This website uses cookies to improve your experience. Read our cookie policy

BSc (Anrh)

Seicoleg gan gynnwys Blwyddyn Sylfaen

Bydd y Flwyddyn Sylfaen hon yn eich helpu i feithrin eich hyder a gosod y sylfeini i chi gwblhau gradd lawn mewn Seicoleg yn llwyddiannus.

Sut i wneud cais Gwneud Cais Drwy UCAS Archebu Lle ar Ddiwrnod Agored Sgwrsio â Ni

Manylion Cwrs Allweddol

  • Côd UCAS

    CC80

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £5,760*

  • Myfyrwyr rhyngwladol

    £16,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Mae Gradd Sylfaen yn eich cyflwyno i astudiaeth academaidd ar lefel prifysgol. Byddwch yn dysgu am feysydd poblogaidd o ymchwil seicoleg yn ogystal ag ennill sylfaen gref mewn ystadegau, gan roi’r sgiliau a’r hyder i chi gwblhau eich astudiaeth a chael gyrfa lwyddiannus mewn seicoleg.

CYNLLUNIWYD AR GYFER

Mae’r Flwyddyn Sylfaen mewn Seicoleg yn rhan o raglen radd integredig pedair blynedd ac fe’i cynlluniwyd ar gyfer myfyrwyr sydd heb fodloni’r meini prawf derbyn ar hyn o bryd ar gyfer mynediad uniongyrchol i’r cwrs BSc (Anrh) Seicoleg.

Llwybrau Gyrfa

  • Iechyd meddwl
  • Gwaith cymdeithasol
  • Addysgu
  • Gwaith ymchwil
  • Y Gwasanaeth Carchardai

Sgiliau a addysgir

  • Meddwl yn feirniadol
  • Cyfathrebu
  • Datrys Problem Creadigol
  • Hyfedredd gydag Ystadegau a Data
  • Ymchwilio

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

A student connected to Biopac sits with a fellow student at a computer where they monitor the results in a psychology laboratory
A student applies an EEG to another student's scalp to measure the electrical activity in their brain in a psychology laboratory
Psychology student sat at a computer with a lecturer whilst reading a text book

Uchafbwyntiau’r Cwrs

Ennill sgiliau allweddol

Datblygu ystod o sgiliau a rhinweddau a fydd yn cyfoethogi eich dysgu ym mlwyddyn un y radd a thu hwnt.

Addysgir gan arbenigwyr

Mae myfyrwyr yn cael eu haddysgu gan academyddion sydd â phrofiad perthnasol yn y diwydiant sy’n gefnogol ac yn ymroddedig i’w helpu i lwyddo.

Cyfleoedd Lleoliad

Bydd myfyrwyr sy’n symud ymlaen i’r radd BSc (Anrh) Seicoleg yn cael y cyfle i ymgymryd â lleoliadau amrywiol, gan roi mantais gystadleuol iddynt ar ôl graddio.

Cyfleusterau Seicoleg Eithriadol

Mae gan ein myfyrwyr fynediad i labordy Seicoleg pwrpasol, clinig dadansoddi ymddygiad, ystafelloedd astudio y gellir eu harchebu a gofod dysgu cymdeithasol.

Trosolwg o’r Modiwl

Bydd Blwyddyn Sylfaen y cwrs BSc (Anrh) Seicoleg hwn yn eich galluogi i archwilio meysydd gan gynnwys seicoleg, cymdeithaseg ac ystadegau, ochr yn ochr â rhoi’r sgiliau, y wybodaeth a’r hyder i chi symud ymlaen ar gwrs gradd a chael y cyfle i gwrdd â’ch dyheadau.

Sylfeini mewn Seicoleg
Mae’r modiwl hwn yn ymdrin â throsolwg o dri maes poblogaidd o feysydd ymchwil Seicoleg (Seicoleg Annormal, Seicoleg Datblygiadol a Hyd Oes, a Seicoleg Gymdeithasol), prif ddulliau seicolegol a dulliau ymchwil.

Prosiect Ymchwilio
Bydd y modiwl hwn yn eich arwain drwy’r broses o gynllunio, rheoli, cynhyrchu a gwerthuso prosiect mwy gydag amser ar gyfer cyfarfodydd goruchwylio ac asesu cymheiriaid.

Sgiliau Astudio
Mae’r modiwl sgiliau astudio wedi’i gynllunio i’ch helpu gydag arholiadau a thechnegau adolygu, yn ogystal â sgiliau sy’n cynnwys cymryd nodiadau, ysgrifennu traethodau, cyfeirnodi a chynllunio aseiniadau.

Gallu Digidol
Byddwch yn cael cyfleoedd i archwilio a defnyddio amrywiaeth o offer digidol yn ogystal â dysgu sut i wneud ymchwil gan ddefnyddio systemau ar-lein fel Google Scholar a FindIt. Byddwn hefyd yn archwilio’r defnydd o gyfathrebu cyfryngau digidol.

