Seicoleg gydag Anhwylderau Datblygiadol

Mae’r modiwl hwn yn eich galluogi i werthfawrogi’n drylwyr y prif waith ymchwil sydd wedi llywio ein dealltwriaeth bresennol o seicoleg fel gwyddor, gan gyflwyno meysydd craidd y BPS, sef seicoleg wybyddol, fiolegol, gymdeithasol a datblygiadol. 

Byddwch yn cael eich cyflwyno i’r broses o wneud gwaith ymchwil yn y maes seicoleg, gan gynnwys dylunio, dadansoddi data, a chyflwyno canlyniadau, gan ddysgu am ddulliau gweithio ansoddol a meintiol ill dau.

Mae modd astudio'r modiwl hwn 100% drwy gyfrwng y Gymraeg.

Cyflwyniad i’r damcaniaethau a’r gwaith ymchwil sy’n gysylltiedig ag amrywiaeth o anhwylderau datblygiadol, yn benodol ADHD, ASC, DCD, dyscalcwlia, dyslecsia, ac anhwylder yn natblygiad y cydsymud.

Byddwn yn edrych ar y broses o sgrinio ac asesu gwahanol anhwylderau datblygiadol, gan ystyried y gwaith a wnaiff gwahanol asiantaethau a sefydliadau ar y cyd i hwyluso’r broses hon i blant ac oedolion. 

Y cyfle i gael profiad gwaith mewn sectorau penodol a/neu sgiliau cyflogadwyedd trosglwyddadwy sy’n gysylltiedig â damcaniaethau a gwaith ymchwil a gaiff sylw ym modiwlau eraill y cwrs, gan fyfyrio am rai o’r materion moesegol ac ymarferol sy’n gysylltiedig â hyn.

Byddwn yn datblygu ar y wybodaeth a ddysgwyd ym mlwyddyn gyntaf eich cwrs ynghylch methodoleg ymchwil, ystadegau, dadansoddi ansoddol a moeseg.

Byddwch yn datblygu dealltwriaeth feirniadol o sut mae ymddygiad yn gysylltiedig â phrosesau’r corff, a sut mae’r ymennydd yn dylanwadu ar ymddygiad, gan roi cyd-destun i hyn wrth gyfeirio at wahaniaethau rhwng unigolion a thrafodaethau hanesyddol.

Byddwch yn meithrin dealltwriaeth feirniadol o’r prif ddamcaniaethau a gwaith ymchwil yn y maes seicoleg gymdeithasol a datblygiadol, gan allu gwerthuso’n fwy beirniadol gyfraniad materion cysyniadol a hanesyddol at y ffyrdd presennol o feddwl.

Darn gwreiddiol o waith ymchwil lle bydd cyfle i chi gasglu a dadansoddi data, asesu materion moesegol yr ymchwil, archwilio dulliau ymchwil, a chyhoeddi eich canfyddiadau.

Byddwch yn datblygu gwybodaeth systematig a dealltwriaeth feirniadol o amrywiaeth o bynciau a materion ym maes seicoleg iechyd, a hynny yng nghyd-destun datblygiad dros rychwant oes.

Byddwch yn dysgu sut i feddwl yn feirniadol am safbwyntiau damcaniaethol ac ymchwil sy’n sail i seicoleg addysgol a galwedigaethol.

Byddwn yn gwerthuso modelau damcaniaethol ar gyfer anhwylderau seicolegol ac yn asesu’n feirniadol pa mor effeithiol yw gwahanol ymyriadau therapiwtig.

Byddwch yn datblygu gwerthfawrogiad beirniadol, systematig o sut gellir cymhwyso seicoleg yn y byd go iawn; gan gynnwys cyfraniad hunaniaeth gymdeithasol at y broses hon.

Byddwn yn edrych ar oblygiadau gwybyddol difrod i’r ymennydd a chlefydau ar yr ymennydd, ac yn archwilio’r dulliau presennol o ymchwilio i strwythur a swyddogaeth systemau a rhanbarthau’r ymennydd.

Byddwn yn edrych ar gyfraniad seicoleg at bob elfen yn y systemau cyfiawnder troseddol a chyfiawnder sifil ac yn mynd ati i werthuso hyn yn feirniadol.

Byddwn yn edrych ar gymhwyso yn y byd go iawn, gan ddefnyddio dulliau fel dysgu drwy ddatrys problemau, er mwyn ystyried amrywiaeth o safbwyntiau wrth weithio gydag unigolion sydd ag anhwylderau datblygiadol. Bydd hyn yn fodd o feithrin amrywiaeth o sgiliau hollbwysig ar gyfer cael eich cyflogi.

Byddwn yn ystyried yn feirniadol y damcaniaethau a’r gwaith ymchwil sy’n gysylltiedig â gwahanol ffyrdd o reoli a chefnogi amrywiaeth o anhwylderau datblygiadol, gan edrych ar y fframweithiau moesegol a’r fframweithiau polisi yn y maes.