Therapi Chwaraeon ac Ymarfer Corff

Dysgwch sut i asesu ystod symudiad, profi cryfder cyhyr, archwilio nodweddion anatomegol a datblygu gwybodaeth  ymarferol o anatomeg cyhyrysgerbydol a phatholeg.

Dysgwch am theori sgrinio symudiad, atal anafiadau chwaraeon a dulliau adfer. Datblygwch sgiliau cymorth cyntaf sylfaenol a sut i reoli anafiadau meinwe meddal.

Datblygwch iaith anatomeg a dwysewch eich dealltwriaeth o anatomeg cyhyrysgerbydol dynol, rhywbeth sy’n angenrheidiol ar gyfer ffisioleg ymarfer corff a biomecaneg.

Mae’r uned hon ar gael i’w hastudio’n gyfan gwbl drwy gyfrwng y Gymraeg.

Plymiwch yn ddwfn i feysydd mesur, adfer data, dadansoddi a denhongli, asesiad iechyd a ffitrwydd a phresgripsiwn ymarfer corff.

Enillwch yr arbenigedd i ddylunio, cyflawni ac asesu rhaglenni ymarfer corff i boblogaethau iach sy’n seiliedig ar y gampfa. Arweinir yr uned hon at dystysgrifau Hyfforddwr Campfa CIMPSA Lefel 2 a Hyfforddwr Personol Lefel 3.

Ymgyfarwyddwch â safbwynt y claf parthed anafiadau chwaraeon cyhyrysgerbydol, drwy ddatblygu empathi a sgiliau gwaith tîm o fewn lleoliad amlddisgyblaethol.

Meistrolwch asesiadau clinigol. Dadansoddwch ddarganfyddiadau drwy ddefnyddio dulliau gwrthrychol a goddrychol, profion cyhyrysgerbydol arbenigol ac asesiadau gweithredol.

Cynyddwch eich gwybodaeth o driniaethau diogel ac effeithiol ar gyfer anafiadau cyhyrysgerbydol. Dysgwch therapi llaw ar gyfer materion sy’n ymwneud â’r cymalau, technegau datblygedig ar gyfer meinwe meddal a thechnegau nerfol.

Datblygwch ddealltwriaeth o dechnegau adfer cynnar a chanolradd ar gyfer anafiadau cyhyrysgerbydol cyffredin. Mae’r pynciau’n cynnwys mecanwaith meinwe, cromlin pwysedd-straen, a dewis/ rhoi presgripsiwn ymarfer corff.

Archwiliwch y cydadwaith rhwng ymarfer corff a’r system gardiofasgwlaidd. Enillwch ddealltwriaeth o fesuriadau ffisioleg gardiofasgwlaidd a medrusrwydd wrth eu perfformio.

Mae’r uned hon ar gael i’w hastudio’n gyfan gwbl drwy gyfrwng y Gymraeg.

Ehangwch eich sgiliau ymchwil drwy ymledu’ch dealltwriaeth o ddulliau ansoddol a meintiol. Dwysewch eich gwerthfawrogiad o amryw ddulliau ymchwil.

Datblygwch ddealltwriaeth o anafiadau chwaraeon ac ymarferol a’r elfennau biomecanyddol i symudiad ar gyfer cinemateg a chineteg esgyrnog.

Dewch i ddeall y materion ffisiolegol a meddygol sy’n effeithio ar ymarfer corff poblogaethau arbennig. Dyluniwch ac aseswch raglenni ymarfer corff personol ar gyfer amrywiol anghenion.

Enillwch 250 o oriau o ymarfer clinigol dan oruchwyliaeth. Aseswch gryfderau, cynlluniwch eich gyrfa, paratowch ar gyfer ffurflenni cais a chyfweliadau, datblygwch i fod yn ymarferydd annibynnol. 

Dysgwch sut i ymateb i anafiadau chwaraeon sy’n beryg bywyd. Astudiwch gefnogaeth bywyd ar gyfer trawma uwch, symudiadau’r llwybrau anadlu, rheoli gwaedu, asesiadau anafiadau i’r asgwrn cefn a chynllunio sut i weithredu mewn argyfwng.

Rhowch hwb i’ch sgiliau ymarferol o fewn y maes adfer cyfnod hwyrach a dewch i ddeall sut i wneud penderfyniadau gwrthrychol o ran dychwelyd i chwarae. Byddwch yn canolbwyntio ar roi cyfarwyddiadau i unigolion a chwaraewyr tîm ynghylch ymarferion cyflymdra, cyflymiad ac ymarferion plyometrig yn ogystal â strategaethau i atal anafiadau.

Bydd gennych y rhyddid i ddylunio a chynnal astudiaeth annibynnol a gwerthuso’n feirniadol data a thestunau gwyddonol.

Archwiliwch y berthynas rhwng ymarfer corff a’r system gardiofasgwlaidd. Enillwch ddealltwriaeth o fesuriadau ffisioleg gardiofasgwlaidd a medrusrwydd wrth eu perfformio. 

Dysgwch sut mae deddfau Newton yn berthnasol i ginemateg a chineteg onglog, mecaneg ac energeteg cerdded a rhedeg. Datblygwch eich sgiliau dadansoddol gan ddefnyddio meddalwedd Biomecaneg Quintic.

Dysgwch y wybodaeth wyddonol hanfodol er mwyn darparu rhaglenni cryfhau a chyflyru effeithiol.