This website uses cookies to improve your experience. Read our cookie policy

BSc (Anrh)

Hyfforddi Pêl-droed a Pherfformiad

Ymdrwythwch mewn amgylchedd chwaraeon dethol, hogwch eich sgiliau a’ch arbenigedd yn y diwydiant er mwyn rhagori mewn hyfforddiant pêl-droed a swyddogaethau sy’n cefnogi perfformiad.

Sut i wneud cais Gwneud cais drwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £TBC*

  • Myfyrwyr rhyngwladol

    £TBC*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Côd UCAS

    C610

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,250*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £TBC*

  • Myfyrwyr rhyngwladol

    £TBC*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £785*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Paratowch at yrfa egnïol yn y diwydiant pêl-droed gyda’n cwrs, sy’n cynnig cyfleoedd eang i chi ymarfer eich crefft o fewn amgylchedd pêl-droed dethol. Datblygwch eich sgiliau hyfforddi gyda medrau rhagorol, dysgwch sut i lywio’r diwydiant pêl-droed, a pharatowch i gyflawni eich potensial fel gweithiwr proffesiynol yn rheng uchaf y diwydiant pêl-droed.

CYNLLUNIWYD AR GYFER

Mae’r cwrs hwn yn eich paratoi chi at gyrraedd eich potensial mewn amgylchedd pêl-droed elitaidd. P’un ai hyfforddi mewn clybiau proffesiynol yw eich uchelgais, yntau datgelu cyfrinachau’r gêm drwy ddadansoddi perfformiad, byddwch yn ennill y wybodaeth dechnegol a’r nodweddion personol sydd eu hangen arnoch i lwyddo.

Achredir y cwrs gan

  • Gymdeithas Bêl-droed Cymru a UEFA

Llwybrau Gyrfaol

  • Hyfforddi mewn clwb proffesiynol
  • Swyddog datblygu pêl-droed
  • Hyfforddwr cymunedol
  • Swyddog datblygu chwaraeon
  • Hyfforddwr cryfder a chyflyru
  • Dadansoddwr perfformiad
  • Hyfforddwr clwb academi
  • Hyfforddwr tîm cenedlaethol
  • Athro / Athrawes

Sgiliau a ddysgir

  • Arferion hyfforddi
  • Sgiliau dadansoddi
  • Cyfathrebu a chyflwyniadau
  • Meithrin cymunedau a pherthnasau
  • Arweinyddiaeth
  • Cydweithio

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

video-course-football-performance.png
A group of students overlooking a tactics board.
A football match is taking place on the indoor pitch at USW Sport Park.
A group of students practising game strategy at the USW sports park.

Uchafbwyntiau'r Cwrs

Achrediad UEFA

Ni yw’r unig radd Hyfforddi Pêl-droed yn y DU lle gallwch ennill trwydded C a B UEFA heb unrhyw dâl ychwanegol.

Cyfleusterau Dethol

Dyma unig brifysgol y DU a chanddi gae chwarae maint llawn 3G dan do, cyfleusterau cryfder a chyflyru penodol, a thechnoleg dadansoddi o ansawdd uchel.

Cysylltiadau â’r diwydiant

Mae’n ein cwrs ni, a ddatblygwyd ar y cyd â Chymdeithas Bêl-droed Cymru, Clwb Pêl-droed Caerdydd a chlybiau elitaidd eraill, yn cynnig cyfleoedd ar gyfer lleoliadau gwaith eang.

Arbenigedd Staff

Dysgwch gan staff sy’n datblygu hyfforddiant pêl-droed yn y DU a thu hwnt o ganlyniad i’w gwaith ymchwil a’u profiadau proffesiynol o fewn rhengoedd uchaf y diwydiant.

Mae Gwyddor Chwaraeon yn PDC

ar y brig yng Nghymru ar gyfer Ansawdd Addysgu (Canllaw Prifysgolion y Guardian 2025)

Trosolwg o'r Modiwl

Defnyddiwch a datblygwch nifer o’r sgiliau a’r egwyddorion angenrheidiol ar gyfer dadansoddi a datblygu perfformiad pêl-droed, a thra rydych wrthi byddwch yn ennill eich Tystysgrif C gan Gymdeithas Bêl-droed Cymru a thrwydded C a B UEFA. Byddwch yn ymgymryd â lleoliadau gwaith mewn clybiau elitaidd a sefydliadau allweddol er mwyn eich paratoi at yrfa lefel-uchaf o fewn y diwydiant pêl-droed.

Blwyddyn Un:
Hyfforddi Pêl-droed: Perfformwyr Ifainc yn Ymarfer
Y Broses Hyfforddi: O Theori i Arferion
Ymchwil Academaidd a Sgiliau Proffesiynol*
Cyflwyniad i Ddadansoddi Perfformiad Pêl-droed
Cyflwyniad i Wyddor Chwaraeon Pêl-droed
Rheoli a Datblygu Pêl-droed yn y Gymuned

Blwyddyn Dau:
Hyfforddi Pêl-droed: Perfformwyr Glasoed ar Waith
Addysgedd Hyfforddi Pêl-droed
Dulliau Ymchwil
Dadansoddi Perfformiad Pêl-droed
Gwyddorau Chwaraeon i Bêl-droed
Lleoliadau Chwaraeon

Blwyddyn Tri:
Hyfforddi Perfformiad Pêl-droed
Dadansoddi ym meysydd Hyfforddi Pêl-droed a Pherfformiad
Seicoleg Pêl-droed
Cryfder a Chyflyru
Dysgu yn y Gweithle*
Prosiect Proffesiynol Cymhwysol / Traethawd Estynedig

Dysgwch am hanfodion hyfforddiant pêl-droed, dadansoddi perfformiad a rheoli gweithredoedd, defnyddiwch eich gwybodaeth ddamcaniaethol ar y cae hyfforddi wrth i chi ennill eich trwydded C, a meistrolwch y sgiliau proffesiynol a phersonol craidd fydd yn eich paratoi chi at astudiaeth bellach a chyflogaeth.

Hyfforddi Pêl-droed: Perfformwyr Ifainc yn Ymarfer
Cynyddwch eich dealltwriaeth ynghylch y sgiliau sylfaenol ‘sut i hyfforddi’ a ‘beth i hyfforddi’ o fewn pêl-droed ar lefel sylfaenol (5-15). Mae’r uned hon yn integreiddio cwrs Tystysgrif C Cymdeithas Bêl-droed Cymru.

Y Broses Hyfforddi: O Theori i Arferion
Dysgwch y theori sy’n sail i’r broses hyfforddi a’i ddefnyddio i lywio’ch athroniaeth hyfforddi chi eich hun sydd wrthi’n dod i’r wyneb a’i ddefnyddio hefyd i arwain y dull ymarferol rydych yn ei ddefnyddio i gyflawni eich proses hyfforddi.

Ymchwil Academaidd a Sgiliau Proffesiynol*
Gosodwch y sylfeini academaidd, cymdeithasol a rhyngbersonol sy’n hanfodol i lwyddiant ar y cwrs, a datblygwch y sgiliau trosglwyddadwy proffesiynol hynny fydd yn eich cynorthwyo i ffynni yn y swyddi fyddwch yn eu dewis o fewn y diwydiant pêl-droed.

Cyflwyniad i Ddadansoddi Perfformiad Pêl-droed
Archwiliwch egwyddorion allweddol dadansoddi perfformiad a rhowch dechnegau casglu data goddrychol a gwrthrychol ar waith er mwyn dylunio, profi a gosod system ddadansoddi perfformiad ar waith.

Cyflwyniad i Wyddor Chwaraeon Pêl-droed
Dysgwch sut i gefnogi pêl-droedwyr i gyrraedd brig eu perfformiad drwy weithredu egwyddorion hyfforddi chwaraeon, addasiadau ffisiolegol, biomecaneg, perfformiad seicolegol, maetheg a llawr yn rhagor.

Rheoli a Datblygu Pêl-droed yn y Gymuned
Darganfyddwch yr hyn sydd ei angen er mwyn sefydlu a chefnogi mentrau pêl-droed o fewn y gymuned ac enillwch y sgiliau angenrheidiol i reoli cyfleusterau pêl-droed a darparu digwyddiadau sy’n canolbwyntio ar y gymuned.

*Mae’r uned hon ar gael i’w hastudio yn gyfan gwbl drwy gyfrwng y Gymraeg

Defnyddiwch offer a thechnegau uwch ar gyfer hyfforddi a dadansoddi, dwysewch eich gwybodaeth o fewn addysgeg a’r meysydd penodol o berfformiad pêl-droed, a chychwynnwch eich lleoliad gwaith cyntaf o fewn pêl-droed cymunedol.

Hyfforddi Pêl-droed: Perfformwyr Glasoed ar Waith
Dwysewch eich adnabyddiaeth o hyfforddiant pêl-droed ac ystyriwch eich cyflawniad mewn dull beirniadol wrth i chi ehangu eich sgiliau ‘beth i hyfforddi’ ar hyd y model pedwar cornel o fewn y cyfnod datblygu ieuenctid (12-16 mlwydd oed).

Addysgedd Hyfforddi Pêl-droed
Datblygwch eich athroniaeth hyfforddi chi eich hun ymhellach wrth i chi astudio, gweithredu a gwerthuso ystod o egwyddorion a theorïau hyfforddi.

Dulliau Ymchwil
Dadansoddwch yr ymchwil ddiweddaraf o fewn eich maes gan werthuso moesoldeb a methodoleg er mwyn ffurfio cynnig ymchwil manwl ar gyfer eich traethawd estynedig wedi ei deilwra at eich diddordebau penodol chi eich hun.

Dadansoddi Perfformiad Pêl-droed
Datblygwch system adborth pêl-droed gyda sgiliau technegol, gan feistroli dangosyddion perfformiad, arsylwi gwrthrychol/ goddrychol, a meistroli heriau mesur.

Gwyddorau Chwaraeon i Bêl-droed
Dysgwch sut i gynnal ystod o brotocolau er mwyn monitro a phrofi yn effeithiol a deall y modd y mae seicoleg pêl-droed yn effeithio ar arferion hyfforddi.

Lleoliadau Chwaraeon
Ystyriwch eich perfformiad yn ystod eich lleoliad gwaith, gan ddefnyddio’r addysg a gawsoch mewn meysydd megis chwaraeon ysgol, trefnu digwyddiadau, hyfforddi clybiau cymunedol a chyd-destunau eraill lle rydych yn darparu chwaraeon.

Paratowch am rôl hyfforddi pêl-droed neu rôl yn cefnogi perfformiad drwy ennill eich trwydded B UEFA a defnyddiwch egwyddorion hyfforddi a dadansoddi uwch. Cwblhewch eich lleoliad gwaith olaf mewn amgylchedd cymunedol neu elitaidd wrth werthuso data a thestunau’n feirniadol ar gyfer eich traethawd estynedig.

Hyfforddi Perfformiad Pêl-droed
Cynyddwch eich hyfforddiant pêl-droed sy’n gysylltiedig â pherfformiad a phrofwch y gofynion sydd ar hyfforddwyr pêl-droed yr oes fodern wrth i chi ddwysau eich dealltwriaeth ac ymgymryd â thrwydded B Cymdeithas Bêl-droed Cymru/ UEFA.

Dadansoddi ym meysydd Hyfforddi Pêl-droed a Pherfformiad
Datblygwch sgiliau dadansoddi ymarferol er mwyn creu system sy’n defnyddio arsylwi gwyddonol, meddalwedd, caledwedd a thechnegau adborth i chwaraewyr a hyfforddwyr.

Seicoleg Pêl-droed
Dewch i ddeall sut all ffactorau megis cymhelliant, arweinyddiaeth, straen, cydweithio a llawer yn rhagor ddylanwadu ar arferion hyfforddi, a defnyddiwch yr egwyddorion hyn i gynyddu perfformiad.

Cryfder a Chyflyru
Datblygwch y wybodaeth berthnasol mewn ystod o feysydd ffitrwydd er mwyn eich paratoi chi ar gyfer achrediad ASCC (a CSCS yn yr Unol Daleithiau), wrth i chi gynllunio a chyflawni rhaglenni cryfder a chyflyru effeithiol.

Dysgu yn y Gweithle*
Datblygwch a dangoswch y sgiliau a’r ymddygiad sydd eu hangen yn y gweithle pêl-droed ac ystyriwch eich profiad mewn lleoliad sy’n berthnasol i’ch diddordebau a’ch uchelgeisiau o fewn y maes pêl-droed.

Prosiect Proffesiynol Cymhwysol / Traethawd Estynedig
Ymchwilio, dylunio, datblygu a gwerthuso astudiaeth annibynnol sy’n berthnasol i’ch maes chi o arbenigedd, lle byddwch yn gwerthuso’n feirniadol data a thestunau gwyddonol.

 

*Mae’r uned hon ar gael i’w hastudio’n gyfan gwbl drwy gyfrwng y Gymraeg

Uchafbwyntiau’r Cwrs

Sut y byddwch chi'n dysgu

Byddwch yn ennill sylfaen wych yn y theorïau sydd wrth wraidd hyfforddiant pêl-droed a pherfformiad mewn darlithoedd a seminarau wedi eu darparu gan staff sydd yn rhengoedd blaen y byd ymchwil, gyda’ch asesiadau wedi eu ffurfio o waith cwrs, arholiadau a chyflwyniadau. Ond pan ddaw at ennill sgiliau ymarferol a’r nodweddion personol sy'n angenrheidiol er mwyn ffynni mewn amgylcheddau pêl-droed dynamig, nid oes gwell na phrofiad ymarferol. Byddwch yn treulio digonedd o amser yn gweithio ar y cae hyfforddi ac yn ein cyfleusterau o’r radd flaenaf, a byddwch yn gweithio ar y cyd â phobl broffesiynol yn ystod eich lleoliadau gwaith er mwyn sicrhau eich bod chi’n barod at ddibenion y byd gwaith wedi i chi raddio.

Staff addysgu

Mae ein staff academaidd ar y blaen o ran ymchwil a datblygiadau o fewn pêl-droed, maent wedi cyhoeddi gwaith ar y cyd â Chymdeithas Bêl-droed Cymru ar les hyfforddwyr elitaidd ac wedi cynorthwyo i ffurfio’r llwybr tuag at drwydded A. Mae gennym hefyd hyfforddwyr trwydded Pro sydd wedi gweithio gyda thimau rhyngwladol ac academïau elitaidd, addysgwyr hyfforddwyr elitaidd sy’n gweithio gyda FIFA, a phobl sydd wedi gweithio’n helaeth o fewn pêl-droed cymunedol. Mae’r cyfuniad pwerus hwn o brofiad yn sicrhau bod ein staff nid yn unig yn darparu cefnogaeth academaidd anhygoel ond maent hefyd yn defnyddio’u profiad o fewn y diwydiant i’ch helpu chi i lywio’ch ffordd o amgylch y byd egnïol o hyfforddiant pêl-droed.

Lleoliadau a phrofiadau gwaith

Mae PDC’n cynnal cysylltiadau cryf â sefydliadau ar bob lefel o bêl-droed yng Nghymru, gan eich cynorthwyo chi i elwa ar leoliadau gwaith ffurfiol ac anffurfiol helaeth sy'n rhoi hwb i'ch rhagolygon cyflogaeth. Mae gennym nifer o gyfleoedd wedi eu lleoli o fewn academïau, staff ystafell gefn a sefydliadau cymunedol mewn clybiau elitaidd, lle gallwch weithio ochr yn ochr â gweithwyr proffesiynol sefydledig, yn ogystal â sefydliadau pêl-droed cymunedol ledled Cymru. Mae ein cynhadledd gyflogadwyedd flynyddol yn eich cysylltu â chyflogwyr, gan ailadrodd y broses recriwtio y byddwch yn mynd drwyddi ar ôl graddio, a gallwch hefyd fwynhau lleoliadau haf gyda'n partneriaid yn UDA.

Cyfleusterau

Bydd cyfle i chi ddatblygu’ch sgiliau ym Mharc Chwaraeon Prifysgol De Cymru, ein cyfleuster perfformio chwaraeon a ddyluniwyd yn benodol ar Gampws Trefforest. Defnyddir ein cyfleusterau yn rheolaidd gan dîm pêl-droed Caerdydd a thîm rhyngwladol Cymru. Byddwch yn treulio digonedd o amser ar ein cae 3G dan do, maint llawn. Fe’i hadeiladwyd i safonau FIFA Pro, nid oes yno unrhyw gyfleuster o’r fath mewn unrhyw brifysgol arall yng Nghymru a Lloegr. Byddwch hefyd yn gweithio yn ein canolfan sy’n arbenigo mewn Cryfder a Chyflyru a'n ystafelloedd dadansoddi nodiant o ansawdd uchel. Mae gennym bum maes dan lifoleuadau ymhlith ein mannau chwarae glaswelltog ac artiffisial niferus.

Mewn partneriaeth â
Mewn partneriaeth â
Defnyddio technolegau gan
Defnyddio technolegau gan
Mewn partneriaeth â
Mewn partneriaeth â

Pam PDC?

A student is leaping sideways to save a football from entering the goal.

  • Ar y brig yng Nghymru am foddhad myfyrwyr mewn Gwyddor Chwaraeon (Complete University Guide 2023)

  • Gwyddor Chwaraeon ar y brig yng Nghymru am Ansawdd y Dysgu a Phrofiad Myfyrwyr (Times Good University Guide 2024)

Pam PDC?

Gwyddor Chwaraeon yn PDC ar y brig yng Nghymru ar gyfer Ansawdd Addysgu.

(Canllaw Prifysgolion y Guardian 2025) 

  • Ar y brig yng Nghymru am foddhad myfyrwyr mewn Gwyddor Chwaraeon (Complete University Guide 2023)

  • Gwyddor Chwaraeon ar y brig yng Nghymru am Ansawdd y Dysgu a Phrofiad Myfyrwyr (Times Good University Guide 2024)

Gyrfaoedd a Chyflogadwyedd

Gyrfaoedd graddedigion

Mae’r radd Baglor yn y Gwyddorau (er Anrhydedd) Hyfforddi Pêl-droed a Pherfformiad yn eich cymhwyso chi i gychwyn yn y diwydiant pêl-droed ar lefel elitaidd. Mae nifer o’n cyn-fyfyrwyr yn gweithio yn academïau’r Uwch Gynghrair, yn cynnwys pump yn Chelsea, yn ogystal â dadansoddwyr yn gweithio gyda thimau cyntaf clybiau elitaidd. Mae rhai dadansoddwyr yn mynd yn eu blaen i weithio dros gwmnïau dadansoddol megis Opta, tra bod eraill yn gweithio mewn diwydiannau cyfagos megis cwmnïau betio. Mae’r sawl sy’n troedio’r llwybr pêl-droed cymunedol wedi eu paratoi ar gyfer swyddogaethau uchel o fewn y sefydliadau hynny. Mae'r cwrs yn eich cymhwyso ar gyfer astudiaeth bellach ar lefel Meistr yn y Gwyddorau ac mae hefyd yn ffordd wych i'r cwrs TAR Addysg Gorfforol.

Partneriaid o fewn y diwydiant

Mae ein rhwydwaith o gyn-fyfyrwyr a sefydliadau partner allanol yn rhoi mynediad helaeth i ni i arbenigwyr y diwydiant o Gymdeithas Bêl-droed Cymry, Tîm Pêl-droed Caerdydd, Tîm Pêl-droed Abertawe, a sefydliadau pêl-droed cymunedol. Bydd gennych gyfleoedd rheolaidd i ddysgu gan yr arbenigwyr hyn yn uniongyrchol wrth iddynt draethu darlithoedd gwadd. Mae’r clybiau hyn hefyd yn cynnig cyfleodd ar gyfer lleoliadau gwaith ar sail trefniant ffurfiol ac anffurfiol ill dau, ac maent yn mynychu ein Cynhadledd Gyflogadwyedd Chwaraeon blynyddol lle gallwch ymgysylltu â nhw. Mae nifer o staff ein hadran bêl-droed yn aelodau o Ganolfan Ymchwil Pêl-droed Cymru ac maent yn aml yn ymgysylltu â myfyrwyr ar gyfer eu prosiectau.

Cymorth gyrfaoedd

Mae gan ein staff ddegawdau o brofiad yn gweithio o fewn y diwydiant pêl-droed mewn ystod eang o swyddogaethau, ac maent yn pwyso ar y profiad hwn er mwyn eich cynorthwyo chi i adnabod eich cryfderau a'ch arwain tuag at lwybr sy’n eu gweddu. Mae gennym hefyd Gynghorwyr Gyrfa ymroddedig o fewn y cyfleuster Chwaraeon, sy’n gallu eich cynorthwyo i adnabod cyfleoedd am leoliadau gwaith a swyddi sy’n cyfateb i’ch uchelgais pêl-droed. Bydd nifer o gyfleoedd gyda chi i ystyried sawl llwybr gyrfa posib wrth i chi ymwneud ag arbenigwyr y diwydiant yn ystod eich lleoliad gwaith, trwy ddarlithoedd gwadd ac yn ystod ein Cynhadledd Cyflogadwyedd Chwaraeon blynyddol.

Gofynion mynediad

Pwynt tariff UCAS: 112

Gofynion cymhwyster nodweddiadol:

  • Lefel A: BBC i gynnwys pwnc Gwyddoniaeth neu AG ac i eithrio Astudiaethau Cyffredinol. Lefel 1 mewn hyfforddi pêl-droed neu gymhwyster hyfforddi pêl-droed lefel sylfaen gyfatebol o bêl-droed (NGB) (mae hyn yn cyfateb i 112 pwynt tariff UCAS).  
  • Bagloriaeth Cymru: Pasio'r Diploma Bagloriaeth Uwch Cymru gyda Gradd C yn y Dystysgrif Her Sgiliau a BB ar Lefel A i gynnwys un pwnc Gwyddoniaeth (a all fod yn Fathemateg, Addysg Gorfforol neu Seicoleg) ond i eithrio Astudiaethau Cyffredinol. Lefel 1 mewn hyfforddi pêl-droed neu gymhwyster hyfforddi pêl-droed lefel sylfaen gyfwerth o bêl-droed (CRhC) (mae hyn yn cyfateb i 112 pwynt tariff UCAS). 
  • BTEC: Diploma Estynedig BTEC Teilyngdod Rhagoriaeth mewn pwnc perthnasol. Lefel 1 mewn hyfforddi pêl-droed neu gymhwyster hyfforddi pêl-droed lefel sylfaen cyfwerth o bêl-droed (CRhC) (mae hyn yn gyfwerth â 112 pwynt tariff UCAS).
  • Mynediad i AU: Pasio'r Diploma Mynediad i AU mewn pwnc perthnasol (mathemateg, gwyddoniaeth neu seicoleg) a chael o leiaf 112 pwynt tariff UCAS. 

Gofynion ychwanegol:

TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol. 

Mae angen gwiriad manylach gan y Gwasanaeth Datgelu a Gwahardd (DBS) ar Restr y Gweithlu Plant a Gwahardd Plant a thanysgrifiad i Wasanaeth Diweddaru’r DBS. (Mae angen cyfwerth o dramor ar gyfer ymgeiswyr nad ydynt yn dod o'r DU).

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,250

fesul blwyddyn*
Ffi Llawn Amser y DU

£785

fesul blwyddyn*
Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

*Gorfodol   

Mae'r gost yn cynnwys gwiriad y Gwasanaeth Datgelu a Gwahardd, gwasanaeth gwirio Swyddfa'r Post a'r ffi weinyddol ar-lein. Gofyniad derbyn. 

Cost: £53.20

Mae angen tanysgrifiad ar gyfer pob blwyddyn o'r cwrs am ffi flynyddol o £13. Sylwch fod yn rhaid ymuno â'r gwasanaeth cyn pen 30 diwrnod ar ôl derbyn eich tystysgrif DBS well. 

Cost: £13

Rhaid i fyfyrwyr dalu costau teithio a chynhaliaeth am eu lleoliad. Mae'r costau'n amrywio, yn dibynnu ar y lleoliad.

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

MAE CYFUNIAD Y CYFLEUSTERAU, Y GAMPFA A’R PÊL-DROED YN BERFFAITH. DDEWCH CHI DDIM O HYD I WELL NA’R RHAIN. MAE’R HOLL BETH YN CYSYLLTU’N DDA IAWN GYDA FY NGYRFA FY HUN.

Tommy O’Sullivan

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
Exterior shot of USW's Sport Park
Campws Pontypridd, Parc Chwaraeon
A double room at our Pontypridd accommodation featuring a large window.
Llety

Cyrsiau Cysylltiedig

Hyfforddi a Datblygu Chwaraeon - BSc (Anrh) Dysgu mwy
Hyfforddi a Datblygu Chwaraeon - BSc (Anrh) Dysgu mwy
Hyfforddi, Datblygu a Gweinyddu Pêl-droed - BSc (Anrh) Dysgu mwy

Camau Nesaf

Ymgeisio drwy UCAS
Archebwch Ddiwrnod Agored
Sariad â ni