Yn Cyflwyno Problemau a Heriau Heb eu Datrys

Trwy roi’r egwyddor hon ar waith, mae dysgwyr yn cael y cyfle i edrych yn feirniadol ac yn greadigol ar heriau’r byd go iawn, sy’n aml yn aneglur, trwy ystod o wahanol lensys a chwilio am atebion gan eu disgyblaethau eu hunain a disgyblaethau eraill i fodloni gofynion diwydiant, y gymuned a Nodau Datblygu Cynaliadwy’r Cenhedloedd Unedig.

Mae’r egwyddor yn ymwneud â dylunio cyrsiau sy’n sgaffaldio dysgu dilys ar sail her ar draws pob lefel, er enghraifft, trwy leoliadau gwaith, briffiau byw, prosiectau sy’n seiliedig ar ymarfer, amgylcheddau efelychiedig sy’n canolbwyntio ar heriau lleol, rhanbarthol, cenedlaethol a byd-eang yn y byd go iawn.

Wrth wreiddio’r egwyddor hon, mae timau cwrs PDC yn myfyrio ar gwestiynau fel:

• Sut mae’r cwrs yn sgaffaldio ac yn cysylltu gwybodaeth ddisgyblaethol â senarios byd go iawn (lleol, rhanbarthol, cenedlaethol a byd-eang)?
• Pa gyfleoedd a ddarperir i ddysgwyr ymwneud yn feirniadol ac yn greadigol â heriau byd go iawn a phroblemau heb eu datrys o fewn y cwrs?
• Pa gyfleoedd a ddarperir o fewn y cwrs i ddysgwyr ddatblygu cymhwysedd rhyngddiwylliannol ac ymgysylltu â Nodau Datblygu Cynaliadwy y Cenhedloedd Unedig?

Lle mae’r egwyddor hon wedi’i gwreiddio’n llawn, bydd y myfyrdodau hyn yn dystiolaeth o gwricwlwm:

• Lle mae dysgu ac asesu yn darparu cyfleoedd cyfannol ac integredig i ystyried gwreiddiau hanesyddol ac effaith ddiwylliannol y ddisgyblaeth a sefydlu cysylltiadau rhwng dysgu a chymhwysiad byd go iawn.
• Sydd wedi gwreiddio dysgu seiliedig ar her yn greiddiol iddynt; lleoliadau gwaith; briffiau byw; ymgysylltu â'r gymuned; a phrosiectau sy'n seiliedig ar ymarfer, gan ddarparu cyfleoedd i fyfyrwyr ymgysylltu â datrys problemau yn y byd go iawn ac atal problemau i greu atebion newydd i heriau lleol, rhanbarthol, cenedlaethol a rhyngwladol.
• Sydd wedi sgaffaldio ymgysylltiad â rhanddeiliaid allweddol gan gynnwys diwydiant, y gymuned, defnyddwyr gwasanaeth, ymchwilwyr PDC, a chyflogwyr.
• Sydd ag asesiadau mewn amgylchedd dysgu seiliedig ar her a fydd yn bennaf yn ddilys, gyda chyfleoedd i rannu canlyniadau gyda'r gymuned ehangach y tu allan i'r sefydliad.

Gwyliwch y fideo hwn i ddarganfod mwy (6m 16s) DS: Recordiwyd y fideos isod yn 2021. Ers hynny, mae'r cyfranogwyr wedi symud i rolau gwahanol ym Mhrifysgol De Cymru ers hynny.