BA (Anrh)

Busnes a Rheoli gan gynnwys Blwyddyn Sylfaen

Mae Blwyddyn Sylfaen Busnes yn cyflwyno syniadau busnes allweddol wrth ddatblygu sgiliau academaidd, personol a phroffesiynol hanfodol. Trwy ddysgu ymarferol a myfyrio, byddwch yn magu hyder ac yn paratoi i symud ymlaen i astudiaeth lefel gradd.

Sut i wneud cais Gwneud cais drwy UCAS Trefnu Diwrnod Agored Sgwrsio â Ni

Manylion Cwrs Allweddol

  • Côd UCAS

    N10F

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £5,760*

  • Myfyrwyr rhyngwladol

    £16,800*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Byddwch yn dysgu trwy dasgau rhyngweithiol, prosiectau cydweithredol ac astudiaeth annibynnol, gan feithrin sgiliau mewn cyfathrebu, datrys problemau, gwaith tîm a rhuglder digidol. Mae gweithgareddau myfyriol yn eich helpu i gysylltu damcaniaeth â chyd-destunau busnes go iawn, gan roi sylfaen gref i chi lwyddo yn eich gradd Busnes a Rheoli a'ch gyrfa yn y dyfodol.

CYNLLUNIWYD AR GYFER

Myfyrwyr sydd heb fodloni’r meini prawf derbyn ar hyn o bryd ar gyfer mynediad uniongyrchol i gwrs gradd neu fyfyrwyr sy’n dychwelyd i addysg sy’n dymuno magu hyder a’r sgiliau academaidd sydd eu hangen i symud ymlaen i’r rhaglen radd o’u dewis.

Llwybrau gyrfa

  • Rheolwr
  • Entrepreneur
  • Cynghorydd Busnes
  • Rheolwr Prosiect
  • Ymgynghorydd Rheoli
  • Dadansoddwr Busnes
  • Datblygwr Busnes
  • Cyfrifydd Rheolaeth Siartredig
  • Brocer Stoc
  • Rheolwr Cadwyni Cyflenwi

Sgiliau a addysgir

  • Meddwl yn feirniadol
  • Sgiliau gwerthuso
  • Sgiliau TG
  • Dysgu annibynnol
  • Sgiliau cyfathrebu

Rydym yn gwneud gwahaniaeth yn ymarferol, nid ar bapur yn unig. Mae ein cyrsiau wedi'u cynllunio gan bobl sy'n cynnig swyddi - ac yn cael eu haddysgu gan bobl sydd â phrofiad gwaith go iawn.

Business and Management student, Samaya Khan, is sat in the postgraduate centre, smiling at the camera.
A man attending a session at the USW Exchange on Treforest campus
A close up of a student laughing at friends whilst sat on beanbags in the accommodation hub.
A student is sat with their elbow on the back of a red sofa looking into the camera.

Uchafbwyntiau'r Cwrs

Ennill sgiliau allweddol

Datblygu ystod o sgiliau a rhinweddau a fydd yn cyfoethogi eich dysgu yn y flwyddyn gyntaf a thu hwnt.

Addysgir gan arbenigwyr

Dysgu gan arbenigwyr yn y diwydiant sydd â phrofiad busnes yn y byd go iawn.

Ar y brig yng Nghymru

Rheolaeth Busnes yn PDC sydd ar y brig am Ansawdd Dysgu yng Nghymru (Guardian University Guide 2025).

Canolbwyntio ar eich llwyddiant

Addysgu cefnogol i’ch helpu i lwyddo eich blwyddyn sylfaen a thu hwnt.

Trosolwg o'r Modiwl

Mae Blwyddyn Sylfaen Busnes yn meithrin hyder academaidd a dealltwriaeth fusnes graidd trwy ddysgu ymarferol, myfyrio a chydweithio, gan eich paratoi i symud ymlaen i astudio busnes ar lefel gradd gyda ffocws, gwydnwch a phwrpas.

