Ar gael yn Clirio BA (Anrh)

Dylunio Mewnol

Ewch ati i drawsnewid syniadau creadigol yn ddylunio mewnol ystyrlon trwy gynaliadwyedd, arloesedd ac ymarfer proffesiynol.

Sut i wneud cais Gwneud gais drwy UCAS Trefnu Diwrnod Agored Sgwrsio gyda ni
Lluniwch y ffordd mae pobl yn profi'r mannau o'u cwmpas.
Lluniwch y ffordd mae pobl yn profi'r mannau o'u cwmpas.

Côd UCAS

W250

Dyddiad Cychwyn

Medi 2027

Lleoliad

Caerdydd

Côd y Campws

B

Pwyntiau UCAS

96


Myfyrwyr rhyngwladol: £17,600*

Côd UCAS

W252

Dyddiad Cychwyn

Medi 2027

Lleoliad

Caerdydd

Côd y Campws

B

Pwyntiau UCAS

96

Sut i wneud cais Trefnu Diwrnod Agored

Trosolwg o'r Cwrs

Dewch yn ddylunydd mewnol hyderus, creadigol a phroffesiynol drwy addysgu sy'n canolbwyntio ar y diwydiant, briffiau byw a dysgu ymarferol.

Byddwch yn datblygu'r sgiliau meddwl ymarferol, technegol a beirniadol sydd eu hangen i ddylunio mannau ysbrydoledig a chynaliadwy, wrth feithrin arbenigedd mewn cyfathrebu gweledol, offer dylunio digidol ac ymarfer proffesiynol. Gyda ffocws cryf ar gyfrifoldeb cymdeithasol ac amgylcheddol, byddwch yn graddio'n barod i ffynnu yn y diwydiant dylunio mewnol.

Cydnabyddir gan

Cydnabyddir gan Gymdeithas Dylunio Mewnol Prydeinig a Rhyngwladol (SBID)

Pam astudio'r cwrs hwn?

Gweithio ar friffiau byw

Cydweithiwch â phartneriaid yn y diwydiant ar friffiau byw, gan ennill profiad ymarferol yn y byd go iawn trwy ein rhwydwaith proffesiynol.

Ffocws ar gynaliadwyedd

Dyluniwch gyda phwrpas. Mae cyfrifoldeb cymdeithasol ac amgylcheddol wrth galon y cwrs hwn, gyda llawer o brosiectau’n seiliedig ar ailddefnyddio adeiladau a mannau presennol mewn modd addasol gydag agenda glir ar gyfer cadwraeth.

Profiad y defnyddiwr sy'n bwysig

Dysgwch sut i ddylunio gyda phrofiad a lles y defnyddiwr wrth graidd prosiectau dylunio.

Cysylltiadau gydol oes

Ymunwch â chymuned ddylunio gefnogol gyda rhwydwaith cryf o gyn-fyfyrwyr sy'n cyfrannu'n ôl at y cwrs i rannu eu gwybodaeth.

Beth fyddwch chi'n ei astudio

Gosodwch y sylfaen ar gyfer eich gradd, gan gwmpasu sgiliau hanfodol fel lluniadu, dylunio, dadansoddi adeiladu a sgiliau ymchwil.

Byddwch yn archwilio materion allweddol fel cynaliadwyedd, hygyrchedd a phrofiad y defnyddiwr, yn dechrau datblygu eich arddull weledol, ac yn dysgu creu modelau digidol a ffisegol a defnyddio meddalwedd diwydiant.

Archwiliwch gysyniadau dylunio mewnol allweddol a chreu gwaith gyda rhesymeg ddiffiniedig. Dysgwch drwy wneud drwy friffiau prosiect sy'n datblygu eich dealltwriaeth o geometreg 3D a chyfluniad gofodol.

Dysgwch sut i gyfleu syniadau dylunio yn weledol ar wahanol adegau yn y broses ddylunio gan ddefnyddio sgiliau modelu analog a digidol.

