This website uses cookies to improve your experience. Read our cookie policy

BSc (Anrh)

Seicoleg

Gan gyfuno ymchwil o’r radd flaenaf ag addysgu a chymorth rhagorol i fyfyrwyr, byddwch yn rhoi sylw i’r holl brif ddulliau gweithio mewn seicoleg.

Sut i wneud cais Gwneud Cais trwy UCAS Archebu Lle ar Ddiwrnod Agored Sgwrsio â Ni

Manylion Cwrs Allweddol

  • Côd UCAS

    C802

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Côd UCAS

    C800

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £785*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Rydym yn credu bod agor meddyliau yn agor drysau. Dyna pam mae ein gradd arloesol BSc Seicoleg, sydd wedi’i hachredu gan y BPS, yn cyfuno dysgu ymarferol ag amrywiaeth eang o gyfleoedd ar leoliad a phrosiectau mewn bywyd go iawn. Mae’r cyfan yn rhoi’r profiad y mae ei angen ar ein graddedigion Seicoleg i gael dechrau llwyddiannus i’w gyrfaoedd.

DYLUNIWYD AR GYFER

Ein nod yw creu graddedigion sy’n barod am yrfa, a chanddyn nhw’r sgiliau i lwyddo mewn amrywiaeth o amgylcheddau gwaith. Efallai fod gennych chi ddiddordeb mewn gyrfaoedd seicoleg traddodiadol, mewn gweithio yn y proffesiwn cymdeithasol a lles, neu mewn dadansoddi ymddygiad pobl. Beth bynnag sy’n mynd â’ch bryd, bydd digonedd o gyfleoedd i wella’ch rhagolygon a bod mewn sefyllfa dda i wneud argraff ar gyflogwyr y dyfodol

Achredwyd gan

  • Cymdeithas Seicolegol Prydain

Llwybrau Gyrfa

  • Iechyd meddwl
  • Gwaith cymdeithasol
  • Addysgu
  • Gwaith ymchwil
  • Y Gwasanaeth Carchardai

Y sgiliau a addysgir

  • Meddwl yn feirniadol 
  • Cyfathrebu
  • Datrys problemau’n greadigol
  • Medrusrwydd wrth ddefnyddio ystadegau a data
  • Gwaith ymchwil

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

A member of staff putting psychology lab equipment onto a student in a practical session
Three psychology students sitting at a table happily working on a university project
Two students having a conversation in a psychology classroom

Uchafbwyntiau’r Cwrs

Partneriaethau Allanol

Bydd ein rhaglen Seicoleg yn rhoi hwb i’ch rhagolygon drwy bartneriaethau. Byddwch yn cael eich herio i gymhwyso’r hyn y byddwch yn ei ddysgu i faterion ymarferol mewn bywyd go iawn, ac i greu adolygiadau ac adroddiadau er mwyn diweddaru partneriaid am eich canfyddiadau.

Achrediad y BPS

Mae ein gradd BSc Seicoleg wedi’i hachredu gan Gymdeithas Seicolegol Prydain (BPS) fel sail raddedig ar gyfer aelodaeth siartredig.

Lleoliadau

Bydd lleoliadau yn eich galluogi i gryfhau eich sgiliau a’ch gwybodaeth, gan roi mantais gystadleuol i chi yn y dyfodol.

Cyfleusterau

Ymhlith y cyfleusterau mae labordy sydd wedi’i adeiladu’n benodol at y diben, clinig dadansoddi ymddygiad, ystafelloedd astudio y gellir eu llogi, a gofod dysgu cymdeithasol.

Trosolwg o’r Modiwl

Mae ein gradd Seicoleg yn rhoi cyfleoedd i astudio gwaith ymchwil o’r radd flaenaf, gan gyfuno hynny ag addysgu a chymorth rhagorol i fyfyrwyr. Byddwch yn astudio’r prif ddulliau gweithio mewn seicoleg, gan gynnwys seicoleg gymdeithasol, wybyddol, fiolegol a datblygiadol, ynghyd â niwrowyddoniaeth a dulliau ymchwil. Byddwch hefyd yn datblygu sgiliau seicoleg ymarferol yn ein labordai sydd wedi’u hadeiladu’n benodol at y diben.

