Seicoleg gyda Throseddeg

Safbwyntiau mewn Troseddeg: Troseddeg Ddatblygiadol
Yn canolbwyntio ar ganfod ffactorau risg/ffactorau gwarchodol a pham mae pobl yn cyflawni troseddau (rhesymau datblygiadol, biolegol, seicolegol a chymdeithasol), gan ystyried dulliau o ymyrryd er mwyn atal pobl rhag aildroseddu.

Y Tu Mewn i’r System Cyfiawnder Troseddol
Awn ar daith drwy’r system cyfiawnder troseddol, o arestio, y llys a’r ddalfa i ryddhau a pharôl. Byddwn yn ystyried y prosesau cyfreithiol ym mhob cam ac yn edrych ar sut gall gwahaniaethau unigol effeithio ar sut bydd pobl yn cael eu trin.   

Safbwyntiau Beirniadol mewn Seicoleg
Cyflwyniad i brif safbwyntiau’r BPS ynghylch seicoleg (yn y meysydd biolegol, gwybyddol, cymdeithasol a datblygiadol) ac effaith gwahaniaethau unigol ar ymddygiad, gyda phwyslais ar y prif ddulliau damcaniaethol a sut mae’r rhain yn dylanwadu ar ein dealltwriaeth.

Dulliau Ymchwilio a Thystiolaeth mewn Seicoleg*
Byddwn yn edrych ar y broses o wneud gwaith ymchwil moesegol mewn seicoleg a dadansoddi’r data a gynhyrchir. Byddwn yn edrych ar ddulliau meintiol ac ansoddol ill dau, gan eich paratoi i wneud gwaith ymchwil seicolegol yn y dyfodol.

*Mae modd astudio'r modiwl hwn 100% drwy gyfrwng y Gymraeg

Datguddio Troseddau Treisgar
Mae'r modiwl hwn yn ymchwilio i ddeinameg trais. Mae'n archwilio achosion sylfaenol, amlygiadau a chanlyniadau trais; a bydd hefyd yn cynnig cipolwg ar strategaethau atal effeithiol.

O’r Safle Trosedd i'r Llys: Ymchwilio i Droseddau
Nod y modiwl hwn yw rhoi’r wybodaeth ymarferol a’r cymhwysedd hanfodol i fyfyrwyr ar gyfer  waith ymchwiliol effeithiol, gan gwmpasu sbectrwm eang o dechnegau, tactegau a methodolegau ymchwiliol cyfoes o fewn maes ymchwiliadau cymhleth.

Ymarfer Proffesiynol a Chyflogadwyedd
Bydd cyfle i chi gael profiad gwaith, yn ogystal â meithrin sgiliau trosglwyddadwy a thrafod sut i ddod o hyd i waith.  

Tystiolaeth a Dulliau Datblygedig mewn Seicoleg
Byddwn yn edrych ar ddadansoddiadau ystadegol ac ansoddol manylach, gan ddatblygu ar y dulliau a gafodd sylw ym mlwyddyn gyntaf eich gradd.

O Gelloedd i Ymwybyddiaeth
Byddwn yn datblygu ar safbwyntiau beirniadol seicoleg a gafodd sylw yn eich blwyddyn gyntaf, gan edrych ar sut mae bioleg a’r ymennydd yn dylanwadu ar ymddygiad (e.e. sylw, cof, gwneud penderfyniadau), gan ystyried gwahaniaethau rhwng unigolion.

Datblygiad dros Rychwant Oes yn y Cyd-destun Cymdeithasol
Byddwn yn datblygu eich safbwyntiau beirniadol mewn seicoleg, gan edrych ar y ffactorau cymdeithasol a datblygiadol sy’n dylanwadu ar ein hymddygiad (e.e. agweddau a phriodoli), a chan ystyried ffactorau unigol.

Tu ôl i Fariau a Thu Hwnt: Archwilio Carchardai, Prawf ac Ailsefydlu (Dewisol)
Mae'r modiwl hwn yn darparu archwiliad manwl o hanes a defnydd cyfoes carcharu, gan fynd i'r afael â materion allweddol, dadleuon, a sail ddamcaniaethol sydd wedi llunio'r system gosbol yng Nghymru a Lloegr. Mae'n olrhain esblygiad carcharu o'i darddiad yng 'ngenedigaeth y carchar modern' i'w gymhwysiad heddiw.

Archwilio Lladdiadau: O Laddiadau Corfforaethol i Lofruddion Cyfresol (Dewisol)
Mae'r modiwl hwn yn cychwyn archwiliad manwl i'r cysyniad amlochrog o lofruddiaeth, gan ymchwilio i'w safbwyntiau cymdeithasol, cyfreithiol, ymchwiliol a seicolegol.

Torri'r Tawelwch: Archwilio Cam-drin Domestig a Thrais Rhywiol (Dewisol)
Nod y modiwl hwn yw rhoi dealltwriaeth gynhwysfawr i fyfyrwyr o drais yn erbyn menywod, cam-drin domestig a thrais rhywiol (VAWDASV), gan gynnwys archwilio safbwyntiau damcaniaethol.

Terfysgaeth, Diogelwch ac Eithafiaeth (Dewisol)
Esblygiad terfysgaeth a’r broses radicaleiddio. Byddwn yn edrych ar sut i fynd i’r afael ag eithafiaeth a sut i atal radicaleiddio, yn ogystal ag edrych ar drafodaethau am hawliau unigolion ochr yn ochr â chadw gwyliadwriaeth.  

Traethawd Estynedig Seicoleg
Byddwch yn cwblhau prosiect ymchwil annibynnol, gan ddatblygu ar y sgiliau y gwnaethoch eu dysgu drwy gydol eich gradd. Byddwch yn edrych ar bwnc sydd o ddiddordeb i chi, a chithau wedi’i ddewis gyda chymorth eich goruchwylwyr, sy’n arbenigo mewn amrywiaeth o feysydd.

Seicoleg Iechyd dros Rychwant Oes (Dewisol)
Byddwn yn edrych ar effaith bioleg, seicoleg a ffactorau cymdeithasol ar iechyd corfforol (afiechyd, gofal iechyd ataliol a lles) ac yn ystyried sut mae hyn yn amrywio dros rychwant oes ac yn unol â lefelau cyfrifoldeb unigolion.  

Seicoleg Addysg a Gwaith (Dewisol)
Byddwn yn canolbwyntio ar gymhwyso seicoleg yn ymarferol i addysg gyfoes, gan edrych ar dechnegau sy’n hybu llwyddiant academaidd a chan ystyried iechyd a lles addysgwyr.

Anhwylderau Seicolegol ac Ymyriadau Therapiwtig (Dewisol)
Byddwn yn edrych ar anhwylderau clinigol, fel anhwylderau bwyta, gorbryder, anhwylderau datblygiadol a sgitsoffrenia, gan werthuso’r arferion diagnostig a’r triniaethau yn hyn o beth.

Cymhwyso Seicoleg Gymdeithasol (Dewisol)
Byddwn yn edrych ar hunaniaeth gymdeithasol a sut gellir defnyddio hyn i wella amgylchiadau negyddol, gan archwilio effaith yr amgylchedd ar hunaniaeth gymdeithasol a defnyddio hyn i hybu ymddygiad cyfrifol, yn ogystal â pherthnasau cymdeithasol ar-lein.

Niwrowyddoniaeth a Niwroseicoleg Wybyddol (Dewisol)
Byddwn yn edrych ar effaith niwed i’r ymennydd ar brosesau gwybyddol, gan archwilio sut byddwn yn ymchwilio i ranbarthau niwroanatomegol, a chan ystyried ffactorau amgylcheddol ar yr un pryd.  

Seicoleg Fforensig (penodedig)
Byddwn yn canolbwyntio ar gymhwyso seicoleg fforensig gyfoes yn ymarferol, gan ystyried ymchwiliadau’r heddlu a gwasanaethau diogelwch, elfennau seicolegol y system cyfiawnder troseddol, ac elfennau seicolegol rheoli troseddwyr.