This website uses cookies to improve your experience. Read our cookie policy

BA (Anrh)

Darlunio

Trowch eich angerdd dros ddarlunio a chreadigrwydd yn yrfa llawn pleser wrth i chi hogi eich crefft wrth weithio ar y cyd a rhai o stiwdios dylunio ac animeiddio mwyaf y wlad. Byddwch yn gweithio ar friff a roddwyd i chi gan gleientiaid ac yn defnyddio technegau traddodiadol ynghyd â’r offer a’r dechnoleg ddiweddaraf o safon ddiwydiannol. Mae’r cwrs bywiog hwn yn borth i ystod o yrfaoedd creadigol.

Sut i wneud cais Gwneud cais trwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    W220

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £9,535*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Mae darlunio’n rhan hanfodol o’n hiaith. Dysgwch sut i ddefnyddio’ch sgiliau creadigol er mwyn cyfathrebu, cysylltu, rhoi gwybod a dysgu eraill trwy ddefnyddio ystod o gyfryngau.

CYNLLUNIWYD AR GYFER

Trowch eich angerdd dros ddarlunio a chynhyrchu cysyniadau creadigol yn fedr pwerus ar draws nifer o wahanol gyfryngau. Bydd y cwrs hwn yn eich helpu chi i ddod o hyd i’ch llais creadigol ac yn rhoi’r profiad o fewn y diwydiant sydd ei angen arnoch i roi hwb i’ch gyrfa ddelfrydol yn ddarlunydd.

Rydym yn Aelod o

  • Gymdeithas y Darlunwyr (Association of Illustrators yn Saesneg) 

Llwybrau Gyrfaol

  • Darlunydd llawrydd
  • Artist llyfrau comig
  • Artist nofel graffeg
  • Artist bwrdd stori
  • Darlunydd llyfrau plant
  • Cyn-gynhyrchu animeiddio a gêm / datblygiad gweledol
  • Dylunydd cymeriad
  • Artist cysyniad
  • Artist cefndir
  • Dylunydd propiau 

Y Sgiliau a Ddysgir

  • Meddylfryd dylunio creadigol
  • Dyluniad cymeriad
  • Lluniadu a gwneud marciau
  • Theori lliw
  • Gwneud printiau
  • Ymchwil a datblygu syniadau
  • Cyfathrebu proffesiynol 

Uchafbwyntiau’r Cwrs

Profiad o’r byd go iawn

Mynnwch brofiad o’r diwydiant trwy gydol eich cwrs gyda lleoliadau gwaith, briffiau byw, teithiau maes a siaradwyr gwadd.

Cyfleusterau Arbennig

Dysgwch eich crefft drwy ddefnyddio offer a meddalwedd broffesiynol yn ein stiwdios sydd o safon ddiwydiannol.

Canolbwyntio ar y diwydiant

Datblygwch bortffolio sy’n sefyll allan a dysgwch y sgiliau masnachol a’r prosesau sydd eu hangen ar gyflogwyr.

Staff Cefnogol

Yn ôl ein myfyrwyr, mae’r staff yn darparu cefnogaeth wych. Mae’n hawdd mynd atynt ac maent wastad at gael i helpu.

Trosolwg o’r Modiwl

Byddwch yn effro i fywyd bywiog darlunio wrth i chi ddatblygu eich ieithwedd weledol a’ch sgiliau artistig. Paratowch i gymryd rhan yn y diwydiant drwy brosiectau byw a lleoliadau gwaith, byddwch yn datblygu portffolio a phrofiadau proffesiynol fydd yn eich cynorthwyo chi i ddod o hyd i’ch swydd ddelfrydol o fewn y diwydiannau darlunio / creadigol.

Blwyddyn Un 
Lliw a Chyfathrebu ar gyfer Darlunio 
Sgiliau Gweledol 
Hanfodion Darlunio 
Astudiaethau Cyfathrebu 1 

Blwyddyn Dau 
Darlunio er Llenyddiaeth a Gwybodaeth
Lle a Chynnyrch ar gyfer Darlunio 
Darlunio ar gyfer y Ddelwedd Symudol 
Astudiaethau Cyfathrebu 2  

Blwyddyn Tri 
Prosiect Ymchwil Beirniadol drwy Draethawd Estynedig 
Eich Prosiect Mawr Terfynol 
Astudiaethau Cleient 
Arferion Proffesiynol a Hyrwyddol 
Briff cystadleuaeth 

Byddwch yn derbyn sylfaen drylwyr i’ch astudiaethau wrth i chi ddysgu am y modd y gall eich medrau darlunio gael effaith yn y byd go iawn, gan ddod o hyd i’ch iaith weledol eich hun wrth i chi gael eich ymdrwytho mewn i’r pwnc. Dysgwch y ddamcaniaeth sylfaenol sy’n sail i’ch datblygiad ymarferol ac ewch i’r afael â medrau academaidd allweddol.

Lliw a Chyfathrebu ar gyfer Darlunio 
Ymchwiliwch i ddamcaniaeth lliw a seicoleg lliw er mwyn eich cynorthwyo chi i gyfathrebu eich syniadau a chynyddu eich gallu i ddweud stori mewn dull gweledol. 

Sgiliau Gweledol 
Treuliwch amser yn y stiwdio yn datblygu eich arddull darlunio chi eich hun, eich ieithwedd weledol ac arddull adrodd stori, gan arbrofi gydag ystod eang o gyfryngau a thechnegau gwneud marciau ac arddulliau darlunio. 

Hanfodion Darlunio 
Ymchwiliwch i mewn i’r modd y mae darlunio’n cael ei gymhwyso o fewn y diwydiant cyfathrebu gweledol a darlunio, tra hefyd yn ystyried eich ieithwedd weledol, eich cynulleidfa darged a marchnadoedd. 

Astudiaethau Cyfathrebu 1 
Ymchwiliwch i fudiadau artistig a dylunio allweddol y gorffennol, sy’n ysbrydoli eich arferion celf chi eich hun, wrth ddatblygu sgiliau mewn ymchwil beirniadol, dadansoddi ac ysgrifennu academaidd. 

Defnyddiwch eich crefft mewn dulliau mwy mentrus. Datblygwch ddealltwriaeth fasnachol o ystod o ddiwydiannau y gallech gael effaith arnynt drwy eich gwaith darlunio.

Darlunio er Llenyddiaeth a Gwybodaeth 
Archwiliwch y berthynas rhwng y darlunydd, y cleient ac asiant, gan archwilio’r maes darlunio ar gyfer llenyddiaeth, darlunio golygyddol, a darlunio a all roi gwybodaeth i’r gynulleidfa. 

Lle a Chynnyrch ar gyfer Darlunio 
Ymchwiliwch sut y gall darlunio berswadio neu ddenu cynulleidfaoedd newydd mewn perthynas â lleoedd, cynnyrch a brandiau wrth i chi ymateb i friff sy'n cyd-fynd â’r diwydiant. 

Darlunio ar gyfer y Ddelwedd Symudol 
Dysgwch sut i ddyrchafu eich delweddau gyda symudiad, gan archwilio rôl y darlunydd wrth gynhyrchu animeiddiad a delweddau symudol, archwiliwch ddylunio cymeriad, hanfodion animeiddio, gwneud gif a realiti estynedig. 

Astudiaethau Cyfathrebu 2 
Datblygu dealltwriaeth uwch o gyd-destunau darlunio, eu pwrpas a’u cymwysiadau, gyda phwyslais ar gyfryngau cymdeithasol a thueddiadau yn y diwydiannau creadigol. 

Paratowch i gymryd rhan yn y diwydiant wrth i chi weithio ar friffiau byw a phrosiectau sydd wedi eu teilwra ar gyfer eich diddordebau a’ch gobeithion chi eich hun. Byddwch yn cymryd rhan mewn lleoliad gwaith, byddwch yn cynyddu eich portffolio ac yn datblygu eich brand eich a’ch hunaniaeth eich hun ar y cyd â’r sgiliau proffesiynol sydd eu hangen arnoch i lansio gyrfa yn y byd darlunio.

Prosiect Ymchwil Beirniadol drwy Draethawd Estynedig 
Cysylltwch ymchwil academaidd ac ymarfer creadigol wrth i chi wneud prosiect ymchwil parhaus mewn maes sy'n ymwneud â darlunio a/neu ddylunio. 

Eich Prosiect Mawr Terfynol 
Datblygwch brosiect hunan-gyfeiriedig, neu gorff proffesiynol o waith yn seiliedig ar eich cryfderau, eich diddordebau a’ch dyheadau gyrfa, gan gyflwyno eich gwaith i lefel broffesiynol. 

Astudiaethau Cleient 
Byddwch yn ymgymryd â lleoliad gwaith 70 awr yn y diwydiant neu byddwch yn cwblhau briff prosiect byw a ddarperir gan bartner yn y diwydiant, gan ddangos eich bod yn barod i weithio o fewn y diwydiant. 

Arferion Proffesiynol a Hyrwyddol 
Byddwch yn meithrin sgiliau hanfodol ar gyfer y darlunio’n llawrydd. Meistrolwch y grefft o hunan-hyrwyddo gyda gwefan a chyfryngau cymdeithasol i hybu eich cyflogadwyedd. 

Briff Cystadleuaeth
Cyfle arall i gynyddu eich arbenigedd proffesiynol ac i sicrhau bod llawer o bobl yn gweld eich gwaith. Mae ein myfyrwyr yn gyson lwyddiannus mewn llawer o wobrau a chystadlaethau cenedlaethol. 

Uchafbwyntiau’r Cwrs

Sut byddwch chi’n dysgu

Bydd eich profiad ar y cwrs yn adlewyrchiad agos o arferion y diwydiant, ac felly yn eich paratoi ar gyfer cyflogaeth yn y byd go iawn. Byddwch yn treulio tua 80% o'ch amser yn y stiwdio, yn meithrin eich sgiliau ymarferol ac yn gweithio ar eich portffolio. Mae gweithwyr proffesiynol y diwydiant yn ymuno'n aml i gyflwyno prosiectau byw, gan gynnwys gwaith grŵp. Mae'r cwrs yn addasu i dueddiadau’r diwydiant, gan roi rhyddid creadigol i chi fynd i'r afael â briffiau mewn gwahanol gyfryngau. Ymdrinnir â damcaniaeth mewn darlithoedd a seminarau rhyngweithiol, a chaiff eich dealltwriaeth ei hasesu trwy waith cwrs ysgrifenedig a chyflwyniadau – nid oes arholiadau. 

Y staff dysgu

Mae ein staff yn arweinwyr o fewn y diwydiant ac mae ganddynt brofiad o’r byd go iawn, yn cynnwys cyfarwyddwr animeiddio gynt gyda Disney a Nickelodeon a darlunydd gyda chylchgronau a phapurau newyddion rhyngwladol. Byddant yn eich cynorthwyo chi i ddarganfod ac i gywreinio eich arddull greadigol unigryw chi eich hun, ac yn cynnig cyfarwyddyd personol fydd yn gweddu i’ch talentau. Gyda’u cysylltiadau â’r diwydiant byddwch yn gallu manteisio ar leoliadau gwaith gwerthfawr, briffiau byw, a phrosiectau gwadd. Yn ogystal â hyn maent ar gael o hyd i roi cefnogaeth bersonol i chi drwy gydol eich taith. 

Lleoliadau Gwaith a Phrofiad Gwaith

Drwy gydol eich amser ar y cwrs, bydd gennych ystod eang o gyfleoedd ar gyfer lleoliadau gwaith. Yn eich trydedd flwyddyn, byddwch yn mynd i’r afael â phrosiect mawr gydag arweinwyr o fewn y diwydiant megis Cloth Cat Animation, Grŵp Lluniau Hachette, neu Amgueddfa Genedlaethol Cymru. Byddwch hefyd yn cyfrannu at Ŵyl Trochi adnabyddus Prifysgol De Cymru, gan ddarlunio murluniau a mapiau ar gyfer yr ŵyl. Bydd staff y cwrs a’n tîm gyrfaoedd yn eich helpu i drefnu lleoliadau ychwanegol os oes gennych ddiddordeb. Mae cyn-fyfyrwyr wedi gweithio i Orielau Celf Efrog Newydd, wedi dysgu celf trwy gyfrwng y Gymraeg ym Mhatagonia, wedi dylunio bagiau ar gyfer graddedigion Prifysgol De Cymru, ac wedi arwain gweithdai celf gydag ysgolion a grwpiau cymunedol lleol. 

Cyfleusterau

wedi i chi allu manteisio ar yr offer a’r dechnoleg ddiweddaraf sydd gan y brifysgol byddwch yn barod i weithio o fewn y diwydiant. Yng nghanolfan greadigol ein campws yng Nghaerdydd, byddwch yn gweithio gyda stiwdios proffesiynol. Byddwch hefyd yn gallu defnyddio ardaloedd cydweithio cymdeithasol, ystafell Mac gyda thabledi darlunio a meddalwedd Adobe, ac offer arbenigol fel argraffu digidol Risograph, argraffwyr 3D, a thorwyr laser. Bydd y profiad ymarferol hwn yn eich paratoi i gychwyn yn syth bin mewn unrhyw stiwdio y byddwch yn ymuno â hi. 

Offer

Ar ein Campws yng Nghaerdydd, mae gennym ni amrywiaeth eang o offer y byddwch chi'n cael eich hyfforddi i'w defnyddio fel rhan o'ch cwrs. I helpu i gefnogi eich astudiaethau, mae gennym gyfleuster Benthyca Offer Cyfryngau sy'n eich galluogi i logi'r offer, am ddim, fel y gallwch eu defnyddio ar gyfer eich aseiniadau a'ch gwaith ymarferol. Mae gennym ni gamerâu ffilm a ffotograffiaeth sylfaenol ac o’r radd flaenaf, offer goleuo a sain cludadwy yn ogystal ag amrywiaeth o ficroffonau a ddefnyddir mewn stiwdios proffesiynol, offerynnau ac offer cysylltiedig i'w defnyddio yn ein stiwdios cerddoriaeth neu ar leoliad. Mae'r tîm o swyddogion technegol a hyfforddwyr hefyd ar gael i'ch helpu gydag unrhyw ymholiadau a materion technegol.

Gyrfaoedd a Chyflogadwyedd

Cefnogaeth gyrfa

Mae'r cwrs wedi'i gynllunio i'ch paratoi ar gyfer gyrfa lwyddiannus mewn darlunio ac mae’n canolbwyntio’n gryf ar sgiliau ymarferol sy'n berthnasol i'r diwydiant. Byddwch yn cael profiad ymarferol gydag arferion ac offer o safon diwydiant tra hefyd yn dysgu sut i farchnata'ch hun a thrin yr ochr fusnes o weithio'n llawrydd. Byddwch yn cael cyfleoedd i feithrin perthynas â gweithwyr proffesiynol y diwydiant, a allai arwain at gomisiynau o brosiectau byw a lleoliadau. Hefyd, mae ein tîm gyrfaoedd ymroddedig yma i'ch helpu chi i ddod o hyd i gyfleoedd gwaith a dilyn trywydd y cyfleoedd hynny, sy'n golygu eich bod chi wedi eich paratoi'n dda ar gyfer y byd creadigol deinamig. 

Gyrfaoedd i raddedigion

Byddwch yn tyfu’n berson creadigol hyderus, hyblyg, sy’n barod i ragori mewn amrywiaeth o rolau. Pa un ai ydych chi'n dyheu am fod yn ddarlunydd golygyddol neu'n ddarlunydd llyfrau plant neu efallai hoffech ymchwilio i’r syniad o greu animeiddiadau, neu gelf gêm fideo, dylunio cysyniadau, neu ddylunio pecynnau, mae'r cwrs hwn yn eich paratoi ar gyfer llwyddiant. Mae rhai graddedigion hyd yn oed yn ymestyn allan i feysydd unigryw fel tatŵio, peintwyr celfyddyd gain, neu ddysgu celf a dylunio i eraill. Bydd gennych le i ddarganfod eich nwydau a’ch cryfderau, a gyda’n rhwydwaith llwyddiannus o gyn-fyfyrwyr, mae’n bosibl y bydd eich gwaith yn cael ei arddangos yn fuan ochr yn ochr â’u gwaith nhw. 

Partneriaid o fewn y diwydiant

Bydd eich profiad o’r cwrs wedi ei ffurfio gan ein partneriaeth agos gyda phrif stiwdios a phobl broffesiynol y diwydiant. Rydym yn cadw mewn cysylltiad gyda’r partneriaid hyn er mwyn gallu rhoi’r diweddaraf i chi ynghylch tueddiadau o fewn y diwydiant, newidiadau diwylliannol a gofynion y cyflogwyr. Byddwch yn ymwneud â’r diwydiant mewn dull uniongyrchol drwy leoliadau gwaith, prosiectau byw, teithiau, a digwyddiadau rhwydweithio gyda phartneriaid megis stiwdios animeiddio Cloth Cat a Jammy Custard, Amgueddfa Genedlaethol Cymru ac amryw stiwdio yn Llundain. Byddwch hefyd yn gallu cymryd rhan mewn prosiectau sy’n cael effaith gymdeithasol gyda sefydliadau megis Music Declares Emregency, gwyliau megis PRINTES ac amryw o gystadlaethau. 

Gofynion mynediad

pwynt tariff UCAS: 96

Gofynion cymhwyster nodweddiadol:

  • Lefel A: CCC 
  • Bagloriaeth Cymru: Pasio Diploma Bagloriaeth Uwch Cymru gyda Gradd C yn y Dystysgrif Her Sgiliau a CC ar Lefel A gyda phwnc celf a dylunio perthnasol
  • BTEC: Diploma Estynedig BTEC Teilyngdod Teilyngdod mewn pwnc perthnasol 
  • Mynediad i AU: Pasio'r Diploma Mynediad i AU gydag o leiaf 96 pwynt tariff UCAS 

 

Gofynion ychwanegol:

TGAU: Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£15,850

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch
astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

* Rhwymedig

Mae PDC yn darparu amrywiaeth o ddeunyddiau sylfaenol, ond rydym yn eich annog i gael eich deunyddiau dewisol eich hun i'w defnyddio ar gyfer gwaith wedi'i gyfarwyddo.

Deunyddiau Lluniadu:

  • Set o bensiliau graffit (yn amrywio o 2H i 6B) Pensiliau lliw o Pris Manwerthu a Argymhellir (RRP) £8
  • Pennau blaen ffelt RRP £10
  • Pennau llinellu cain (meintiau nib amrywiol) RRP £8.99
  • Pen brwsh RRP £4
  • Rhwbiwr RRP £1.99
  • Naddwr RRP £3
  • Ffon fesur fetel £2.99
  • Dolen Llafn Sgalpel (gyda Llafnau 10A ) RRP £4.99

Cyflenwadau Paentio:

  • Paentiau dyfrlliw (set fach o diwbiau neu set badell) Brwshis Paent o (meintiau a siapiau amrywiol) RRP £13.99
  • Palet ar gyfer cymysgu lliwiau RRP £5.25
  • Cynwysyddion dŵr

Offer Digidol:

  • Gyriant bawd allanol ar gyfer ffeiliau wrth gefn (32GB neu uwch) RRP £14.99

Amrywiol:

  • Ffolder Portffolio A3 neu ffolder ar gyfer storio a chyflwyno eich gwaith celf RRP £6.99
  • Bag braslunio neu fag ysgwydd i gario eich deunyddiau
  • Llyfr Braslunio A4 Personol RRP £3.99
  • Llyfr Braslunio A3 Personol RRP £5.99
  • Llyfr nodiadau a phen ar gyfer cymryd nodiadau yn ystod dosbarthiadau a beirniadaethau (ar wahân i'ch llyfr braslunio) RRP £2.00

Cost: I fyny at £150

Wrth i'r cwrs fynd rhagddo, mae'n ddefnyddiol cael eich gliniadur eich hun, ond bydd gennych fynediad at yr holl gyfarpar TG dros y tair blynedd. Mae costau gliniadur yn amrywio yn dibynnu ar eich dewisiadau a'ch cyllideb eich hun.

Cost: I fyny at £300

Weithiau, efallai y bydd gofyn i chi argraffu canlyniadau darluniadol ar gyfer modiwlau penodol, briffiau byw, cyflwyniadau i gleientiaid neu asesiadau. Mae'r costau'n amodol ar ofynion unigol.

Cost: I fyny at £200

Bydd teithiau maes sy'n rhan o ddysgu craidd yn cael eu talu gan y cwrs. Trefnir ymweliadau ychwanegol o bryd i'w gilydd sy'n ddewisol ac efallai y gofynnir i fyfyrwyr rannu'r costau. Bydd y teithiau dewisol hyn yn amrywio o £20 ar gyfer teithiau lleol i £500 ar gyfer teithiau rhyngwladol.

Cost: I fyny at £500

Benthyca Offer Cyfryngau

Gallwch logi amrywiaeth o offer, ar gyfer eich aseiniadau a’ch gwaith ymarferol, am ddim o’n cyfleuster Benthyca Offer Cyfryngau.

Benthyca Offer Cyfryngau

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

ba-illustration-nss

Roedd 92% o fyfyrwyr BA (Anrh) Darlunio PDC yn fodlon ar eu cwrs. (Arolwg Cenedlaethol o Fyfyrwyr 2024)

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Cyrsiau Cysylltiedig

Cyfathrebu Graffeg - BA (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.