Dechrau Eich Taith Prifysgol 
Datblygwch sgiliau academaidd, personol a phroffesiynol ar gyfer astudio yn y brifysgol. Byddwch yn myfyrio ar eich cynnydd, yn meithrin hyder, ac yn creu portffolio ar sail tystiolaeth i gefnogi eich dysgu yn y dyfodol. 

Busnes ar Waith 
Cyflwyniad i sut mae busnesau'n gweithio, gan gynnwys meysydd allweddol fel marchnata, cyllid a phobl. Byddwch yn rhoi syniadau ar waith mewn senarios go iawn wrth feithrin hyder, gwaith tîm, sgiliau cyfathrebu ac astudio. 

Deinameg Pŵer Sefydliadol 
Archwiliwch sut mae pobl yn meddwl, yn teimlo ac yn gweithredu yn y gwaith. Byddwch yn dysgu am waith tîm, arweinyddiaeth a chymhelliant, yn rhoi syniadau ar waith mewn heriau go iawn, ac yn meithrin sgiliau academaidd a phroffesiynol. 

Yr Her Effaith: Llunio Atebion y Byd Go Iawn 
Mae’r Her Effaith yn fodiwl prosiect Blwyddyn Sylfaen lle mae myfyrwyr yn gweithio mewn timau i fynd i'r afael â materion y byd go iawn, gan ddatblygu atebion trwy ymchwil, chwilfrydedd, gwaith tîm a datrys problemau’n gyfrifol.

Am fanylion y modiwlau y byddwch yn eu hastudio ar ôl cwblhau’r Flwyddyn Sylfaen yn llwyddiannus, gweler prif dudalen y cwrs.

Uchafbwyntiau'r Cwrs

Sut byddwch chi'n dysgu

Byddwch chi'n dysgu trwy brofiadau dysgu gweithredol, byd go iawn sy'n annog chwilfrydedd, cydweithio a meddwl annibynnol. Mae addysgu yn eich helpu i ddeall sut mae dysgu'n gweithio yn y brifysgol, wrth feithrin hyder academaidd, meddwl beirniadol a hunanfyfyrio. Byddwch chi'n gweithio'n annibynnol a chydag eraill trwy drafodaethau, gweithgareddau ymarferol a myfyrio dan arweiniad, gyda chefnogaeth offer digidol. Mae adborth rheolaidd yn eich helpu i gydnabod cynnydd a chynllunio'r camau nesaf, gan gefnogi lles, gwydnwch a theimlad cryf o berthyn wrth i chi baratoi ar gyfer lefel uwch o astudio.

Sut y byddwch chi'n cael eich asesu

Byddwch chi'n cael eich asesu mewn ffyrdd gwahanol, gan gynnwys tasgau byr, gwaith cwrs, cyflwyniadau a gwaith grŵp. Mae asesiadau cynnar wedi'u cynllunio i gefnogi eich dysgu a'ch helpu i ddeall beth a ddisgwylir yn y brifysgol. Mae'r rhan fwyaf o asesiadau ar sail gwaithcwrs ac yn eich helpu i ddatblygu sgiliau allweddol fel ymchwil, ysgrifennu academaidd, gwaith tîm a chyfathrebu. Byddwch chi hefyd yn myfyrio ar eich cynnydd ac yn defnyddio systemau prifysgol ac offer digidol. Bydd adborth clir ac amserol yn eich helpu i ddeall sut i wella a chefnogi eich camau nesaf.

Lleoliadau a phrofiad gwaith

Mae ein gradd Busnes a Rheolaeth yn mynd ati i annog interniaethau felly, os ydych yn dewis cymryd blwyddyn ryngosod yn ystod eich gradd, byddwn yn eich cefnogi gyda cheisiadau i’ch helpu i gael eich troed yn y drws. Bydd ein tîm yn cadw llygad arnoch yn ystod eich lleoliad, gan siarad â’ch cyflogwr ac ymweld â’ch gweithle.

