Peirianneg Sifil
Bydd eich BSc mewn Peirianneg Sifil yn rhoi'r wybodaeth a'r sgiliau sydd eu hangen arnoch i newid y byd.
Sut i wneud cais Gwneud Cais trwy UCAS Trefnu Diwrnod Agored Sgwrsio â Ni/prod01/channel_2/media/university-of-south-wales/site-assets/images/03-courses/engineering-civil/bsc-civil-engineering.png)
Manylion Cwrs Allweddol
-
Côd UCAS
HF00
-
Dyddiad Cychwyn
Medi
-
Lleoliad
Pontypridd
-
Côd y Campws
A
Ffioedd
Myfyrwyr cartref
£9,535*
Myfyrwyr rhyngwladol
£16,200*
- Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
-
Côd UCAS
H201
-
Dyddiad Cychwyn
Medi
-
Lleoliad
Pontypridd
-
Côd y Campws
A
Ffioedd
Myfyrwyr cartref
£9,535*
Myfyrwyr rhyngwladol
£16,200*
- Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
-
Dyddiad Cychwyn
Medi
-
Lleoliad
Pontypridd
-
Côd y Campws
A
Ffioedd
Myfyrwyr cartref
£785*
- Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Rydym yn cymryd peirianneg sifil o ddifrif. Byddwch yn dysgu egwyddorion peirianneg sylfaenol ac uwch, yn ogystal â sgiliau TG allweddol sy'n berthnasol i'r diwydiant. Gyda'ch gradd, byddwch yn dod yn rhan o un o'r proffesiynau hynaf yn y byd ac yn mwynhau gyrfa sy'n cael effaith barhaol ar y ddynoliaeth.
CYNLLUNIWYD AR GYFER
Rhywun sydd wedi ymddiddori mewn adeiladau ac adeiladwaith, o adeiladu tyrau o flociau pan yn blentyn bach i synnu at ryfeddodau'r byd. Byddwch yn rhywun sy'n datrys problemau, sy'n ysu am ymdeimlad o gyflawni gwaith da ac sy'n canolbwyntio ar y dyfodol ac yn barod i fod yn rhan ohono.
Achredir gan
Cyd-fwrdd y Cymedrolwyr (JBM), sy’n cynnwys:
- Sefydliad y Peirianwyr Sifil
- Sefydliad y Peirianwyr Strwythurol
- Sefydliad y Peirianwyr Priffyrdd
- Sefydliad Siartredig Priffyrdd a Chludiant
- Permanent Way Institution ar ran y Cyngor Peirianneg
Llwybrau Gyrfa
- Peirianneg Sifil
- Rheoli llifogydd
- Rheoli Prosiectau
- Peirianneg fecanyddol
- Peirianneg Sifil
- Cyfrifeg / cyllid
- Addysgu
Sgiliau a addysgir
- Mecaneg a dylunio strwythurol
- Rheoli Prosiectau
- Cyfathrebu Peirianyddol
- Dadansoddeg
/prod01/channel_2/media/university-of-south-wales/site-assets/images/13-video-thumbnails/video-bsc-civil-eng_thumbnail.png)
Uchafbwyntiau'r Cwrs
Trosolwg o'r Modiwl
Bydd y cwrs hwn yn eich paratoi ar gyfer eich gyrfa yn y dyfodol fel peiriannydd sifil. Bydd y meysydd byddwch yn eu hastudio'n cynnwys yr holl bynciau angenrheidiol i fodloni disgwyliadau'r cyflogwyr. Mae modiwlau'r prosiect yn seiliedig ar gynlluniau ‘byw’, a gefnogir gan ddarlithoedd gwadd gan beirianwyr proffesiynol.