Dewch i ddeall sut y gall amgylcheddau mewnol effeithio ar ddefnyddwyr. Astudiwch swyddogaethau ac egwyddorion elfennau mewnol adeiladau, trefniadaeth ofodol, deunyddiau, hygyrchedd ac ergonomeg.

Dysgwch sut i luniadu elfennau mewnol adeiladau i raddfa a chynrychioli gofod 3D fel 2D. Dysgwch sut i lunio cynlluniau, adrannau, gweddluniau, a chreu tafluniadau 3D a golygfeydd persbectif, â llaw yn gyntaf, yna'n ddigidol gan ddefnyddio AutoCAD. 

Dysgwch sut i ddadansoddi, ymchwilio, a thrafod gwrthrychau a syniadau wedi'u dylunio o ran eu dyluniad, cynhyrchiad neu ddefnydd. Astudiwch brosiectau cynsail i ddeall sut mae dylunio'n berthnasol i'w gyd-destun.

Archwiliwch sut y gall dylunio fynd i'r afael â materion amgylcheddol, cymdeithasol a moesegol. Ystyriwch sut mae eich arfer dylunio eich hun yn berthnasol i'r heriau hyn.

Mae Blwyddyn Dau yn ymestyn y sgiliau ymarferol a deallusol a ddatblygwyd gennych yn y flwyddyn gyntaf ac yn eich gwthio tuag at fwy o annibyniaeth yn eich gwaith.

Mae Blwyddyn Dau yn canolbwyntio mwy ar ddiwydiant, gan roi gwell dealltwriaeth i chi o safonau proffesiynol a disgwyliadau’r diwydiant, gan gynnwys sut i fynd ati i ddylunio adeilad rhestredig. Os dewiswch leoliad rhyngosod neu brofiad gwaith tymor byr, fe gewch gefnogaeth i ddatblygu eich portffolio a CV.

Gwellwch eich meddwl creadigol a strategol mewn ymateb i friff. Enillwch annibyniaeth gynyddol wrth i chi archwilio cysyniadau dylunio a dulliau cyflwyno gweledol.

Dysgwch uwch dechnegau cyflwyno, rhai analog a digidol. Cynhaliwch astudiaeth dichonoldeb, archwilio strategaethau brandio gweledol, a chreu delweddau cymhellol sy'n cipio hanfod hunaniaeth weledol prosiect.

Meistrolwch dechnegau lluniadu a manyleb cynhyrchu allweddol y diwydiant. Aseswch ac aliniwch eich sgiliau â'ch nodau gyrfa i baratoi ar gyfer y byd proffesiynol.

Dyfnhewch eich sgiliau ymchwilio a dadansoddi. Archwiliwch gyd-destunau a chysyniadau dylunio mewnol yn fanylach. Gwellwch eich galluoedd cyfathrebu a rheoli prosiect yn unigol ac mewn tîm.

Dysgwch yr egwyddorion cadwraeth i'w dilyn wrth ymdrin ag adeiladau o arwyddocâd cymdeithasol neu hanesyddol, megis adeiladau rhestredig a gwarchodedig. Dysgwch am gynaliadwyedd wrth warchod yr amgylchedd adeiledig ac wrth ddewis deunyddiau.

Mae Blwyddyn Tri yn eich galluogi i ddod yn ddylunydd annibynnol, yn ymwybodol o’ch nodau eich hun, yn ogystal â’r effaith y gallwch ei chael fel dylunydd. Mae Blwyddyn Tri yn eich paratoi ar gyfer diwydiant.

Trwy ein rhwydwaith helaeth o gyn-fyfyrwyr a chysylltiadau â’r diwydiant, rydym yn canolbwyntio ar bontio o’r brifysgol i’r gweithle. Eich Prosiect Mawr Terfynol yw eich cyfle i weithio ar brosiect sy'n canolbwyntio ar eich diddordebau fel Dylunydd, gyda chefnogaeth academyddion Dylunio Mewnol PDC a mentoriaid diwydiant. Am y rhesymau hyn, mae llawer o fyfyrwyr yn cael swydd yn y diwydiant yn fuan ar ôl graddio. 

Crëwch brosiect mawr o'ch dewis, gan arddangos yr holl sgiliau rydych chi wedi'u dysgu trwy gydol y cwrs. Dyma'ch cyfle i ddisgleirio gyda phrosiect terfynol, manwl. 

Dysgwch sut i gynhyrchu lluniadau technegol gan ddilyn safonau'r diwydiant sy'n esbonio ac yn mesur y cynllun dylunio a phrif elfennau mewnol eich prosiect mawr, gan gynnwys manylion technegol, gosodiadau gorffeniadau, a chynlluniau bondo adlewyrchiedig sy'n integreiddio sgematig goleuo.

Canolbwyntiwch ar adeiladu eich proffil proffesiynol trwy ddylunio gwaith ar gyfer briff cystadleuaeth a chynllunio'r arddangosfa diwedd blwyddyn. Gwellwch eich portffolio a chael sylw yn y diwydiant.

Archwiliwch bwnc o ddiddordeb o'ch dewis gydag ymchwil drylwyr. Datblygwch ddadl resymegol, gan arwain at bapur 5,000 o eiriau.

Dysgwch am y materion ehangach sy'n ymwneud â'r diwydiant Dylunio Mewnol, gan gynnwys gofynion proffesiynol a safonau moesegol. Datblygwch sgiliau allweddol mewn rheoli prosiect ac adeiladwch eich proffil proffesiynol i baratoi ar gyfer eich gyrfa. 

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Os ydych chi'n frwd dros ddylunio mannau esthetig, hawdd eu defnyddio, dyma’r cwrs i chi. P'un a ydych chi wedi astudio celf neu ddylunio o'r blaen ai peidio, os ydych chi’n caru gweithio gyda lliw, gwead a deunyddiau, byddwch chi'n ffynnu yma.

Dysgwch drwy addysgu mewn stiwdio, briffiau diwydiant byw, gweithdai ymarferol, tiwtorialau ac ymweliadau safle, gan ddatblygu eich sgiliau mewn amgylchedd dylunio creadigol a chydweithredol.

Mae'r asesiad yn seiliedig ar waith cwrs ac wedi'i gynllunio i adlewyrchu ymarfer proffesiynol, gan gynnwys prosiectau dylunio, portffolios, cyflwyniadau, adroddiadau ac allbynnau ymarferol, heb arholiadau ffurfiol.

Adeiladwch eich portffolio, enillwch brofiad ymarferol a thyfwch eich rhwydwaith proffesiynol wrth i chi baratoi ar gyfer gyrfa mewn dylunio mewnol. Bydd ein Gwasanaeth Gyrfaoedd yn eich helpu i gryfhau eich CV, datblygu eich proffil proffesiynol a mireinio eich portffolio, tra bydd ein tîm Menter Myfyrwyr yn gallu eich cefnogi gyda gwaith llawrydd a dechrau busnes newydd. Gallwch hefyd gymryd lleoliad blwyddyn o hyd neu gyfle profiad gwaith, gydag arweiniad gan ein tîm Lleoliadau a'n staff academaidd. Mae myfyrwyr diweddar wedi sicrhau lleoliadau gyda sefydliadau gan gynnwys WSP, BBI Group a BAPTT Group.

Astudiwch mewn stiwdio dylunio mewnol bwrpasol ar gampws Caerdydd PDC, lle byddwch chi'n dysgu, yn creu ac yn datblygu eich prosiectau mewn amgylchedd dylunio proffesiynol. Cewch fynediad at offer lluniadu, deunyddiau a byrddau hanfodol, ochr yn ochr â llyfrgell gynnyrch a meddalwedd safonol y diwydiant gan gynnwys AutoCAD, Revit, Enscape ac Adobe Creative Cloud. Dewch â'ch syniadau'n fyw gan ddefnyddio cyfleusterau gweithgynhyrchu digidol a llaw, gan gynnwys torwyr laser ac argraffwyr 3D. Y tu hwnt i'r stiwdio, manteisiwch i'r eithaf ar fannau gwaith cydweithredol, mannau rhwydweithio a phodiau astudio tawel, sy'n cefnogi archwilio creadigol a gwaith academaidd â ffocws.

Arweinwyr y Cwrs

Aimee a Heddus

Arweinir y cwrs gan Aimee Ward a Heddus Davies, y mae eu harbenigedd cyfunol yn cwmpasu ymarfer dylunio mewnol, cynaliadwyedd, cadwraeth a hanes ac addysg dylunio. Gyda phrofiad helaeth yn y diwydiant ac o addysgu, mae ganddynt wybodaeth arbenigol ar draws prosiectau lletygarwch, masnachol, diwylliannol, addysgol a threftadaeth. Mae eu haddysgu yn annog creadigrwydd, meddwl beirniadol a datblygiad proffesiynol, tra bod cysylltiadau cryf â'r diwydiant yn helpu i lunio cynnwys y cwrs trwy brosiectau byw, cyfleoedd mentora a mewnwelediad y byd go iawn. Gyda'i gilydd, maent yn cefnogi myfyrwyr i ddod yn ddylunwyr meddylgar, medrus a chyfrifol yn gymdeithasol, wedi'u paratoi i gael effaith gadarnhaol ar bobl, lleoedd a'r blaned.

E-bostwich Aimee E-bostwich Heddus

Rhagolygon Gyrfa

Byddwch yn graddio gyda'r hyder, y sgiliau a'r portffolio i ddilyn gyrfaoedd ar draws darlunio a'r diwydiannau creadigol. Mae graddedigion wedi mynd ymlaen i weithio ym maes cyhoeddi, animeiddio, celf gemau fideo, dylunio cysyniad, dylunio pecynnu, addysgu, celfyddyd gain, tatŵio ac ymarfer llawrydd.

Eich gyrfa yn y dyfodol

Mae'r cwrs hwn yn eich paratoi ar gyfer ystod eang o gyfleoedd yn y diwydiannau creadigol. P'un a ydych chi'n anelu at weithio fel darlunydd llawrydd, creu gwaith celf ar gyfer cyhoeddi, comics, animeiddio neu gemau, neu barhau â'ch astudiaethau yn y brifysgol, byddwch yn datblygu'r sgiliau ymarferol, creadigol a phroffesiynol sydd eu hangen i adeiladu portffolio cryf a chymryd y cam nesaf tuag at yrfa mewn darlunio ac adrodd straeon gweledol.

Mae llwybrau gyrfa posibl yn cynnwys:

Darlunydd llyfrau
Artist byrddau stori
Dylunydd cymeriadau
Artist cysyniadau
Darlunydd llawrydd

Eich Gyrfa yn y Dyfodol

Gall gradd Darlunio agor cyfleoedd ar draws sector darlunio ehangach. Mae gyrfaoedd darlunio yn cynnig potensial enillion cryf:
 
Cyflog canolrifol
DU: £46.4k  y flwyddyn
Cymru: £42.3k y flwyddyn
 
Cyfanswm y swyddi yn 2025
DU: 1.14m
Cymru: 39,444
 
Ffynhonnell: Lightcast Labour Market Data 2026

design-illustration-students-6

"Dw i wedi cael cyfleoedd gwych yn y diwydiant, gan gynnwys prosiect gyda Music Declare’s Emergency, Cyngor Caerdydd a Sustainable Studios."

Meg Kingsbury, Myfyriwr Darlunio

Partneriaid diwydiant

Manteisiwch ar gysylltiadau cryf â'r diwydiant trwy brosiectau byw, lleoliadau, ymweliadau stiwdio, a chyfleoedd rhwydweithio ar draws darlunio, cyhoeddi, golygyddol, dylunio, animeiddio, a sefydliadau diwylliannol gan gynnwys amgueddfeydd ac orielau. Mae'r profiadau hyn yn eich helpu i adeiladu cysylltiadau proffesiynol, ennill mewnwelediad yn y byd go iawn, a datblygu'r sgiliau sydd eu hangen ar gyfer gyrfa yn y diwydiannau creadigol. 

Adeiladwch eich gyrfa eich hun

Nid oes rhaid i'ch gyrfa olygu gweithio i rywun arall. Os ydych chi eisiau gweithio'n llawrydd, dechrau busnes neu ddatblygu syniad, gall Menter PDC eich helpu gyda mentora un-i-un, gweithdai ymarferol a chyfleoedd ariannu drwy Gronfa Cychwyn Busnes Menter PDC.

Bydd gennych hefyd fynediad at fannau Stiwdio Sefydlu yn ein campysau yng Nghaerdydd, Casnewydd a Threfforest. Ar ôl graddio, gallwch gael aelodaeth am ddim am hyd at dair blynedd, gan roi gweithle i chi a rhwydwaith o sylfaenwyr eraill.

P'un a ydych chi'n dewis cyflogaeth, gweithio'n llawrydd neu ddechrau busnes, byddwn yn eich helpu i ddatblygu'r sgiliau, hyder a'r cysylltiadau i symud ymlaen.

 

Menter PDC

Sgiliau Allweddol

Ymarfer creadigol a chysyniadol
Meddwl dylunio creadigol
Adrodd straeon gweledol a datblygu naratif
Arlunio a gwneud delwedd
Dyluniad nodau
Ymarfer proffesiynol 

Gofynion Mynediad

Mae gofynion ychwanegol yn cynnwys:

Mae'r dewis ar gyfer y cwrs hwn yn seiliedig ar gais addas. Os nad ydych yn bodloni'r meini prawf mynediad, efallai y bydd gofyn i chi hefyd ddarparu portffolio o'ch gwaith i'n helpu i asesu eich addasrwydd ar gyfer y cwrs.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud caisDatganiad Derbyniadau Cyd-destunolGofynnwch gwestiwn i ni

96 Pwyntiau UCAS neu'n uwch

Gofynion cymhwyster nodweddiadol

Lefel A:
CCC

Bagloriaeth Cymru:
Pasio Diploma Bagloriaeth Uwch Cymru gyda Gradd C yn y Dystysgrif Her Sgiliau a CC ar Lefel A gyda phwnc celf a dylunio perthnasol

BTEC:
Diploma Estynedig BTEC Teilyngdod Teilyngdod mewn pwnc celf a dylunio perthnasol

Mynediad i AU:
Pasio'r Diploma Mynediad i AU mewn pwnc celf a dylunio perthnasol gydag o leiaf 96 pwynt tariff UCAS

Safon T:
Pasio (C ac uwch) mewn pwnc celf a dylunio perthnasol

Ffioedd a Chyllid

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

Offer

Gliniadur - Cost: £300-£1000
Offer neu ddeunyddiau celf sy'n gysylltiedig â gwaith darlunio/dylunio (e.e. sgwâr T, ac ati) - Cost: £10-£50

Ymweliadau â Safleoedd

Costau teithio sy'n gysylltiedig ag ymweliadau lleol â safleoedd (e.e. pris tocyn trên neu fysiau lleol/rhanbarthol, ac ati)

Cost: £0-£30

Teithiau Astudio

Dewisol – taith astudio grŵp yn y DU neu dramor (pris fesul taith astudio, dim mwy nag unwaith y flwyddyn)

Cost: £150-£600

Costau argraffu

Cost: £100

Ffi Rhyngwladol Rhan-amser £ 17,600

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

Offer

Gliniadur - Cost: £300-£1000
Offer neu ddeunyddiau celf sy'n gysylltiedig â gwaith darlunio/dylunio (e.e. sgwâr T, ac ati) - Cost: £10-£50

Ymweliadau â Safleoedd

Costau teithio sy'n gysylltiedig ag ymweliadau lleol â safleoedd (e.e. pris tocyn trên neu fysiau lleol/rhanbarthol, ac ati)

Cost: £0-£30

Teithiau Astudio

Dewisol – taith astudio grŵp yn y DU neu dramor (pris fesul taith astudio, dim mwy nag unwaith y flwyddyn)

Cost: £150-£600

Costau argraffu

Cost: £100

Beth sy'n ein gwneud ni'n wahanol?

Darganfod mwy

#1

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Three students studying in a pod in the library at Cardiff campus

Ar y brig am y 6ed flwyddyn yn olynol yng Nghymru ar gyfer busnesau newydd, a'r 7fed yn y DU. (HEBCIS) 

Benthyciadau Cyfryngau

Mynnwch fynediad at gamerâu, offer goleuo, sain ac offer recordio o safon y diwydiant, gyda chymorth gan ein gwasanaeth Benthyciadau Cyfryngau am ddim a thechnegwyr profiadol. Mae gennym bopeth sydd ei angen arnoch i'ch helpu i arbrofi, mireinio a dod â'ch gwaith yn fyw'n hyderus.

Archwiliwch ein cyfleusterau

Cyfleusterau dylunio

Gweithiwch mewn ystafelloedd Mac o safon y diwydiant gyda thabledi lluniadu a meddalwedd Adobe, gyda chefnogaeth staff technegol ymroddedig. Bydd gennych hefyd fynediad at gyfleusterau arbenigol argraffu a gwneud, sy'n eich helpu i ddod â'ch syniadau darlunio yn fyw.

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

  • Dylunio Mewnol

    • Gyda Blwyddyn Ryngosod, 4 blynedd

    • Medi

    • Caerdydd

    Apply direct

  • Dylunio Mewnol

    • Llawn Amser, 3 blynedd

    • Medi

    • Caerdydd

    Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Storïau Myfyrwyr

"Mae amrywiaeth y cwrs wedi ennyn fy niddordeb. Un diwrnod, rydyn ni’n dylunio bwrdd, y diwrnod nesaf, rydyn ni’n cynllunio dyluniad mewnol bwyty cyfan."

Filip Lewkowicz Myfyriwr Dylunio Mewnol

Gweld Proffil Myfyrwyr

Storïau Myfyrwyr

Mae'r cwrs wedi rhoi'r sgiliau a'r gwydnwch i mi gamu i fyd dylunio, ac rwy'n gyffrous i weld i ble bydd y llwybr hwn yn fy arwain.

Bruna Soares Myfyriwr Darlunio

Gweld Proffil Myfyrwyr

Straeon ac uchafbwyntiau cysylltiedig

Erthygl Newyddion

Sut mae ein myfyrwyr yn helpu i ddylunio tu mewn cyfleuster STEM newydd y Brifysgol sy'n werth miliynau o bunnoedd

Erthygl Newyddion

Mae myfyrwyr PDC yn dylunio ardal allweddol o adeilad newydd Calon ar ffurf prosiect traws-Gyfadran

Gwaith Myfyrwyr

Mae Gŵyl Raddedigion Creadigol yn arddangosfa ar-lein flynyddol sy'n dathlu gwaith myfyrwyr blwyddyn olaf o gyrsiau creadigol ledled Prifysgol De Cymru.

Barod i wneud cais?

Dal i archwilio eich opsiynau?

Bywyd Myfyrwyr Ein lleoliadau Llety