Mae myfyrwyr hefyd yn cael cynnig 10 wythnos mewn diwydiant yn ystod eu hail flwyddyn o’r radd israddedig. Mae hwn yn gyfle gwych i ddod yn rhan o sefydliad, gydag ystod o gyflogwyr gwych yn y rhanbarth. Bydd yn creu profiad i gryfhau eich CV, gan eich helpu i wneud y gorau o’ch cyflogadwyedd ar ôl i chi raddio.

Storïau Myfyrwyr

Student Sumaya Khan sits at a table and smiles at the postgraduate centre in Treforest
Darganfod fy mrwdfrydedd dros farchnata, mireinio fy sgiliau ac adeiladu rhwydwaith rhyngwladol.

Sumaya Khan

Myfyriwr Busnes

Chidinma sits in front of red backdrop smiling at camera
Meithrin Arbenigedd mewn Caffael Cynaliadwy.

Chidinma Fofah

Myfyriwr Caffael

Student Nadifa Saleh sits with their legs crossed on a chair against a red backdrop
Camu allan o fy man cyfforddus a dod o hyd i rywbeth rydw i’n frwdfrydig drosto.

Nadifa Saleh

Graddedig Busnes

Graduate and business owner Shane poses for a photo in his shop
Mae Shane, sy’n raddedig, bellach yn rhedeg ei fusnes llyfrau comics ei hun.

Shane Richard Jordan

Graddedig Busnes

profile-ug-marketing-humand-resource-management-hassan-raza-50110.jpg
Roedd cysylltiadau â diwydiant trwy ddarlithoedd gwadd a seminarau yn fantais enfawr.

Hassan Raza

Myfyriwr Rheoli Adnoddau Dynol

Graddedig Busnes Alicia Smith gyda'i phartner Mathew Hunt
Fy nghwrs yn fy ysbrydoli i ddechrau busnes.

Alicia Smith

Graddedig Busnes

A smiling business student in a green blazer stands in front of a computer in a classroom setting.
Archwilio pob llwybr mewn Rheoli Busnes

Daljeet Choda

Myfyriwr Busnes

Pam PDC?

video-course-business-and-management

Pam PDC?

Ar y brig yng Nghymru

Mae Rheoli Busnes yn PDC ar y brig yng Nghymru ar gyfer Ansawdd Addysgu (Canllaw Prifysgolion y Guardian 2025)

  • Roedd 100% o fyfyrwyr Gradd Sylfaen Rheolaeth Busnes yn fodlon gyda'u cwrs (Arolwg Cenedlaethol o Fyfyrwyr 2025).

Gyrfaoedd a Chyflogadwyedd

Gyrfaoedd Graddedig

Mae graddedigion y radd Busnes a Rheolaeth yn mynd ymlaen i gael gyrfaoedd llwyddiannus mewn amrywiaeth o rolau busnes o reolwyr i ddadansoddwyr ac ymgynghorwyr. Mae busnesau fel Network Rail a Felindra wedi cynnig swyddi i gyn-fyfyrwyr yn eu sefydliadau o ganlyniad i interniaethau a lleoliadau llwyddiannus yn ystod eu hastudiaethau.

Partneriaid Diwydiant

Mae gan ein staff addysgu gysylltiadau anhygoel â diwydiant, sy’n eich galluogi i weithio gyda busnesau ar friffiau byw ac astudiaethau achos fel rhan o’ch astudiaethau. Mae’r cydweithrediad hwn yn galluogi myfyrwyr i gael cipolwg ar yr heriau y mae busnesau’n eu hwynebu a datblygu sgiliau ymarferol y mae cyflogwyr yn eu gwerthfawrogi trwy gymhwyso’ch dysgu yn yr ystafell ddosbarth i senarios byd go iawn.

Mae llawer o’n partneriaid yn y diwydiant yn caniatáu i fyfyrwyr ymgymryd â lleoliadau fel rhan o’n hastudiaethau ac mae’n hysbys bod myfyrwyr yn derbyn cyflogaeth amser llawn gan cwmni eu lleoliadau ar ôl graddio. 

Cymorth Gyrfaoedd

Bydd gennych fynediad at gyngor gan ein gwasanaeth gyrfaoedd a chyflogadwyedd drwy gydol eich astudiaethau a phan fyddwch yn graddio. Mae hyn yn cynnwys apwyntiadau un-i-un gyda chynghorwyr gyrfaoedd naill ai wyneb yn wyneb neu'n rhithiol drwy alwad fideo neu e-bost. Mae gennym adnoddau ar-lein hefyd i helpu i archwilio opsiynau gyrfa a sicrhau eich bod yn cyflwyno'ch hun yn dda i gyflogwyr. Mae'r rhain yn cynnwys profion seicometrig, asesiadau gyrfa, adeiladwr CV, efelychydd cyfweliadau, a chymorth gyda cheisiadau. Mae gennymhefyd dros 2,000 o gyflogwyr cofrestredig sy'n targedu graddedigion busnes, felly byddwn yn eich cofrestru i gael hysbysiadau e-bost wythnosol am swyddi sy'n cyd-fynd â'ch diddordebau hefyd. 

Gofynion mynediad

pwynt tariff UCAS: 48

Gofynion cymhwyster nodweddiadol:

  • Lefel A: DD
  • BTEC: Diploma Estynedig BTEC Pasio Pasio Pasio neu Diploma BTEC Pasio Pasio 
  • Mynediad i AU: Llwyddo Mynediad i Ddiploma AU gydag o leiaf 48 pwynt Tariff UCAS.
  • Safon T: Pasio (D neu E)

 

 

Gofynion ychwanegol:

Fel rheol, mae'r Brifysgol yn gofyn am o leiaf 3 TGAU gan gynnwys Mathemateg a Saesneg ar Radd C neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

Ffioedd Dysgu Blwyddyn Sylfaen

Lle bo'n berthnasol, mae'r Ffioedd Dysgu i fyfyrwyr rhyngwladol fel y rhestrir yn adran y ffioedd uchod.

Gwybodaeth Bellach

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Ffioedd a Chyllid

Costau Ychwanegol

Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer deunydd ysgrifennu, argraffu neu offer yn ystod eich blwyddyn sylfaen. Gweler y rhestr isod sy'n cynnwys costau ar ôl i chi symud ymlaen i flwyddyn 1 eich rhaglen radd.

Cynigir cyfle i fyfyrwyr gwblhau interniaeth yn ystod eu hail flwyddyn astudio. Gall myfyrwyr sy'n ymgymryd ag interniaeth fynd i gostau sy'n gysylltiedig â theithio a'r dillad disgwyliedig yn y gweithle a bydd hyn yn amrywio yn ôl y lleoliad. 

Cost: I fyny at £300

Darperir gwerslyfrau drwy lyfrgell PDC ond efallai y bydd myfyrwyr yn dymuno prynu eu copïau preifat eu hunain. Mae'r gost hon yn ddewisol.

Cost: I fyny at £300

Mae gan y Brifysgol gyfrifiaduron ar gael ar y campws a gliniaduron i'w benthyca. Fodd bynnag, argymhellir yn gryf bod gennych eich gliniadur personol eich hun, a fydd yn gallu rhedeg Microsoft Office 365. Fel myfyriwr, byddwch yn gallu lawrlwytho copi am ddim o unrhyw feddalwedd sy'n berthnasol i'r cwrs.

Cost: I fyny at £250

Ffioedd dewisol ar gyfer cofrestru gyd chorff proffesiynol 

Cost: I fyny at £210

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Cyrsiau Cysylltiedig

Busnes a Rheoli - BA (Anrh) Dysgu mwy