Wedi’u llywio gan ymchwil ac ymarfer blaengar

Trwy roi’r egwyddor hon ar waith, bydd y cwricwlwm yn seiliedig ar fewnwelediad, ymchwil, arloesedd, arfer a thystiolaeth sy’n cael eu hadnewyddu’n rheolaidd ac sy’n cysylltu dysgwyr â heriau ac arloesedd lleol, rhanbarthol, cenedlaethol a byd-eang.

Bydd y cwricwlwm yn sgaffaldio cyfleoedd dysgu i fyfyrwyr gynnal eu hymchwil a'u hysgolheictod eu hunain, wrth sylwi ar a herio'r patrymau hanesyddol sy'n fframio dulliau ymchwil y Gorllewin.

Wrth wreiddio’r egwyddor hon, mae timau cwrs PDC yn myfyrio ar gwestiynau fel:

• Sut mae’r cwrs yn galluogi dysgwyr i ymgysylltu ag ymchwil flaengar a arweinir gan gyflogwyr/diwydiant/staff ar bob lefel o ddysgu?
• Pa gyfleoedd sydd ar gael i fyfyrwyr ddatblygu sgiliau ymchwil ac ymarfer, a rhannu eu hallbynnau ag eraill, yn fewnol ac yn allanol?

Lle mae’r egwyddor hon wedi’i gwreiddio’n llawn, bydd y myfyrdodau hyn yn dystiolaeth o gwricwlwm:

• Lle mae ymchwil ac ymarfer blaengar yn llywio cynllun, cynnwys a gweithrediad y cwrs.
• Lle mae ymchwil staff Prifysgol De Cymru yn llywio’r cwricwlwm ac yn hyrwyddo gwaith partneriaeth myfyrwyr.
• Lle mae myfyrwyr yn gweld eu hunain yn weithredol fel ymchwilwyr o'r diwrnod cyntaf (yn rhan annatod o ddysgu gweithredol).
• Lle mae sgiliau ymchwil ac ymarfer, a beirniadaeth o'r patrymau hanesyddol sy'n fframio ymchwil y Gorllewin yn sgaffaldiau ar draws y cwricwlwm.
• Lle mae’r cwricwlwm yn cael ei hysbysu gan ymchwil/diwydiant/cyflogwr PDC, a’i fod yn hyrwyddo datblygiad beirniadol, sgiliau ymchwil sy’n cael ei arwain gan ddata sy’n gadarn yn foesegol a Nodweddion Graddedigion PDC.
• Lle mae cyfleoedd ar bob lefel wedi'u sgaffaldio i fyfyrwyr rannu eu hallbynnau ag eraill yn fewnol ac yn allanol.

Gwyliwch y fideo hwn i ddarganfod mwy (4m 53s) DS: Recordiwyd y fideos isod yn 2021. Ers hynny, mae'r cyfranogwyr wedi symud i rolau gwahanol ym Mhrifysgol De Cymru ers hynny.

I’w darllen ymhellach, mae llenyddiaeth sy’n llywio ein ffordd o feddwl am gwricwla a lywir gan ymchwil ac arfer blaengar yn cynnwys, ond heb fod yn gyfyngedig i:

Carnell, B. and Fung, D. eds., 2017. Developing the higher education curriculum: Research-based education in practice. UCL Press.

Jenkins, A. and Healey, M., 2009. Developing the student as a researcher through the curriculum. Innovations in practice, 2(1), pp.3-15.

Walkington, H., 2015. Students as researchers: Supporting undergraduate research in the disciplines in higher education. The higher education academy, 1, pp.1-34.