Blwyddyn Un
Mathemateg i Beirianwyr 1
Dadansoddi a Dylunio Strwythurol 1
Mecaneg Thermo-hylif
Deunyddiau Peirianneg Sifil
Arferion ar y Safle a Mesur
Modelu Cysyniadol a Dylunio Cynaliadwy
Blwyddyn Dau
Dadansoddi a Dylunio Strwythurol 2
Geodechneg a Hydroleg
Dulliau Dadansoddol a Hydrolig
Dylunio Cynaliadwy
Ymarfer Peirianneg Sifil
Peirianneg, Mesur a Dylunio Priffyrdd
Blwyddyn Tri
Prosiect Unigol
Prosiect Integredig
Dadansoddi a Dylunio Strwythurol 3
Peirianneg Geodechnegol
Rheolaeth Amgylcheddol a Chludiant Cynaliadwy
Rheolaeth a Busnes Peirianneg Sifil
Yn eich blwyddyn gyntaf, byddwch yn dysgu egwyddorion peirianneg sylfaenol – y blociau adeiladu ar gyfer Peiriannydd Sifil. Byddwch yn archwilio perthnasedd mathemateg ym maes peirianneg ac yn ennyn gwerthfawrogiad o faterion mewn rheoli adeiladu, deunyddiau a'r amgylchedd.
Mathemateg i Beirianwyr 1
Byddwch yn datblygu sgiliau mathemategol i ddatrys problemau peirianyddol a deall perthnasedd mathemateg mewn peirianneg.
Dadansoddi a Dylunio Strwythurol 1
Paratoi strwythurau syml, diogel, cynaliadwy technegol briodol.
Mecaneg Thermo-hylif
Dysgwch am gysyniadau thermodynameg sylfaenol a dynameg hylifau, trosglwyddo gwres a phriodweddau hylifau.
Deunyddiau Peirianneg Sifil
Dysgwch am briodweddau sylfaenol sment, concrit, pren, craig, pridd a dur fel deunyddiau adeiladu.
Arferion ar y Safle a Mesur
Dysgwch am elfennau sylfaenol prosiectau adeiladu a strwythur a phwrpas trefniadaeth safle.
Modelu Cysyniadol a Dylunio Cynaliadwy
Dewch i ddeall rôl a chyfrifoldebau peiriannydd mewn dylunio seilwaith cynaliadwy.
Blwyddyn dau yw pan fyddwch yn dysgu sut i gymhwyso eich gwybodaeth drwy gyfres o fodiwlau sy'n cwmpasu pynciau peirianneg gan gynnwys strwythurau a hydroleg.
Dadansoddi a Dylunio Strwythurol 2
Atgyfnerthu ac ehangu ar hanfodion dadansoddi a dylunio strwythurol integredig.
Geodechneg a Hydroleg
Dysgwch am egwyddorion mecaneg a daeareg pridd a'u cymhwyso mewn sefyllfaoedd ymarferol.
Dulliau Dadansoddol a Hydrolig
Deall ymddygiad a mesuriadau llif hylifau a datrys problemau peirianneg sifil uwch.
Dylunio Cynaliadwy
Gwerthfawrogi a deall protocolau rhyngwladol a deddfau amgylcheddol sy'n ymwneud â datblygu cynaliadwy.
Ymarfer Peirianneg Sifil
Deall y broses o gymhwyso cynllunio i beirianneg sifil a'r dulliau a ddefnyddiwyd.
Peirianneg, Mesur a Dylunio Priffyrdd
Datblygu sgiliau ac ymwybyddiaeth o'r cyfarpar a'r technegau diweddaraf wrth fesur.
Yn eich blwyddyn olaf, byddwch yn atgyfnerthu eich dysgu gyda chyfres o brosiectau sydd wedi'u dylunio i brofi eich sgiliau a'ch gwybodaeth. Byddwch yn cwblhau prosiect unigol, prosiect integredig a phrosiect ar reoli peirianneg sifil.
Prosiect Unigol
Cynnal ymchwiliad unigol manwl i bwnc penodol.
Prosiect Integredig
Astudio effaith prosiectau adeiladu ar yr amgylchedd a dod i ddeall cynaliadwyedd ym maes adeiladu.
Dadansoddi a Dylunio Strwythurol 3
Dadansoddwch strwythurau sy'n bodoli at ddibenion adnewyddu a strwythurau cysyniadol at ddibenion cynaliadwyedd.
Peirianneg Geodechnegol
Dehongli a dadansoddi damcaniaeth geodechnegol a data a gymhwyswyd i broblemau dylunio ac adeiladu ymarferol.
Rheolaeth Amgylcheddol a Chludiant Cynaliadwy
Ystyriwch dechnoleg a chymdeithaseg gwella a rheoli'r amgylchedd.
Rheolaeth a Busnes Peirianneg Sifil
Datblygwch a chymhwyswch dechnegau arfer gorau mewn rheoli adeiladu
Uchafbwyntiau'r Cwrs
Sut byddwch chi'n dysgu
Pan ddaw hi i beirianneg sifil, mae angen i chi brofi'r hyn a ddysgwyd gennych y tu allan i'r ystafell ddosbarth. Dyna pam rydym yn cyfuno'r gwaith o addysgu damcaniaeth gyda chyfleoedd ymarferol i gymhwyso eich gwybodaeth. Gan ddefnyddio adnoddau ymroddedig y Brifysgol, profiad gwaith a thripiau maes, byddwch yn cwblhau tasgau a phrosiectau ymarferol. Byddwch hefyd yn cael mynediad i'r ymchwil ddiweddaraf a wnaed gan Ganolfan Ymchwil Peirianneg y Brifysgol. Rydym yn cydweithio'n lleol, yn genedlaethol ac yn rhyngwladol gyda phartneriaid o ddiwydiant ac academia. Mae'r asesiadau'n cynnwys aseiniadau, gwaith cwrs, profion dosbarth, cyflwyniadau ac arholiadau.
/prod01/channel_2/media/university-of-south-wales/site-assets/images/08-subjects/engineering-civil/subject-civil-engineering-students42864.jpg)
Staff addysgu
Mae ein tîm addysgu yn dod o gymysgedd o ddiwydiant ac academia. Dim ots ble y gallech freuddwydio am weithio yn y dyfodol, bydd gan rywun yn ein cyfadran gysylltiad yno.
Mae cymysgedd sgiliau ein darlithwyr yn helaeth. Mae ein profiad cyfunol yn cynnwys cynnal gwaith ymchwil, cyflwyno mewn cynadleddau, cyhoeddi eu gwaith a hysbysu eich astudiaethau gyda'r mewnwelediadau diweddaraf. Byddwch hefyd yn elwa ar siaradwyr gwadd o'r byd peirianneg.
/prod01/channel_2/media/university-of-south-wales/site-assets/images/04-profiles/45-university-staff/profile-academic-staff-engineering-civil-engineering-luan-al-haddad-39957.jpg)
Lleoliadau
Os ydych yn cwblhau'r cwrs yn llawn amser, rydym yn eich annog yn gryf i gymryd blwyddyn o leoliad gwaith rhwng blynyddoedd dau a thri eich astudiaethau. Bydd cael y cyfle i ddysgu wrth weithio, profi'r hyn a ddysgwyd gennych a meithrin dealltwriaeth o'r heriau y mae'r rhai sy'n gweithio ym maes peirianneg sifil yn eu hwynebu, yn eich rhoi chi mewn sefyllfa dda i ddatblygu eich prosiect unigol a gorffen eich astudiaethau wrth eich helpu i ddatblygu eich sgiliau ar gyfer bywyd ar ôl y brifysgol. Mae ein myfyrwyr rhan amser yn cael y budd o weithio mewn cwmnïau peirianneg a gallant gymhwyso'r sgiliau hyn yn y gwaith.
/prod01/channel_2/media/university-of-south-wales/site-assets/images/08-subjects/engineering-civil/subject-civil-engineering-student-42882.jpg)
Cyfleusterau
Mae'r peiriannau diweddaraf gyda chymorth cyfrifiadur ac a reoleiddir wedi eu darparu yn ein labordai peirianneg sifil. Dros y ddwy flynedd nesaf, cewch gyfle i fod yn rhan o brosiect strwythurol byw wrth i ni adeiladu datblygiad Cyfrifiadura, Peirianneg a Thechnoleg newydd Prifysgol De Cymru. Bydd yn cynnwys lleoedd addysgu, dysgu ac ymchwil arloesol, a chewch gyfle i ddod â'ch profiad fel myfyriwr a'ch gwybodaeth dechnegol newydd ei chaffael i'r datblygiad.
Byddwn hefyd yn mynd â'n myfyrwyr y tu hwnt i ffiniau campws Prifysgol De Cymru, gan ddefnyddio tripiau maes, ymweliadau â safleoedd a lleoliadau diwydiant er mwyn gwella ac ymgorffori eich dysgu.
/prod01/channel_2/media/university-of-south-wales/site-assets/images/01-campus-and-facilities/16-pontypridd-facilities/161-treforest-facilities/campus-facilities-treforest-civil-engineering-26877.jpg)
-1.png){kind=logo}
-2.png){kind=logo}
-3.png){kind=logo}
-4.png){kind=logo}
/prod01/channel_2/media/university-of-south-wales/site-assets/images/04-profiles/45-university-staff/profile-academic-staff-engineering-civil-engineering-joanne-thomas-39949-1.jpg)
Mae cyrsiau Peirianneg Sifil ym Mhrifysgol De Cymru ar y brig yng Nghymru o ran boddhad myfyrwyr.
Arolwg Cenedlaethol o Fyfyrwyr 2024/prod01/channel_2/media/event-graduation-cardiff-28660-857X857.jpg)
/prod01/channel_2/media/campus-spaces-newport-library-27717-857X857.jpg)
/prod01/channel_2/media/campus-spaces-newport-library-27766-785X785.jpg)
/prod01/channel_2/media/university-of-south-wales/site-assets/images/07-student-life/71-study-spaces/student-life-study-spaces-newport-27770-1-785X785.jpg)
/prod01/channel_2/media/university-of-south-wales/site-assets/images/04-profiles/other/Ngozi-Blessing-Orji-Chukwu-cutout-5.png)
Gofynion mynediad
pwynt tariff UCAS: 96
Gofynion cymhwyster nodweddiadol:
- Lefel A: CCC i gynnwys Mathemateg neu bwnc rhifol fel Ffiseg, Cemeg, Bioleg neu Ddaearyddiaeth
- Bagloriaeth Cymru: Bagloriaeth Sgiliau Uwch Cymru Gradd C a CC ar gyfer Lefel A i gynnwys Mathemateg neu bwnc rhifog fel Ffiseg, Cemeg, Bioleg neu Ddaearyddiaeth
- Gofynion Gwyddoniaeth: Bydd angen i ymgeiswyr sy'n sefyll Gwyddoniaeth Lefel A yn Lloegr basio'r elfen ymarferol ochr yn ochr â chyflawni'r radd(au) y gofynnwyd amdani
- BTEC: Diploma Estynedig BTEC Teilyngdod Teilyngdod mewn pwnc perthnasol Mathemateg, Gwyddoniaeth neu Beirianneg
- Mynediad i AU: Pasio Diploma Mynediad i AU mewn Mathemateg, Gwyddoniaeth neu Beirianneg a chael o leiaf 96 pwynt tariff UCAS
- Safon T: Pasio (C ac uwch)
Gofynion ychwanegol:
Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol.
Cynigion cyd-destunol
Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.
Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.
Rydym yma i helpu
P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.
Ffioedd a Chyllid
£9,535
fesul blwyddyn*£9,535
fesul blwyddyn*£785
fesul blwyddyn*£16,200
fesul blwyddyn*£16,200
fesul blwyddyn*Costau Ychwanegol
Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.
/prod01/channel_2/media/university-of-south-wales/site-assets/images/08-subjects/stem/comet-building-west-view-entrance.jpg)
Cyflwyno Calon
Rydym yn buddsoddi yn nyfodol STEM yn PDC gyda datblygiad Cyfrifiadureg, Mathemateg, Peirianneg a Thechnoleg cyffrous newydd ar Gampws Pontypridd.
Sicrwydd Ansawdd Brifysgol
Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.
Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.
Sut i Wneud Cais
Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).
- Medi 2025 Llawn Amser
- Medi 2025 Rhan-amser
- Medi 2025 Gyda Blwyddyn Ryngosod
- Medi 2026 Llawn Amser
- Medi 2026 Gyda Blwyddyn Ryngosod
- Medi 2026 Rhan-amser
Mynediad uwch
Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.
Derbyniadau rhyngwladol
Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.
Weithio, Ennill a Dysgu!
Mae'r cwrs hwn hefyd ar gael trwy Network75, llwybr gwaith ac astudio cyfun.
Dysgwch fwy
