This website uses cookies to improve your experience. Read our cookie policy

BSc (Anrh)

Seicoleg gydag Anhwylderau Datblygiadol

Mae’r BSc (Anrh) Seicoleg gydag Anhwylderau Datblygiadol yn rhoi sylw i bob maes angenrheidiol mewn seicoleg i gael sail raddedig ar gyfer aelodaeth siartredig o Gymdeithas Seicolegol Prydain.

Sut i wneud cais Gwneud Cais trwy UCAS Archebu Lle ar Ddiwrnod Agored Sgwrsio â Ni

Manylion Cwrs Allweddol

  • Côd UCAS

    9WQ4

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Côd UCAS

    9WQ3

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,535*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £785*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Byddwch hefyd yn astudio datblygiad niwroamrywiol ac amrywiaeth o anhwylderau datblygiadol, gan ddysgu sut mae’r rhain yn cael eu hasesu a pha ymyriadau y gallant eu cynnwys.

CYNLLUNIWYD AR GYFER

Bydd y radd hon yn eich helpu i ddechrau meithrin gwybodaeth arbenigol am anhwylderau datblygiadol a niwroamrywiaeth, gyda sylfaen seicolegol i hynny. Mae hefyd yn ddelfrydol i fyfyrwyr sydd eisiau cymhwyso dealltwriaeth seicolegol er mwyn helpu i greu newid mewn byd sydd wedi’i ddylunio ar gyfer unigolion niwronodweddiadol, a hynny mewn meysydd fel addysg, y sector cymdeithasol, neu’r trydydd sector.

Achredwyd gan

  • Cymdeithas Seicolegol Prydain

Llwybrau Gyrfa

  • Addysgwr Anghenion Dysgu Ychwanegol
  • Seicolegydd Addysgol 
  • Seicolegydd Clinigol 
  • Therapydd Iaith a Lleferydd
  • Therapydd Galwedigaethol 

Y sgiliau a addysgir

  • Cyfathrebu
  • Meddwl yn feirniadol
  • Rheoli prosiectau 
  • Ymarfer moesegol a myfyriol 
  • Gwaith ymchwil

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

A student applies an EEG to another student's scalp to measure the electrical activity in their brain in a psychology laboratory
A student wears the eyetracker glasses while looking at a projection on a whiteboard as part of an experiment in a psychology laboratory in Glyntaff campus
A close up of psychology equipment being used on a students hands in a practical session

Uchafbwyntiau’r Cwrs

Partneriaethau Allanol

Rydym yn gweithio gyda phartneriaid allanol, fel gwasanaethau seicoleg addysgol, i roi sail i’ch cwricwlwm ac i roi cyfleoedd i chi gwblhau gwaith ymchwil a fydd yn cael effaith.

Achrediad y BPS

Mae ein gradd BSc Seicoleg gydag Anhwylderau Dysgu wedi’i hachredu gan Gymdeithas Seicolegol Prydain (BPS) fel sail raddedig ar gyfer aelodaeth siartredig.

Lleoliadau

Bydd dysgu sy’n seiliedig ar ymarfer yn rhan ganolog o’r cwrs ym mhob blwyddyn, gyda chyfleoedd cyson i fynd ar leoliad, gan roi mantais gystadleuol i chi yn y dyfodol.

Cyfleusterau Rhagorol

Ymhlith y cyfleusterau mae labordy sydd wedi’i adeiladu’n benodol at y diben, clinig dadansoddi ymddygiad, ystafelloedd astudio y gellir eu llogi, a gofod dysgu cymdeithasol.

Trosolwg o’r modiwl

Yn y flwyddyn gyntaf, byddwch yn astudio disgyblaethau craidd seicoleg (datblygiadol, cymdeithasol, gwybyddol a biolegol); yn dysgu sut byddwn yn dylunio gwaith ymchwil ac yn dadansoddi data mewn seicoleg; ac yn cael eich cyflwyno i’r mudiad niwroamrywiaeth, gyda phwyslais ar awtistiaeth, dyslecsia, dyscalcwlia, anhwylder datblygu iaith, anhwylder yn natblygiad y cydsymud, ac anhwylder diffyg canolbwyntio a gorfywiogrwydd.

