Newyddiaduraeth Weledol

Adrodd Straeon yn Weledol a Chreadigol  

Mae’r modiwl 40 credyd hwn yn cynnig cipolwg rhagarweiniol ar egwyddorion allweddol arferion cyfredol newyddiaduraeth weledol a chyfryngau cyfathrebu, yn ogystal â phwysigrwydd moeseg a chodau ymddygiad. Mae'r pwyslais ar hwyluso archwilio posibiliadau a datblygu diddordebau mewn ystod o feysydd sy'n ymwneud â’r diwydiant.  

Mae ffocws ar friffiau byw a arweinir gan gleientiaid, gan gynnwys adrodd straeon aml-lwyfan, delweddu data, fideo ffurf fer, cynnwys a gynhyrchir ar ffonau symudol, realiti estynedig, fideo 360 a chyfryngau rhyngweithiol, gan archwilio ffyrdd newydd o greu cynnwys ar gyfer amrywiaeth o lwyfannau ar-lein a chymdeithasol ac allfeydd cyfryngau a chyfathrebu.  

Ysgrifennu Perswadiol  

Gan ddefnyddio elfennau sylfaenol arferion newyddiaduraeth fel man cychwyn, bydd y modiwl hwn yn archwilio ysgrifennu ac adrodd straeon ar gyfer amrywiaeth o lwyfannau ac allfeydd, o’r cyfryngau cymdeithasol i ysgrifennu copi i straeon newyddion. Bydd gofyn i fyfyrwyr ddatblygu eu harddull unigryw eu hunain yn ogystal â gwerthfawrogi gofynion y cyfathrebwr proffesiynol i gyfleu manylion y neges gyda chywirdeb, naws briodol, a'r gallu i ddilyn briff cytunedig sy'n bwydo i mewn i'r naratif ysgrifenedig.  

Cyfathrebu: O’r cysyniadau i’r arferion  
Beirniadaeth ragarweiniol o gysyniadau allweddol ac offer cyfathrebu ac arfer newyddiaduraeth modern. Mae’n archwilio seiliau damcaniaethol y pwnc drwy archwilio sut y cânt eu defnyddio i liniaru neu ddylanwadu ar faterion mewn cymdeithas, diwydiant a’r amgylchedd. Mae deall sut mae dulliau cyfathrebu traddodiadol yn esblygu a sut yr effeithir ar y diwydiant, yn ganolog er mwyn gallu adeiladu strategaethau effeithiol sy'n gweithio yn yr amgylchedd cyflym hwn.  

Gweithle’r Cyfryngau  

Mae’r modiwl hwn yn cyflwyno ac yn helpu i hwyluso'r profiad seiliedig ar waith a'r defnydd ymarferol o gynhyrchu cynnwys sy'n seiliedig ar y diwydiant. Cyflawnir hyn drwy leoliad gwaith neu efelychu gweithle a thrwy nodi disgwyliadau ac arferion gweithio i ofynion diwydiant a datblygu cymwyseddau proffesiynol.  

Pecyn Cymorth Ymchwil y Cyfryngau  

Mae’r modiwl hwn yn archwilio’r dulliau sydd eu hangen ar gyfer ymchwilio yn sefydliadau’r cyfryngau, i lywio dadansoddiad beirniadol o’r cyfryngau ac, yn benodol, o gynulleidfaoedd y cyfryngau, gan ddatblygu’r gallu i nodi ffynonellau sy’n briodol i dasgau ymchwil penodol a chyfleu’r rhain i ystod wahanol o gynulleidfaoedd.  

Mae’n ceisio datblygu cymhwysedd proffesiynol wrth nodi a gwireddu cyfleoedd ar gyfer adrodd straeon yn ddigidol ar draws ystod o lwyfannau drwy greu syniadau, casglu deunydd cydrannol, a chynhyrchu arteffactau amlgyfrwng priodol.   

Pŵer y Cyfryngau a Chyfiawnder  

Mae meithrin dealltwriaeth gadarn o'r gyfraith a'r materion moesegol sy'n wynebu newyddiadurwyr a chyfathrebwyr yn hanfodol i'w galluogi i weithredu'n effeithiol ac yn broffesiynol. Nod y modiwl hwn yw darparu gwybodaeth am y gyfraith, rheoleiddio a moeseg sy'n gysylltiedig â'r cyfryngau fel y bônt yn berthnasol i adrodd straeon aml-lwyfan ym maes newyddiaduraeth a'r diwydiant cyfathrebu ehangach. Mae'r modiwl yn magu hyder myfyrwyr i weithredu'n ddiogel drwy drafod, beirniadu a gweithio drwy'r heriau sy'n dod i'r amlwg yn y maes hwn, o bwy sy'n berchen ar hawlfraint delwedd i p'un a allai neges cyfryngau cymdeithasol arwain at ymddangosiad llys.  

Arfer yn y byd go iawn   

Mae’r prosiect terfynol 40 credyd yn benllanw blwyddyn o ddysgu ac yn cynnig cyfle i ddatblygu arbenigedd a diddordebau. Cefnogir myfyrwyr i nodi, dylunio a chynhyrchu corff sylweddol o waith sy'n arddangos lefel eu gallu technegol, esthetig a deallusol mewn perthynas â'u dewis arbenigedd neu ddiddordeb.