This website uses cookies to improve your experience. Read our cookie policy

BA (Anrh)

Busnes a Rheoli

Mae ein gradd mewn Busnes a Rheoli wedi cael ei dylunio gyda’r myfyrwyr mewn golwg, fel y gallwch bontio i’r byd gwaith yn rhwydd gyda sgiliau a fydd yn eich galluogi i lwyddo. Mae’r cwrs yn cynnig sylfaen eang o wybodaeth fusnes ac mae’n agor y drws i ystod eang o bosibiliadau o ran gyrfaoedd a swyddi rheoli.

Sut i wneud cais Gwneud Cais Drwy UCAS Trefnu Diwrnod Agored Sgwrsio â Ni

Manylion Cwrs Allweddol

  • Côd UCAS

    N202

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Côd UCAS

    N201

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Cwrs arloesol wedi ei achredu gan y Sefydliad Rheolaeth Siartredig sy'n helpu i greu’r genhedlaeth nesaf o entrepreneuriaid, rheolwyr a Phrif Weithredwyr.

CYNLLUNIWYD AR GYFER

Os oes gennych feddylfryd entrepreneuraidd a’r angerdd i lwyddo ym myd busnes, dyma’r cwrs i chi. Bydd ein cwrs yn rhoi ystod eang o sgiliau busnes i chi ac mae’n canolbwyntio ar y byd gwaith go iawn gan sicrhau eich bod yn barod i ymuno â gweithle proffesiynol pan fyddwch yn graddio.

Llwybrau gyrfa

  • Rheolwr
  • Entrepreneur
  • Cynghorydd Busnes
  • Rheolwr Prosiect
  • Ymgynghorydd Rheoli
  • Dadansoddwr Busnes
  • Datblygwr Busnes
  • Cyfrifydd Rheolaeth Siartredig
  • Brocer Stoc
  • Rheolwr Cadwyni Cyflenwi

Mewn cydweithrediad â:

  • Y Sefydliad Rheolaeth Siartredig (CMI)
  • Canllawiau Cenedlaethol ar gyfer Addysg Uwch

Sgiliau a addysgir

  • Meddwl yn strategol
  • Gwaith tîm
  • Datrys problemau
  • Cyfathrebu
  • Rheoli pobl

Course leader sat in front of a red backdrop smiling

Uchafbwyntiau'r Cwrs

Wedi ei arwain gan weithwyr proffesiynol yn y diwydiant

Byddwch yn cael eich addysgu gan staff sydd â phrofiad mewn ystod o rolau ym maes busnes.

Lleoliadau gwaith yn y diwydiant

Cewch fwynhau amryw o leoliadau gwaith mewn busnesau adnabyddus.

Cwrs wedi’i achredu

Mae ein cwrs wedi cael ei achredu gan y Sefydliad Rheolaeth Siartredig.

Adnoddau arloesol

Cewch ddysgu gan ddefnyddio’r adnoddau digidol a’r dechnoleg ddiweddaraf.

Mae'r cwrs hwn hefyd ar gael trwy Rhwydwaith75, llwybr gwaith ac astudio cyfun.

Trosolwg o'r Modiwl

Mae ein cwrs Busnes a Rheoli wedi’i strwythuro mewn dau floc 10 wythnos bob blwyddyn, gyda dysgu gweithredol ar ddechrau pob modiwl. Yn ogystal â chael gradd, fe gewch Ddiploma Lefel 5 mewn Rheoli ac Arwain gan y Sefydliad Rheolaeth Siartredig, gan eich helpu ar eich taith i gyrraedd statws Rheolwr Siartredig, a hynny heb unrhyw gost ychwanegol.

Blwyddyn un
Pobl, Gwaith a Chymdeithas
Economeg, y Gyfraith a'r Amgylchedd Busnes
Datblygiad Proffesiynol: Ymholi Beirniadol*
Egwyddorion Rheoli Cadwyni Cyflenwi
Marchnata ac Ymddygiad Defnyddwyr*
Datblygiad Proffesiynol; Prosiect Mentergarwch

Blwyddyn dau
Rheoli Prosiectau
Y Gweithle Digidol
Dadansoddeg Busnes ar gyfer Gwneud Penderfyniadau
Rheoli Pobl
Profiad yn y Gweithle 1 a 2*

Blwyddyn tri
Rheoli Busnes Rhyngwladol
Moeseg Busnes a Chynaliadwyedd
Arweinyddiaeth Gyfoes ar Draws y Byd
Rheoli Strategol
Prosiect Ymholi Beirniadol neu Brosiect Ymgynghori*

*Mae modd astudio'r modiwlau yma 100% drwy gyfrwng y Gymraeg

Bydd eich astudiaethau yn y flwyddyn gyntaf yn canolbwyntio ar reoli busnes, a byddwch yn dysgu am wahanol swyddogaethau busnesau a sut y maen nhw’n cysylltu â’i gilydd.

Pobl, Gwaith a Chymdeithas

Byddwch yn dysgu am brofiad pobl yn y gweithle a'r effaith a gaiff hyn ar y gymdeithas ehangach. Mae'r modiwl yn edrych ar ddulliau hanesyddol a modern o reoli yn y gweithle.

Economeg, y Gyfraith a'r Amgylchedd Busnes

Byddwch yn dysgu am yr amgylchedd mewnol ac allanol a sut y mae hyn yn effeithio ar benderfyniadau a wneir ac ar gyfeiriad busnes yn y dyfodol.

Datblygiad Proffesiynol: Ymholi Beirniadol*

Hwn fydd y cyntaf o’ch modiwlau sy’n seiliedig ar sgiliau, gan gyflwyno’r grefft o feddwl yn feirniadol a sgiliau ymchwil hollbwysig, gan ddarparu’r sylfaen ar gyfer 3 blynedd nesaf eich astudiaethau.

*Mae modd astudio'r modiwl hwn 100% drwy gyfrwng y Gymraeg

Egwyddorion Rheoli Cadwyni Cyflenwi

Deall pwysigrwydd cydnabod a rheoli'r gadwyn gyflenwi gyfannol fel rhan allweddol o allu cwmni i ddarparu gwerth i'w gwsmeriaid a'i randdeiliaid.

Marchnata ac Ymddygiad Defnyddwyr*

Byddwch yn dysgu sut i ddeall eich cwsmeriaid a marchnata ar eu cyfer, sy’n sgiliau hollbwysig yn niwydiant amrywiol a chyflym y byd marchnata.

Datblygiad Proffesiynol; Prosiect Mentergarwch

Gwerthuso nodweddion a sgiliau entrepreneuraidd allweddol, myfyrio ar eich galluoedd eich hun, a nodi meysydd i'w datblygu. Mae'r modiwl hwn yn dod ag egwyddorion marchnata, adnoddau dynol a rheoli ynghyd.

*Mae modd astudio'r modiwl hwn 100% drwy gyfrwng y Gymraeg

Yn eich astudiaethau yn yr ail flwyddyn, byddwch yn datblygu’r sgiliau allweddol y mae’r Sefydliad Rheolaeth Siartredig yn eu hystyried yn hanfodol i reolwyr yn y gweithle. Byddwch hefyd yn cael cyfle i wneud interniaeth 10 wythnos o hyd, neu gynnal astudiaeth achos o fusnes go iawn.

Rheoli Prosiectau

Byddwch yn ystyried ac yn archwilio sgiliau rheoli prosiectau yng nghyd-destun y byd busnes, gan gymhwyso technegau ac egwyddorion rheoli prosiectau allweddol, ac edrych ar effaith hynny ar brosesau busnes.

Y Gweithle Digidol

Fel darpar-reolwr, byddwch yn dysgu i werthfawrogi hyd a lled technoleg ddigidol a sut y gall sefydliadau fabwysiadu a defnyddio technoleg o’r fath.

Dadansoddeg Busnes ar gyfer Gwneud Penderfyniadau

Mae’r modiwl hwn yn edrych ar y modd y gallwn ddadansoddi data neu wybodaeth ariannol ac ystadegol, ynghyd â phwysigrwydd gwneud penderfyniadau yn hyderus.

 

Rheoli Pobl

Mae’r modiwl hwn yn addysgu’r sgiliau ar gyfer cynnal sgyrsiau heriol, negodi, recriwtio a rheoli perfformiad – rhai o’r meysydd sy’n helpu i ddatblygu sgiliau cyflogadwyedd hanfodol.

Profiad yn y Gweithle 1 a 2*

Caiff y ddau fodiwl hyn eu cyflwyno ar y cyd, ac maent yn eich galluogi i ddod i gysylltiad â busnes go iawn drwy interniaeth 10 wythnos o hyd neu drwy astudiaeth achos byw yng Nghlinig Busnes De Cymru. Mae yna hefyd opsiwn a addysgir ar gyfer myfyrwyr nad ydynt yn awyddus i gwblhau interniaeth.

*Mae modd astudio'r modiwlau yma 100% drwy gyfrwng y Gymraeg

Yn y flwyddyn olaf, cewch ddewis rhwng prosiect ymholi beirniadol ar ffurf traethawd hir neu gynnal prosiect ymgynghori. Mae’r ddau opsiwn yn fodiwlau dwbl a byddwch yn gweithio arnynt drwy gydol y flwyddyn, gan roi cyfle i chi ymchwilio, ystyried a chanolbwyntio eich astudiaethau ar yr hyn yr hoffech ei wneud fel gyrfa.

Rheoli Busnes Rhyngwladol

Mae’r modiwl hwn yn cynnig dealltwriaeth hanfodol, systematig o’r byd busnes rhyngwladol. Byddwch yn astudio themâu sy’n dod i’r amlwg mewn busnes rhyngwladol.

Moeseg Busnes a Chynaliadwyedd

Byddwch yn dysgu mwy am ystyriaethau moesegol presennol i fusnesau sy’n eu hysgogi i fod yn gyrff sy’n fwy cyfrifol a chynaliadwy yn gymdeithasol.

Arweinyddiaeth Gyfoes ar Draws y Byd

Byddwch yn datblygu dealltwriaeth gadarn o’r gwahanol gymhlethdodau yn sgil rheoli neu arwain gweithlu cyfoes amrywiol a rhyngwladol.

Rheoli Strategol

Byddwch yn astudio ymarferion yn y dosbarth sy’n efelychu’r byd go iawn, lle bydd gofyn i chi ddewis a chymhwyso gwahanol ddulliau, technegau, damcaniaethau a fframweithiau i ddelio ag amgylcheddau busnes deinamig sy’n newid.

Prosiect Ymholi Beirniadol neu Brosiect Ymgynghori*

Gall myfyrwyr ddewis rhwng ysgrifennu traethawd hir yn y Prosiect Ymholi Beirniadol neu ymgymryd â phrosiect ymgynghori yn ymchwilio i fater cyfoes yn ein busnesau partner.

*Mae modd astudio'r modiwl Prosiect Ymgynghori 100% drwy gyfrwng y Gymraeg

Uchafbwyntiau'r Cwrs

Cyflwyno ac Asesiadau

Mae ein cwrs busnes a rheoli wedi ei rannu’n ddau floc 10 wythnos o hyd i’ch annog i feddwl yn greadigol. Byddwch yn gweithio gyda busnesau go iawn a’u hachosion gwaith byw fel rhan o’ch modiwlau. Byddwch hefyd yn cael eich gwahodd i ymuno â’n tudalen LinkedIn fel myfyriwr busnes.

Os nad yw ysgrifennu traethawd hir traddodiadol yn apelio, gallwch ddewis ymgymryd â phrosiect ymgynghori a gweithio ar dasg gan un o’n busnesau partner yn lle hynny. Byddwch yn ymgynghori â’r tîm rheoli ac yn datblygu adroddiad a fydd yn cael ei ddefnyddio i helpu i wella sefyllfaoedd yn y byd go iawn. Bydd myfyrwyr yn graddio gyda Diploma Lefel 5 mewn Rheoli ac Arwain gan y Sefydliad Rheolaeth Siartredig, gan eich helpu ar eich taith i gyrraedd statws Rheolwr Siartredig, a hynny heb unrhyw gost ychwanegol.

Staff Addysgu

Mae ein holl staff addysgu ar y cwrs busnes a rheoli yn academyddion wedi cymhwyso a chanddynt brofiad o weithio mewn nifer o sectorau gan gynnwys manwerthu, marchnata, cyfrifyddu a chyllid, logisteg a chadwyni cyflenwi, strategaeth, arweinyddiaeth a rheolaeth. Mae’r tîm yn dod â’u profiad yn y diwydiant ynghyd ag ymchwil gyfoes i’r ystafell ddosbarth bob wythnos, a chynhelir sesiwn ar-lein bob wythnos i fyfyrwyr er mwyn helpu i ateb unrhyw gwestiynau. Mae hyn yn rhan o’n polisi drws agored, ac mae cyfle i fyfyrwyr siarad â’u hacademyddion yn unigol ynghylch yr hyn y maent wedi’i ddysgu yn ystod yr wythnos a gofyn unrhyw gwestiynau.

Lleoliadau a Phrofiad Gwaith

Mae ein cwrs busnes a rheoli yn annog interniaethau yn rhagweithiol, felly os byddwch yn dewis cymryd blwyddyn ryngosod, byddwn yn eich cefnogi gyda cheisiadau i’ch helpu i gael eich troed yn y byd gwaith. Bydd ein tîm yn cadw golwg arnoch chi yn ystod eich lleoliad, yn siarad â’ch cyflogwr ac yn ymweld â’ch gweithle.

Mae’r cwrs hefyd yn cynnig 10 wythnos o brofiad yn y diwydiant i bob myfyriwr fel rhan o’u hastudiaethau. Dyma gyfle arbennig i chi ddod yn rhan o sefydliad yn ystod ail flwyddyn eich astudiaethau, gydag ystod o gyflogwyr gwych yn yr ardal. Bydd hyn yn rhoi profiad i chi ac yn ychwanegu at eich CV, gan eich helpu i wneud y mwyaf o’ch cyflogadwyedd ar ôl i chi raddio.

Cyfleusterau

Fel myfyriwr ar y cwrs busnes a rheoli, byddwch yn astudio ar ein campws yn Nhrefforest sydd yng nghanol Cymoedd De Cymru. Yn Nhrefforest mae ein Clinig Busnes, ein Clinig Cyngor Cyfreithiol, y Ffug Lys, a’r Ystafell Masnachu Ariannol, sydd oll yn cynnig cyfle i chi roi eich sgiliau ar waith a chael profiad o amgylchedd dysgu lle y cewch eich trochi.

A student smiles at the camera while sitting down and leaning on a table in a meeting room at the Treforest Postgraduate Centre

  • Roedd 97% o'n myfyrwyr BA (Anrh) Busnes a Rheolaeth yn fodlon ar eu cwrs (ACF 2023)

Ar y brig yng Nghymru

Mae Rheoli Busnes yn PDC ar y brig yng Nghymru ar gyfer Ansawdd Addysgu (Canllaw Prifysgolion y Guardian 2025)

  • Roedd 97% o'n myfyrwyr BA (Anrh) Busnes a Rheolaeth yn fodlon ar eu cwrs (ACF 2023)

Gyrfaoedd a Chyflogadwyedd

Gyrfaoedd graddedigion

Mae ein cysylltiadau ymgynghori â busnesau ledled y wlad yn denu rhai o'r bobl â’r meddyliau gorau sy'n barod i ddysgu popeth am redeg sefydliad. Mae busnesau fel Network Rail a Felindre oll wedi cynnig swyddi i raddedigion yn eu sefydliadau o ganlyniad i interniaethau a lleoliadau llwyddiannus yn ystod eu cyrsiau gradd.

Mae ein tîm gwasanaeth gyrfaoedd yn ymroddedig i'ch helpu i ddod o hyd i leoliadau addas ar gyfer profiad gwaith neu swydd ar ôl graddio. Mae gennym hefyd dîm datblygu cyflogadwyedd sy'n cynnal rhaglen o'r enw GradEdge, a thîm mentergarwch sy'n canolbwyntio ar syniadau busnes newydd ac entrepreneuriaeth.

Partneriaid mewn Diwydiant

Mae cael achrediad gan y Sefydliad Rheolaeth Siartredig yn golygu eich bod yn datblygu sgiliau go iawn y mae cyflogwyr yn eu gwerthfawrogi ac yn disgwyl i raddedigion busnes eu cael. Nid yw’r partneriaid hyn ond yn rhai o blith y diwydiant sy'n cynnig lleoliad i’n myfyrwyr ac yn mynd ymlaen i'w cyflogi ar ôl graddio. Mae ein cwrs wedi'i gynllunio gyda chyflogadwyedd graddedigion yn greiddiol iddo, ac mae'n cynnig lleoliad 10 wythnos o hyd yn ystod y cwrs. Mae llawer o'n myfyrwyr yn mynd ymlaen i gael swyddi amser llawn gyda chwmni eu lleoliadau, sy'n pwysleisio cryfder ein partneriaethau yn y diwydiant.

Cymorth gyrfaoedd

Byddwch hefyd yn gallu manteisio ar gyngor gan ein gwasanaeth gyrfaoedd a chyflogadwyedd drwy gydol eich astudiaethau a phan fyddwch yn graddio. Mae hyn yn cynnwys apwyntiadau un-i-un gyda chynghorwyr gyrfa yn yr adran, naill ai yn y cnawd neu dros Skype neu e-bost. Mae gennym hefyd adnoddau ar-lein i helpu i ystyried opsiynau gyrfa a sicrhau eich bod yn rhoi argraff dda i gyflogwyr. Mae'r rhain yn cynnwys profion seicometrig, asesiadau gyrfa, lluniwr CV, ffug gyfweliadau, a chymorth i wneud cais am swydd. Mae gennym hefyd dros 2,000 o gyflogwyr cofrestredig sy’n targedu graddedigion busnes, felly byddwn yn eich cofrestru hefyd i dderbyn hysbysiadau e-bost wythnosol am swyddi sy’n cyd-fynd â’ch diddordebau.

Dysgwch fwy am flynyddoedd rhyngosod

Blwyddyn Ryngosod

Mae blwyddyn ryngosod yn eich galluogi i gymhwyso'r wybodaeth a enillwyd yn ystod eich gradd i sefyllfaoedd gwaith yn y byd go iawn. Byddwch yn rhoi set sgiliau trosglwyddadwy i chi'ch hun ac yn ennill profiad gwaith amhrisiadwy a fydd yn eich helpu i sefyll allan i ddarpar gyflogwyr mewn ceisiadau am swyddi yn y dyfodol. Mae blwyddyn ryngosod hefyd yn gyfle gwych i rwydweithio ac, os ydych yn creu argraff ar eich cyflogwr, efallai y byddwch hyd yn oed yn canfod bod gennych swydd yn aros amdanoch pan fyddwch yn graddio. Mae llawer o gyflogwyr yn hoffi cyflogi gweithwyr ymroddedig fel y dangosir trwy gynllun lleoliad blwyddyn ryngosod.

Gofynion mynediad

pwynt tariff UCAS: 96

Gofynion cymhwyster nodweddiadol:

  • Lefel A: CCC 
  • Bagloriaeth Cymru: Bagloriaeth Sgiliau Uwch Cymru Gradd C a CC Safon Uwch
  • BTEC: Diploma Estynedig BTEC Teilyngdod Teilyngdod
  • Mynediad i AU: Pasio Diploma Mynediad i AU a chael o leiaf 96 pwynt tariff UCAS
  • Safon T: Pasio (C ac uwch)

 

Gofynion ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser y DU

£9,535

fesul blwyddyn*
Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£15,850

fesul blwyddyn*
Ffi Llawn Amser Rhyngwladol

£15,850

fesul blwyddyn*
Ffi Llawn Amser Rhyngwladol

£15,850

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

* Rhwymedig

Cynigir cyfle i fyfyrwyr gwblhau interniaeth yn ystod eu hail flwyddyn astudio. Gall myfyrwyr sy'n ymgymryd ag interniaeth fynd i gostau sy'n gysylltiedig â theithio a'r dillad disgwyliedig yn y gweithle a bydd hyn yn amrywio yn ôl y lleoliad. 

Cost: I fyny at £300

Mae gan y Brifysgol gyfrifiaduron ar gael ar y campws a gliniaduron i'w benthyca. Fodd bynnag, argymhellir yn gryf bod gennych eich gliniadur personol eich hun, a fydd yn gallu rhedeg Microsoft Office 365. Fel myfyriwr, byddwch yn gallu lawrlwytho copi am ddim o unrhyw feddalwedd sy'n berthnasol i'r cwrs.

Cost: I fyny at £250

Pe bai myfyrwyr yn dewis sefyll arholiadau dramor (yn eu mamwlad er enghraifft) bydd ffi weinyddol o £ 50 a chost o £ 20 fesul arholiad. Mae myfyrwyr hefyd yn gyfrifol am unrhyw daliadau ychwanegol a godir gan leoliad arholiadau tramor. 

Cost: £50 - £500

Weithio, Ennill a Dysgu!

Mae'r cwrs hwn hefyd ar gael trwy Network75, llwybr gwaith ac astudio cyfun.

Dysgwch fwy

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

“FE WNES I GWBLHAU FY LLEOLIAD YN Y DIWYDIANT YN GWEITHIO FEL SWYDDOG BUSNES YN Y SECTOR CYHOEDDUS. ROEDD YN WYCH GALLU CAEL Y PROFIAD HWN A’I GYMHARU Â’R SECTOR PREIFAT/GWIRFODDOL YR OEDDWN WEDI GWEITHIO YNDDYNT YN FLAENOROL.”

Nadifa Saleh

“UN O’R ELFENNAU GORAU O ASTUDIO BUSNES A RHEOLI YW PA MOR EANG YW’R CWRS ER MWYN I CHI GAEL CYFLE I ROI CYNNIG AR YCHYDIG O BOPETH.”

Sumaya Khan

“ROEDDWN I’N GWYBOD FY MOD I EISIAU DECHRAU FY MUSNES FY HUN. YNA PENDERFYNAIS FYND I'R BRIFYSGOL AC ENNILL GRADD BUSNES. FE WNES I LUNIO CYNLLUN BUSNES AC FE WNAETH PETHAU DDATBLYGU O HYNNY."

Shane Richard Jordan

“CEFAIS INTERNIAETH GYDA GEMAU’R GYMANWLAD, FELLY ROEDDWN YN FALCH IAWN OHONOF FI FY HUN. PWY FYDDAI’N MEDDWL Y BYDDWN I’N MYND I SEREMONI AGORIADOL UN O’R DIGWYDDIADAU CHWARAEON MWYAF?”

Aakshi Sharma

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni

Cyrsiau Cysylltiedig

Rheoli Gwestai a Lletygarwch - BA (Anrh) Dysgu mwy
Busnes a Rheoli Chwaraeon - BA (Anrh) Dysgu mwy
Rheoli Adnoddau Dynol - BA (Anrh) Dysgu mwy
Busnes a Rheoli Rhyngwladol - BSc (Anrh) Dysgu mwy
Busnes a Rheoli gan gynnwys Blwyddyn Sylfaen - BA (Anrh) Dysgu mwy
Busnes a Rheoli - BA (Anrh) Dysgu mwy