Safbwyntiau Beirniadol mewn Seicoleg
Mae’r modiwl hwn yn eich galluogi i werthfawrogi’n drylwyr y prif waith ymchwil sydd wedi llywio ein dealltwriaeth bresennol o seicoleg fel gwyddor, gan gyflwyno meysydd craidd y BPS, sef seicoleg wybyddol, fiolegol, gymdeithasol a datblygiadol. 

Dulliau Ymchwilio a Thystiolaeth mewn Seicoleg*
Byddwch yn cael eich cyflwyno i’r broses o wneud gwaith ymchwil yn y maes seicoleg, gan gynnwys dylunio, dadansoddi data, a chyflwyno canlyniadau, gan ddysgu am ddulliau gweithio ansoddol a meintiol ill dau.

*Mae modd astudio'r modiwl hwn 100% drwy gyfrwng y Gymraeg

Cyflwyniad i Anhwylderau Datblygiadol
Cyflwyniad i’r damcaniaethau a’r gwaith ymchwil sy’n gysylltiedig ag amrywiaeth o anhwylderau datblygiadol, yn benodol ADHD, ASC, DCD, dyscalcwlia, dyslecsia, ac anhwylder yn natblygiad y cydsymud.

Byddwch yn meithrin dealltwriaeth fwy trylwyr o ddisgyblaethau craidd seicoleg, yn dysgu am ddulliau ymchwil datblygedig, yn cwblhau cyfnod ar leoliad, ac yn myfyrio am eich datblygiad proffesiynol. At hynny, byddwch yn dysgu’r dulliau a ddefnyddir i sgrinio ac asesu anhwylderau datblygiadol, gyda phwyslais ar gymhwyso hynny i’r byd go iawn. Bydd hyn yn cynnwys gweithgarwch efelychu i’ch ymdrwytho yn y maes yng Nghanolfan Hydra.

Sgrinio ac Asesu Anhwylderau Datblygiadol
Byddwn yn edrych ar y broses o sgrinio ac asesu gwahanol anhwylderau datblygiadol, gan ystyried y gwaith a wnaiff gwahanol asiantaethau a sefydliadau ar y cyd i hwyluso’r broses hon i blant ac oedolion. 

Ymarfer Proffesiynol a Chyflogadwyedd
Y cyfle i gael profiad gwaith mewn sectorau penodol a/neu sgiliau cyflogadwyedd trosglwyddadwy sy’n gysylltiedig â damcaniaethau a gwaith ymchwil a gaiff sylw ym modiwlau eraill y cwrs, gan fyfyrio am rai o’r materion moesegol ac ymarferol sy’n gysylltiedig â hyn.

Tystiolaeth a Dulliau Datblygedig mewn Seicoleg
Byddwn yn datblygu ar y wybodaeth a ddysgwyd ym mlwyddyn gyntaf eich cwrs ynghylch methodoleg ymchwil, ystadegau, dadansoddi ansoddol a moeseg.    

O Gelloedd i Ymwybyddiaeth
Byddwch yn datblygu dealltwriaeth feirniadol o sut mae ymddygiad yn gysylltiedig â phrosesau’r corff, a sut mae’r ymennydd yn dylanwadu ar ymddygiad, gan roi cyd-destun i hyn wrth gyfeirio at wahaniaethau rhwng unigolion a thrafodaethau hanesyddol.

Datblygiad dros Rychwant Oes yn y Cyd-destun Cymdeithasol
Byddwch yn meithrin dealltwriaeth feirniadol o’r prif ddamcaniaethau a gwaith ymchwil yn y maes seicoleg gymdeithasol a datblygiadol, gan allu gwerthuso’n fwy beirniadol gyfraniad materion cysyniadol a hanesyddol at y ffyrdd presennol o feddwl. 

Byddwch yn cwblhau eich traethawd ymchwil estynedig, gan ddwyn ynghyd y wybodaeth a’r sgiliau rydych chi wedi’u datblygu yn ystod eich gradd. Byddwch yn ystyried dulliau o ymyrryd a rhoi cymorth wrth weithio gyda phobl niwroamrywiol, gan ystyried newidiadau i’r amgylchedd ehangach ynghyd â chymorth i’r unigolyn. Bydd hyn yn cynnwys gweithgarwch efelychu a fydd yn eich ymdrwytho yn y maes, a hynny drwy gymryd rhan mewn cyfarfod amlddisgyblaethol ffug.

Traethawd Estynedig Seicoleg
Darn gwreiddiol o waith ymchwil lle bydd cyfle i chi gasglu a dadansoddi data, asesu materion moesegol yr ymchwil, archwilio dulliau ymchwil, a chyhoeddi eich canfyddiadau.

Seicoleg Iechyd Dros Rychwant Oes (Dewisol)
Byddwch yn datblygu gwybodaeth systematig a dealltwriaeth feirniadol o amrywiaeth o bynciau a materion ym maes seicoleg iechyd, a hynny yng nghyd-destun datblygiad dros rychwant oes.

Seicoleg Addysg a Gwaith (Dewisol)
Byddwch yn dysgu sut i feddwl yn feirniadol am safbwyntiau damcaniaethol ac ymchwil sy’n sail i seicoleg addysgol a galwedigaethol.

Anhwylderau Seicolegol ac Ymyriadau Therapiwtig (Dewisol)
Byddwn yn gwerthuso modelau damcaniaethol ar gyfer anhwylderau seicolegol ac yn asesu’n feirniadol pa mor effeithiol yw gwahanol ymyriadau therapiwtig.

Cymhwyso Seicoleg Gymdeithasol (Dewisol)
Byddwch yn datblygu gwerthfawrogiad beirniadol, systematig o sut gellir cymhwyso seicoleg yn y byd go iawn; gan gynnwys cyfraniad hunaniaeth gymdeithasol at y broses hon.

Niwrowyddoniaeth a Niwroseicoleg Wybyddol (Dewisol)
Byddwn yn edrych ar oblygiadau gwybyddol difrod i’r ymennydd a chlefydau ar yr ymennydd, ac yn archwilio’r dulliau presennol o ymchwilio i strwythur a swyddogaeth systemau a rhanbarthau’r ymennydd.

Seicoleg Fforensig (Dewisol)
Byddwn yn edrych ar gyfraniad seicoleg at bob elfen yn y systemau cyfiawnder troseddol a chyfiawnder sifil ac yn mynd ati i werthuso hyn yn feirniadol.

Cymhwyso Gwybodaeth am Anhwylderau Datblygiadol i Ymarfer
Byddwn yn edrych ar gymhwyso yn y byd go iawn, gan ddefnyddio dulliau fel dysgu drwy ddatrys problemau, er mwyn ystyried amrywiaeth o safbwyntiau wrth weithio gydag unigolion sydd ag anhwylderau datblygiadol. Bydd hyn yn fodd o feithrin amrywiaeth o sgiliau hollbwysig ar gyfer cael eich cyflogi.

Rheoli a Chefnogi Unigolion sydd ag Anhwylderau Datblygiadol
Byddwn yn ystyried yn feirniadol y damcaniaethau a’r gwaith ymchwil sy’n gysylltiedig â gwahanol ffyrdd o reoli a chefnogi amrywiaeth o anhwylderau datblygiadol, gan edrych ar y fframweithiau moesegol a’r fframweithiau polisi yn y maes.

Uchafbwyntiau’r Cwrs

Sut y byddwch yn dysgu

Bydd eich cwrs yn cael ei ddarparu drwy ddarlithoedd, seminarau, gweithdai, ac amrywiaeth o gyfleoedd i astudio mewn grŵp ac yn annibynnol. Bydd cyfleoedd pellach i fynd i ddarlithoedd gwadd gan staff academaidd o sefydliadau eraill a seicolegwyr sy’n ymarfer mewn meysydd amrywiol. Bydd y gweithgareddau yn y dosbarth yn hynod o amrywiol, a byddwch yn cael cymorth i wneud cais i fynd ar leoliad yn eich ail flwyddyn, gan eich galluogi i weld sut mae unigolion sydd ag anhwylderau datblygiadol yn cael eu cefnogi yn ymarferol. 

Mae’r radd seicoleg arbenigol hon yn gyfle i brofi amrywiaeth o ddulliau asesu, gan gynnwys traethodau, adroddiadau prosiect, adroddiadau am astudiaethau achos, cyflwyniadau llafar a phosteri. Byddwch hefyd yn cwblhau prosiect ymchwil annibynnol yn eich blwyddyn olaf.

Staff addysgu

Mae ein staff academaidd yn frwd dros seicoleg ac yn ymwneud yn helaeth â gwaith ymchwil presennol mewn amrywiaeth o feysydd seicoleg arbenigol. Byddwch felly yn cael eich addysgu gan staff sy’n flaenllaw yn eu meysydd ymchwil nhw.  

Sarah-Anne Evans, arweinydd y cwrs
Hayley Gibbon 

Lleoliadau

Yn eich ail flwyddyn, bydd cyfle i chi wneud cais i fynd ar leoliad i amrywiaeth o lefydd, fel ysgolion arbennig ac elusennau sy’n cefnogi unigolion sydd ag anhwylderau datblygiadol. Byddwch hefyd yn cael cymorth i wneud cais am leoliadau pellach drwy ein cynllun Psychology Plus ac yn ein clinig dadansoddi ymddygiad ar y campws. 

Os ydych chi’n dymuno hynny, gallwn warantu lleoliad chwe wythnos i chi yn ein clinig ar y campws sy’n cynnig ymyriadau dadansoddol cymhwysol ym maes ymddygiad i blant pump oed ac iau, sydd gan amlaf wedi cael diagnosis o awtistiaeth.  

Mae cyfle hefyd i astudio dramor mewn prifysgol sy’n bartner i ni yn Ewrop neu mewn prifysgol yn yr Unol Daleithiau neu Awstralia. 

Cyfleusterau

Mae’r cyfleusterau seicoleg yn PDC yn amhrisiadwy wrth ein helpu i ddeall ymddygiad pobl. Mae ein labordy seicoleg, sydd wedi’i adeiladu’n benodol at y diben, yn llawn cyfarpar o safon sy’n cael ei ddefnyddio yn y diwydiant, a bydd modd i chi ddefnyddio’r cyfarpar hwn drwy gydol eich astudiaethau. Ceir hefyd ystafelloedd cyfweld ac arsylwi sy’n eich galluogi chi, fel ymchwilydd, i arsylwi ymddygiad pobl mewn ffordd naturiol drwy sgrin unffordd. Ymhlith y cyfarpar y byddwch yn ei ddefnyddio mae cyfarpar tracio llygaid, peiriannau electroenceffalograffeg (EEG), a systemau BIOPAC. Fel rhan o’n gofod seicoleg dynodedig, bydd cyfle i chi hefyd gadw lle i astudio’n dawel a defnyddio’r gofod dysgu cymdeithasol dynodedig lle ceir cyfrifiaduron a gwerslyfrau seicoleg.

Wedi'i achredu gan

Pam PDC?

Psychology equipment on campus

  • Mae 94% o fyfyrwyr naill ai mewn swydd neu’n dilyn astudiaethau pellach bymtheg mis ar ôl graddio o PDC.

  • Gradd wedi’i hachredu gan Gymdeithas Seicolegol Prydain

Pam PDC?

100%

o fyfyrwyr BSc (Anrh) Seicoleg ag Anhwylderau Datblygiadol yn fodlon â'u cwrs.

Arolwg Cenedlaethol o Fyfyrwyr 2024

  • Mae 94% o fyfyrwyr naill ai mewn swydd neu’n dilyn astudiaethau pellach bymtheg mis ar ôl graddio o PDC.

  • Gradd wedi’i hachredu gan Gymdeithas Seicolegol Prydain

Gyrfaoedd a chyflogadwyedd

Gyrfaoedd i Raddedigion

Byddwch mewn sefyllfa gref i gael gyrfa yn y trydydd sector, mewn lleoliadau gofal cymdeithasol, ac yn y sector addysg. Ond gallech hefyd ystyried gyrfa yn y sectorau gofal iechyd neu gyfiawnder troseddol, gan weithio gyda phobl sydd ag anhwylderau datblygiadol. Ar ôl astudio ymhellach a chael hyfforddiant, gallech ystyried gyrfa mewn therapi iaith a lleferydd, therapi galwedigaethol, seicoleg glinigol neu seicoleg addysgol. Gallech ddewis dilyn cymhwyster TAR er mwyn parhau â’ch astudiaethau, gan ganolbwyntio ar anghenion dysgu ychwanegol. Beth bynnag y penderfynwch ei wneud, bydd digon o gyfleoedd i’ch helpu i wella eich rhagolygon gyrfa yn y dyfodol ac i wneud argraff ar gyflogwr yn y dyfodol.

Llwybrau gyrfa posibl

Y radd hon, sydd wedi’i hachredu gan y BPS, yw’r cam cyntaf i ddod yn seicolegydd proffesiynol. Mae’n hanfodol er mwyn gwneud yr hyfforddiant ôl-raddedig proffesiynol sy’n angenrheidiol os ydych chi eisiau gweithio fel seicolegydd.  Bydd y sgiliau ymchwil a ddatblygir fel rhan o’r radd hon yn rhoi sylfaen gref ar gyfer gyrfa academaidd, neu i weithio yn y maes ymchwil a gwerthuso mewn amrywiaeth o sectorau.  Mae pwyslais unigryw y radd hon ar anhwylderau datblygiadol ochr yn ochr â seicoleg yn golygu ei bod yn rhoi sylfaen gref ar gyfer gweithio mewn lleoliadau addysg, iechyd a chymdeithasol. Mae hefyd yn rhoi sylfaen gref ar gyfer astudiaethau ôl-raddedig pellach, mewn proffesiynau fel therapi iaith a lleferydd a therapi galwedigaethol.  

Cymorth Gyrfaoedd

Bydd gennych gymorth Swyddog Lleoliadau a’r Gwasanaeth Gyrfaoedd drwy gydol eich gradd, er mwyn cael help i wneud cais am leoliadau a phrofiad gwaith. Byddan nhw hefyd yn eich helpu i gynllunio eich gyrfa ar ôl i chi raddio. Byddwch hefyd yn cael hyfforddwr academaidd personol yn ystod eich astudiaethau er mwyn eich helpu i feddwl am eich gyrfa a’ch uchelgeisiau yn y dyfodol. 

 

Dysgwch fwy am flynyddoedd rhyngosod

Blwyddyn Ryngosod

Mae blwyddyn ryngosod yn eich galluogi i gymhwyso'r wybodaeth a enillwyd yn ystod eich gradd i sefyllfaoedd gwaith yn y byd go iawn. Byddwch yn rhoi set sgiliau trosglwyddadwy i chi'ch hun ac yn ennill profiad gwaith amhrisiadwy a fydd yn eich helpu i sefyll allan i ddarpar gyflogwyr mewn ceisiadau am swyddi yn y dyfodol. Mae blwyddyn ryngosod hefyd yn gyfle gwych i rwydweithio ac, os ydych yn creu argraff ar eich cyflogwr, efallai y byddwch hyd yn oed yn canfod bod gennych swydd yn aros amdanoch pan fyddwch yn graddio. Mae llawer o gyflogwyr yn hoffi cyflogi gweithwyr ymroddedig fel y dangosir trwy gynllun lleoliad blwyddyn ryngosod.

GOFYNION MYNEDIAD

Pwyntiau UCAS: 96 (neu uwch)

Gofynion cymhwyster nodweddiadol:

  • Lefel A: CCC i gynnwys pwnc perthnasol
  • BTEC: Teilyngdod Teilyngdod mewn pwnc perthnasol
  • Tystysgrif Her Sgiliau Uwch Bagloriaeth Cymru: Gradd C yn y Dystysgrif Her Sgiliau a CC Safon Uwch gyda phwnc perthnasol
  • Mynediad i AU: Pasio'r Diploma Mynediad i AU gydag o leiaf 96 pwynt tariff UCAS. 

Gofynion Ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser y DU

£9,535

fesul blwyddyn*
Ffi Llawn Amser y DU

£785

fesul blwyddyn*
Ffi Llawn Amser Rhyngwladol

£16,200

fesul blwyddyn*
Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.  

*Rhwymedig 

Bydd angen tanysgrifio ar gyfer pob blwyddyn o’r cwrs am ffi flynyddol o £16. Sylwer bod rhaid ymuno â’r gwasanaeth o fewn 30 niwrnod o dderbyn eich tystysgrif DBS Manylach.

Cost: £16

Bydd disgwyl i fyfyrwyr dalu am DBS neu dystysgrif ymddygiad da o'u mamwlad. Mae ffi’r DBS yn cynnwys £49.50 ar gyfer y dystysgrif DBS uwch, ffi Gweinyddu Swyddfa’r Post a’r ffi gweinyddu ar-lein

Cost: £64.74

Efallai y bydd angen i fyfyrwyr sy'n ymgymryd â lleoliad fel rhan o fodiwlau ymarfer proffesiynol dalu costau sy'n gysylltiedig â theithio i leoliad.

Cost: Amrywiol

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

CYRSIAU CYSYLLTIEDIG

Seicoleg gyda Chwnsela - BSc (Anrh) Dysgu mwy
Seicoleg - BSc (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni