This website uses cookies to improve your experience. Read our cookie policy

BSc (Anrh)

Gwyddor Fforensig

Profwch daith lawn y dystiolaeth o'r safle trosedd i'r llys, gan feistroli technegau gwyddor fforensig datblygedig gydag ymarfer labordy helaeth.

Sut i wneud cais Gwneud cais drwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    FK10

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Côd UCAS

    F125

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Wedi'i achredu gan Gymdeithas Siartredig y Gwyddorau Fforensig, mae'r BSc Gwyddor Fforensig yn eich dysgu sut i gymhwyso ystod o wyddoniaeth uwch i ymchwilio i droseddau. Mae'r sgiliau rydych chi'n eu datblygu gan ddefnyddio offer o safon y diwydiant yn sbardun i amrywiaeth o yrfaoedd ar draws meysydd gwyddonol.

CYNLLUNIWYD AR GYFER

Os ydych chi'n dwli ar gemeg a bioleg ac eisiau defnyddio'ch gwybodaeth mewn ffyrdd newydd a diddorol sydd o fudd i gymdeithas, gwyddor fforensig yw’r pwnc i chi. Byddwch yn archwilio meysydd arbenigol fel tocsicoleg a dadansoddi DNA ac yn datblygu eich doniau ymchwiliol a dadansoddol.

Achredwyd gan

  • Cymdeithas Siartredig y Gwyddorau Fforensig

Llwybrau Gyrfa

  • Archwilydd Safle Trosedd 
  • Dadansoddwr Labordy Fforensig 
  • Tocsicolegydd 
  • Dadansoddwr DNA 
  • Archwilydd Traffig Ffyrdd

Sgiliau a Addysgir

  • Dadansoddi a dehongli tystiolaeth safle trosedd  
  • Technegau labordy gwyddoniaeth 
  • Datrys problemau ym meysydd gwyddoniaeth, mathemateg a dadansoddi data 
  • Arwain a rheoli prosiectau 
  • Sgiliau cyfathrebu hyderus

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

A student wearing a white laboratory coat and glasses sits at a desk and concentrates on a screen with microscope images of cells in a USW forensic science laboratory
A USW forensics student looks at a specimen in a petri dish under a microscope in a USW laboratory while wearing a USW white lab coat, purple scientific gloves and a hair net
Forensic Science student, Abi, using a micrscope at the labs on Glyntaff campus

Uchafbwyntiau’r Cwrs

Achrediad o’r radd flaenaf

Wedi'i achredu'n broffesiynol gan Gymdeithas Siartredig y Gwyddorau Fforensig, sef cymdeithas fforensig fyd-eang flaenllaw.

Cyfleusterau rhagorol

Hyfforddwch yn ein tŷ safle trosedd a'n safle cloddio, ystafell lys, a labordai o safon diwydiant.

Profiad yn y byd go iawn

Datblygwch eich sgiliau a'ch profiad gyda'r technegau a'r offer y byddwch chi'n eu defnyddio i ddatrys troseddau go iawn.

Cysylltiadau yn y diwydiant

Manteisiwch ar wybodaeth a chysylltiadau â rolau allweddol yn y diwydiant a chwrdd â chyflogwyr allweddol mewn digwyddiadau.

Trosolwg o’r Cwrs

Byddwch yn ennill sylfeini yn yr ystod o wyddorau a thechnegau dadansoddol sy'n ymwneud â datrys troseddau, cyn dewis llwybr biolegol neu ddadansoddol. Adeiladwch ar eich gwybodaeth a'ch sgiliau cyn ymgymryd â phrosiectau ymchwiliol mawr a pharatoi ar gyfer cyflogaeth yn eich blwyddyn olaf.

Blwyddyn un
Cyflwyniad i Ddadansoddiad Fforensig
Cyflwyniad i Archwilio Safle Trosedd
Cemeg ar gyfer Gwyddor Fforensig
Sgiliau Allweddol ar gyfer Gwyddor Fforensig*
Geneteg ac Esblygiad
Ymwybyddiaeth Fforensig

* Gellir astudio 25% o'r modiwl hwn yn Gymraeg  

Blwyddyn dau
Dadansoddi a Dehongli Tystiolaeth
Archwilio Safleoedd Troseddau Cyffredin
Archwiliad Fforensig o Weddillion Dynol
Geneteg Foleciwlaidd Ddynol
Technegau Dadansoddi ac Adnabod Modern
Llwybr Dadansoddol – Cymhwyso Dadansoddiad Fforensig
Llwybr Biolegol – Microbioleg a Bioleg Fforensig

Blwyddyn tri
Prosiect Ymchwil a Sgiliau Cyflogadwyedd
Gwaith Achos Fforensig a'r Tyst Arbenigol
Archwilio Safle Mawr
Tocsicoleg Fforensig Gymhwysol
Geneteg Foleciwlaidd Ddynol
Llwybr Dadansoddol – Technegau Dadansoddol Uwch
Llwybr Biolegol – Gwaith Fforensig Amgylcheddol a Bywyd Gwyllt

Gosodwch sylfeini cynhwysfawr wrth i chi ddysgu'r damcaniaethau gwyddonol a mathemategol allweddol, prosesau cyfreithiol a thechnegau dadansoddol. Mwynhewch ddigon o ddysgu ymarferol yn y labordy a'r tŷ safle trosedd pwrpasol wrth i chi ddysgu sut i brosesu tystiolaeth.

Cyflwyniad i Ddadansoddiad Fforensig
Cyfunwch theori a hyfforddiant labordy, dysgwch hanfodion prosesu tystiolaeth gan gynnwys chwilio ac adfer, microsgopeg sylfaenol a phrofi cemegol, a nodiadau achos.

Cyflwyniad i Archwilio Safle Trosedd
Astudiwch dechnegau a phrosesau ymchwiliol gan gynnwys casglu, cadw, dogfennu a dehongli tystiolaeth.

Cemeg ar gyfer Gwyddor Fforensig
Adeiladwch ar eich sgiliau labordy wrth i chi ddysgu’r cysyniadau cemeg organig, biolegol a dadansoddol sydd eu hangen ar gyfer gwyddor fforensig.

Sgiliau Allweddol ar gyfer Gwyddor Fforensig*
Datblygwch sgiliau allweddol fel ymchwil, ysgrifennu gwyddonol, defnyddio TG, mathemateg ac ystadegau, a dysgu sut i weithio'n ddiogel ac yn effeithiol yn y labordy.

Geneteg ac Esblygiad
Deallwch strwythur DNA a dyblygu ac archwiliwch theori esblygiadol. Byddwch hefyd yn datblygu technegau labordy sylfaenol ac yn dysgu sut i weithio'n ddiogel.

Ymwybyddiaeth Fforensig
Datblygwch sgiliau meddwl yn feirniadol a datrys problemau a dysgwch bwrpas cyfiawnder troseddol ac elfennau allweddol y system cyfiawnder troseddol.

* Gellir astudio 25% o'r modiwl hwn yn Gymraeg

Dewiswch naill ai llwybr gwyddor fforensig bioleg neu ddadansoddol. Datblygwch eich sgiliau ymarferol a'ch gwybodaeth ddamcaniaethol trwy dystiolaeth fforensig ac archwiliad safle trosedd. Cymhwyswch dechnegau mwy datblygedig wrth i chi ehangu eich dealltwriaeth.

Dadansoddi a Dehongli Tystiolaeth
Datblygwch sgiliau dadansoddi, dehongli a chyflwyno tystiolaeth olion biolegol a gronynnol gan ddefnyddio offeryniaeth, prosesau a dogfennaeth o safon sector.

Archwilio Safleoedd Troseddau Cyffredin
Datblygwch arferion craidd archwilio safle trosedd a dysgwch sut i gofnodi safleoedd troseddau efelychiadol fel byrgleriaeth, dwyn ceir a difrod troseddol trwy ffotograffiaeth, fideo a delweddu digidol.

Archwiliad Fforensig o Weddillion Dynol
Archwiliwch heriau unigryw darganfod, adfer a dadansoddi gweddillion dynol, o dechnegau chwilio i bost-mortem, danheddeg ac ailadeiladu wynebau.

Geneteg Foleciwlaidd Ddynol
Ewch i'r afael â thechnegau bioleg foleciwlaidd wrth i chi ymestyn eich gwybodaeth am eneteg foleciwlaidd a sail enetig anhwylderau etifeddol.

Technegau Dadansoddi ac Adnabod Modern
Archwiliwch dechnegau dadansoddol i ddeall strwythur cemegol cyfansoddion, megis sbectrosgopeg, sy'n hanfodol wrth adnabod sylweddau.

Llwybr Dadansoddol – Cymhwyso Dadansoddiad Fforensig
Archwiliwch sut mae cemegwyr fforensig yn defnyddio technegau dadansoddol i adnabod tystiolaeth fel cyffuriau anghyfreithlon, gweddillion tân a chyfansoddion pridd.

Llwybr Biolegol – Microbioleg a Bioleg Fforensig
Archwiliwch fioleg celloedd, microbioleg a biocemeg, gan ddatblygu dealltwriaeth o werth tystiolaeth fiolegol mewn gwaith fforensig.

Datblygwch eich sgiliau ymhellach mewn meysydd arbenigol fel dadansoddi DNA, tocsicoleg a naill ai cemeg ddadansoddol neu wyddor fiolegol. Paratowch ar gyfer cyflogaeth wrth i chi ymgymryd â phrosiectau archwilio sylweddol fel rhan o dîm a dadansoddi astudiaethau achos fforensig yn feirniadol.

Prosiect Ymchwil a Sgiliau Cyflogadwyedd
Gwerthuswch achosion fel dynladdiadau a hunanladdiadau, gan ddangos moeseg a safonau. Archwiliwch rolau tystion arbenigol, bargyfreithwyr a’r dystiolaeth gyntaf.

Gwaith Achos Fforensig a'r Tyst Arbenigol
Ymgymerwch ag achos ffug cymhleth sy'n dangos eich sgiliau gwaith tîm, meddwl yn feirniadol a galluoedd, gan arwain at groesholi mewn ystafell llys efelychiadol.

Archwilio Safle Mawr
Dangoswch feistrolaeth ar brosesau a thechnegau archwilio troseddol fforensig wrth i chi reoli senarios safleoedd mawr efelychiadol fel marwolaethau amheus, ymosodiadau, a throseddau drylliau.

Tocsicoleg Fforensig Gymhwysol
Dysgwch sut mae sylweddau gwenwynig yn effeithio ar y corff, archwiliwch egwyddorion amsugno, dosbarthu, metaboledd ac ysgarthu ac ymchwiliwch i sylweddau tocsicolegol yn y labordy.

Geneteg Foleciwlaidd Ddynol
Cymhwyswch bopeth rydych chi wedi'i ddysgu i gymwysiadau fforensig. Archwiliwch feysydd fel proffilio DNA a sut mae hyn yn codi o staeniau safleoedd troseddau.

Llwybr Dadansoddol – Technegau Dadansoddol Uwch
Datblygwch sgiliau a phrosesau uwch fel echdynnu, cromatograffeg ar gyfer dadansoddi meintiol a thechnegau dadansoddol fel LC-MS / MS a q-NMR.

Llwybr Biolegol – Gwaith Fforensig Amgylcheddol a Bywyd Gwyllt
Archwiliwch feysydd arbenigol troseddau amgylcheddol a bywyd gwyllt, gan gwmpasu'r gyfraith a deddfwriaeth, microsgopeg, dadansoddi pridd a DNA a system gwybodaeth ddaearyddol.

Uchafbwyntiau’r Cwrs

Sut byddwch chi'n dysgu

O'r dechrau, byddwch yn treulio llawer o amser yn y labordy ac yn ymchwilio i safleoedd troseddau efelychiadol. Wrth i chi ddatblygu, byddwch yn gweithio ar ystod ehangach o senarios ac yn cyflwyno tystiolaeth yn ein hystafell llys ffug – gan brofi taith lawn achos. Addysgir cysyniadau damcaniaethol mewn darlithoedd a thiwtorialau rhyngweithiol. Mae eich gwaith ysgrifenedig yn adlewyrchu'r adrodd y byddwch chi'n ei wneud yn y byd go iawn, ac mae asesu'n aml yn canolbwyntio ar sgiliau ymarferol a gwneud penderfyniadau, gan gynnwys traethawd hir ar gyfer eich prosiect grŵp. Mae'r cwricwlwm deinamig yn addasu yn unol â thueddiadau'r diwydiant, ac mae sgiliau cyflogadwyedd wedi'u hymgorffori ym mhob modiwl.

Staff addysgu

Byddwch yn cael eich addysgu gan amrywiaeth o arbenigwyr sy'n arbenigo mewn dadansoddi patrymau staen gwaed a DNA, tocsicoleg, archwilio safleoedd troseddau, cemeg, a mwy. Mae'r set sgiliau amrywiol hon yn galluogi llawer o draws-ddealltwriaeth drwy gydol y gadwyn archwilio llawn – rydych wir yn cael gweld sut mae popeth yn cyd-fynd â'i gilydd, oherwydd mae gennym arbenigwr ar gyfer pob cam. Mae staff yn defnyddio eu cysylltiadau i gydweithio â gweithwyr proffesiynol yn y diwydiant, cyfoethogi eich cwrs a darparu cyfleoedd lleoliad gwaith. Mae rhai staff hefyd yn gyn-fyfyrwyr PDC, felly maen nhw'n deall sut i'ch cefnogi chi a chyfrannu at yr ymdeimlad cryf o gymuned o fewn ein cwrs. 

Lleoliadau a phrofiad gwaith

Cewch gyfle i ymgymryd â lleoliad ryngosod ar ôl eich ail flwyddyn. Rydym yn eich cefnogi gyda cheisiadau i gynllun Interniaeth Heddlu De Cymru i Raddedigion a gall ein tîm gyrfaoedd rhagorol eich helpu i ddod o hyd i leoliadau gwaith eraill os dymunwch. Mae rhai myfyrwyr yn dewis lleoliadau mewn cwmnïau preifat fel Cellmark neu mewn diwydiannau cyfagos fel y diwydiant fferyllol. Ac eto, gyda chymaint o brofiad o’r byd go iawn wedi'i wreiddio yn y cwrs, rydych yn dal i gael paratoad cynhwysfawr ar gyfer y gweithle, hyd yn oed os penderfynwch beidio â gwneud lleoliad gwaith. 

Cyfleusterau

Mae ein cyfleusterau'n gwneud ein cwrs yn unigryw a byddwch yn gallu bwrw ati o'r cychwyn cyntaf. Mae ein 'tŷ safle trosedd' aml-ystafell a'n man cloddio yn rhoi profiad ymarferol i chi o reoli safleoedd troseddau a chasglu pob math o dystiolaeth. Mae'r offer gwyliadwriaeth a osodwyd yn ddiweddar yn galluogi darlithwyr i'ch arsylwi a darparu adborth byw. Gallwch ddefnyddio labordai George Knox lle byddwch chi'n defnyddio'r ystod lawn o offer ac offerynnau o safon y diwydiant gan gynnwys labordai cemeg organig ac anorganig, sbectromedrau, microsgopau, a chromatograffau. Mae'r cyfan wedi'i leoli ar gampws Glyn-taf, sy’n wyrdd ac yn agored gydag awyrgylch cymunedol. 

Wedi'i achredu gan

Gyrfaoedd a Chyflogadwyedd

Gyrfaoedd graddedigion

Mae'r cwrs hwn yn rhoi'r set ddelfrydol o sgiliau academaidd, galwedigaethol a phersonol y mae cyflogwyr yn gofyn amdanynt. Mae llawer o raddedigion yn sicrhau swyddi yn ystod eu hastudiaethau blwyddyn olaf. Er bod llawer o raddedigion yn symud ymlaen i asiantaethau gorfodi'r gyfraith a labordai fforensig blaenllaw, gan weithio fel ymchwilwyr, dadansoddwyr a gwyddonwyr adrodd, byddwch hefyd yn datblygu priodoleddau sy'n addas ar gyfer y diwydiannau cemegol a fferyllol. Mae'r radd hefyd yn eich paratoi ar gyfer astudio MSc ac rydym hefyd yn cynnig llwybr addysgu.

Cymorth gyrfa

Y ffordd orau i'ch cefnogi i sicrhau eich swydd ddymunol yw drwy roi profiad go iawn i chi o’r technegau, y tasgau a'r prosesau y byddwch yn eu cyflawni bob dydd. Ond rydym hefyd yn darparu sgiliau cyflogadwyedd penodol sydd wedi'u hymgorffori ym mron pob modiwl, gan gwmpasu popeth o sut i rwydweithio a marchnata eich hun i dechnegau cyfweliad. Mae ein digwyddiad Dyfodol Gwyddoniaeth yn eich cyflwyno i gyflogwyr lle gallwch adnabod llwybrau posibl a meithrin cysylltiadau. Byddwch hefyd yn cwrdd â chyn-fyfyrwyr a oedd yn eich sefyllfa ac sy’n gallu rhannu cyngor penodol ar sut i gyflawni eich nodau. Byddwch hefyd yn cael mynediad at dîm ymroddedig o fewn Gwasanaeth Gyrfaoedd PDC. 

Partneriaid yn y diwydiant

Mae ein cysylltiadau diwydiant agos yn sicrhau bod deunydd y cwrs ar flaen y gad o ran y datblygiadau diweddaraf. Mae Heddlu De Cymru yn asesu ac yn cefnogi ein cwrs, tra bod Cansford Labs o Gaerdydd yn cefnogi'r ochr fforensig. Mae ein digwyddiadau Dyfodol Gwyddoniaeth yn croesawu cynrychiolwyr o'r sefydliadau hynny, yn ogystal â heddluoedd lleol eraill, a chwmnïau fforensig preifat fel Selmark. Rydym hefyd yn gweithio'n agos gyda sefydliadau eraill, gan gynnwys rhai tramor. Mae hyn yn ein helpu i ddod â safbwyntiau newydd i'r cwrs a rhoi profiad ehangach a llawnach i chi sy'n eich paratoi ar gyfer llwyddiant yn y dyfodol. 

Dysgwch fwy am flynyddoedd rhyngosod

Blwyddyn Ryngosod

Mae blwyddyn ryngosod yn eich galluogi i gymhwyso'r wybodaeth a enillwyd yn ystod eich gradd i sefyllfaoedd gwaith yn y byd go iawn. Byddwch yn rhoi set sgiliau trosglwyddadwy i chi'ch hun ac yn ennill profiad gwaith amhrisiadwy a fydd yn eich helpu i sefyll allan i ddarpar gyflogwyr mewn ceisiadau am swyddi yn y dyfodol. Mae blwyddyn ryngosod hefyd yn gyfle gwych i rwydweithio ac, os ydych yn creu argraff ar eich cyflogwr, efallai y byddwch hyd yn oed yn canfod bod gennych swydd yn aros amdanoch pan fyddwch yn graddio. Mae llawer o gyflogwyr yn hoffi cyflogi gweithwyr ymroddedig fel y dangosir trwy gynllun lleoliad blwyddyn ryngosod.

Gofynion mynediad

Pwynt tariff UCAS: 104

Gofynion cymhwyster nodweddiadol:

  • Lefel A: BCC i gynnwys Cemeg neu Fioleg ond heb gynnwys Astudiaethau Cyffredinol
  • Bagloriaeth Cymru: Gradd C a BC ar Lefel A i gynnwys Cemeg neu Bioleg ond i eithrio Astudiaethau Cyffredinol 
  • Gofynion Gwyddoniaeth Nodweddiadol: Bydd angen i ymgeiswyr sy'n sefyll Lefel A Gwyddoniaeth yn Lloegr basio'r elfen ymarferol ochr yn ochr â chyflawni'r hyn y gofynnwyd amdano
  • BTEC: Diploma Estynedig BTEC - Rhagoriaeth Teilyngdod Teilyngdod - Teilyngdod Teilyngdod Pas mewn pwnc perthnasol i gynnwys modiwlau Cemeg neu Bioleg
  • Mynediad i AU: Pasio Diploma Mynediad i AU mewn Gwyddoniaeth a chael o leiaf 104 pwynt tariff UCAS. I gynnwys: 15 o ragoriaethau o unedau Cemeg neu Bioleg, 21 Teilyngdod (3 o Cemeg / Bioleg) a 9 Pas. 

Gofynion ychwanegol:

TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£16,200

fesul blwyddyn*
Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Anogir myfyrwyr i gael cot labordy cotwm addas eu hunain, sy'n addas ar gyfer gweithio mewn labordy cemegol, a phâr o goglau labordy amddiffynnol personol, er bod yr Ysgol yn darparu'r eitemau hyn.

Cost: Amrywiol

Byddai disgwyl i fyfyrwyr sy'n llwyddo i sicrhau lleoliad mewn diwydiant i gwblhau eu prosiect dalu eu costau teithio eu hunain i'r lleoliad ac oddi yno yn ystod cyfnod y lleoliad. Bydd cost hyn, wrth gwrs, yn amrywio ac mae rhai myfyrwyr hefyd wedi talu am lety yn agos i'w gweithle ar gyfer cyfnod y lleoliad.

Cost: Amrywiol

Efrog Newydd - Hedfan a Llety, y Gyfadran sy'n talu am weithgareddau.

Cost: £1,200

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
Close up shot of the front of the Alfred Russell wallace building.
Campws Pontypridd, Glyn-taf
A double room at our Pontypridd accommodation featuring a large window.
Llety

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Cyrsiau Cysylltiedig

Ymchwiliad Fforensig - BSc (Anrh) Dysgu mwy
Gwyddor Fferyllol - BSc (Anrh) Dysgu mwy
Gwyddor Fforensig gan gynnwys Blwyddyn Sylfaen - BSc (Anrh) Dysgu mwy
Ymchwiliad Fforensig gan gynnwys Blwyddyn Sylfaen - BSc (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni