Seicoleg

Sut mae gwaith ymchwil seicolegol yn cael ei wneud? Byddwn yn edrych ar y dulliau o wneud gwaith ymchwil a gwaith dadansoddi meintiol ac ansoddol, ac yn edrych ar foeseg ymchwil ac effaith hynny ar seicoleg.

Mae modd astudio'r modiwl hwn 100% drwy gyfrwng y Gymraeg.

Y prif gysyniadau sy’n fframio seicoleg gyfoes a’r materion a’r cwestiynau moesegol cysylltiedig: dechrau meithrin y sgiliau a fydd yn sail i’ch llythrennedd seicolegol.

Trosolwg bras o’r prif gysyniadau, damcaniaethau a gwaith ymchwil sy’n rhan o seicoleg fiolegol a gwybyddol.

Astudio gwaith ymchwil pwysig ym maes seicoleg gymdeithasol a datblygiadol, a meithrin dealltwriaeth o’r prif egwyddorion damcaniaethol sy’n sail i’r maes hwn.

Datblygu dealltwriaeth feirniadol o’r sgiliau methodolegol sy’n angenrheidiol i ymchwilio yn y maes seicoleg.

Meithrin profiad gwaith mewn sectorau penodol a/neu sgiliau cyflogadwyedd trosglwyddadwy sy’n gysylltiedig â damcaniaeth ac ymchwil ym maes seicoleg, a myfyrio ar rai o’r materion moesegol ac ymarferol sy’n gysylltiedig â hyn.

Ehangu eich gwybodaeth am fethodoleg, ystadegau a moeseg wrth wneud gwaith ymchwil, ynghyd â gwella’ch gallu i asesu’n feirniadol pa mor effeithiol yw gwahanol ddulliau.

Trosolwg o rywfaint o’r prif waith ymchwil biolegol a gwybyddol ac ym maes niwrowyddoniaeth: byddwch yn cael eich annog i werthuso’n feirniadol y gwaith ymchwil presennol yn y meysydd hyn.

Datblygu gwerthfawrogiad beirniadol, manwl o’r trafodaethau presennol mewn seicoleg gymdeithasol a datblygiadol.

Darn gwreiddiol o waith ymchwil lle bydd cyfle i chi gasglu a dadansoddi data, asesu materion moesegol yr ymchwil, archwilio dulliau ymchwil, a chyhoeddi eich canfyddiadau.

Archwilio’r defnydd ymarferol o seicoleg, gan edrych ar yr un pryd ar gyd-destunau mewn bywyd go iawn ac ar y trafodaethau cenedlaethol a rhyngwladol presennol.

Dysgu sut i feddwl yn feirniadol am safbwyntiau damcaniaethol ac ymchwil sy’n sail i seicoleg addysgol a galwedigaethol.

Datblygu eich gwybodaeth systematig a’ch dealltwriaeth feirniadol o amrywiaeth o bynciau a materion ym maes seicoleg iechyd, a hynny yng nghyd-destun datblygiad dros rychwant oes.

Gwerthuso modelau damcaniaethol ar gyfer anhwylderau seicolegol ac asesu’n feirniadol pa mor effeithiol yw gwahanol ymyriadau therapiwtig.

Datblygu gwerthfawrogiad beirniadol, systematig o sut gellir cymhwyso seicoleg yn y byd go iawn; gan gynnwys cyfraniad hunaniaeth gymdeithasol at y broses hon.

Deall goblygiadau gwybyddol difrod i’r ymennydd a chlefydau ar yr ymennydd, ac archwilio’r dulliau presennol o ymchwilio i strwythur a swyddogaeth systemau a rhanbarthau’r ymennydd.

Gwerthuso’n feirniadol gyfraniad seicoleg at bob elfen yn y systemau cyfiawnder troseddol a chyfiawnder sifil.