrfa o fewn y gyfadran. Gellir cynnal yr apwyntiadau hyn ar y ffôn, ar Teams, neu dros e-bost drwy’r gwasanaeth “Gofynnwch Gwestiwn”/ Rydym yn cynnig ystod eang o adnoddau ar-lein i’ch helpu chi i ystyried opsiynau gyrfaol ac er mwyn i chi gyflwyno eich hunan yn dda i gyflogwyr. Mae’r adnoddau sydd ar gael yn cynnwys profion psychometrig, asesiadau gyrfa, a chymorth gyda ffurflenni cais. Mae gan ein cronfa ddata o gyflogwyr dros 2,000 o gyflogwyr cofrestredig sydd yn targedu myfyrwyr Prifysgol De Cymru ac anfonir e-bost wythnosol yn tynnu sylw at y swyddi sydd ar gael.  

Partneriaid o fewn y diwydiant

Byddwch yn manteisio ar gysylltiadau cryf gyda chyflogwyr lleol a chenedlaethol, diolch i’r ffaith ein bod ni’n ymwneud yn rheolaidd â phobl broffesiynol o fewn y diwydiant. Mae’r Gyfadran Diwydiannau Creadigol yn cynnal fforwm gyflogwyr sy’n rhan allweddol o’ch profiad addysgol, tra bod ein partneriaeth gyda Games Talent Wales yn cynnig mwy o gyfleoedd fyth i chi rhwydweithio a chreu cysylltiadau o fewn y diwydiant. Crëwyd y cyfleoedd hyn er mwyn eich helpu chi i ennill eich plwyf o fewn y diwydiant ac i greu cysylltiadau fydd o fudd i’ch gyrfa.   

Mewn partneriaeth â

Gofynion mynediad

pwynt tariff UCAS: 96

Gofynion cymhwyster nodweddiadol:

  • Lefel A: CCC i gynnwys pwnc celf a dylunio perthnasol
  • Bagloriaeth Cymru: Bagloriaeth Sgiliau Uwch Cymru Gradd C a CC mewn Safon Uwch gyda phwnc celf a dylunio perthnasol.
  • BTEC: Diploma Estynedig BTEC Teilyngdod Teilyngdod mewn pwnc perthnasol 
  • Mynediad i AU: Pasio'r Diploma Mynediad i AU gydag o leiaf 96 pwynt tariff UCAS
  • Safon T: Pasio (C ac uwch)

 

Gofynion ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£15,850

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

* Rhwymedig

Cost: £50 - £100

Cost: £50 - £100

(Pob blwyddyn academaidd)

Cost: £1500 - £2000

PC Peropherals (y flwyddyn)

Cost: £100 - £150

Teithiau allgyrsiol. (Pob blwyddyn academaidd)

Cost: £100 - £1000

Y flwyddyn, pob blwyddyn academaidd.

Cost: £50 - £100

Benthyca Offer Cyfryngau

Gallwch logi amrywiaeth o offer, ar gyfer eich aseiniadau a’ch gwaith ymarferol, am ddim o’n cyfleuster Benthyca Offer Cyfryngau.

Benthyca Offer Cyfryngau

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Pam PDC?

Ar y brig yn y DU

Mae Animeiddio a Dylunio Gemau yn PDC ar y brig yn y DU ar gyfer Ansawdd Addysgu ac Asesu (Canllaw Prifysgolion y Guardian 2025)

Pam PDC?

Roedd 100%

o'n myfyrwyr BA (Anrh) Dylunio Gemau Cyfrifiadurol yn fodlon ar eu cwrs.

ACF 2025

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Cyrsiau Cysylltiedig

Celf Gemau - BA (Anrh) Dysgu mwy
Menter Gemau - MA Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.