Seicoleg gyda Throseddeg

Yn canolbwyntio ar theorïau cymdeithasegol a datblygiadol cyfoes am drosedd yn erbyn cefndir y syniadau clasurol yn y maes.

Awn ar daith drwy’r system cyfiawnder troseddol, o arestio, y llys a’r ddalfa i ryddhau a pharôl. Byddwn yn ystyried y prosesau cyfreithiol ym mhob cam ac yn edrych ar sut gall gwahaniaethau unigol effeithio ar sut bydd pobl yn cael eu trin.

Cyflwyniad i brif safbwyntiau’r BPS ynghylch seicoleg (yn y meysydd biolegol, gwybyddol, cymdeithasol a datblygiadol) ac effaith gwahaniaethau unigol ar ymddygiad, gyda phwyslais ar y prif ddulliau damcaniaethol a sut mae’r rhain yn dylanwadu ar ein dealltwriaeth.

Byddwn yn edrych ar y broses o wneud gwaith ymchwil moesegol mewn seicoleg a dadansoddi’r data a gynhyrchir. Byddwn yn edrych ar ddulliau meintiol ac ansoddol ill dau, gan eich paratoi i wneud gwaith ymchwil seicolegol yn y dyfodol.

Mae modd astudio'r modiwl hwn 100% drwy gyfrwng y Gymraeg.

Mae'r modiwl hwn yn ymchwilio i ddeinameg trais. Mae'n archwilio achosion sylfaenol, amlygiadau a chanlyniadau trais; a bydd hefyd yn cynnig cipolwg ar strategaethau atal effeithiol.

Nod y modiwl hwn yw rhoi’r wybodaeth ymarferol a’r cymhwysedd hanfodol i fyfyrwyr ar gyfer  waith ymchwiliol effeithiol, gan gwmpasu sbectrwm eang o dechnegau, tactegau a methodolegau ymchwiliol cyfoes o fewn maes ymchwiliadau cymhleth.

Bydd cyfle i chi gael profiad gwaith, yn ogystal â meithrin sgiliau trosglwyddadwy a thrafod sut i ddod o hyd i waith.

Byddwn yn edrych ar ddadansoddiadau ystadegol ac ansoddol manylach, gan ddatblygu ar y dulliau a gafodd sylw ym mlwyddyn gyntaf eich gradd.

Byddwn yn datblygu ar safbwyntiau beirniadol seicoleg a gafodd sylw yn eich blwyddyn gyntaf, gan edrych ar sut mae bioleg a’r ymennydd yn dylanwadu ar ymddygiad (e.e. sylw, cof, gwneud penderfyniadau), gan ystyried gwahaniaethau rhwng unigolion.

Byddwn yn datblygu eich safbwyntiau beirniadol mewn seicoleg, gan edrych ar y ffactorau cymdeithasol a datblygiadol sy’n dylanwadu ar ein hymddygiad (e.e. agweddau a phriodoli), a chan ystyried ffactorau unigol.

Mae'r modiwl hwn yn darparu archwiliad manwl o hanes a defnydd cyfoes carcharu, gan fynd i'r afael â materion allweddol, dadleuon, a sail ddamcaniaethol sydd wedi llunio'r system gosbol yng Nghymru a Lloegr. Mae'n olrhain esblygiad carcharu o'i darddiad yng 'ngenedigaeth y carchar modern' i'w gymhwysiad heddiw.

Mae'r modiwl hwn yn cychwyn archwiliad manwl i'r cysyniad amlochrog o lofruddiaeth, gan ymchwilio i'w safbwyntiau cymdeithasol, cyfreithiol, ymchwiliol a seicolegol.

Nod y modiwl hwn yw rhoi dealltwriaeth gynhwysfawr i fyfyrwyr o drais yn erbyn menywod, cam-drin domestig a thrais rhywiol (VAWDASV), gan gynnwys archwilio safbwyntiau damcaniaethol.

Byddwn yn edrych ar effaith bioleg, seicoleg a ffactorau cymdeithasol ar iechyd corfforol (afiechyd, gofal iechyd ataliol a lles) ac yn ystyried sut mae hyn yn amrywio dros rychwant oes ac yn unol â lefelau cyfrifoldeb unigolion.

Byddwch yn cwblhau prosiect ymchwil annibynnol, gan ddatblygu ar y sgiliau y gwnaethoch eu dysgu drwy gydol eich gradd. Byddwch yn edrych ar bwnc sydd o ddiddordeb i chi, a chithau wedi’i ddewis gyda chymorth eich goruchwylwyr, sy’n arbenigo mewn amrywiaeth o feysydd.

Byddwn yn canolbwyntio ar gymhwyso seicoleg yn ymarferol i addysg gyfoes, gan edrych ar dechnegau sy’n hybu llwyddiant academaidd a chan ystyried iechyd a lles addysgwyr.

Byddwn yn edrych ar anhwylderau clinigol, fel anhwylderau bwyta, gorbryder, anhwylderau datblygiadol a sgitsoffrenia, gan werthuso’r arferion diagnostig a’r triniaethau yn hyn o beth.

Byddwn yn edrych ar hunaniaeth gymdeithasol a sut gellir defnyddio hyn i wella amgylchiadau negyddol, gan archwilio effaith yr amgylchedd ar hunaniaeth gymdeithasol a defnyddio hyn i hybu ymddygiad cyfrifol, yn ogystal â pherthnasau cymdeithasol ar-lein.

Byddwn yn edrych ar effaith niwed i’r ymennydd ar brosesau gwybyddol, gan archwilio sut byddwn yn ymchwilio i ranbarthau niwroanatomegol, a chan ystyried ffactorau amgylcheddol ar yr un pryd.

Byddwn yn canolbwyntio ar gymhwyso seicoleg fforensig gyfoes yn ymarferol, gan ystyried ymchwiliadau’r heddlu a gwasanaethau diogelwch, elfennau seicolegol y system cyfiawnder troseddol, ac elfennau seicolegol rheoli troseddwyr.