Ymchwilio i Ddulliau a Thystiolaeth Mewn Seicoleg*
Sut mae gwaith ymchwil seicolegol yn cael ei wneud? Byddwn yn edrych ar y dulliau o wneud gwaith ymchwil a gwaith dadansoddi meintiol ac ansoddol, ac yn edrych ar foeseg ymchwil ac effaith hynny ar seicoleg.

Meddwl yn Seicolegol
Y prif gysyniadau sy’n fframio seicoleg gyfoes a’r materion a’r cwestiynau moesegol cysylltiedig: dechrau meithrin y sgiliau a fydd yn sail i’ch llythrennedd seicolegol.

*Mae modd astudio'r modiwl hwn 100% drwy gyfrwng y Gymraeg

Cyflwyniad i Seicoleg Fiolegol a Gwybyddol
Trosolwg bras o’r prif gysyniadau, damcaniaethau a gwaith ymchwil sy’n rhan o seicoleg fiolegol a gwybyddol.

Datblygiad Seicolegol yn y Byd Cymdeithasol 
Astudio gwaith ymchwil pwysig ym maes seicoleg gymdeithasol a datblygiadol, a meithrin dealltwriaeth o’r prif egwyddorion damcaniaethol sy’n sail i’r maes hwn.

Gan ganolbwyntio ar seicoleg ymchwiliol, bydd cyfle i chi ddeall ac ymarfer dulliau meintiol fel ANOVA ac ANCOVA, ynghyd â dulliau ansoddol fel damcaniaeth hyddysg a dadansoddi disgwrs. Byddwch hefyd yn cael cyfle i wneud gwaith ar leoliad am dâl neu’n wirfoddol, gan eich helpu i gryfhau eich gallu fel seicolegydd a datblygu sgiliau trosglwyddadwy at y dyfodol.

Darganfod Pethau: Dulliau Ymchwilio Seicolegol
Datblygu dealltwriaeth feirniadol o’r sgiliau methodolegol sy’n angenrheidiol i ymchwilio yn y maes seicoleg.

Ymarfer Proffesiynol a Chyflogadwyedd
Meithrin profiad gwaith mewn sectorau penodol a/neu sgiliau cyflogadwyedd trosglwyddadwy sy’n gysylltiedig â damcaniaeth ac ymchwil ym maes seicoleg, a myfyrio ar rai o’r materion moesegol ac ymarferol sy’n gysylltiedig â hyn.  

Tystiolaeth a Dulliau Datblygedig mewn Seicoleg
Ehangu eich gwybodaeth am fethodoleg, ystadegau a moeseg wrth wneud gwaith ymchwil, ynghyd â gwella’ch gallu i asesu’n feirniadol pa mor effeithiol yw gwahanol ddulliau.

Gwaith Ymchwil Presennol mewn Seicoleg Fiolegol a Gwybyddol
Trosolwg o rywfaint o’r prif waith ymchwil biolegol a gwybyddol ac ym maes niwrowyddoniaeth: byddwch yn cael eich annog i werthuso’n feirniadol y gwaith ymchwil presennol yn y meysydd hyn.  

Safbwyntiau Datblygiadol a Chymdeithasol
Datblygu gwerthfawrogiad beirniadol, manwl o’r trafodaethau presennol mewn seicoleg gymdeithasol a datblygiadol.

Byddwch yn cwblhau prosiect Dulliau Ymchwil Datblygedig (h.y. traethawd estynedig) ar bwnc sydd o ddiddordeb i chi, gan fod yn gyfrifol am ddylunio’r prosiect, ei roi ar waith, ei ddadansoddi ac adrodd amdano. Byddwch hefyd yn dysgu sut i gymhwyso eich gwybodaeth am seicoleg i ymarfer penodol a chyd-destunau mewn bywyd go iawn, gan ddewis o amryw o fodiwlau arbenigol pellach sy’n cyd-fynd â’ch diddordebau a’ch uchelgeisiau gyrfa.

Traethawd Estynedig Seicoleg
Darn gwreiddiol o waith ymchwil lle bydd cyfle i chi gasglu a dadansoddi data, asesu materion moesegol yr ymchwil, archwilio dulliau ymchwil, a chyhoeddi eich canfyddiadau.

Defnyddio Seicoleg
Archwilio’r defnydd ymarferol o seicoleg, gan edrych ar yr un pryd ar gyd-destunau mewn bywyd go iawn ac ar y trafodaethau cenedlaethol a rhyngwladol presennol.

Seicoleg Addysg a Gwaith (Dewisol)
Dysgu sut i feddwl yn feirniadol am safbwyntiau damcaniaethol ac ymchwil sy’n sail i seicoleg addysgol a galwedigaethol.

Seicoleg Iechyd dros Rychwant Oes (Dewisol)
Datblygu eich gwybodaeth systematig a’ch dealltwriaeth feirniadol o amrywiaeth o bynciau a materion ym maes seicoleg iechyd, a hynny yng nghyd-destun datblygiad dros rychwant oes.

Anhwylderau Seicolegol ac Ymyriadau Therapiwtig (Dewisol)
Gwerthuso modelau damcaniaethol ar gyfer anhwylderau seicolegol ac asesu’n feirniadol pa mor effeithiol yw gwahanol ymyriadau therapiwtig.

Cymhwyso Seicoleg Gymdeithasol (Dewisol)
Datblygu gwerthfawrogiad beirniadol, systematig o sut gellir cymhwyso seicoleg yn y byd go iawn; gan gynnwys cyfraniad hunaniaeth gymdeithasol at y broses hon.

Niwrowyddoniaeth a Niwroseicoleg Wybyddol (Dewisol)
Deall goblygiadau gwybyddol difrod i’r ymennydd a chlefydau ar yr ymennydd, ac archwilio’r dulliau presennol o ymchwilio i strwythur a swyddogaeth systemau a rhanbarthau’r ymennydd.

Seicoleg Fforensig (Dewisol)
Gwerthuso’n feirniadol gyfraniad seicoleg at bob elfen yn y systemau cyfiawnder troseddol a chyfiawnder sifil.

Uchafbwyntiau’r Cwrs

Sut y byddwch yn dysgu

Mae ein cwrs BSc Seicoleg yn rhoi addysg ddifyr y gallwch ymdrwytho ynddi, a hynny drwy ddarlithoedd, gweithdai, tiwtorialau, prosiectau, gweithgareddau grŵp, lleoliadau, podlediadau, a dysgu drwy efelychiad yng Nghanolfan Efelychu Hydra. Byddwn hefyd yn trefnu darlithoedd gwadd drwy gydol y flwyddyn a’r rheini’n cael eu darparu gan academyddion o sefydliadau eraill a chan seicolegwyr sy’n gweithio ar hyn o bryd mewn meysydd amrywiol. Rydym am i chi gael cyfle i ddysgu am seicoleg mewn ffyrdd newydd, heb i unrhyw ddau fodiwl gael eu darparu neu eu hasesu yn yr un ffordd. Un o’n nodweddion mwyaf cyffrous yw pa mor amrywiol yw’r dysgu ar ein cwrs! Bydd y gwaith cwrs yn cynnwys traethodau, adroddiadau ymarferol, cyflwyniadau llafar ac astudiaethau achos.

Staff addysgu

Mae ein staff academaidd yn frwd dros seicoleg ac yn ymwneud yn helaeth â gwaith ymchwil presennol mewn amrywiaeth o feysydd seicoleg arbenigol. Byddwch felly yn cael eich addysgu gan staff sy’n flaenllaw yn eu meysydd ymchwil. Mae’r tiwtoriaid yn arbenigo mewn amrywiaeth o feysydd, gan gynnwys anhwylderau datblygiadol dros rychwant oes, ymddygiad iechyd a seicoleg chwaraeon. 

Lleoliadau

Bydd cyfleoedd penodol i chi drwy gydol y cwrs i gymhwyso damcaniaeth seicolegol a deall sut mae’n berthnasol i’r gweithle. Bydd y modiwl ‘Ymarfer proffesiynol a chyflogadwyedd’ yn yr ail flwyddyn yn rhoi rhagor o bwyslais ar y cyfleoedd hyn. Gallwch hefyd ddewis gwirfoddoli am gyfnod hwy na’r oriau angenrheidiol yn y lleoliad a roddir i chi, neu wirfoddoli i helpu gydag amrywiaeth o weithgareddau mewn gwahanol leoliadau. 

Rydym eisiau eich helpu i wella eich set sgiliau er mwyn agor cynifer o ddrysau â phosibl ar gyfer eich gyrfa yn y dyfodol. Mae amrywiaeth o opsiynau hefyd ar gael ar gyfer hyn drwy ein cynllun Psychology Plus, gan gynnwys cyfleoedd gwirfoddoli, interniaethau a chyrsiau byr.

Cyfleusterau

Mae’r cyfleusterau seicoleg yn PDC yn amhrisiadwy wrth ein helpu i ddeall ymddygiad pobl. Mae ein labordy seicoleg, sydd wedi’i adeiladu’n benodol at y diben, yn llawn cyfarpar o safon sy’n cael ei ddefnyddio yn y diwydiant, a bydd modd i chi ddefnyddio’r cyfarpar hwn drwy gydol eich astudiaethau. Ceir hefyd ystafelloedd cyfweld ac arsylwi sy’n eich galluogi chi, fel ymchwilydd, i arsylwi ymddygiad pobl mewn ffordd naturiol drwy sgrin unffordd. Ymhlith y cyfarpar y byddwch yn ei ddefnyddio mae cyfarpar tracio llygaid, peiriannau electroenceffalograffeg (EEG), a systemau BIOPAC. Fel rhan o’n gofod seicoleg dynodedig, bydd cyfle i chi hefyd gadw lle i astudio’n dawel a defnyddio’r gofod dysgu cymdeithasol dynodedig lle ceir cyfrifiaduron a gwerslyfrau seicoleg. 

Wedi'i achredu gan

Pam PDC?

Psychology equipment on campus

  • Roedd 98% o fyfyrwyr ein gradd BSc (Anrh) Seicoleg yn fodlon â’u cwrs (NSS 2023)

  • Roedd 98% o fyfyrwyr ein gradd BSc (Anrh) Seicoleg yn fodlon â’u cwrs (NSS 2023)

Pam PDC?

Mae 94% o fyfyrwyr naill ai mewn swydd neu’n dilyn astudiaethau pellach bymtheg mis ar ôl graddio o PDC.

  • Roedd 98% o fyfyrwyr ein gradd BSc (Anrh) Seicoleg yn fodlon â’u cwrs (NSS 2023)

  • Roedd 98% o fyfyrwyr ein gradd BSc (Anrh) Seicoleg yn fodlon â’u cwrs (NSS 2023)

Gyrfaoedd a Chyflogadwyedd

Gyrfaoedd graddedigion

Gall gradd mewn seicoleg eich arwain i amrywiaeth o yrfaoedd diddorol pan fyddwch yn graddio. Byddwn yn rhoi cyfleoedd cyffrous i chi wella eich sgiliau, sy’n edrych yn wych ar eich CV ac yn rhoi mantais i chi wrth chwilio am swydd. Efallai fod gennych ddiddordeb mewn gyrfaoedd seicoleg traddodiadol, mewn gweithio yn y proffesiwn cymdeithasol a lles, neu mewn dadansoddi ymddygiad pobl. Beth bynnag sy’n mynd â’ch bryd, bydd digonedd o gyfleoedd i chi wella’ch rhagolygon a bod mewn sefyllfa dda i wneud argraff ar gyflogwyr y dyfodol. Gallech hefyd fynd yn eich blaen i wneud gradd ymchwil mewn seicoleg, fel PhD neu radd Meistr drwy Ymchwil.

Llwybrau gyrfa posibl

Bydd modiwlau dewisol yn eich blwyddyn olaf yn gadael i chi ganolbwyntio ar eich diddordebau a’ch uchelgeisiau gyrfa wrth feithrin gwybodaeth a phrofiad yn y maes seicoleg. Mae digonedd o hyfforddiant ychwanegol ar gael yn rhad ac am ddim drwy ein cynllun Psychology Plus sy’n gallu’ch helpu i wella eich cyflogadwyedd yn y maes arbenigol y byddwch wedi’i ddewis. Gallech hefyd ddewis mynd yn eich blaen i astudio yn ôl-raddedig neu i gael hyfforddiant proffesiynol mewn seicoleg. Ymhlith y llwybrau gyrfa posibl mae seicoleg glinigol, seicoleg fforensig, seicoleg alwedigaethol, a seicoleg addysgol. 

Byddwch hefyd yn datblygu sgiliau trosglwyddadwy drwy gydol y cwrs, a’r rheini’n hynod o werthfawr i amrywiaeth o gyflogwyr mewn meysydd fel rheoli adnoddau dynol, addysgu, gwaith cymdeithasol, newyddiaduraeth, marchnata a gwaith yr heddlu. 

Cymorth Gyrfaoedd

Bydd modd manteisio ar ein partneriaethau allanol drwy gydol eich astudiaethau, a hynny’n rhoi cyfle i chi weithio gyda chleientiaid yn y byd go iawn a chreu cysylltiadau a all fod yn ddefnyddiol tu hwnt yn eich gyrfa. Bydd modd i chi arddangos eich sgiliau i’n partneriaid ar sawl adeg yn ystod eich gradd, a byddwch yn cael eich annog i ymwneud â’n partneriaid yn uniongyrchol. 

Yn ogystal â’r cymorth anhygoel gan Wasanaeth Gyrfaoedd a Chyflogadwyedd y Brifysgol, sy’n cael ei gynnig i bob myfyriwr yn PDC, rydym yn gweithio’n agos gyda’r Gwasanaeth hwnnw i’ch helpu i gael cyfleoedd ar leoliad, gan sicrhau eich bod yn dod o hyd i brofiad addas sy’n cyd-fynd â’ch uchelgeisiau.

Dysgwch fwy am flynyddoedd rhyngosod

Blwyddyn Ryngosod

Mae blwyddyn ryngosod yn eich galluogi i gymhwyso'r wybodaeth a enillwyd yn ystod eich gradd i sefyllfaoedd gwaith yn y byd go iawn. Byddwch yn rhoi set sgiliau trosglwyddadwy i chi'ch hun ac yn ennill profiad gwaith amhrisiadwy a fydd yn eich helpu i sefyll allan i ddarpar gyflogwyr mewn ceisiadau am swyddi yn y dyfodol. Mae blwyddyn ryngosod hefyd yn gyfle gwych i rwydweithio ac, os ydych yn creu argraff ar eich cyflogwr, efallai y byddwch hyd yn oed yn canfod bod gennych swydd yn aros amdanoch pan fyddwch yn graddio. Mae llawer o gyflogwyr yn hoffi cyflogi gweithwyr ymroddedig fel y dangosir trwy gynllun lleoliad blwyddyn ryngosod.

GOFYNION MYNEDIAD

Pwyntiau UCAS: 96 (neu uwch)

Gofynion cymhwyster nodweddiadol:

  • Lefel A: CCC i gynnwys pwnc perthnasol
  • BTEC: Teilyngdod Teilyngdod mewn pwnc perthnasol
  • Tystysgrif Her Sgiliau Uwch Bagloriaeth Cymru: Gradd C yn y Dystysgrif Her Sgiliau a CC Safon Uwch gyda phwnc perthnasol
  • Mynediad i AU: Pasio'r Diploma Mynediad i AU gydag o leiaf 96 pwynt tariff UCAS. 

Gofynion Ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser y DU

£9,535

fesul blwyddyn*
Ffi Llawn Amser y DU

£785

fesul blwyddyn*
Ffi Llawn Amser Rhyngwladol

£16,200

fesul blwyddyn*
Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

COSTAU YCHWANEGOL

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

*Rhwymedig

Bydd disgwyl i fyfyrwyr dalu am DBS neu dystysgrif ymddygiad da o'u mamwlad. Mae ffi’r DBS yn cynnwys £49.50 ar gyfer y dystysgrif DBS uwch, ffi Gweinyddu Swyddfa’r Post a’r ffi gweinyddu ar-lein

Cost: £64.74

Bydd angen tanysgrifio ar gyfer pob blwyddyn o’r cwrs am ffi flynyddol o £16. Sylwer bod rhaid ymuno â’r gwasanaeth o fewn 30 niwrnod o dderbyn eich tystysgrif DBS Manylach.

Cost: £16

Efallai y bydd angen i fyfyrwyr sy'n ymgymryd â lleoliad fel rhan o fodiwlau ymarfer proffesiynol dalu costau sy'n gysylltiedig â theithio i leoliad.

Cost: Amrywiol

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

CYRSIAU CYSYLLTIEDIG

Seicoleg gydag Anhwylderau Datblygiadol - BSc (Anrh) Dysgu mwy
Datblygiad Plentyndod - BSc (Anrh) Dysgu mwy
Addysg Blynyddoedd Cynnar ac Ymarfer (gyda Statws Ymarferydd Blynyddoedd Cynnar) - BA (Anrh) Dysgu mwy

Camau Nesaf

Sut i wneud cais
Gwneud Cais Drwy UCAS
Ddiwrnod Agored
Siarad â ni