Astudiaethau Plentyndod ac Ieuenctid
Mae’r modiwl hwn yn archwilio meysydd rhyngddisgyblaethol allweddol datblygiad plant a’r glasoed, hanes ac egwyddorion allweddol y maes, ac yn eich helpu i ddatblygu eich ymarfer myfyriol.

Ystadegau
Byddwn yn eich helpu i ddatblygu eich gwybodaeth sylfaenol o egwyddorion mathemategol i gefnogi eich gwaith mewn ystadegau, gan eich helpu i ddod yn hyderus wrth gasglu a dehongli data ystadegol ar gyfer eich ymchwil.

Uchafbwyntiau’r Cwrs

Sut y byddwch yn dysgu

Byddwch yn cael eich addysgu trwy ystod o ddulliau gan gynnwys darlithoedd a seminarau traddodiadol yn ogystal â gweithdai rhyngweithiol a gwaith grŵp. Mae ein dosbarthiadau llai yn creu amgylchedd dysgu cefnogol gan roi cyfleoedd ar gyfer cymorth ac adborth ystyrlon gan ddarlithwyr trwy gydol eich astudiaethau.

Mae ein modiwlau Blwyddyn Sylfaen wedi’u cynllunio i’w cyflwyno dros ddau ddiwrnod yr wythnos, gan roi’r amser a’r hyblygrwydd i chi ddysgu ar gyflymder cyfforddus ac adeiladu ar sgiliau allweddol fel rheoli amser ac astudio’n annibynnol dros y cwrs.

Mae asesiadau’n amrywio o arholiadau ac aseiniadau ysgrifenedig i gyflwyniadau llafar sydd wedi’u cynllunio i gynyddu eich hyder mewn asesiadau arddull prifysgol a’ch paratoi ar gyfer gweddill eich amser yn astudio ar ôl cwblhau cwrs y Flwyddyn Sylfaen.

Staff addysgu

Mae ein staff addysgu yn ymroddedig i greu amgylchedd dysgu cefnogol, myfyriwr-ganolog ac maent i gyd yn academyddion cymwysedig sydd â phrofiad o weithio yn y diwydiant. Maent yn angerddol am Seicoleg ac yn ymwneud yn helaeth ag ymchwil gyfredol ar draws ystod o feysydd arbenigol o anhwylderau datblygiadol i seicoleg chwaraeon.

Neilltuir Hyfforddwr Academaidd Personol i bob myfyriwr yn y flwyddyn sylfaen a'r flwyddyn gyntaf, fel y gall myfyrwyr elwa ar gymorth ac arweiniad trwy gydol eu hastudiaethau. Gall myfyrwyr hefyd ddewis cael eu mentora gan gyfoedion ym mlynyddoedd uwch y radd. Gall y mentoriaid hyn roi cymorth wrth drosglwyddo i fywyd prifysgol, delio ag asesiadau, rheoli amser yn ogystal ag ystod o gwestiynau eraill a allai fod gennych ar hyd y ffordd.

Lleoliadau

Unwaith y byddwch yn symud ymlaen i’r radd Seicoleg lawn, byddwch yn cael cyfleoedd penodol i gymhwyso a deall theori seicolegol i’r gweithle, gyda ffocws ychwanegol ar y cyfleoedd hyn yn y modiwl Ymarfer Proffesiynol a Chyflogadwyedd. Gallwch hefyd ddewis gwirfoddoli am fwy na’r oriau gofynnol yn y lleoliad a ddyrannwyd i chi, neu wirfoddoli i gefnogi amrywiaeth o weithgareddau ar draws gwahanol leoliadau.

Rydym am eich helpu i wella eich set sgiliau i agor cymaint o ddrysau â phosibl ar gyfer eich gyrfa yn y dyfodol. Gallwch hefyd ddod o hyd i amrywiaeth o opsiynau ar gyfer hyn trwy eich cynllun Psychology Plus, gan gynnwys gwirfoddoli, interniaethau a chyrsiau byr.

Cyfleusterau

Mae’r cyfleusterau Seicoleg yn PDC yn amhrisiadwy i’n helpu i ddeall ymddygiad dynol. Mae ein labordy Seicoleg pwrpasol yn llawn offer o safon diwydiant y byddwch yn eu defnyddio trwy gydol eich astudiaethau, yn ogystal ag ystafelloedd cyfweld ac arsylwi sy’n caniatáu i chi, fel ymchwilydd, arsylwi ymddygiad dynol mewn modd naturiol trwy sgrin unffordd. Mae rhai o’r offer y byddwch yn eu defnyddio yn cynnwys offer tracio llygaid, peiriannau Electroenceffalograffeg (EEG), a systemau BIOPAC. Fel rhan o’n gofod Seicoleg pwrpasol, byddwch hefyd yn gallu archebu lle ar gyfer astudio tawel a chael mynediad i’r gofod dysgu cymdeithasol pwrpasol gyda chyfrifiaduron a gwerslyfr Seicoleg.

