Nyrsio (Iechyd Meddwl)

BSc (Anrh)

Mae ceisiadau ar gyfer Medi 2026 nawr ar gau.

Sut i wneud cais Archebu lle ar Ddiwrnod Agored Sgwrsio gyda ni

Côd UCAS

B704

Dyddiad Cychwyn

Medi 2026

Lleoliad

Pontypridd

Côd y Campws

Ffioedd

Myfyrwyr cartref: £9,790*
Myfyrwyr rhyngwladol: £17,200*

Côd UCAS

B713

Dyddiad Cychwyn

Ebrill 2027

Lleoliad

Pontypridd

Côd y Campws

Myfyrwyr rhyngwladol: £17,200*

Côd UCAS

B704

Dyddiad Cychwyn

Medi 2027

Lleoliad

Pontypridd

Côd y Campws

Trosolwg o'r Cwrs

Bydd y radd hon yn eich helpu i ddod yn nyrs iechyd meddwl hyderus, gan gyfuno gwybodaeth ddamcaniaethol â phrofiad clinigol hanfodol. Dysgwch sgiliau allweddol mewn gofal iechyd meddwl, perthnasoedd therapiwtig, iechyd y cyhoedd, a lleoliadau gwaith clinigol mewn amgylcheddau clinigol, gan sicrhau gofal cynhwysfawr, sy'n canolbwyntio ar yr unigolyn.

Mae’r cwrs hwn yn ddelfrydol ar gyfer y rhai sy'n angerddol am gymorth iechyd meddwl. Cewch brofiad ymarferol a sgiliau hanfodol mewn perthnasoedd therapiwtig, asesu ac ymyrryd mewn argyfwng. Mwynhewch diwtora personol, lleoliadau amrywiol, a chysylltiadau cryf â'r GIG, gan eich paratoi ar gyfer dilyniant gyrfa parhaus.

Wedi'i gymeradwyo gan

Wedi'i gymeradwyo gan Y Cyngor Nyrsio a Bydwreigiaeth

Pam astudio'r cwrs hwn?

Dysgu cyfunol

Cyfunwch ddysgu ar-lein ac wyneb yn wyneb ar gyfer dull hyblyg, sy’n adlewyrchu nyrsio iechyd meddwl yn y byd go iawn.

Staff addysgu profiadol

Dysgwch gan weithwyr proffesiynol iechyd meddwl gweithredol sy'n dod â mewnwelediadau cyfredol a pherthnasol i'ch addysg.

Lleoliadau amrywiol

Enillwch brofiad ymarferol mewn gwahanol leoliadau, gan gynnwys lleoliadau gofal fforensig, ysbyty a chymunedol.

Cyfleusterau o'r radd flaenaf

Hyfforddwch mewn ystafelloedd efelychu datblygedig sy'n dynwared amgylcheddau clinigol y byd go iawn ar gyfer dysgu ymarferol.

Beth fyddwch chi'n ei astudio

Mae modiwlau damcaniaeth yn cynnwys cymysgedd o ddysgu craidd a dysgu penodol i'r maes.

Mae pynciau craidd yn berthnasol i bob maes nyrsio tra bod sesiynau penodol i'r maes yn caniatáu ichi roi damcaniaeth ar waith, gan helpu plant mewn amrywiaeth o leoliadau gofal.

Cyflwyniad i hanfodion nyrsio, gan gynnwys cysyniadau allweddol mewn iechyd corfforol, seicolegol, cymdeithasol ac ysbrydol. Datblygu sgiliau hanfodol.

Dysgwch sut i nodi, diffinio a mesur anghenion iechyd ar draws oes.Cymhwyswch theori lles, amddiffyn a hyrwyddo iechyd yn ymarferol.

Mae modd astudio'r modiwl hwn 100% drwy gyfrwng y Gymraeg

Deallwch brosesau a thechnegau asesu sy'n canolbwyntio ar yr unigolyn. Datblygwch eich sgiliau clinigol wrth gyflawni asesiadau sylfaenol.

Datblygwch eich hyfedredd a'ch hyder ar leoliadau gwaith trwy archwilio dogfennaeth angenrheidiol, ymarfer myfyriol, rhoi meddyginiaethau yn ddiogel, a sgiliau nyrsio.

Adeiladwch ar eich sgiliau a'ch gwybodaeth gyda damcaniaeth a lleoliadau dan oruchwyliaeth arbenigol wrth i chi ddatblygu fel nyrs dan hyfforddiant.

Bydd yr hyn a ddysgwch mewn darlithoedd yn cael ei drafod mewn gweithdai arbenigol a thiwtorialau gyda nyrsys eraill i ychwanegu cyd-destun at y ddamcaniaeth.

Adeiladwch eich galluoedd ym meysydd asesu, diagnosis ac ymyriadau therapiwtig. Dysgwch am gydweithio ar draws arbenigeddau a gofal sy'n canolbwyntio ar yr unigolyn.

Archwiliwch gysyniadau ac egwyddorion proffesiynol, cyfreithiol a moesegol sy'n ymwneud â gofal iechyd. Datblygwch eich ymwybyddiaeth wleidyddol ac adeiladwch sgiliau dylanwadu.

Datblygwch bendantrwydd, sgiliau gwaith tîm a dewrder proffesiynol. Deallwchddulliau moesegol ac egwyddorion gwneud penderfyniadau fel galluedd meddyliol.

Dyfnhewch ddealltwriaeth o dystiolaeth, ansawdd a gwelliant parhaus. Archwiliwch fethodolegau ymchwil a dulliau gwerthuso.

Bydd eich blwyddyn olaf yn eich helpu i ddatblygu i fod yn nyrs medrus sy'n barod i weithio'n annibynnol ac fel rhan o dîm gofal iechyd ehangach.

Bydd yr un cyfuniad o theori, ymarfer a chymorth personol yn eich helpu i deimlo'n barod ar gyfer eich gyrfa newydd wrth gymhwyso.

Datblygwch eich sgiliau wrth ofalu am bobl â chyflyrau cymhleth. Archwiliwchbathoffisioleg a chyfathrebu ynghylch rheoli gofal cymhleth.

Datblygwch sgiliau arwain. Ystyriwch effeithiau newid polisi ar ddarpariaeth gofal. Astudiwch reoli adnoddau, gwneud penderfyniadau ar y cyd ac atebolrwydd.

Ehangwch eich sgiliau adborth ac addysgu. Ymarferwch sgiliau cyflwyno a datblygwch ddulliau hygyrch o addysgu a dysgu.

Paratowch ar gyfer cofrestriad drwy ddeall egwyddorion dysgu gydol oes. Atgyfnerthwch sgiliau cyfathrebu, goruchwylio a nyrsio.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Wedi'i rannu'n gyfartal rhwng theori ac ymarfer, mae'r cwrs tair blynedd hwn yn eich paratoi i drin ystod o faterion iechyd meddwl yn hyderus. Mae graddio yn eich gwneud yn gymwys i ymuno â chofrestr broffesiynol y Cyngor Nyrsio a Bydwreigiaeth (2018), yn barod ar gyfer gyrfa gwerth chweil ym maes nyrsio.

Mae eich hyfforddiant nyrsio iechyd meddwl yn cyfuno diwrnodau astudio ar y campws, lleoliadau bloc, ac astudiaeth breifat.

Mae'r dull dysgu cyfunol yn cynnwys darlithoedd, gweithdai, a sesiynau rhyngweithiol ar-lein.

Byddwch yn treulio 50% o'ch amser ar leoliadau, lle cewch eich asesu drwy aseiniadau ysgrifenedig, cyflwyniadau, asesiadau ymarfer clinigol a phortffolios.

Mae'r cymysgedd hwn yn sicrhau eich bod yn datblygu sgiliau nyrsio iechyd meddwl hanfodol, gyda chefnogaeth agos gan diwtoriaid a goruchwylwyr ymarfer.

Byddwch yn cael eich asesu drwy gymysgedd o waith cwrs ac ymarfer. Byddwch yn cwblhau aseiniadau ysgrifenedig a chyflwyniadau yn ystod eich blociau astudio ar y campws, ac yn cymryd rhan mewn gweithdai a sesiynau ar-lein sy'n datblygu eich gwybodaeth.

Byddwch yn treulio hanner eich amser ar leoliadau, lle byddwch yn cael eich asesu mewn lleoliadau clinigol go iawn. Byddwch yn dangos eich sgiliau trwy asesiadau ymarfer a thrwy adeiladu portffolio o dystiolaeth.

Drwy gydol y cwrs, bydd tiwtoriaid a goruchwylwyr ymarfer yn eich cefnogi ac yn rhoi adborth rheolaidd, gan eich helpu i olrhain eich cynnydd a datblygu'r sgiliau sydd eu hangen arnoch i ddod yn nyrs iechyd meddwl hyderus.

Mae lleoliadau clinigol yn hanfodol i'ch addysg nyrsio iechyd meddwl.

Byddwch yn ennill profiad ymarferol mewn gwahanol leoliadau iechyd meddwl, gan gynnwys gofal cymunedol, unedau cleifion mewnol, a thimau ymyrraeth mewn argyfyngau, gyda phosibilrwydd o deithio, sifftiau, a gwaith ar y penwythnosau.

Yn eich trydedd flwyddyn, gallwch wneud lleoliad dewisol mewn maes arbenigol, naill ai yn y DU neu dramor.

Cefnogir pob lleoliad gan oruchwyliwr ymarfer cymwysedig a fydd yn eich tywys drwy'r patrymau sifft a'r dyletswyddau clinigol, sy'n golygu eich bod yn derbyn hyfforddiant cynhwysfawr, ymarferol.

Mae ein Canolfan Efelychu Clinigol yn cynnig cyfleusterau arloesol i fyfyrwyr nyrsio iechyd meddwl.

Byddwch yn cymryd rhan mewn efelychiadau manwl sy'n efelychu senarios y byd go iawn, megis asesu risg, cyfathrebu mewn argyfwng, a thechnegau dad-ddwysáu.

Mae'r Ganolfan yn cynnwys cilfachau ysbytai, unedau pediatreg a mamolaeth, amgylchedd gofal dwys, adran frys gydag efelychydd ambiwlans, a fflat lleoliad cartref.

Mae'r ystod hon o amgylcheddau efelychol yn golygu eich bod yn datblygu hyder a chymhwysedd ym maes gofal cleifion cyn mynd i ymarfer clinigol.

Arweinydd y Cwrs

Patrick Owen

Mae Patrick yn Nyrs Iechyd Meddwl ac Arweinydd Cwrs gydag arbenigedd mewn defnyddio sylweddau a dibyniaeth. Mae ei gefndir proffesiynol yn cynnwys profiad clinigol mewn gwasanaethau defnyddio sylweddau a lleoliadau iechyd meddwl acíwt, gan weithio'n uniongyrchol gyda chyflwyniadau cymhleth ar draws y cyfnod oes. Mae Patrick wedi datblygu ei ymarfer o fewn y GIG gan ddod â mewnwelediad cyfredol a byd go iawn i bolisi, ymarfer a darparu gwasanaethau. Mae ei arddull addysgu yn canolbwyntio ar fyfyrwyr, yn fyfyriol ac yn canolbwyntio ar ymarfer, gan dynnu ar drafodaethau achos, dysgu seiliedig ar dystiolaeth, ac ymholiad tosturiol i gefnogi dysgwyr i gysylltu theori ag ymarfer iechyd meddwl cyfoes.

Eich Gyrfa yn y Dyfodol

Gall Nyrsys Anableddau Dysgu weithio mewn amrywiaeth o leoliadau, gan gynnwys byrddau iechyd, darparwyr preifat, yn ogystal â sefydliadau addysgol, elusennol a gwirfoddol. Gall graddedigion hefyd gael cyfleoedd i weithio'n rhyngwladol, er enghraifft mewn gwledydd fel Seland Newydd neu Weriniaeth Iwerddon.

Nyrsio Anabledd Dysgu Cymunedol
Nyrsio Arbenigol (Fforensig, Gofal Cymhleth, Asesu a Thriniaeth)
Nyrsio Ysgol
Arweinyddiaeth a Rheoli Wardiau
Comisiynu Nyrsys

100% o raddedigion Nyrsio a Phroffesiynau Iechyd Prifysgol De Cymru mewn Cyflogaeth a/neu Astudiaeth Bellach

(Arolwg Hynt Graddedigion 2022/23)

Disgwyliadau cyflog

Gall gradd Nyrsio agor cyfleoedd ar draws Nyrsio. Mae gyrfaoedd Nyrsio yn cynnig potensial enillion cryf:

Cyflog canolrifol
DU: £37.5k y flwyddyn
Cymru: £37.2k y flwyddyn

Cyfanswm y swyddi yn 2025
DU: 1.03m
Cymru: 49,860

Ffynhonnell: Lightcast Labour Market Data 2026

"Fy lleoliad presennol yn Ysbyty Cwm Taf sydd wedi cael yr effaith fwyaf arna i, lle mae cyn-fyfyrwyr bellach yn fy mentora."

Gabriel Mubaira, Myfyriwr Nyrsio

Dysgwch fwy

Partneriaid diwydiant

Byddwch yn elwa o leoliadau clinigol mewn ymddiriedolaethau'r GIG, gan gynnwys Caerdydd a'r Fro, Cwm Taf Morgannwg, ac Aneurin Bevan. Mae'r partneriaethau hyn yn sicrhau bod eich hyfforddiant yn adlewyrchu gofynion nyrsio iechyd meddwl modern ac yn rhoi'r profiad hanfodol i chi gael mynediad i'r proffesiwn yn hyderus.

Gofynion Mynediad

Rydym yn cynghori ymgeiswyr yn gryf i fanteisio ar y cyngor sydd ar gael ar-lein, o ddangos bod gennych y cymwysterau neu brofiad perthnasol, awgrymiadau ar ysgrifennu eich datganiad personol i gyngor ar baratoi ar gyfer cyfweliad, mae gennym gyfoeth o gymorth ac arweiniad ar gael i ymgeiswyr i sicrhau eich bod yn gallu dangos bod gennych yr hyn sydd ei angen a gwneud eich cais y gorau y gall fod. Darllenwch: Cyngor Ymgeisio.

Ychwanegol

Mae gofyn i bob ymgeisydd fynychu cyfweliad. I gael cymorth pellach ar baratoi ar gyfer cyfweliad a beth i'w ddisgwyl yn y cyfweliad, darllenwch ein Cyngor cyn Ymgeisio.
Un geirda boddhaol gan rywun sy’n gallu rhoi sylwadau ar eich agwedd a’ch dull o ymdrin â dysgu mewn ystyr broffesiynol neu academaidd.
Mae angen gwiriad Gwasanaeth Datgelu a Gwahardd Manwl (DBS) ar Restr Gwahardd y Gweithlu Plant ac Oedolion a Phlant ac Oedolion a thanysgrifiad i Wasanaeth Diweddaru’r DBS. (Mae angen cyfwerth o dramor ar gyfer ymgeiswyr nad ydynt yn dod o'r DU).
Bydd angen prawf meddygol boddhaol unwaith y bydd cynnig wedi’i wneud. Byddwn yn cysylltu â chi yn nes at eich dyddiad dechrau gyda manylion sut i gael y rhain.
Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol.
Y cymwysterau cyfwerth a ystyrir yw Sgiliau Hanfodol Lefel Dau mewn Cyfathrebu a Chymhwyso Rhif, neu Sgiliau Swyddogaethol Lefel Dau mewn Saesneg a Mathemateg. (Rhaid bod wedi ei gyflawni ers 2016).

Sut i wneud cais Datganiad Derbyniadau Cyd-destunol Gofynnwch gwestiwn i ni

Gofynion cymhwyster nodweddiadol

Lefel A:
BCC i eithrio Astudiaethau Cyffredinol

Bagloriaeth Cymru:
Gradd C a BC ar Lefel A i eithrio Astudiaethau Cyffredinol

BTEC:
Diploma Estynedig BTEC Rhagoriaeth Teilyngdod Teilyngdod

Mynediad i AU:
Rhaid cwblhau 60 credyd yn gyffredinol gydag o leiaf 45 ar Lefel 3 a 15 ar Lefel 2. O'r 45 credyd ar Lefel 3, byddwch angen o leiaf 18 Rhagoriaeth, 18 Teilyngdod a 9 Pasio.

Lefel T:
M

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Datganiad Derbyniadau Cyd-destunol

Ffioedd a Chyllid

Ffi Llawn Amser y DU £ 9,790

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Y Gwasanaeth Datgelu a Gwahardd a'r Gwasanaeth Diweddaru*

Mae angen gwiriad manylach gan y Gwasanaeth Datgelu a Gwahardd. Mae'r gwasanaeth diweddaru yn cael ei argymell. Cost: £64.74 y flwyddyn ar gyfer DBS uwch a £16 am y gwasanaeth diweddaru.

Lleoliad Clinigol

Mae 50% o'r cwrs yn cael ei gynnal ar leoliad. Yn ystod y lleoliad, mae’n bosibl y bydd myfyrwyr yn ysgwyddo costau sy’n gysylltiedig â chostau teithio. Mae ad-daliadau teithio ar gael ar gyfer pellteroedd sy’n fwy na'r pellter o'r cartref i'r Brifysgol. Darperir gwisg swyddogol i’w gwisgo, ond disgwylir i fyfyrwyr ddarparu dillad ychwanegol megis esgidiau addas sy’n cydymffurfio â Pholisi Gwisg GIG Cymru. Cost: Amrywiol

*Rhwymedig

Ffi Rhyngwladol Rhan-amser £ 17,200

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Y Gwasanaeth Datgelu a Gwahardd a'r Gwasanaeth Diweddaru*

Mae angen gwiriad manylach gan y Gwasanaeth Datgelu a Gwahardd. Mae'r gwasanaeth diweddaru yn cael ei argymell. Cost: £64.74 y flwyddyn ar gyfer DBS uwch a £16 am y gwasanaeth diweddaru.

Lleoliad Clinigol

*Rhwymedig

Mae Nyrsio Iechyd Meddwl yn PDC ar y brig yng Nghymru o ran boddhad cyffredinol myfyrwyr.

Arolwg Cenedlaethol o Fyfyrwyr 2026

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Astudiaethau Iechyd yn PDC yw'r 2il yn y DU o ran Canlyniadau Graddedigion a rhagolygon Graddedigion ar y trywydd iawn.

Complete University Guide 2026

100%

o’n heffaith ymchwil yn rhagorol yn rhyngwladol.

Cyfweliadau Nyrsio

Popeth sydd angen i chi ei wybod cyn mynychu eich cyfweliad Nyrsio.

Darllenwch ein hawgrymiadau cyfweliad

Archwiliwch ein cyfleusterau

Canolfan Efelychu Clinigol

Hyfforddwch yn ein Canolfan Efelychu Clinigol realistig, wedi'i hadeiladu i adlewyrchu lleoliadau'r GIG. Defnyddiwch efelychwyr geni uwch, ymarferwch weithdrefnau allweddol, a chymerwch ran mewn chwarae rôl gydag actorion. Adeiladwch sgiliau ymarferol, enillwchfewnwelediad cleifion go iawn, a thyfwch eich hyder cyn dechrau lleoliadau clinigol.

Dysgwch fwy

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Nyrsio (Iechyd Meddwl)
- Llawn Amser, 3 blynedd
- Medi
- Pontypridd
Apply direct

Nyrsio (Iechyd Meddwl)
- Llawn Amser, 3 blynedd
- Ebrill
- Pontypridd
Apply direct
Nyrsio (Iechyd Meddwl)
- Llawn Amser, 3 blynedd
- Medi
- Pontypridd
Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Gabriel Mubaira

Defnyddio fy mhrofiad a rhoi rhywbeth yn ôl

Gabriel Mubaira Myfyriwr Nyrsio

Gweld proffil myfyriwr

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety