Theatr a Drama

Sut y byddwch chi'n dysgu

Byddwch yn ymchwilio’r damcaniaethau, y confensiynau ac ymagweddau’r theatr mewn ffordd academaidd ac ymarferol, a fydd yn gymorth i chi ddatblygu eich sgiliau proffesiynol a galwedigaethol. Bydd yr asesiadau’n cynnwys tasgau ymarferol ac ysgrifenedig gan gynnwys perfformiadau, cyflwyniadau a thraethodau. 

Byddwch yn cael profiad o weithdai ac yn cymryd rhan mewn cynyrchiadau ac ymarferion a gyfeirir gan staff a than arweiniad myfyrwyr ar ein campws yng Nghaerdydd, gan feithrin eich sgiliau wrth fynd ymlaen. Yn y pen draw, byddwch yn creu ac yn cynhyrchu gwaith dan gyfarwyddyd myfyrwyr mewn grwpiau i’w berfformio yn yr Ŵyl Ymylol a Gŵyl Trochi. 

Y Staff Dysgu

Dysgwch gan ein tîm o weithwyr proffesiynol sy’n brofiadol o fewn y diwydiant ac sy'n dod o gefndiroedd sy'n cwmpasu ysgrifennu sgriptiau, actio ar gyfer y llwyfan a'r sgrin, cerddoriaeth a pherfformio, dyfeisio ac ysgrifennu academaidd a pherfformio. Rydym yn dod ag arbenigwyr diwydiant i’r cwrs ar gyfer dosbarthiadau meistr ac yn gweithio'n agos gyda chi er mwyn eich helpu chi i ddatblygu eich diddordebau. 

Bydd y tîm yn eich cynorthwyo i fynegi eich hunaniaeth mewn amgylchedd cynhwysol trwy arferion creadigol, gan dynnu ar eu cyfoeth o brofiad. 

Lleoliadau gwaith a Phrofiad gwaith

Byddwch yn gwneud o leiaf un lleoliad gwaith o fewn y diwydiant fel rhan o'ch cwrs gradd, a bydd yn amrywio o 30 i 70 awr. Y bwriad yw eich cynorthwyo i greu cysylltiadau gwerthfawr a rhoi hwb i'ch gyrfa greadigol. Mae yno gynllun menter sy’n darparu cymorth os ydych am ddatblygu gyrfa lawrydd. 

Mae ein perthynas agos â sîn greadigol, fywiog Caerdydd yn golygu ein bod yn adnabod llawer o’r enwau mawr. Mae myfyrwyr blaenorol wedi treulio amser gyda Hijinx a Theatr y Sherman. Hefyd, mae’r brifysgol yn cynhyrchu Menter Gŵyl Ymylol Caerdydd ac yn cefnogi Gŵyl Trochi, gan roi cyfle i fyfyrwyr greu perfformiadau proffesiynol anhygoel fel rhan o’u hastudiaethau. 

Cyfleusterau

Mae’r Atrium yn gartref i theatr 160 sedd ynghyd ag ystafelloedd ymarfer a stiwdios o safon broffesiynol ar y campws yng nghanol Caerdydd. Mae ein labordai arloesi yn cefnogi rhith-gynhyrchu a theatr drochi – sydd ar flaen y gad o ran arfer broffesiynol gyfredol. 

Mae yna lyfrgell a Pharth Cynghori wedi’u hadnewyddu, gyda digon o ddewisiadau bwyd a diod ac undeb myfyrwyr, y Zen Bar. 

Hefyd, byddwch yn cael eich trwytho o fewn un o fannau creadigol mwyaf bywiog y Deyrnas Unedig. Mae ardal Caerdydd wedi bod yn gartref i amrywiaeth o gynyrchiadau teledu, gan gynnwys Sex Education, Dr Who a His Dark Materials ac mae ganddi sîn perfformiad byw lewyrchus iawn, rhywbeth sy’n  hyfryd i fyfyrwyr ei wylio a chymryd rhan ynddo. 

Offer

Ar ein Campws yng Nghaerdydd, mae gennym ni amrywiaeth eang o offer y byddwch chi'n cael eich hyfforddi i'w defnyddio fel rhan o'ch cwrs. I helpu i gefnogi eich astudiaethau, mae gennym gyfleuster Benthyca Offer Cyfryngau sy'n eich galluogi i logi'r offer, am ddim, fel y gallwch eu defnyddio ar gyfer eich aseiniadau a'ch gwaith ymarferol. Mae gennym ni gamerâu ffilm a ffotograffiaeth sylfaenol ac o’r radd flaenaf, offer goleuo a sain cludadwy yn ogystal ag amrywiaeth o ficroffonau a ddefnyddir mewn stiwdios proffesiynol, offerynnau ac offer cysylltiedig i'w defnyddio yn ein stiwdios cerddoriaeth neu ar leoliad. Mae'r tîm o swyddogion technegol a hyfforddwyr hefyd ar gael i'ch helpu gydag unrhyw ymholiadau a materion technegol.