Effeithiau Gweledol a Graffeg Symudol

Dysgwch hanfodion cysyniadau allweddol o fewn VFX a dylunio mudiant, gan gynnwys cyfansoddi a golygu, theori lliw, genre a hysbysebu, ac edrych ar ei gyd-destun hanesyddol.

Ewch i’r afael a chamerâu ac offer goleuo yn ein stiwdio sgrin werdd a’n stiwdios cynhyrchu rhithiol ac ar leoliad. Dysgwch sut i recordio sain, golygu ac addasu lliw.

Dysgwch suti ddatblygu cysyniadau drwy ymchwilio a phortreadu syniadau drwy ddelwaddau gan ddefnyddio offer megis Photoshop a Premiere Pro, gan ysgyried ieithwedd ffilmol a chonfensiwn sinematig.

Byddwch yn derbyn hyfforddiant mewn offer dylunio symudiad 2D a 3D megis Adobe After Effects, Illustrator a Cinema 4D, gan feithrin eich dealltwriaeth o egwyddorion animeiddio ac ieithwedd dylunio.

Dysgwch hanfodion y sgrin werdd ar arferion CFX megis cyfansoddi 2D a 3D, tracio 2D integreiddio CGI a rotosgopio.

Cynlluniwch a chynhyrchwch gynnwys dylunio symudiad  gwreiddiol ac arloesol ar gyfer y Ffilm a Theledu, gan astudio'r grefft o ddilyniannau teitl, teipograffeg a dulliau cyfryngau cymysg.

Cymerwch y cam pwysig cyntaf ar hyd llwybr eich gyrfa wrth i chi ymwneud a phrosiect byw ochr yn ochr â phobl broffesiynol o fewn y diwydiant, gan ystyried a phrofi gwahanol swyddi a chynyddu eich dealltwriaeth o’r maes.

Dyma fydd eich cyfle i ymwneud â dadansoddiad beirniadol a hanesyddol wrth i chi baratoi at y traethawd estynedig blwyddyn nesaf, byddwch yn canolbwyntio ar greu effeithiau gweladwy credadwy a sut i’w defnyddio.

Dysgwch am hunaniaeth weledol o fewn y diwydiannau masnachol a’r modd y mae pobl yn ymateb yn emosiynol i’r cyfryngau gweledol. Dysgwch am ganllawiau brandiau, safonau teledu a’r cyfryngau cymdeithasol. 

Dysgwch sut i ddefnyddio dulliau effeithiau gweledol er mwyn adrodd stori, creu awyrgylch, gweld cerddoriaeth a chreu efelychiadau haniaethol, gan ddefnyddio meddalwedd mwyaf blaenllaw’r diwydiant megis Nuke. Byddwch hefyd yn datblygu sgiliau rheoli prosiect.

Byddwch yn cydweithio ag eraill ar y prosiect briff-agored hwn ac yn defnyddio dulliau sy’n benodol i’ch gobeithion gyrfaol chi, ac yn ei gyflwyno i’r dosbarth.

Bydd cyfle i chi ymestyn ar y cynnig a wnaethoch ym mlwyddyn dau gydag ymchwil trwyadl, a thrwy ddangos eich gwybodaeth arbenigol a phlymio’n ddwfn i bwnc o’ch dewis.

Byddwch yn canolbwyntio ar eich arbenigedd o fewn y celfyddydau digidol, ac yn derbyn cyfarwyddyd ar gynnig syniadau, amserlenni a chreu cyllid. 

Byddwch yn ymateb i friff prosiect gan gystadleuaeth genedlaethol, byddwch yn cydlynu’r prosiect yn unol â disgrifiad y cleient ac yn cyflawni gwaith o safon broffesiynol.

Byddwch yn rheoli prosiect ar raddfa fawr, sydd wedi ei deilwra at yr yrfa rydych yn diddori ynddi, gyda chyfleoedd posib i gydweithio gyda rhai o’r prif stiwdios allanol.