Gyrfaoedd a Chyflogadwyedd

Gyrfaoedd graddedigion

Gall gradd mewn Seicoleg fynd â chi i amrywiaeth o yrfaoedd diddorol ar ôl i chi raddio. Byddwn yn rhoi cyfleoedd cyffrous i chi wella’ch sgiliau sy’n edrych yn wych ar eich CV a’ch helpu i sefyll allan wrth chwilio am swydd. P’un a oes gennych diddordeb mewn gyrfaoedd Seicoleg traddodiadol, gweithio yn y proffesiwn cymdeithasol a lles, neu ddadansoddi ymddygiad dynol, bydd gennych ddigon o gyfleoedd i wella’ch rhagolygon gyrfa yn y dyfodol a’ch darparu â’r sgiliau i wneud argraff ar ddarpar gyflogwyr. Gallech hefyd symud ymlaen i radd ymchwil Seicoleg fel PhD neu Radd Meistr trwy Ymchwil.

Partneriaid Diwydiant

Mae ein partneriaethau allanol yn cael eu trosoli trwy gydol eich astudiaethau, gan roi’r cyfle i chi weithio gyda chleientiaid y byd go iawn a gwneud cysylltiadau a all fod o gymorth gyda’ch gyrfa. Byddwch yn gallu arddangos eich sgiliau i’n partneriaid ar nifer o adegau yn ystod eich gradd a chewch eich annog i ryngweithio’n uniongyrchol â phartneriaid.

Cymorth Gyrfaoedd

Bydd gennych fynediad at gyngor gan ein gwasanaeth gyrfaoedd a chyflogadwyedd drwy gydol eich astudiaethau a phan fyddwch yn graddio. Mae hyn yn cynnwys apwyntiadau un-i-un gyda chynghorwyr gyrfa yn y gyfadran naill ai’n bersonol neu’n rhithiol trwy alwad fideo neu e-bost. Mae gennym hefyd adnoddau ar-lein i helpu i archwilio opsiynau gyrfa a sicrhau eich bod yn cyflwyno’ch hun yn dda i gyflogwyr. Mae’r rhain yn cynnwys profion seicometreg, asesiadau gyrfa, adeiladwr CV, efelychydd cyfweliad, a chymorth i wneud cais. Mae gennym hefyd dros 2,000 o gyflogwyr cofrestredig sy’n targedu graddedigion busnes, felly byddwn yn eich cofrestru i dderbyn hysbysiadau e-bost wythnosol ar gyfer swyddi sy’n cyfateb i’ch diddordebau hefyd.

Pwyntiau tariff UCAS: 48

Gofynion cymhwyster nodweddiadol:

  • Lefel A: DD i eithrio Astudiaethau Cyffredinol.
  • BTEC: BTEC Diploma Estynedig Pas Pas Pas
  • Mynediad i AU: Llwyddo Mynediad i Ddiploma AU mewn Mathemateg/ Gwyddoniaeth gydag o leiaf 48 pwynt Tariff UCAS.

 

Gofynion ychwanegol:

Mae'r Brifysgol fel rheol yn gofyn am o leiaf 3 TGAU gan gynnwys Mathemateg a Saesneg ar Radd C / Gradd 4 neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£5,760

fesul blwyddyn*
Ffi Llawn Amser Rhyngwladol

£16,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer deunydd ysgrifennu, argraffu neu offer yn ystod eich blwyddyn sylfaen. Gweler y rhestr isod sy'n cynnwys costau ar ôl i chi symud ymlaen i flwyddyn 1 eich rhaglen radd.

Bydd disgwyl i fyfyrwyr dalu am DBS neu dystysgrif ymddygiad da o'u mamwlad. Mae ffi’r DBS yn cynnwys £49.50 ar gyfer y dystysgrif DBS uwch, ffi Gweinyddu Swyddfa’r Post a’r ffi gweinyddu ar-lein

Cost: £64.74

Bydd angen tanysgrifio ar gyfer pob blwyddyn o’r cwrs am ffi flynyddol o £16. Sylwer bod rhaid ymuno â’r gwasanaeth o fewn 30 niwrnod o dderbyn eich tystysgrif DBS Manylach.

Cost: £16

Mae'r gost yn dibynnu ar leoliad y lleoliad.

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

A student sat smiling and talking to friends off camera in Treforest Student's Union
Bywyd Myfyrwyr
The University's Ty Crawshays building at Treforest, Pontypridd.
Campws Pontypridd, Trefforest
A double room at our Pontypridd accommodation featuring a large window.
Llety

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni